Maharashtra LIVE Breaking: देश-विदेशातील महत्त्वाच्या बातम्या संक्षिप्त स्वरुपात एका क्लिकवर...

12/11/2025 12:59:10

महाराष्ट्र एटीएसची पुण्यात सुद्धा छापेमारी; कोंढवा भागात एका व्यक्तीची कसून चौकशी

महाराष्ट्र एटीएस ची पुण्यात सुद्धा छापेमारी

पुण्यातील कोंढवा भागात दहशतवाद विरोधी पथकाची छापेमारी

दहशतवाद विरोधी पथकाकडून पुण्यातील एका व्यक्तीची कसून चौकशी

दहशतवादी जुबेर हंगरगेकर याच्याशी संबंध असल्याच्या संशयावरून छापेमारी

अद्याप त्या व्यक्तीला ताब्यात घेतलेले नसलं तरी त्याच्या घराची झडती देखील घेण्यात आली

पुण्यातील कोंढवा परिसरात एटीएसची छापेमारी

12/11/2025 12:53:49

महाराष्ट्र एटीएसची पुण्यात सुद्धा छापेमारी; पुण्यातील कोंढवा भागात दहशतवाद विरोधी पथकाची छापेमारी

महाराष्ट्र एटीएस ची पुण्यात सुद्धा छापेमारी

पुण्यातील कोंढवा भागात दहशतवाद विरोधी पथकाची छापेमारी

दहशतवाद विरोधी पथकाकडून पुण्यातील एका व्यक्तीची कसून चौकशी

दहशतवादी जुबेर हंगरगेकर याच्याशी संबंध असल्याच्या संशयावरून छापेमारी

अद्याप त्या व्यक्तीला ताब्यात घेतलेले नसलं तरी त्याच्या घराची झडती देखील घेण्यात आली

पुण्यातील कोंढवा परिसरात एटीएसची छापेमारी

12/11/2025 12:10:00

Buldhana : तरुणीवर चाकूने वार करून तरुणाचा ही आत्महत्येचा प्रयत्न; मलकापुरात खळबळ.

Buldhana : मलकापूर शहरातील गोकुळधाम परिसरात आपल्या घरासमोर उभ्या असलेल्या तरुणीवर अचानक आलेल्या युवकाने चाकूने सपासप वार करून स्वतःही आत्महत्येचा प्रयत्न केला आहे यात तरुणी गंभीर जखमी झाली असून तिच्यावर मलकापुरातील एका खाजगी रुग्णालयात उपचार सुरू आहे. शुभम विलास झनके असं या 25 वर्षीय युवकाच नाव असून तरुणीवर वार केल्यानंतर त्याने स्वतःची ही नस कापून घेतली यात तो गंभीर जखमी झाला असून पोलिसांनी त्याला मलकापूर शासकीय रुग्णालयात दाखल केला आहे या दोघांची प्रकृती गंभीर असून त्यांच्यावर उपचार सुरू आहे. तरुणाने या तरुणीवर नेमका हल्ला का केला याचं कारण अद्याप अस्पष्ट असून मलकापूर पोलिसांनी तरुणा विरुद्ध विविध कलमान्वये गुन्हा दाखल केला आहे. या संपूर्ण प्रकरणामुळे मात्र मलकापूर शहरात खळबळ उडाली आहे.

12/11/2025 12:04:26

प्रगतशील शेतकऱ्यांची विदेश अभ्यास दौर्‍यासाठी निवड वादाच्या भोवऱ्यात; खऱ्या शेतकऱ्यांना डावलून मर्जीतील लोकांना सहल घडवून आणण्याचा आरोप

