Maharashtra Live blog updates: मुंबईतील शिवाजी पार्क गर्दीने तुडुंब भरुन गेलं, ठाकरे बंधू तिरंगा मार्चसाठी बाहेर पडले, 'जेन झी'ची तुफान गर्दी
Maharashtra Live blog updates: राज्यातील आणि देश-विदेशातील ताज्या घडामोडी आणि लेटेस्ट अपडेट्स मिळवण्यासाठी क्लिक करा. महाराष्ट्राच्या राजकारणात नेमकं काय घडतंय?
पार्श्वभूमी
Maharashtra Live blog updates: मोदींचं सरकार हललेलं आहे. त्याला या देशातल्या तरुणांनी हलवलेलं आहे. मोदी सरकार हादरलं, तर भाजप पूर्ण देशामध्ये हलतं... ही भीती आता सगळ्यांच्या मनात बसली आहे. म्हणूनच...More
Mumbai News : नीटमधील गोंधळामुळे देशभरात अनेक विद्यार्थ्यांच्या आत्महत्या.
नीट पेपरफुटीमुळे देशात अनेक विद्यार्थ्यांच्या आत्महत्या
केवळ अभिनंदन नाही, देशातल्या युवकांना अभिवादन -उद्धव ठाकरे
अंधभक्तांच्या विरोधात देशभक्त जिंकले - उद्धव ठाकरे
Mumbai News Update : मुंबईतील शिवाजी पार्क गर्दीने तुडुंब भरुन गेलं आहे. ठाकरे बंधू तिरंगा मार्चसाठी बाहेर पडले आहेत. शिवाजी पार्क परिसरात 'जेन झी'ची तुफान गर्दी सध्या पाहायला मिळतेय.
Mumbai News Updates : मुंबईतील शिवाजी पार्क परिसरात तरुणाईचा मोठ्या प्रमाणात जल्लोष पाहायला मिळतोय. या ठिकाणी तिरंगा आणि पोस्टर्स हातात घेऊन तरुण सहभागी झाले आहेत. थोड्याच वेळात ठाकरे बंधूंची अभिनंदन सभा घेण्यात येणार आहे. शिवाजी पार्क परिसरात जेन झींची मोठ्या प्रमाणात गर्दी पाहायला मिळतेय. शिवाजी पार्क परिसरात पोलिसांचा मोठा बंदोबस्त पाहायला मिळतोय.
Mumbai News : मुंबईच्या कानाकोपऱ्यातून विद्यार्थ्यांसोबतच शिवसेना आणि मनसेचे कार्यकर्ते पदाधिकारी देखील या विजय जल्लोष महोत्सवात सहभागी होणार आहेत. कांदिवली चारकोप येथून देखील कोळी बँड वाजवत चारकोप विधानसभा अध्यक्ष दिनेश साळवी यांच्या नेतृत्वाखाली शेकडो मनसैनिक आणि झेन जी या आंदोलनात सहभागी होण्यासाठी निघाले आहेत. हातात पोस्टर आणि कोळी बँडच्या तालावर नाचत शेकडो झेन जी रेल्वेने दादरकडे निघाले. झुरळाने हातात हिट घेऊन धर्मेंद्र प्रधान यांनाच कसे ऑल आऊट केले असे दाखवणारे फलक विद्यार्थ्यांच्या हाती
विद्यार्थी एकजुटीचा विजय आणि भारत माता की जय अशा घोषणा देत शेकडो झेन जी दादरासाठी रवाना
Mumbai News Updates : दिल्लीतील विद्यार्थी आंदोलनाच्या यशानंतर आज मुंबईतील शिवाजी पार्क परिसरात अभिनंदन सभा. धमेंद्र प्रधानांच्या राजीनाम्यानंतर मुंबईत आज सेलिब्रेशन होणार आहे. याच पार्श्वभूमीवर शिवाजी पार्क परिसरात मोठ्या प्रमाणात गर्दी झाली आहे.
- नाशिक जिल्ह्यात पुन्हा रात्रीच्या सुमारास भूकंपाचे सौम्य धक्के
- काल सकाळी सुरगाणा तालुक्यातील बोरगाव परिसरात जाणवले होते भूकंपाचे धक्के.
