Maharashtra LIVE Updates: धाराशिव जिल्हा परिषद सत्ता स्थापनेचा शिवसेना-भाजपमधील पेच सुटणार?
Maharashtra LIVE Updates: देश-विदेशातील महत्त्वाच्या घडामोडींचे अपडेट्स एका क्लिकवर...
पार्श्वभूमी
Maharashtra LIVE Updates: देश-विदेशातील महत्त्वाच्या घडामोडींचे अपडेट्स एका क्लिकवर...धक्कादायक! बायकोच्या व्हाट्सअपवर स्टेटसवर एकाने केली अश्लील कमेंट, जाब विचारायला गेलेल्या पतीची हत्यामुंबईच्या नालासोपाऱ्यात धक्कादायक घटना घडली आहे. बायकोच्या व्हाट्सअप स्टेटसवर अश्लील...More
अमरावती मनपात कचऱ्याच्या मुद्द्यावर आज विशेष सर्वसाधारण सभा
मनपा सभागृहाचे विरोधी पक्षनेते विलास इंगोले तंबाखू खात असल्याचा व्हिडिओ कैद..
अमरावती शहरातील कचरा प्रश्नावर महानगरपालिकेच्या विशेष सर्वसाधारण सभेत गंभीर चर्चा सुरू असताना काँग्रेसचे नेते तथा मनपा सभागृहाचे विरोधी पक्षनेते विलास इंगोले तंबाखू खात असल्याचा व्हिडिओ कैद...
सभागृहात विरोधी पक्ष नेत्यांनी तंबाखू खाल्ल्याने सभागृहाच्या शिस्तीवर प्रश्नचिन्ह निर्माण...
आज अमरावती महानगरपालिकेत मुद्द्यावर सर्वसाधारण सभा सुरू आहे...
अहिल्यानगर : शहरातील मुकुंदनगर परिसरातील दर्गा दायरा भागात तीन वर्षीय जयान सय्यद या चिमुकल्यावर भटक्या कुत्र्यांनी हल्ला केल्याची धक्कादायक घटना घडली. ही घटना काल संध्याकाळच्या सुमारास घडली असून त्याचा CCTV व्हिडिओ समोर आला आहे. व्हिडिओमध्ये चिमुकला घरासमोर खेळत असताना अचानक तीन ते चार भटक्या कुत्र्यांनी त्याच्यावर झडप घातल्याचे दिसत आहे. सुदैवाने, वेळीच पालक आणि स्थानिकांनी धाव घेतल्यामुळे मोठा अनर्थ टळला. दरम्यान, नगर शहरात भटक्या कुत्र्यांचा वावर वाढल्याची तक्रार नागरिकांकडून करण्यात येत आहे. दोन दिवसांपूर्वीही एका तीन वर्षीय चिमुकलीवर अशाच प्रकारचा हल्ला झाल्याची घटना घडली होती. या पार्श्वभूमीवर महापालिका प्रशासनाने तातडीने भटक्या कुत्र्यांचा बंदोबस्त करावा, अशी जोरदार मागणी नगरकरांकडून करण्यात येत आहे.
धाराशिव जिल्हा परिषद सत्ता स्थापनेचा शिवसेना-भाजपमधील पेच सुटणार?