गडचिरोली : कृषी विभागामार्फत गडचिरोली जिल्ह्यातील पाच प्रगतशील शेतकऱ्यांची विदेश अभ्यास दौर्‍यासाठी निवड करण्यात आली आहे. मात्र प्रगत शेतकऱ्यांच्या नावावर दोन राजकीय पदाधिकारी आणि एका राष्ट्रीय पुरस्कार प्राप्त व्यक्तीचा समावेश असल्याने ही निवड वादाच्या भोवऱ्यात सापडली आहे. हा अभ्यास दौरा आहे की मर्जीतील व्यक्तींना शासकीय खर्चाने विदेश सहल घडवून आणण्याचा प्रकार, असा आरोप महाराष्ट्र प्रदेश असंघटित कामगार कर्मचारी काँग्रेसचे जिल्हाध्यक्ष कुणाल पेंदोरकर यांनी केला असून त्यांनी थेट मुख्यमंत्री देवेंद्र फडणवीस यांच्याकडे तक्रार केली आहे. याप्रकरणी जिल्हाधिकाऱ्यांनाही निवेदन देत जिल्हा अधीक्षक कृषी अधिकारी प्रीती हिरळकर यांच्या निलंबनाची मागणी केली आहे. या दौर्‍यासाठी पद्मश्री पुरस्कार प्राप्त परशुराम खुणे, एका महाविद्यालयाचे संस्थाचालक असलेले अरुण हरडे, राजकीय पदाधिकारी बाळकृष्ण टेंभुर्णे यांच्यासह, चंद्रशेखर मुरतेली, विनोद जक्कनवार या दोन शेतकऱ्यांचा समावेश आहे. ही अभ्यास सहल युरोप, इस्राईल, जपान, मलेशिया, व्हिएतनाम आणि फिलिपाईन्स या देशांमध्ये होणार आहे. कृषी विभागाने या दौऱ्यासाठी प्रगतशील शेतकऱ्यांची निवड केल्याचा दावा केला आहे. मात्र, हे निकष कोणी, कसे आणि कधी ठरवले, असा प्रश्नही पेंदोरकर यांनी केला आहे.

12/11/2025 11:42:10

तळेगावमध्ये महायुतीवर शिक्कामोर्तब, अखेर मामा-भाचे एकत्र. पण....

Pune : पुण्यातील तळेगाव दाभाडे नगरपरिषदेत भाजप आणि अजित पवारांच्या राष्ट्रवादीनं महायुतीवर शिक्कामोर्तब केलाय. यानिमित्ताने भाजपचे माजी मंत्री बाळा भेगडे आणि राष्ट्रवादीचे आमदार सुनील शेळके हे मामा-भाचे पुन्हा एकदा एकत्र आलेत. अडीच-अडीच वर्षाचा नगराध्यक्ष असा फॉर्म्युला ठरवून युतीची घोषणा करण्यात आलीये. मात्र त्याचवेळी लोणावळा नगरपरिषद आणि मावळ नगरपंचायत मध्ये मात्र स्वबळाचा नारा दिलाय. त्यामुळं एकाच तालुक्यात युती आणि एकमेकांशी दोन हात करताना, भाजप-राष्ट्रवादीला कमालीची कसरत करावी लागणार आहे.

12/11/2025 11:37:36

तुळजापुर शहराला ड्रग्जच्या माध्यमातून बदनाम करणारे हे लोक आहेत: ओमराजे निंबाळकर

तुळजापुर शहराला ड्रग्जच्या माध्यमातून बदनाम करणारे हे लोक आहेत

पुढची पिढी बरबाद करणारी माणस आहेत अशा माणसांना एखादा पक्षप्रवेश देत असेल राजकीय आश्रय देत असेल

तर तुळजापूरकरांना मी आव्हान करतो ह्या लोकांचा हिशोब करण्याची वेळ आली आहे

मतदानाच्या माध्यमातून योग्य धडा शिकवणे गरजेचे

ड्रग्ज प्रकरणाचे खरे सूत्रधार राणा पाटील आहेत हे अधोरेखित झाले

ड्रग्ज प्रकरणातील आरोपीच्या पक्षप्रवेशावर खासदार ओमराजे निंबाळकरांची प्रतिक्रिया

Byt: ओमराजे निंबाळकर, खासदार शिवसेना उद्धव बाळासाहेब ठाकरे

12/11/2025 10:20:43

अवैध वाळू वाहतूक करणाऱ्या टिप्परची स्कूल बसला धडक; नांदेडच्या मुदखेड शहराजवळील जवळील घटना