- रात्री 11.56 वाजता कळवण तालुक्यातील दळवट येथे जाणवले सौम्य भूकंपाचे धक्के
- सुमारे 20 ते 30 सेकंद घरांची पत्रे, भिंती आणि खिडक्यांमध्ये हालचाल जाणवली
- सुरगाणा शहर आणि बोरगाव परिसरातही सकाळ नंतर पुन्हा रात्री 11.55 वाजता भूकंपाचे धक्के
- त्यानंतर सराड, चिखली आणि बोरगाव परिसरात पहाटे 2.45 वाजता पुन्हा सौम्य धक्के
- कोणतीही जीवित किंवा वित्तहानी झालेली नाही तहसीलदारांनी दिली माहिती.
शिक्षणमंत्री पदाचा धर्मेंद्र प्रधान यांनी राजीनामा दिल्यानंतर आता मुंबईत देखील जल्लोष करण्यात येणार आहे. शिवाजी पार्क परिसरात मोठ्या संख्येने झेन झी आणि सर्वसामान्य मुंबईकर येण्याची शक्यता आहे. यामुळे वाहतुकीत काही प्रमाणात बदल करण्यात आले आहेत. शिवसेना भवनकडून शिवाजी पार्कच्या दिशेने जाताना आता गाड्यांसाठी बॅरिकेट लावण्यात आले आहेत. काही वेळात गाड्यांना प्रवेश बंद केला जाईल केवळ जल्लोष करण्यासाठी येणाऱ्या नागरिकांना सोडल जाईल. यासोबतच पोलिस बंदोबस्त देखील मोठ्या प्रमाणात वाढवण्यात आला आहे.
नाशिक जिल्ह्यासह गोदावरी नदीच्या वरच्या पाणलोट क्षेत्रात सुरू असलेल्या मुसळधार पावसाचा मोठा लाभ जायकवाडी म्हणजेच नाथसागर धरणाला होत आहे. शनिवारी रात्री ८ वाजेपर्यंत धरणातील उपयुक्त पाणीसाठा ४४.६८ टक्क्यांपर्यंत पोहोचला आहे. सध्या धरणात ९७०.०२० दशलक्ष घनमीटर (३४.२५ टीएमसी) उपयुक्त पाणीसाठा असून, एकूण पाणीसाठा ६०.३२ टीएमसी इतका झाला आहे. धरणाची पाणीपातळी १,५०९.९७ फूट इतकी नोंदविण्यात आली आहे.
विशेष म्हणजे, अवघ्या पाच दिवसांत उपयुक्त पाणीसाठ्यात १२ टक्क्यांहून अधिक वाढ झाल्याने जायकवाडी धरण आता ५० टक्के पाणीसाठ्याच्या उंबरठ्यावर येऊन ठेपले आहे. गोदावरी खोऱ्यातील सातत्यपूर्ण पावसामुळे धरणात पाण्याची आवक कायम असून, पुढील काही दिवसांत धरणातील पाणीसाठ्यात आणखी लक्षणीय वाढ होण्याची शक्यता व्यक्त केली जात आहे.
विदर्भ राज्य निर्मितीच्या मागणीसाठी पुन्हा एकदा विदर्भवादी नेत्यांनी वज्रमूठ आवळली आहे. बुलढाणा जिल्ह्यातील मातृतीर्थ सिंदखेडराजा येथे आज विदर्भ राज्य निर्माण संकल्प मेळावा उत्साहात पार पडला. यावेळी, विदर्भवादी नेते वामनराव चटप, शिवाजीराजे भोसले यांनी आपल्या भाषणातून मुख्यमंत्री देवेंद्र फडणवीस यांना लक्ष्य केले. विदर्भ वेगळा होणार नाही, तोपर्यंत लग्न करणार नाही म्हणणाऱ्या फडणवीसांनी लक्षात घ्याव,असं म्हणत लेकीच्या लग्नाच्या वेळी गिफ्ट म्हणून फडणवीस यांनी विदर्भ राज्याची निर्मिती करावी, अशी मागणी यावेळी करण्यात आली. अन्यथा, नागपुरात देवेंद्र फडणवीस आणि नितीन गडकरी या दोन नेत्यांच्या घरासमोर मोर्चा निघेल, असा इशाराही त्यांनी दिला.
