Maharashtra Live blog updates: मोठी बातमी: डोंबिवलीत लोकल ट्रेनचा डबा रुळावरुन खाली घसरला, मध्य रेल्वेची वाहतूक विस्कळीत
Maharashtra Live blog updates: राज्यातील आणि देश-विदेशातील ताज्या घडामोडी आणि लेटेस्ट अपडेट्स मिळवण्यासाठी क्लिक करा. महाराष्ट्राच्या राजकारणात नेमकं काय घडतंय?
पार्श्वभूमी
Maharashtra Live blog updates: सुमारे 370 वर्षांपूर्वीपासून चालत आलेली भेंडवळची घटमांडणी व त्याचे निष्कर्ष आज जाहीर झालेत. भेंडवळच्या गट मांडणीचे निष्कर्ष जाणून घेण्यासाठी मराठवाडा खानदेश व शेजारील मध्य प्रदेशातील शेतकऱ्यांनी...More
कोल्हापुरातल्या आजरा इथं भिंत कोसळून एक प्राध्यापिका आणि विद्यार्थिनी ठार
दुर्घटनेत आजरा महाविद्यालयाच्या शिक्षिका ज्योती नितीन कुंभार आणि आजरा हायस्कूलची वैष्णवी भोसले ही विद्यार्थिनी जागीच ठार
तर दुर्घटनेत ललीता भोसले गंभीर जखमी
जखमीवर तात्काळ रुग्णालयात हलवले
एक जुनं घर जेसीबीच्या साहाय्याने पाडत असताना घडली दुर्घटना
घराच्या बाजूनेच चालत जात असताना प्राध्यापिका आणि विद्यार्थिनी ठार
बीड जिल्ह्यात आज पासून सर्व पोलीस अधिकारी अंमलदार आणि कर्मचाऱ्यांना हेल्मेट सक्ती करण्यात आलीय. याबाबतचे आदेश पोलीस अधीक्षक नवनीत कॉवत यांच्या माध्यमातून सर्व उपविभागीय कार्यालयांना देण्यात आलेत. हेल्मेट न घालणाऱ्या पोलीस अधिकारी कर्मचाऱ्यांचे फोटो सोशल मीडियात वायरल झाल्यास संबंधित पोलिसांवर विना हेल्मेटची दंडात्मक कारवाई करून त्याबाबत सेवा पुस्तिकेमध्ये नोंद घेण्यात येईल अशी तंबी देण्यात आली. आज पासून हेल्मेट सक्ती करण्यात आल्यानं पोलीस अधीक्षक कार्यालयाच्या मुख्य प्रवेशद्वारावर येणाऱ्या प्रत्येक कर्मचाऱ्यांना हेल्मेट शिवाय प्रवेश देण्यात आला नाही. कर्मचाऱ्यांबरोबरच येणाऱ्या सामान्य नागरिकांना देखील हेल्मेट बंधनकारक आहे.
- भोंदू अशोक खरातच्या एसआयटी चौकशीला सुरुवात...
- आजच्या तपासात पुन्हा काही मेडिकल स्टोअर धारकांची चौकशी होणार असल्याची माहिती...
- अशोक खरातला पुन्हा काल पाचव्या गुन्ह्यात पाच दिवसांची पोलीस कोठडी न्यायालयाने सुनावली...
* अशोक खरातनी पीडितेला खाऊ घातलेल्या मिठाईत कोणते गुंगीधारक पदार्थ मिसळले होते याचा तपास केला जाणार ...
* *दैवीशक्तीच्या नावाखाली अशोक खरातकडून अनेक गैरकृत्य केल्याचा संशय असल्याने आज तपास केला जाणार...
- महिलांना गुंगीकारक औषध देण्यासाठी काही मेडिकल स्टोअर चालक खरातला मदत करत असल्याची एस आय टी ला माहिती...