- अवैध वाळू वाहतूक करणाऱ्या टिप्परची स्कूल बसला धडक

- नांदेडच्या मुदखेड शहराजवळील जवळील घटना

- युनिव्हर्सल पब्लिक स्कूल व ज्युनिअर कॉलेजचे 40 विद्यार्थी थोडक्यात बचावले

- टिप्परच्या जोरदार धडके स्कूल बसच्या समोरील काचा फुटल्या

- नांदेडच्या मुदखेड येथील अवैध वाळू उपसा प्रकरण ऐरणीवर

12/11/2025 10:17:40

साताऱ्यात महायुतीत फाटलं, कराडला भाजप शिवसेना स्वतंत्र लढणार; सातारा जिल्हाध्यक्ष आमदार अतुल भोसलेंची माहिती

नगरपालिकेच्या निवडणूक पार्श्वभूमीवर कराड येथे जिल्हाध्यक्ष आमदार डॉक्टर अतुल भोसले यांच्या उपस्थितीत भारतीय जनता पक्षाचा संवाद मिळावा पार पाडला. कराड पालिकेच्या 31 जागांसाठी भारतीय जनता पक्षात 104 जण इच्छुक असून नगराध्यक्ष पदासाठी 16 जण शर्यतीत असल्याचे जिल्हाध्यक्ष आमदार अतुल भोसले यांनी सांगितले. तर महायुती होण्यासाठी बैठका झाल्या असल्या तरी तोडगा काही निघत नसल्याचे जिल्हाध्यक्षांनी कबूल केले आहे. त्यामुळे महायुतीत फाटले असून शिवसेना, भाजप आणि राष्ट्रवादी स्वतंत्र लढणार आहे.

12/11/2025 10:06:44

कल्याण बायपासवरील गॅरेजला भीषण आग, तीन ते चार गाड्या जळून खाक

भिवंडी: कल्याण रस्त्यावरील बायपास परिसरात एका गॅरेजला अचानक भीषण आग लागल्याची घटना घडली. या आगीत गॅरेजमध्ये दुरुस्तीसाठी ठेवण्यात आलेल्या तीन ते चार गाड्या पूर्णपणे जळून खाक झाल्या. आगीचा लवकरच मोठा भडका उडाल्याने परिसरातील नागरिकांमध्ये एकच खळबळ उडाली. आग लागल्याचे लक्षात येताच नागरिकांनी तत्परतेने आजूबाजूला उभ्या असलेल्या इतर वाहनांना सुरक्षित स्थळी हलवले, त्यामुळे मोठी दुर्घटना टळली.

घटनेची माहिती मिळताच भिवंडी अग्निशामक दलाची एक गाडी तात्काळ घटनास्थळी दाखल झाली. अग्निशामक जवानांनी शर्थीचे प्रयत्न करून आगीवर नियंत्रण मिळवले. सुदैवाने या आगीत कोणतीही जीवितहानी झाली नाही.
सध्या आगीचे नेमके कारण अस्पष्ट असून, प्राथमिक अंदाजानुसार शॉर्टसर्किटमुळे आग लागल्याची शक्यता वर्तवली जात आहे. पोलिस आणि अग्निशमन विभागाकडून या घटनेचा तपास सुरू आहे.

12/11/2025 09:22:24

Akola Crime : अकोल्यात अल्पवयीन मुलीवर शिक्षकाचा अत्याचार; नातेवाईकांसह नागरिकांनी दिला शिक्षकाला बेदम चोप

Akola Crime : अकोल्यात अल्पवयीन मुलीवर शिक्षकाचा अत्याचार. अकोला जिल्ह्यातील ग्राम नवेगाव येथील जिल्हा परिषद प्राथमिक शाळेतील शिक्षकाने एका अल्पवयीन विद्यार्थिनीचा विनयभंग केल्याचा धक्कादायक प्रकार समोर आलाय.. घटनेनंतर संतप्त झालेल्या नातेवाईकांसह नागरिकांनी शिक्षकाला बेदम चोप दिलाय. यावेळी शिक्षकाला ग्रामस्थांनी मारहाण केल्याचा व्हिडिओ व्हायरल होत आहे. शिक्षक सुधाकर पांडे याने मागील सहा दिवसांपूर्वी शाळेत शिकणाऱ्या अल्पवयीन मुलीचा वाईट उददेशाने विनयभंग केल्याचा आरोप होत आहे. या प्रकरणी आरोपी शिक्षक सुधाकर पांडेविरुद्ध अकोला जिल्ह्यातील चान्नी पोलीस ठाण्यात गुन्हे दाखल करण्यात आले असून पोलिसांनी त्याला अटक केली आहे. या घटनेनंतर ग्रामस्थांमध्ये तीव्र संतापाची लाट उसळली असून, शाळेत आणि परिसरात सुरक्षा उपाययोजनांची मागणी होत आहे.