भाजप सोबत सहलीवर गेलेले शिवसेनेचे दोन सदस्य घेऊन भाजप आमदार राणाजगजीतसिंह पाटील उपमुख्यमंत्री एकनाथ शिंदे यांच्या भेटीला
पालकमंत्री प्रताप सरनाईक, शिवसेनेचे संपर्कमंत्री राजन साळवींची ही भेटीवेळी उपस्थिती
तसेच बंडखोरी करत अपक्ष निवडणूक आलेले आमदार तानाजी सावंत यांचे पुतणे धनंजय सावंतही उपमुख्यमंत्री एकनाथ शिंदे यांच्या भेटीला
भेटीवेळी धाराशिव मधील शिवसेनेचे माजी आमदार ज्ञानराज चौगुलेही हजर
शिवसेनेतील तानाजी सावंत गटाकडून दोन जिल्हा परिषद सदस्य भाजपच्या गोठात असल्याबद्दल नोंदवला होता आक्षेप, त्या दोन्ही सदस्यांनी घेतली उपमुख्यमंत्री एकनाथ शिंदे यांची भेट
धाराशिव मधील पंचायत समितीच्या सभापती निवड अगोदर होणार, त्यानंतर जिल्हा परिषद अध्यक्ष बाबत अंतिम निर्णय होणार असल्याची माहिती
जिल्हा प्रशासनाकडून जाहीर केलेल्या कार्यक्रमानुसार सहा मार्चला पंचायत समिती सभापती निवड, तर 13 मार्च जिल्हा परिषद अध्यक्ष निवडीसाठी बैठक
सत्ता स्थापनेत शिवसेना आमदार तानाजी सावंत यांची भूमिका काय असणाऱ्या कडे लक्ष
चंद्रपूर : कापूस वेचायला गेलेल्या शेतमजूर महिलेचा वाघाच्या हल्ल्यात मृत्यू... मूल तालुक्यातील आदर्शखेडा गावाजवळील शेतशिवारातील ही घटना असून सुनीता शामराव भोयर (४५) असं मृतक मजूर महिलेचं नाव, मारोडा येथील रहिवासी असलेली ही महिला आज सकाळी रोजंदारीने कापूस वेचण्यासाठी गेली होती शेतात, याच दरम्यान दबा धरून बसलेल्या वाघाने अचानक केला हल्ला, घटनेची माहिती मिळताच वनविभाग आणि पोलीस विभागाचे कर्मचारी पोचले घटनास्थळी, मात्र या घटनेमुळे ग्रामस्थ संतप्त असून वाघाच्या बंदोबस्ताची केली आहे मागणी, गेल्या दोन दिवसात जिल्ह्यात वाघाच्या हल्ल्यात 2 महिलांचे मृत्यू
शेतात मशागत करताना नागरासह बैलजोडी थेट विहीरीत पडून मृत्युमुखी पडल्याची घटना नाशिकच्या सटाणा तालुक्यातील बिजोटे गावात घडली.सुदैवाने शेतकरी बचावाला.मात्र बैलजोडी ठार झाल्याने अल्पभूधारक शेतकऱ्यांचे मोठे नुकसान झाले.जेसीबीच्या सहायाने बैलजोडी वर काढण्यात आली.
चिपळूणमधील सावर्डेत शिमगोत्सवावरून वाद पेटला..
हजारो ग्रामस्थांची सावर्डे पोलीस स्थानाकावर धडक..
देवस्थानाच्या वादातून गावांत ऐन शिमगोत्सवात दोन गट पडल्याने उत्सवावर कारवाईचे सावट..
राजकीय हस्तक्षेपतून सावर्डेत वाद निर्माण केल्याचा ग्रामस्थांचा आरोप..
ठराविक समाजाकडून इत्तर समाजाला डावलल्याचा जाणीव पूर्वक प्रयत्न होत असल्याचा ग्रामस्थांचा आरोप..
वाढता वाद पाहून पोलीस प्रशासनाकडून सावर्डेत जमावबंदी लागू करण्याच्या तयारीत. आज माध्यरात्रीपासून सावर्डे गावात 144 कलम लागण्याची चिन्हे
अमेरिका आणि इस्रायलचा इराणवर हल्ला
इस्रायलने इराणवर मारा केल्याच्या वृत्ताला आयडीएफची पुष्टी
इस्रायलच्या संरक्षणमंत्र्यांकडूनही इराणवर हल्ल्यांना पुष्टी
तेहरानमध्ये स्फोटांचे आवाज, एपी वृत्तसंस्थेची माहिती
तेहरानमध्ये हवाई हल्ल्याचे सायरन वाजण्याचे सुरूवात
बार्शी तालुक्यातील कुसळंब येथील गोळीबार प्रकरण, बार्शी तालुका पोलिसांनी पाच तासात तीन आरोपींना घेतलं ताब्यात
पत्नीला मेसेज का केला या वादावरून पतीने दोन साथीदारांसह पत्नीच्या मित्राला लोखंडी रॉडने मारहाण करत गोळीबार केला होता.