सक्तवसुली संचालनालय (ED) ने दिल्ली उच्च न्यायालयात याचिका दाखल केली आहे. त्यात ट्रायल कोर्टाच्या आदेशाला आव्हान दिले आहे. ED च्या आरोपपत्राची दखल घेण्यास कनिष्ठ न्यायालयाने नकार दिला होता. सोनिया गांधी, राहुल गांधी आणि इतरांविरुद्ध मनी लाँड्रिंग प्रकरणात आरोपपत्राची दखल घ्यायला नकार दिला गेल्यामुळे हा मोठा दिलासा होता. ही सुनावणी आज न्यायमूर्ती स्वर्णा कांता शर्मा यांच्या खंडपीठासमोर होणार आहे
विश्व हिंदू परिषदेने युनिव्हर्सल मल्टीपर्पज सोसायटी या एनजीओला फंडिंग कुठून होत होतं याचा तपास पोलिसांनी करावा अशी मागणी केली आहे... महाराष्ट्रात एका नंतर एक वेगवेगळ्या शहरात हिंदू मुली आणि महिलाना टारगेट केले जात असल्याचे प्रकरण समोर येत आहे.. नागपूरच्या प्रकरणात पोलिसांनी तडकाफडकी रियाज काजी ला अटक करून ठोस कारवाई केली आहे.. मात्र, रियाज काजी च्या एनजीओला फंडिंग कुठून येत होतं शिक्षणाच्या नावात खाली चालवल्या जाणाऱ्या एनजीओच्या माध्यमातून असे प्रकार होत असताना आर्थिक रसात कुठून मिळत होती याचा तपास व्हायला हवं अशी मागणी विश्व हिंदू परिषदेचे नागपूर शहर मंत्री अमोल ठाकरे यांनी केली आहे.
साईड न दिल्याच्या किरकोळ कारणावरून माढा तालुक्यातील भुताष्टे येथे एसटी चालकावर
हल्ला करण्यात आला. या हल्यात एसटी चालक जखमी झाला आहे.या प्रकरणी माढा पोलिसांत दोघांवर गुन्हा दाखल करण्यात आला आहे.
साईड न दिल्याच्या किरकोळ कारणावरुन राज्य परिवहन महामंडळाच्या बस चालकाला हल्ला करुन मारहाण केली.माढा ग्रामीण रुग्णालयात सध्या चालकावर उपचार सुरु आहे..
धाराशिवमध्ये महीनाभरात सलग दुसऱ्यांदा वादळी वाऱ्यासह अवकाळीचा तडाखा
तुळजापूर तालुक्यातील सावरगाव भागात आंबा पिकाच मोठ नुकसान
आंबा गळती झाल्याने शेतकरी हवालदिल,विक्रीला आलेला आंबा अवकाळीत मातीमोल
पंचनामे करुन नुकसान भरपाई देण्याची शेतकऱ्याची मागणी
दोन गटातील वादातून पोलिसांवर दगडफेक, पोलीस वाहनांचे नुकसान
कोल्हापूरच्या हातकणंगले तालुक्यातील चंदूर गावातील घटना
पोलिसांवर झालेल्या दगडफेकीत दोन कर्मचारी जखमी
इचलकरंजीच्या शिवाजीनगर पोलीस ठाण्यात जिल्हा परिषद सदस्यासह दहा जणांवर गुन्हा दाखल
रविवारी मध्यरात्रीच्या सुमारास घडला प्रकार, गावात बंदोबस्त वाढवला
मुंबईतील नेस्को ड्रग्ज पार्टी प्रकरणानंतर पोलिसांनी अमली पदार्थ विरोधी मोहिमेचा वेग वाढवला आहे. या मोहिमेअंतर्गत पोलिसांनी साकिनाका आणि टिटवाळा परिसरात मोठी कारवाई करत सुमारे ६ कोटी रुपये किमतीच्या ५ हजार एक्स्टसी गोळ्या जप्त केल्या आहेत.
मुंबई साकीनाका पोलिसांनी पॉल नावाच्या महिलेला तिच्या टिटवाळ्यातील घरातून अटक केली. तिच्या घराची झडती घेतली असता ६ कोटींचे ड्रग्ज सापडले आहे .
नेस्को ड्रग्ज पार्टी प्रकरणानंतर पोलिसांनी तपास सुरू केला होता. पोलिसांनी आधी साकीनाका येथून २०० गोळ्यांसह इरफान अन्सारीला पकडले, त्यानंतर सुफियानला अटक केली आणि त्यांच्याकडून मिळालेल्या माहितीवरून या महिलेपर्यंत पोलीस पोहोचले.