- नागपुरात युवकांसाठी मोफत नोकरी-केंद्रित कौशल्य प्रशिक्षण केंद्र सुरू होणार
- मुख्यमंत्री देवेंद्र फडणवीस आणि नितीन गडकरी यांच्या हस्ते केंद्राचे उद्घाटन
- पारडीतील प्रजापती नगर मेट्रो स्टेशनजवळ नागपूर कौशल्य केंद्राची स्थापना
- टाटा स्ट्राइव्ह, मनपा, स्किल इंडिया आणि विदर्भ ग्लोबल फाउंडेशनचा संयुक्त उपक्रम
- दरवर्षी सुमारे दोन हजार युवकांना कौशल्य प्रशिक्षण देण्याचे लक्ष्य
- १०वी, १२वी आणि पदवीधरांसाठी विविध मोफत कौशल्य विकास अभ्यासक्रम
- उद्योगांच्या गरजेनुसार प्रशिक्षणासह प्लेसमेंट आणि व्यक्तिमत्त्व विकासावर भर
- ऑन-द-जॉब ट्रेनिंग, संगणक आणि इंग्रजी प्रशिक्षणाचाही अभ्यासक्रमात समावेश
- इलेक्ट्रिशियन, सोलर, हेल्थकेअर, हॉस्पिटॅलिटी, फ्रंट ऑफिस आणि यूआय डिझायनिंगसह विविध अभ्यासक्रम उपलब्ध
- केंद्रीय मंत्री नितीन गडकरी यांच्या मार्गदर्शनाखाली प्रकल्पाची उभारणी
जनतेचे प्रश्न सरकारपर्यंत पोहचवण्यासाठी मी पंतप्रधान नरेंद्र मोदी यांना पत्र लिहिले अशी प्रतिक्रिया जेष्ठ समाजसेवक अण्णा हजारे यांनी म्हंटले आहे...राळेगणसिद्धी येथील संत यादव बाबा मंदीरात दर्शन घेऊन अण्णा आंदोलनस्थळाकडे निघाले आहे... आंदोलनाला जाण्यापूर्वी अण्णांनी माध्यमांशी संवाद साधला.
वांद्रे परिसरात असणारे प्रसिद्ध रंगशारदा हॉटेल ईडीकडून जप्त.
रंगशारदा हॉटेलची जप्त केलेली ३३२ कोटी इतकी असल्याचे ईडीने म्हटले आहे.
रंगशारदा हॉटेल्स प्रकरणात ही फसवणूक केल्याचा प्रभुदास लोटिया यांच्यावर आरोप.
ईडीने रंगशारदा प्रकरणातील कथित मनी लॉन्डरिंग तपासात कारवाई करत मालमत्ता जप्त केली.
म्हाडाने सांस्कृतिक उपक्रमांसाठी सवलतीच्या दरात दिलेल्या जमिनीचा व्यावसायिक वापर झाल्याचा आरोप.
रंगशारदा हॉटेल्सने ट्रस्टला नाट्यगृह व कलाकार निवास हस्तांतरित न करता हॉटेल, रेस्टॉरंट व बार व्यवसाय चालवल्याचा दावा.
नियमबाह्यरीत्या व्यावसायिक जागांची विक्री करून निधी अन्य मालमत्ता खरेदीसाठी वापरल्याचा आरोप ईडीने केला.
तपासात सुमारे ₹512 कोटींच्या ‘प्रोसीड्स ऑफ क्राईम’चा शोध लागल्याचे ईडीचे म्हणणे.
या प्रकरणाचा तपास मनी लॉन्डरिंग आणि विश्वासघाताच्या गुन्ह्यांच्या अनुषंगाने सुरू आहे.
सातारा जिल्ह्याच्या पश्चिम भागात पावसाची जोरदार बॅटिंग सुरू असून धरणांमध्ये झपाट्याने पाणीसाठा वाढत आहे. कण्हेर धरण ९३ टक्के भरले असून चारही दरवाजे उघडत ५ हजार क्युसेकने वेण्णा नदीपात्रात विसर्ग सुरू आहे. तर महाराष्ट्राची भाग्यलक्ष्मी असलेले कोयना धरण ७३ टीएमसीवर पोहोचले आहे. सातारा जिल्ह्याच्या पश्चिम भागातील प्रमुख मोठी धरणांच्या पाणीपातळीत वाढ झाली आहे.. या मुसळधार पावसामुळे भात लागवडीला वेग आला असला, तरी दुसरीकडे साताऱ्याचा पूर्व भाग अजूनही पावसाच्या प्रतीक्षेत आहे. मान खटाव, म्हसवड दहिवडी येथील भागात चारा आणि पाणीटंचाईचे संकट गडद होण्याची भीती व्यक्त होत आहे.