बाळासाहेब उकिरडे यांच्यावर भर दिवसा गोळीबार करत दहशत माजवण्याचा प्रयत्न करून आरोपी कर्जतच्या दिशेने फरार झाल्याची माहिती पोलिसांना मिळाली.
बार्शी तालुका ग्रामीण पथकाने तातडीने पाठलाग करून संशयित तिघाजणांना ताब्यात घेतले
याप्रकरणी आरोपी योगेश मोरे, राहुल गायकवाड, रोशन पिसाळ असे अटक केलेल्या संशयित आरोपींची नावे आहेत
आरोपींकडून एक पिस्तूल, जिवंत काडतूस, दोन लोखंडी गज, एक कोयता आणि एक कार जप्त करण्यात आली आहे.
बार्शी न्यायालयाने तिन्ही आरोपींना तीन दिवसाची पोलीस कोठडी सुनावण्यात आली आहे
सोलापूरच्या कृषी उत्पन्न बाजार समितीमध्ये कांद्याचे दर घसरले
उच्च दर्जाच्या कांद्याला देखील अवघे 8 ते 10 रुपये भाव मिळाल्याने कांदा उत्पादक शेतकरी आक्रमक
सोलापूरच्या कृषी उत्पन्न बाजार समितीसमोर शेतकऱ्यांनी रास्ता रोको करत केला निषेध
या रास्ता रोको आंदोलनामुळे हैद्राबाद-सोलापूर आणि सोलापूर पुणे राष्ट्रीय महामार्गवरील वाहतूक काही वेळ रोखण्यात आली
मात्र पोलिसांच्या मध्यस्तीनंतर पुन्हा एकदा कांद्याचे लिलाव सुरु झालेत
मात्र आज देखील सोलापूरच्या बाजारात कांद्याला भाव कमीच असल्याने शेतकरी संताप व्यक्त करतायत
सोलापूरच्या कृषी उत्पन्न बाजार समितीमध्ये कांदा उत्पादक शेतकरी काय म्हणतायत,
पिंपरी चिंचवड शहरातील वर्दळीचा भाग असलेल्या डांगे चौक परिसरात काल रात्री एका मद्यधुंद रिक्षाचालकाने चांगलाच धुमाकूळ घातला. रस्त्याच्या मध्यभागी रिक्षा आडवी लावून त्याने सुमारे अर्धा तास गोंधळ घातल्याने परिसरात वाहतुकीची मोठी कोंडी झाली होती.
मिळालेल्या माहितीनुसार, डांगे चौकातील महाराजा हॉटेलसमोर ही घटना घडली. संबंधित रिक्षाचालक दारूच्या नशेत पूर्णपणे धुंद होता. त्याने आपली रिक्षा रस्त्यात उभी करून येणाऱ्या-जाणाऱ्या नागरिकांना आणि इतर वाहनधारकांना अडथळा निर्माण केला. या प्रकारामुळे नागरिकांना नाहक मनस्ताप सहन करावा लागला. भररस्त्यात सुरू असलेला हा हायव्होल्टेज ड्रामा पाहून बघ्यांचीही मोठी गर्दी जमली होती. तब्बल अर्ध्या तासानंतर या गोंधळामुळे वाहतूक विस्कळीत झाली होती. आता सार्वजनिक ठिकाणी गोंधळ घालून नागरिकांना वेठीस धरणाऱ्या या मद्यधुंद चालकावर पिंपरी-चिंचवड वाहतूक पोलीस नेमकी काय कारवाई करणार, याकडे सर्वांचे लक्ष लागले आहे.
