Sambhaji Bhide: स्वातंत्र्यदिन आणि राष्ट्रगीताचा अपमान करणाऱ्या संभाजी भिडेंवर राष्ट्रद्रोहाचा गुन्हा दाखल करा; काँग्रेसची मागणी
K Chandrashekar Rao Live Updates : तेलंगणाचे मुख्यमंत्री के. चंद्रशेखर राव यांनी आज पंढरपूरमध्ये श्री विठ्ठल रुक्मिणीचे दर्शन घेतले. त्यानंर सरकोलीत त्यांची जाहीर सभा झाली.
Bhagirath bhalke : मोहोळचा पोपट बराच बोलालय. उद्यापासून त्यांना भालके काय आहे ते दाखवतो असे म्हणत भगीरथ भालकेंनी राष्ट्रवादी प्रवक्ते उमेश पाटील यांच्यावर टीका केली.
Bhagirath bhalke : मंगळवेढा मतदारसंघाचे दिवंगत माजी आमदार भारत भालके यांचे पुत्र भगीरथ भालके यांनी तेलंगणाचे मुख्यमंत्री के चंद्रशेखर राव यांच्या उपस्थितीत बीआरएसमध्ये प्रवेश केला. यावेळी भगीरथ भालके यांनी के.चंद्रशेखर राव यांनी तेलंगणात केलेल्या कार्याचे कौतुक केलं.
K Chandrashekar Rao : तेलंगणाचे मुख्यमंत्री के चंद्रशेखर राव सरकोलीत भगीरथ भालकेंच्या निवासस्थानी दाखल झाले आहेत. त्यांनी दिवंगत भारत भालके यांच्या समाधीस्थळीचे दर्शन घेतलं. त्यानंतर आता थोड्याच वेळात शेतकरी मेळाव्याला सुरुवात होणार आहे. या मेळाव्यात भगीरथ भालके BRS पक्षात जाहीर प्रवेश करणार आहेत. दरम्यान, सरकोली या सभेच्या ठिकाणी मोठ्या संख्येने भालके समर्थक उपस्थित आहेत.
K Chandrashekar Rao : तेलंगणाचे मुख्यमंत्री के चंद्रशेखर राव यांचा ताफा पंढरपुरात दाखल झाला आहे. त्यांचे याठिकाणी जोरदार स्वागत करण्यात आलं आहे.
K Chandrashekar Rao : तेलंगणाचे मुख्यमंत्री के चंद्रशेखर राव यांचा ताफा पंढरपूरच्या दिशेनं रवाना झाला आहे. त्यांच्यासोबत तेलंगणाचे संपूर्ण मंत्रीमंडळ आहे. आजच्या दिवशी ते श्री विठ्ठल रुक्मिणीचे दर्शन, त्याचबरोबर शेतकरी मेळावा, तुळजा भवानीचे दर्शन घेणार आहेत.
K Chandrashekar Rao : आम्ही विठ्ठलाच्या भक्तीसाठी इथे आलो आहोत, आम्ही राजकारणसाठी आलो नाहीत. मात्र, केवळ राजकारणासाठी आम्हाला अडवले जात असल्याचे मत तेलंगणाचे मुख्यमंत्री के चंद्रशेखर राव यांनी व्यक्त केलं.
पार्श्वभूमी
CM K Chandrashekar Rao Live Updates : तेलंगणाचे मुख्यमंत्री के. चंद्रशेखर राव हे सोलापूर दौऱ्यावर आहेत. आज ते आणखी पंढरपूरमध्ये श्री विठ्ठल रुक्मिणीचे दर्शन घेणार आहेत. ते त्यांच्या संपूर्ण मंत्रीमंडळासह पंढरपूरच्या दिशेनं रवाना झालं आहेत. मात्र, फक्त के. चंद्रशेखर राव यांनाच व्हीआयपी दर्शन मिळणार असून त्याच्यासोबत आलेल्या इतर मंत्री, आमदार, खासदारांना सोडण्यात येणार नसल्याचं मंदिर प्रशासना स्पष्ट केलं आहे. आषाढी वारी सुरू असल्याने व्हीआयपी दर्शन व्यवस्था बंद आहे, त्यामुळे हा निर्णय घेतला असल्याचं मंदिर समिती सहअध्यक्ष गहिनीनाथ महाराज औसेकर यांनी सांगितले.
तेलंगणाचे मुख्यमंत्री के. चंद्रशेखर राव हे त्यांच्या 600 गाड्यांच्या ताफ्यासह, आमदार-खासदार आणि मंत्र्यांसह आज सोलापुरात दाखल झाले आहेत. हे सगळेजण मंगळवारी सकाळी पंढरपूरच्या विठ्ठल मंदिराचं दर्शन घेणार आहेत. चंद्रशेखर यांच्या सोबत त्यांच्या मंत्रिमंडळातील सर्व सहकारी, त्यांच्या सर्व आमदार आणि खासदार तसेच पक्षाचे प्रमुख पदाधिकारी आहेत. या सर्वांना व्हिआयपी दर्शन देता येणं शक्य होणार नाही असं मंदिर प्रशासनाने सांगितलं आहे.
पंढरपूरच्या आषाढी वारीच्या निमित्ताने लाखो वारकरी हे शेकडो किलोमीटर चालून विठ्ठलाच्या दर्शनाला येतात. अशावेळी व्हीआयपी दर्शनामुळे त्यांच्या दर्शनामध्ये खोळंबा होतो. त्यामुळे यंदापासून व्हीआयपी दर्शन बंद करण्याचा निर्णय घेण्यात आला आहे. त्यामुळेच आता केवळ तेलंगणाचे मुख्यमंत्री केसीआर यांनाच व्हीआयपी दर्शन देण्यात येणार असून आमदार आणि खासदार तसेच मंत्र्यांना सर्वसमान्यांच्या रांगेतून दर्शन घ्यावं लागणार आहे.
राजशिष्टाचारानुसार एखादा राज्याचा मुख्यमंत्री, गृहमंत्री, मंत्री येत असताना त्याला व्हीआयपी ट्रीटमेंट देणे गरजेचे असते, मात्र केवळ राजकारणापोटी केसीआर यांच्या सहकाऱ्यांना व्हीआयपी परवानगी नाकारण्यात आली आहे असा आरोप बीआरएस पक्षाकडून करण्यात येत आहे.
- - - - - - - - - Advertisement - - - - - - - - -