वाघाच्या भीतीने तब्बल एक तास पोलवरच थांबून महावितरणच्या कर्मचाऱ्यांनी वाचवला स्वतःचा जीव... मुल तालुक्यातील फुलझरी गावात वीजवाहिनीच्या देखभाल व दुरुस्तीचे काम सुरू असताना ही थरारक घटना घडली आहे. कामासाठी पोल वर 2 कर्मचारी चढले असताना अचानक वाघाचे आगमन झाले आणि या कर्मचाऱ्यांची भंबेरीच उडाली. वाघ परिसरात वावरत असल्यामुळे स्वतःचा जीव वाचवण्यासाठी कर्मचारी तब्बल एक तास पोलवर अडकून राहिले. वाघ परिसरातून निघून गेल्याची खात्री झाल्या नंतर त्यांनी लाईनचे काम पूर्ण करून सुरक्षितपणे खाली उतरून स्वतः ची सुटका करून घेतली. या संपूर्ण घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे.
धाराशिव जिल्ह्यात जिल्हा परिषदेच्या मोडकळीला आलेल्या शाळेचा मुद्दा ऐरणीवर आलाय. शेकडो वर्ग खोल्या पडण्याच्या अवस्थेत असल्याने निर्लेखित केल्या खऱ्या मात्र नवीन वर्गखोल्या बांधकाम रखडले आहे. त्यामुळे तुळजापूर तालुक्यातील वाणेगाव इथ जवळपास गेली दोन वर्षांपासून प्राथमिक आरोग्य केंद्रात भरते शाळा. विद्यार्थ्यांना शाळा नाही, खेळायला मैदान नाही. एकाच इमारतीत रुग्णावर उपचार आणि विद्यार्थ्यांना शिक्षण दिले जात आहे. विद्यार्थी म्हणतात आम्हाला आमची शाळा बांधून द्या.
मालेगावात SIR फॉर्म भरण्या संदर्भात BLO कढून टाळाटाळ केली जात आहे..भरलेले फॉर्म प्रांताधिकारी कार्यालयाकडे वेळेत जमा केले जात नाही, नव्याने फॉर्म वाटप केले जात नाही अशा अनेक तक्रारी नागरिकांच्या आहेत..प्रत्येक वॉर्डमध्ये जाऊन BLO ने हे फॉर्म भरायचे आहे.मात्र हेतू पुरस्कर BLO हे काम करण्याचे टाळत असल्याचा आरोप इस्लाम पार्टीचे संस्थापक माजी आमदार आसिफ शेख यांनी केला आहे..या संदर्भात प्रांताधिकारी, अपर पोलिस अधीक्षक यांना निवेदन दिले आहे..दरम्यान, BLO च्या कामात येत्या 28 तारखेपर्यंत सुधारणा झाली नाही तर येत्या 29 तारखेला तीव्र आंदोलन छेडले जाईल असा इशारा इस्लाम पार्टीचे आसिफ शेख यांनी दिला आहे..
नाशिकसह जिल्ह्यात मागील आठवडाभर सुरू असलेल्या मुसळधार पावसामुळे जिल्ह्यातील छोटे मोठे धरण भरून वाहू लागले आहे..सर्वत्र जलसाठ्यांच्या पाणी पातळीत वाढ झाली..१२ धरणातून मोठ्या प्रमाणात सध्या नदीपात्रात पाण्याचा विसर्ग सुरू आहे..मात्र हे असे असले तरी नांदगाव शहरालगत असलेले नाग्या - साक्या, व माणिकपुंज धरण अद्याप कोरडेच असून धरणामध्ये केवळ मृत साठा शिल्लक आहे...नाग्या - साक्या, व माणिकपुंज धरणाच्या पाणलोट क्षेत्रात पाहिजे तसा पाऊस न झाल्याने धरणाच्या पाणीपातळीत अद्याप वाढ झालेली नाही..त्यामुळे परिसरातील गावांना पिण्याच्या पाण्यासह शेती सिंचनाचा प्रश्न कायम आहे..मागील वर्षी नाग्या साक्या धरण लवकरच भरले होते. यंदा मात्र पावसाळा सुरू होऊन महिना उलटला तरी धरणात समाधान कारक पाणी आलेले नाही.
राज आणि उद्धव ठाकरे यांनी आज मुंबईत तिरंगा मार्च आयोजित केला आहे. विद्यार्थी आंदोलनाच्या यशानंतर आज मोर्चाला मोठी गर्दी होण्याची शक्यता आहे.