- दोन वेगवेगळ्या कारवाईत तब्बल 1,251 किलो गांजा जप्त, डीआरआयची नागपूर कार्यालयाची कारवाई
- जप्त करण्यात आलेल्या गांजाची एकूण किंमत सुमारे 6 कोटी 25 लाख रुपये एवढी आहे
- ओडिशा ते मध्य भारत तस्करी करणाऱ्या रॅकेटचा पर्दाफाश, म्होरक्यासह चौघांना केली अटक
- आंध्र प्रदेश वरून मध्य प्रदेशाच्या सीमेवर जाणाऱ्या एका बोलेरो वाहनातून 729 किलो गांजा जप्त, हा गांजा आल्यामध्ये लपवून ठेवला होता
- तर भागीमहारी पथकर नाक्यावर ओडीशा मधून आलेल्या एका ट्रक मधून 522 किलो गांजा डीआरआय
- बदलापूर येथील कथित स्त्री बीज तस्करी रॅकेटचे धागेदोरे नाशिकपर्यंत
- नाशिक मनपाकडून मुंबई नाका परिसरातील मालती आयव्हिएफ सेंटरची तपासणी
- संबंधित कागदपत्रे ताब्यात घेत लेखी खुलासा करण्यासाठी बजावली नोटीस
- एका महिलेचा अनेकवेळा बीज दान आणि लाखो रुपयांना तो विक्री केल्याचा आहे संशय
- सखोल चौकशीनंतर पुढील कारवाई काय होते याकडं लक्ष
बदलापूर स्त्री बीज विक्री प्रकरणात धक्कादायक खुलासे
एका महिलेकडून एकदा नाही तर अनेक वेळा स्त्री बीज काढण्यात आल्याची सूत्रांची माहिती, एका महिलेकडून १० ते १२ वेळेस स्त्री बीज कढल्याचे देखील तपासात आले समोर
कायदेशीर रित्या एका महिलेकडून एकदाच स्त्री बीज काढण्यात येते, मात्र एकाच महिलेकडून वारंवार स्त्री बीज घेतल्यास ते बेकायदेशीर तर आहेच पण धोकादायक देखील आहे,
या स्त्री बीज देणाऱ्या महिलांना पैसे किती देण्यात यायचे ते देखील आले समोर,
एका महिलेला १८ ते २५ हजार रुपये या स्त्री बीज विक्रीतून मिळायचे, अशी सूत्रांची माहिती
केवळ महाराष्ट्रात नाही तर स्त्री ब्रिज तयार झाले हे सोनोग्राफीत सिध्द झाल्यानंतर बाहेरील राज्यात त्या महिलेला पाठवून, तिचे बनवत कागदपत्रे बनवून तिचे स्त्री बीज काढण्यात येऊन त्याची विक्री करण्यात यायची
अज्ञात वाहनाच्या धडकेत बिबट्या जागीच ठार झाल्याची घटना मनमाड - अहिल्याननगर महामार्गावर अनकवाडे गावाजवळ पहाटेच्या सुमारास घडली.गस्त घालीत असलेल्या पोलिसांना ही बाब निदर्शनास येताच त्यांनी वनविभागाला घटनेची माहिती देताच वन विभागाचे अधिकारी व कर्मचाऱ्यांनी तत्काळ घटनास्थळी धाव घेत मृत बिबट्याचे शव विच्छेदन करून त्यास निफाड रोपवाटिकेत पाठविण्यात आले..अंदाजे 6 ते 7 वर्ष वयाच्या नर जातीचा बिबट्या असून रस्ता ओलांडताना ही दुर्घटना घडली असल्याचा अंदाज वनविभागाने वर्तविला आहे..