ही महिला पूर्वी डान्स बारमध्ये काम करायची. तिने दोन लग्ने केली असून तिचा पतीदेखील गुन्हेगारी प्रवृत्तीचा असल्याचे समजते. ती दोन महिन्यांपूर्वीच कल्याण सोडून टिटवाळ्यात राहण्यासाठी गेली होती .
पोलिसांनी तिच्या घरातून ४ ते ५ मोबाईल फोन आणि ८ सिमकार्ड जप्त केली आहेत.
ड्रग्जच्या जप्त केलेल्या गोळ्यांवर मर्सिडीज, डॉलर यांसारखी विविध चिन्हे आणि अक्षरे कोरलेली आहेत.
चंद्रपूरमधील सुधीर मुनगंटीवार आणि किशोर जोरगेवार वादासमोर प्रदेशाध्यक्ष रवींद्र चव्हाण यांनी टेकले हात... शुक्रवारी संध्याकाळी चंद्रपूर महानगरपालिकेतील घडामोडींच्या पार्श्वभूमीवर जोरगेवार यांनी रवींद्र चव्हाण यांची नागपुरात घेतली होती भेट, या भेटीदरम्यान रवींद्र चव्हाण यांनी चंद्रपूर महानगरपालिकेतील घडामोडींवर दाखवली आपली हतबलता, भाजपमधील विश्वसनीय सूत्रांची माहिती, चंद्रपूर शहर महानगरपालिकेच्या झोन समिती व महिला बालकल्याण समितीच्या निवडणुका पार पडल्या, यामध्ये संख्याबळ असताना देखील भाजपला जोरगेवार-मुनगंटीवार संघर्षामुळे मोठा झटका बसला, त्यानंतर आमदार किशोर जोरगेवार यांनी आपल्या १७ समर्थक नगरसेवकांसह नागपुरात प्रदेशाध्यक्ष रवींद्र चव्हाण यांची भेट घेतली, त्यावेळी रवींद्र चव्हाण यांनी चंद्रपुरातील वाद हा माझ्या आटोक्या बाहेर आहे, चंद्रपुरात कोणताही नेता निरीक्षक म्हणून जाण्यास तयार नाही त्यामुळे आता चंद्रपुरातील निर्णय हे दिल्लीतच घेतले जातील, आमच्याकडे आलेले प्रत्येक विषय आम्ही दिल्लीला पाठवू आणि तिथूनच यावर निर्णय घेतल्या जाईल असं सांगत आपली हतबलता दर्शवली, विशेष म्हणजे काही दिवसांपूर्वीच माजी राज्यमंत्री मदन येरावार यांची चंद्रपूर शहर भाजपच्या निरीक्षक पदी झाली होती नियुक्ती मात्र जोरगेवार आणि मुनगंटीवार यांच्या वादामुळे त्यांनी चंद्रपूरात येण्याऐवजी आपल्या पदाचा राजीनामा पक्षाकडे सादर केल्याची सूत्रांची माहिती, भाजप नेते सुधीर मुनगंटीवार हे पक्षात अतिशय जेष्ठ असून सध्याचे प्रदेशाध्यक्ष रवींद्र चव्हाण यांच्यासह बहुतांश नेत्यांनी मुनगंटीवार यांच्या नेतृत्वात केलं आहे काम, त्यामुळे देखील पक्षातील नेते मुनगंटीवार-जोरगेवार वादात पडण्यास तयार नसल्याचं आहे भाजपात चित्र
भोंदू अशोक खरात याची आज पुन्हा sit कडुन चौकशी होणार
अशोक खरात याला रविवारी पाच दिवसांची पोलीस कोठडी सुनावण्यात आली आहे
महिला अत्याचार संदर्भातील पाचव्या गुन्ह्याचा तपास सुरू झाला आहे
-
महिलेला पेढा खाऊ घालून गुंगी येणारे पाणी देऊन अत्याचार केल्याची तक्रार करण्यात आली आहे
जर याबाबत कोणाला सांगितले तर साप चावून मुलाचा मृत्यू होईल अशी भीती घालून पिढीतेवर गुन्हा दाखल करण्यात आलाय
या गुन्ह्याच्या तपासात आज पुन्हा खरात ची चौकशी केली जाणार आहे
- TCS कंपनीतील धर्मांतरण आणि महिला कर्मचाऱ्यांचं लैंगिक शोषण प्रकरण