अकोल्यात शिंदेंच्या शिवसेनेचे अल्पसंख्यांक आघाडीचे जिल्हाध्यक्ष शेख मोहसीन शेख समद यांच्या मृत्यू प्रकरणाने अकोल्यातील राजकीय वर्तुळात खळबळ उडालीये. यात थेट पक्षाचे माजी जिल्हाप्रमुख मंगेश काळे यांच्यावरच हत्येच्या कटाचा आरोप मृतकाच्या कुटुंबीयांनी केलाय. मंगेश काळे यांच्या अटकेसाठी रात्री खदान पोलीस स्टेशनमध्ये मृतकाच्या कुटुंबीयांनी धडक दिलीय.
एकीकडे नक्षलवाद संपुष्टात आल्याची चर्चा सुरू असतानाच गडचिरोली जिल्ह्यात पुन्हा एकदा माओवादी हालचालींनी सुरक्षा यंत्रणांची चिंता वाढवली आहे. भामरागड तालुक्यातील हिदूर–दोबूर मुख्य मार्गावर माओवादी बॅनर आणि पत्रके आढळून आली आहेत. या पत्रकांमधून २६ ते ३० जुलैदरम्यान गडचिरोली जिल्हा बंदचे आवाहन करण्यात आले असून 'जल, जंगल आणि जमीन' या मुद्द्यावर एल्गार पुकारण्यात आला आहे. भामरागड तालुका मुख्यालयापासून काही किलोमीटर अंतरावर ही बॅनरबाजी करण्यात आली आहे. घटनेची माहिती मिळताच पोलिसांनी संपूर्ण परिसरात शोधमोहीम सुरू केली असून सुरक्षा व्यवस्थाही वाढवण्यात आली आहे. हे बॅनर आणि पत्रके नेमकी कोणी लावली, याचा तपास पोलीस करत आहेत. दरम्यान, या घटनेमुळे भामरागड परिसरात पुन्हा एकदा सतर्कतेचं वातावरण निर्माण झाले आहे.
मेळघाटातील धारणी तालुक्यातील टीटंबा येथील शासकीय आदिवासी आश्रमशाळा येथील सुमारे 60 ते 70 विद्यार्थ्यांना आज अन्न विषबाधा झाल्याची प्राथमिक माहिती समोर आली आहे... या सगळ्या विद्यार्थ्यांवर धारणी येथे उपचार सुरू असून सगळ्यांची प्रकृती धोक्या बाहेर असल्याची माहिती आहे.
पुणे-नाशिक महामार्गावरील नारायणगाव येथे बॅटरी वाहतूक करणाऱ्या एका टेम्पोला अचानक आग लागल्याची घटना घडली. आग लागल्याचे लक्षात येताच चालकाने प्रसंगावधान राखत वाहन तातडीने रस्त्याच्या बाजूला घेतल्याने मोठी जीवितहानी टळली.
घटनेची माहिती मिळताच जुन्नर अग्निशामक दल तसेच नारायणगाव ग्रामपंचायतीच्या अग्निशामक वाहनाने घटनास्थळी धाव घेतली. दोन्ही पथकांकडून आगीवर नियंत्रण मिळविण्याचे शर्थीचे प्रयत्न सुरू असून आग पूर्णपणे आटोक्यात आणण्याचे काम सुरू आहे.
या घटनेमुळे पुणे-नाशिक महामार्गावर काही काळ वाहतुकीवर परिणाम झाला. सुदैवाने या आगीत कोणतीही जीवितहानी झाली नसून टेम्पोचे मात्र मोठे नुकसान झाल्याची प्राथमिक माहिती आहे.
नाशिक शहरासह अहिल्यानगर आणि मराठवाड्याची तहान भागविणारे गंगापूर धरणातील पाणी साठा 87 टक्यावर आला आहे. दोन दिवसांपूर्वी गंगापूर धरण 97 टक्के भरले होते, अवघ्या एका दिवसात 15 टक्के पाणी साठा वाढला होता. सध्या पावसाचा जोर कमी झाला असला तरीही धरणातून विसर्ग सुरू आहे, अचानक मुसळधार पाऊस झाला तर मोठा विसर्ग करावा लागणार8शक्यता लक्षात घेऊन धरणातील पाणीसाठा 97 वरून 87 टक्के करण्यात आलाय
- मुख्यपृष्ठ
- बातम्या
- महाराष्ट्र
- Maharashtra Live blog updates: मुंबईतील शिवाजी पार्क गर्दीने तुडुंब भरुन गेलं, ठाकरे बंधू तिरंगा मार्चसाठी बाहेर पडले, 'जेन झी'ची तुफान गर्दी