सांस्कृतिक मंत्री आशिष शेलार शरद पवारांच्या भेटीला
ब्रीचकॅण्डी रुग्णालयात शरद पवार यांची भेट घेणार
राष्ट्रवादी कांग्रेसचे ज्येष्ठ नेते शरद पवार ब्रीचकॅण्डी रुग्णालयात
तब्येतीची विचारपूस करण्यासाठी शेलार ब्रीच कॅण्डी रुग्णालयात
महाराष्ट्र भाजपने बोलावली महत्त्वाची बैठक
भाजपच्या नवनिर्वाचित प्रदेश कार्यकारिणीची उद्या पहिली बैठक
प्रदेशाध्यक्ष रविंद्र चव्हाणांच्या अध्यक्षतेखाली पार पडणार पहिली बैठक ; प्रदेशाध्यक्ष नवनियुक्त पदाधिकाऱ्यांशी साधणार संवाद
प्रदेश मुख्यालयात सकाळी ८ः३० वाजता बैठकीचे आयोजन
कार्यकारिणीतील प्रत्येक सदस्याला काही ठराविक विधानसभा मतदारसंघांची जबाबदारी दिली जाणार
पदाधिकाऱ्यांना दौरे करण्याच्याही सूचना दिल्या जाण्याची शक्यता
पदाधिकारी निवडीनंतर कार्यकारिणीच्या कामकाजासह, पक्षाची ध्येयधोरणे व इतर बाबींवर होणार चर्चा
कल्याण-डोंबिवली महानगरपालिकेच्या बांधकाम विभागात जागेच्या फाईलवरून काँग्रेस प्रदेश सरचिटणीस नवीन सिंग आणि एका महिलेतील वाद चांगलाच चिघळला.अधिकाऱ्यांसोबत चर्चा सुरू असताना नवीन सिंग स्वतः फाईल काढत असल्याची शंका घेत महिलेने मोबाईलवर व्हिडिओ चित्रीकरण सुरू केले. तर “परवानगी न घेता व्हिडिओ का काढता?” असा सवाल करत नवीन सिंग यांनी आक्षेप घेतल्याने दोघांमध्ये जोरदार वाद झाला अधिकाऱ्यांच्या कार्यालयातच दोघांमध्ये तब्बल अर्धा तास शाब्दिक खडाजंगी झाली असून या प्रकाराचा व्हिडिओ सोशल मीडियावर व्हायरल झाला आहे. फाईल गहाळ झाल्याचा आणि मोबदला न मिळाल्याचा महिलेचा आरोप आहे, तर नवीन सिंग यांनी फेटाळत जागा रीतसर खरेदी करून 58 लाख रुपये दिल्याचा दावा करत 50 लाख आणि फ्लॅट ची महिला मागणी करत असल्याचा आरोप केला आहे . या गोंधळ नंतर नवीन सिंग यांनी शिवीगाळ केल्याचा आरोप करत महिलेने बाजारपेठ पोलीस ठाण्यात तक्रार दाखल केली आहे तर दुसरीकडे व्हिडिओ व्हायरल केल्याने मानहानीचा जावा महिलेच्या विरोधात त करणार असल्याचे नवीन सिंग यांनी स्पष्ट केले आहे सध्या पोलिसांचा तपास सुरू आहे
भंडारा जिल्ह्याला गेल्यावर्षी जून ते सप्टेंबर या चार महिन्यांच्या कालावधीत नैसर्गिक आपत्तीचा मोठा सामना करावा लागला. अवकाळी पाऊस, अतिवृष्टी व पुरामुळे जिल्ह्यातील हजारो शेतकऱ्यांचे पिकं मातीमोल झाली होती. या संकट काळातून सावरण्यासाठी शासनानं भंडारा जिल्ह्यासाठी १४ कोटी ८७ लाखांचा निधी मंजूर केला होता. यापैकी १० कोटी ४८ लाखांचा निधी आतापर्यंत शेतकऱ्यांच्या खात्यात थेट जमा करण्यात आला आहे. २७ हजार ३०२ शेतकऱ्यांच्या ९ हजार हेक्टर क्षेत्रावरील शेतीपिकांचं नुकसान झालं होतं. यामध्ये भात, सोयाबीन, कापूस, तूर, हळद, केळी आणि भाजीपाला या प्रमुख पिकांचा समावेश आहे. ज्या शेतकऱ्यांचे पैसे तांत्रिक कारणांमुळे अडकले आहेत, त्यांनी त्वरित जवळच्या केंद्रावर किंवा बँक खात्याशी संपर्क साधून ई-केवायसी प्रक्रिया पूर्ण करून घ्यावी, असं आवाहन जिल्हा प्रशासनानं केलं आहे.