12/11/2025 09:03:20

वंचित बहुजन आघाडी पक्षाकडं इच्छुकांची मोठी गर्दी; यंदा 50 टक्के मुस्लिम उमेदवार रिंगणात उभे करण्याची शक्यता

नगरपरिषद आणि नगरपंचायत निवडणुकीसाठी वंचित बहुजन आघाडी पक्षाकडं इच्छुकांची मोठी गर्दी. अकोला जिल्ह्यात 5 नगरपालिका आणि एका नगर पंचायतची निवडणूक लढवण्यासाठी वंचितकड इच्छुकांची गर्दी. वंचित यंदा 50 टक्के मुस्लिम उमेदवार निवडणुकीच्या रिंगणात उभे करणार असल्याची शक्यता. दरम्यान, आज सायंकाळ किंवा उद्यापर्यत वंचितच्या उमेदवारांची यादी जाहीर होणारेये.. अकोला जिल्ह्यातील बाळापुर नगरपालिका वगळता इतर ठिकाणी वंचित स्वबळावर लढणार असल्याची शक्यता आहे. या ठिकाणी स्थानिक संघटना वंचित सोबत असण्याची शक्यता आहे.. दरम्यान, अकोट, तेल्हारा, बाळापुर, मुर्तीजापुर आणि हिवरखेड नगरपरिषद आणि बार्शीटाकळी नगर पंचायतसाठी मतदान होणारे आहे. अकोट, मूर्तिजापूर नगरपालिका आणि बार्शीटाकळी नगर पंचायत निवडणूक वंचित स्वबळावर लढणार.. तर तेल्हारा नगरपालिका निवडणुकीत शेतकरी पॅनलला सोबत वंचित निवडणुकीला समोर जाणार असल्याची शक्यता..

दरम्यान, अकोल्यातील नगरपालिकावर कुणाची होती सत्ता.. पाहूया ग्राफिक्सच्या माध्यमातून.

क्र. - नगरपालिका - विजयी उमेदवार - पक्ष

1) मुर्तिजापुर : मोनाली गावंडे : भाजप.
2) अकोट : हरिनारायण माकोड़े : भाजप.
3) तेल्हारा : जयश्री फुंडकर : भाजप.
4) बाळापुर : ऐनोद्दिन खतीब : काँग्रेस.
5) हिवरखेड : प्रहारचा सरपंच. (नुकतीच नगरपालिका घोषणा)
6) बार्शीटाकळी नगरपंचायत : महेफुज खान, काँग्रेस.

12/11/2025 09:01:40

गडचिरोलीचे खासदार एक महिन्यापासून रुग्णालयात; फुफ्फुसाच्या संसर्गामुळे सुरू आहे उपचार

गडचिरोली : गडचिरोली-चिमूर लोकसभा क्षेत्राचे खासदार डॉक्टर नामदेव किरसान गेल्या एक महिन्यापासून रुग्णालयात उपचार घेत आहेत. फुफ्फुसाच्या संसर्गामुळे त्यांना हैद्राबाद येथील यशोदा मल्टीस्पेशालिटी रुग्णालयात एक महिन्यापूर्वी दाखल करण्यात आले. मधल्या काळात त्यांना रुग्णालयातून सुट्टीही देण्यात आली होती. मात्र कार्यकर्ते, नागरिकांच्या जनसंपर्कमुळे पुन्हा त्यांना संसर्ग झाल्याने रुग्णालयात दाखल व्हावे लागले. सध्या त्यांची प्रकृती स्थिर असून लवकरच त्यांना रुग्णालयातून सुट्टी मिळणार असल्याचे त्यांच्या जवळच्या नातेवाईकांनी सांगितले.