मुलुंड मेट्रो दुर्घटने प्रकरणी मुंबई उच्च न्यायालयात जनहित याचिका दाखल
१४ फेब्रुवारीला मुलुंड येथे निर्माणधीन मेट्रोचा स्लॅब कोसळून एकाचा मृत्यू तर अन्य तिघे जखमी झाले होते
सर्व निर्माणाधीन मेट्रो कॉरिडॉरचे स्ट्रक्चरल सेफ्टी ऑडिट करण्याची याचिकेत मागणी
अ‍ॅडव्होकेट रुजू ठक्कर यांनी दाखल केली याचिका
मुंबईतील सगळ्या मेट्रो बांधकाम स्थळांचे स्वतंत्र तृतीय-पक्ष सुरक्षा ऑडिट करण्याचे निर्देश देण्याची याचिकेत मागणी
एमएमआरडीएने 14 फेब्रुवारीला झालेल्या अपघाताचा चौकशी अहवाल उच्च न्यायालयात सादर करावा
जबाबदार कंत्राटदाराला काळ्या यादीत का टाकलं नाही? याचं उत्तर द्यावं
या घटनेत मृत्युमुखी पडलेल्या पीडिताच्या कुटुंबाला व जखमींना नेमकी किती नुकसानभरपाई दिली?, याची माहिती प्रशासनानं सादर करावी
पुढील आठवड्यात सुनावणी होण्याची शक्यता
ग्रामीण संस्कृतीची परंपरा जपत पर्यावरण संरक्षणाचा नवा संकल्प साकारण्यासाठी यवतमाळच्या दिग्रस तालुक्यातील मांडवा येथे पुण्यश्लोक अहिल्यादेवी होळकर बहुउद्देशीय संस्था यांच्या संयुक्त विद्यमाने पर्यावरणपूरक होळी निमित्त चाकोली बनवा स्पर्धा व ‘प्लास्टिक निर्मूलन स्पर्धेचे आयोजन करण्यात आले. नवा संकल्प, नवा ध्यास पर्यावरणपूरक होळी करू खास या प्रेरणादायी संदेशातून यंदा मांडवा ग्रामस्थांनी प्लास्टिकमुक्त व स्वच्छ गावाचा संकल्प हाती घेतला आहे. गाव परिसरातील प्लास्टिक संकलित करून स्वच्छता व पर्यावरण संवर्धनाबाबत व्यापक जनजागृती करण्यात येणार असून या उपक्रमात शालेय विद्यार्थी, युवक तसेच ज्येष्ठ नागरिकांना वैयक्तिक किंवा गटाने सहभागी होता येणार आहे.
सातारा - सातारा नगर परिषदच्या पहिल्याच सभेत महिला नगरसेविका सावित्री बडेकर यांनी मुख्याधिकारी विनोद जळक यांच्यावर धक्काबुक्की केल्याचा गंभीर आरोप केल्याने सभागृहात एकच खळबळ उडाली होती.या प्रकरणाची चौकशी करून संबंधितांवर गुन्हा दाखल करण्यात यावा, अशी मागणी बडेकर यांनी सभागृहात केली होती.मुख्याधिकाऱ्यांनी त्यांच्याशी अयोग्य वर्तन करत धक्काबुक्की केली असा आरोप त्यांनी केला होता त्यानंतर नगराध्यक्ष अमोल मोहिते यांनी चौकशीचे आदेश दिले होते.मात्र या घटनेचा सीसीटीव्ही व्हिडिओ समोर आल आहे.या व्हिडिओ मध्ये नगरसेविका सावित्री बडेकर यांनीच मुख्याधिकारी विनोद जळक यांच्या केबिन चा दरवाजात खुर्ची ठेवून त्यांना नगरपालिकेच्या सभेला जाण्यापासून अडवून ठेवले होते.कोणत्याही प्रकारची धक्काबुक्की मुख्याधिकारी यांनी केलेली नाही हे व्हिडिओ मधून समोर आले आहे.मात्र नगरसेविका सावित्री बडेकर यांनी हा बनाव केल्याचे समोर आले आहे त्यामुळे नगरसेविकेवर कारवाई होणार का? असा सवाल उपस्थित केला जातो आहे.
Pimpri-Chinchwad Police : पिंपरी- चिंचवडमध्ये कर्कश्य आवाज करणाऱ्या बुलेट चालकांवर वाहतूक विभागाने मोठी धडक कारवाई केली आहे. पिंपरी- चिंचवड पोलीस आयुक्तालय अंतर्गत वाहतूक शाखेकडून अवघ्या तीन दिवसांत तब्बल ४०० बुलेट चालकांवर दंडात्मक कारवाई करण्यात आली आहे. विशेष म्हणजे, नियमबाह्य आणि कर्कश्य आवाज करणारे सायलेन्सर थेट बुलडोझरखाली देत नष्ट करण्यात आले. या कारवाईमुळे बुलेट स्वारांचे चांगलेच धाबे दणाणलेत. बुलेटच्या सायलेन्सरमध्ये बदल करून ध्वनी प्रदूषण करणाऱ्यांना अजिबात पाठीशी घातले जाणार नाही. मोटार वाहन कायद्यानुसार नियमबाह्य सायलेन्सर लावणे हा दंडनीय गुन्हा असून अशा वाहनांवर पुढेही कठोर कारवाई केली जाणार आहे. याबाबत पोलीस उपायुक्त विवेक पाटील यांनी सांगितले की, शहरातील ध्वनी प्रदूषणावर नियंत्रण ठेवण्यासाठी ही मोहीम राबवण्यात आली आहे. नागरिकांनी नियमांचे पालन करावे, अन्यथा आणखी कठोर पावले उचलली जातील.
नागपूर महापालिकेत होणार मुख्यमंत्री देवेंद्र फडणवीस यांचा सत्कार....
नागपूर महानगरपालिकेच्या अमृत महोत्सवी वर्षाचे औचित्य साधून महापालिकेच्या स्थापना दिनी म्हणजेच 2 मार्च रोजी सर्व माजी महापौर माजी उपमहापौर आणि वरिष्ठ पदाधिकाऱ्यांचा सत्कार केला जाणार आहे... राज्याचे मुख्यमंत्री देवेंद्र फडणवीस हे सुद्धा नागपूरचे महापौर राहिले आहे.. त्याच मालिकेत मुख्यमंत्र्यांचाही सत्कार केला जाईल... केंद्रीय मंत्री नितीन गडकरी, महसूल मंत्री चंद्रशेखर बावनकुळे आणि महापालिकेचे विद्यमान महापौर आणि पदाधिकारी यावेळी उपस्थित राहतील...
Bhandara News : रस्ता ओलांडणाऱ्या बिबट्याला भरधाव वाहनानं जबर धडक दिली. या अपघातात बिबट्याच्या ब्रेनला गंभीर दुखापत झाली. ही घटना भंडारा - निलज मार्गावर पवनीजवळ घडली. घटनेची माहिती मिळताच मानद वन्यजीव सदस्य पंकज देशमुख हे आरआरटी पथकासह घटनास्थळी पोहोचून तातडीनं त्याला रेस्क्यू करत नागपूरच्या गोरेवाडा प्राणी संग्रहालयात त्याला हलविलं. नागपूर येथे त्याच्यावर उपचार सुरू असून हा गंभीर बिबट एक वर्ष वयाचा असून आता वनविभाग अपघातग्रस्त वाहनाचा शोध घेत आहे.