12/11/2025 08:57:59

बहुतांश उमेदवारांना भाजपकडून एबी फॉर्मचे वाटप; विश्वसनीय सूत्रांची माहिती

बहुतांश उमेदवारांना भाजपकडून एबी फॉर्मचे वाटप

विश्वसनीय सूत्रांची माहिती

भाजपकडून नगराध्यक्षपदाच्या उमेदवारांवर शिक्कामोर्तब

काल संध्याकाळी उशिरा प्रदेश कार्यालयातून एबी फॉर्म रवाना

उर्वरित जागांवरील उमेदवार निश्चिती पुढील २-३ होणार

12/11/2025 08:42:06

15 वर्षानंतर परळी नगर परिषद निवडणुकांसाठी होणार मुंडे बहीण भावांची युती

15 वर्षानंतर परळी नगर परिषद निवडणुकांसाठी होणार मुंडे बहीण भावांची युती

परळी नगरपरिषदेसाठीच्या युतीवर मंत्री पंकजा मुंडे - आमदार धनंजय मुंडे यांच्याकडून आज केले जाणार शिक्कामोर्तब

परळी नगर परिषदेच्या 35 जागांपैकी 12 ते 15 जागांवर भाजप तर 20 ते 23 जागांवर राष्ट्रवादी काँग्रेस अजित पवार गट निवडणूक लढविण्याची शक्यता

2016 च्या निवडणुकीत भाजपा महायुतीने 5 जागी तर राष्ट्रवादी आघाडी 28 जागांवर मिळवला होता विजय

12/11/2025 08:29:57

मनोज जरांगे यांच्या घातपाताचा कट रचल्याच्या प्रकरणी, आणखी एकाला अटक

मनोज जरांगे यांच्या घातपाताचा कट रचल्याच्या प्रकरणी, आणखी एकाला अटक.

कांचन साळवी असे आरोपीचे नाव..

दादा गरड आणि अमोल खुणे यांच्याशी कांचन नावाच्या व्यक्तीचा सबंध असल्याचा आणि तो धनंजय मुंडे यांचा PA असल्याचा उल्लेख आणि आरोप मनोज जरांगे यांनी केला होता,

रात्री उशिरा कांचन साळवी याला जालना पोलिसांनी चौकशी साठी ताब्यात घेऊन, चौकशी अंती त्याला अटक केलं.

दरम्यान कालच माध्यमांसमोर येऊन कांचन साळवी याने, आपण अमोल खूने ला ओळखतो मात्र दादा गरडशी आपला कसलाही संबंध नव्हता, तोच आपल्याला काही रेकॉर्डिंग देण्याच्या बदल्यात पैसे मागत होता , असा आरोप कांचन साळवी यान केला होता.

12/11/2025 08:16:14

Raigad Crime : जनावरांना बेशुद्ध करण्याचे इंजेक्शन देऊन पळविणाऱ्या टोळीला पेण पोलिसांकडून अटक; 1 आरोपी फरार

Raigad Crime : रायगडच्या पेण पोलिसांनी जनावरे पळविणाऱ्या एका टोळीचा पर्दाफाश केलाय.ही टोळी जनावरांना बेशुध होण्याचे इंजेक्शन देऊन वाहनातून पळवून न्यायचे मात्र पेण पोलिसांनी यशस्वी सापळा रचून या टोळीचा पर्दाफाश करून एकूण 5 जणांना ताब्यात घेतलं आहे तर 1 आरोपी घटनास्थळावरून फरार झाल्याची माहिती मिळाली आहे. पेण पोलिसांनी केलेल्या या कारवाईत एक महिद्रा झायलो वाहन एक सुझुकि कंपनीची ईको आणि या दोन्ही वाहनांमधील एकूण 4 जनावरे ताब्यात घेतली आहेत.

आरोपी

1) शफिक रफिक अन्सारी २५ वर्ष,

2) इम्रान मलंग पटेल वय- ३६वर्षे(मुब्रा ठाणे)

3) सलमान अब्दुल अहमद पटेल वय - ३६वर्षे,
4) सोनु जुबेर खान वय-२२ वर्षे,

5 ) बाजल राशिद शेख वय-१९ वर्षे (पनवेल) यांना पेण पोलिसांनी अटक केली आहे. तर 6) अजिज शेख रा.तळोजा हा आरोपी घटनास्थळावरून फरार झाला आहे.या घटनेचा अधिक तपास पोलीस निरीक्षक संदिप बागुल यांच्या मार्गदर्शनाखाली सुरू आहे.

12/11/2025 07:38:53

धवलसिंह मोहिते पाटील अजित पवारांच्या भेटीला; अकलूजमध्ये अजित पवार देणार धक्का?