नुकतीच पार पडलेल्या अलिबाग नगरपालिकेचा निवडणूक प्रक्रियेनंतर काल पहिल्यांदाच अर्थसंकल्प सादर झाला.यंदा 160 कोटी रुपयांचा अर्थसंकल्प सत्ताधारी पक्षाकडून सादर करण्यात आल्यानंतर विरोधी बाकावर बसलेल्या ठाकरे सेनेच्या नगरसेवकांनी याला कडाडून विरोध केलाय. सादर करण्यात आलेला हा अर्थसंकल्प चुकीचा असून यावर नव्याने विचार करून तो पुन्हा सादर करण्यात यावा अशी मागणी ठाकरे सेनेचे नगरसेवक अमोल पालकर यांनी केलीय.या अर्थसंकल्प मध्ये अव्वाच्या सव्वा रक्कम दाखवण्यात आली असून काही कामांच्या दुरुस्तीकरिता मोठा खर्च दाखवून पैसे लुबाडण्याचा प्रकार झालाय या पैशांचा योग्य वापर होत नसल्याचा आरोप करत त्यांनी तीव्र नाराजगी व्यक्त केलीय. संपूर्ण अर्थसंकल्पच नव्याने सादर करण्याची त्यांनी यावेळी मागणी केलीय.
नांदेड शहरात चैन स्नॅचिंगच्या घटनात वाढ होत असून काल गुरुवारी सायंकळी एका महिलेच्या गळ्यातील चैन ओरबाडून चोरट्यानी दुचाकीवरून पळ काढला. चैन स्नॅचिंगची ही घटना सिसिटीव्ही मध्ये कैद झाली. राष्ट्रवादी काँग्रेसचे प्रदेश सरचिटणीस सुनील नानवटे यांच्या पत्नी आणि मुलगा काल सायंकाळी आपल्या जय भवानी नगर मधील रोडवर सयंकाळी फिरत होते. त्याचवेळी पाठीमागून दुचाकीवरून दोन चोरटे आले. दुचाकीवर पाठीमागे बसलेल्या चोरट्याने महिलेच्या गळ्यातील चैन ओरबाडली. या महिलेने हिम्मत दाखवत चोरट्याला पकडण्याचा प्रयत्न केला पण चोरटे दुचाकीवरून पसार झाले. पाच दिवसांपूर्वीच तरोडेकर शाळेसामोरील अत्यंत राहदारीच्या मुख्य रस्त्यावरून अश्याचप्रकारे चैन स्नॅचिंग झाली होती. पुन्हा एकदा भाग्यनगर पोलीस ठाण्याच्या हद्दीतच ही घटना घडल्याने पोलीसांसमोर आव्हाण निर्माण झाले आहे.
Bhiwandi Fire : भिवंडीतील खोखा कंपाउंड परिसरात असलेल्या निलेश डाइंग कंपनीमध्ये उशिरा रात्री भीषण आग लागल्याची घटना घडली. आग अत्यंत वेगाने पसरल्याने काही वेळातच कंपनीची संपूर्ण तीन मजली इमारत आगीच्या विळख्यात सापडली.
घटनेची माहिती मिळताच भिवंडी व कल्याण येथील अग्निशमन दलाच्या ५ गाड्या घटनास्थळी दाखल झाल्या असून आग विझविण्याचे प्रयत्न युद्धपातळीवर सुरू करण्यात आले आहे. या डाइंग कंपनीत मोठ्या प्रमाणावर कच्चे कापड, धागे साठवण्यात आले असून रंगकाम करण्यात येत होते. आग लागण्याचे नेमके कारण अद्याप समोर आलेले नाही. सुदैवाने या घटनेत कोणतीही जीवितहानी झाल्याची माहिती समोर आलेली नाही. पोलीस प्रशासन व अग्निशमन दलाचे अधिकारी घटनास्थळी दाखल झाले असून आग आटोक्यात आणण्यासाठी प्रयत्न सुरू आहेत.
भिवंडीत खोका कंपाउंड परिसरात डाईंग कंपनीला लागलेली आग अजूनही सुरू असून आगीवर नियंत्रण मिळवण्याचा प्रयत्न सुरू आहेत
- मुख्यपृष्ठ
- बातम्या
- महाराष्ट्र
- Maharashtra LIVE Updates: धाराशिव जिल्हा परिषद सत्ता स्थापनेचा शिवसेना-भाजपमधील पेच सुटणार?