अकलूजमध्ये अजित पवार देणार धक्का

धवलसिंह मोहिते पाटील अजित पवारांच्या भेटीला

अकलूज नगरपरिषदेसाठी अजित पवारांकडून चाचपणी

विजयसिंह मोहिते यांचे पुतणे

राष्ट्रवादीच्या वाटेवर असल्याची चर्चा

12/11/2025 07:30:32

राष्ट्रवादी काँग्रेस पार्टी प्रवक्ता पदावरून हटवल्यानंतर रूपाली पाटील अजित पवार यांच्या भेटीला;

राष्ट्रवादी काँग्रेस पार्टी प्रवक्ता पदावरून *हटवल्यानंतर रूपाली पाटील अजित पवार यांच्या भेटीला

काही वेळात अजित पवार पक्ष कार्यालयात येणार आहेत

रूपाली पाटील घेणार अजित पवार यांची भेट

दोन दिवसांपूर्वी रूपाली पाटील यांची पक्ष प्रवक्ते पदावरून केली होती हक्कलपट्टी

पक्ष कार्यालयात अजित दादा आले नसल्याने रुपाली पाटील बाहेर पडल्या आहेत.

12/11/2025 07:16:55

नेतेच जर बायका नाचवून पैसे जमा करत असतील तर कार्यकर्ते काय करणार? भास्कर जाधवांची रामदास कदम यांच्यावर टीका

नेतेच जर बायका नाचवून पैसे जमा करत असतील तर कार्यकर्ते काय करणार ? लोटे MIDC मधील प्रकरणावर भास्कर जाधवांची रामदास कदम यांच्यावर टीका.

रामदास कदम यांचा भाऊ अण्णा कदम आणि जिल्हा प्रमुख शशिकांत चव्हाण हॉटेलमध्ये बसून भुरट्या चोरांना पाठवून माझ्या मुलाकडून दहा लाखाची खंडणी आणायला सांगतात. यात त्यांची चूक नाही. नेताच बाया नाचवून पैसे जमा करणारा असेल तर ते तरी काय करणार. - भास्कर जाधव

विक्रांत माझ्याही दोन पावले पुढे, जिथे गरज लागेल तिथे स्वतःहून येईल - भास्कर जाधव

विक्रांत शांत आहे असे अनेकांना वाटत होते... तो कसा आहे ते त्याने दाखवून दिले.

घाबरून जाऊ नका, दापोली असो नाहीतर खेड. तशीच वेळ आली तर आम्ही तयार आहोत....... भास्कर जाधव यांचा दापोली मतदार संघात रामदास कदमांना इशारा.

12/11/2025 06:59:25

तुळजापूर ड्रग्ज प्रकरणातील जामीनावर बाहेर असणारा आरोपीचा भाजपमध्ये प्रवेश

तुळजापूर ड्रग्ज प्रकरणातील जामीनावर बाहेर असणारा आरोपी माजी नगराध्यक्ष संतोष परमेश्वरचा भाजपमध्ये प्रवेश

तुळजापूर भाजप आमदार राणाजगजितसिंह पाटील यांच्या नेतृत्वात कार्यकर्त्यांसह पक्षप्रवेश

अखंड राष्ट्रवादी असताना संतोष परमेश्वर यांनी भूषवलं तुळजापूरचं नगराध्यक्षपद

विधानसभा निवडणुकीदरम्यान काँग्रेस उमेदवार धीरज पाटील यांना संतोष परमेश्वरची साथ

त्यानंतर आता नगरपरिषद निवडणुकीसाठी आमदार राणाजगजीतसिंह पाटील यांच्या नेतृत्वात भाजपमध्ये पक्षप्रवेश

तुळजापूर ड्रग्ज प्रकरणात आरोपी असल्याने पक्षप्रवेशाची राजकीय वर्तुळात चर्चा

तुळजापूर नगरपरिषद निवडणुकीमध्ये ड्रग्जचा मुद्दा चर्चेत

Maharashtra LIVE Breaking: देश-विदेशातील महत्त्वाच्या बातम्या संक्षिप्त स्वरुपात एका क्लिकवर...

Maharashtra LIVE Breaking Updates: देश-विदेशातील महत्त्वाच्या बातम्या फक्त एका क्लिकवर...

पार्श्वभूमी