- तपासात अनेक धक्कादायक बाबी समोर आल्याची माहिती
राष्टीय महिला आयोगाच्या सदस्यांनी साधला पिढीताशी संवाद
- कॅन्सरग्रस्त पित्याच्या उपचारासाठी पीडित तरुणीने सोसला कॉर्पोरेट अत्याचार, सूत्रांची माहिती
हिंगोली जिल्ह्यात आज अचानक हवामानात मोठा बदल पाहायला मिळाला आहे.हवामान विभागाने दिलेल्या अंदाजानुसार आज रात्री साडेनऊ वाजण्याच्या सुमारास जिल्ह्यात विजांच्या कडकडाटासह मेघगर्जना आणि वादळी वाऱ्यांसह जोरदार अवकाळी पावसाची सुरुवात झाली.दिवसभर जाणवणाऱ्या प्रचंड उकाड्यानंतर या पावसामुळे नागरिकांना काहीसा दिलासा मिळाला असला, तरी दुसरीकडे शेतकरी वर्गासाठी ही परिस्थिती चिंतेची ठरली आहे.विशेषतः वसमत तालुक्यात अनेक ठिकाणी काढणीसाठी तयार असलेल्या आंबा बागांचे मोठ्या प्रमाणावर नुकसान झाल्याची माहिती समोर येत आहे. याशिवाय इतर पिकांनाही या वादळी पावसाचा फटका बसला आहे.अचानक आलेल्या या अवकाळी पावसामुळे शेतकऱ्यांचे मोठे आर्थिक नुकसान होण्याची शक्यता व्यक्त केली जात असून, प्रशासनाने तातडीने पंचनामे करून मदत द्यावी, अशी मागणी शेतकरी वर्गाकडून केली जात आहे.सध्या हवामान विभागाने पुढील काही तासांमध्येही अशाच परिस्थितीची शक्यता वर्तवली असून नागरिकांनी सतर्क राहण्याचे आवाहन करण्यात आले आहे.
उन्हाळ्याचे दिवस असल्यानं घराबाहेर झोपलेल्या एका तरुणावर चार ते पाच जणांनी धारदार शस्त्रानं प्राणघातक हल्ला करून गंभीर जखमी केलं. ही घटना भंडाऱ्याच्या तुमसर तालुक्यातील हरदोली गावात मध्यरात्री घडली. राजू राऊत (२४) असं गंभीर जखमी तरुणाचं नावं आहे. हल्ला झाल्यानं गंभीर जखमी अवस्थेत तरुणानं मदतीसाठी आरडाओरड केल्यानं आरोपींनी पळ काढला. सध्या गंभीर तरुणावर भंडारा जिल्हा सामान्य रुग्णालयात उपचार सुरू असून प्रकृती धोक्याबाहेर असल्याची माहिती वैद्यकीय अधिकाऱ्यांनी सांगितलं. प्रेम प्रकरणाच्या संशयातून हा प्राणघातक हल्ला केल्याची चर्चा आता गावात रंगली आहे. याप्रकरणी सिहोरा पोलिसांनी गुन्हा दाखल केला असून पुढील तपास सुरू आहे.
लातूर जिल्ह्यातील चाकूर येथे घडलेल्या धक्कादायक घटनेत सहा वर्षीय देवांश मंगेश स्वामी याचा खून कुटुंबातीलच चुलतीने केल्याचे उघड झाले असून पोलिसांनी आरोपी महिलेला अटक केली आहे. या घटनेमुळे परिसरात एकच खळबळ उडाली आहे. स्वामी कुटुंबात मागील काही वर्षांपासून मालमत्तेच्या वाटणीवरून वाद सुरू होता. हा वाद पंचांच्या उपस्थितीत मिटवण्याचे प्रयत्नही झाले होते. मात्र, या वादातून निर्माण झालेल्या रागाच्या भरात अनिता दिनेश स्वामी (वय 34) हिने आपल्या पुतण्याचा खून केल्याचा समोर आले आहे.
चाकूर पोलीस ठाण्यात गुन्हा क्रमांक 196/2026 अन्वये भारतीय न्याय संहिता (BNS) कलम 103(1) आणि 238 अंतर्गत गुन्हा दाखल करण्यात आला आहे. फिर्यादी मंगेश चंद्रकांत स्वामी यांच्या तक्रारीवरून ही कारवाई करण्यात आली. 19 एप्रिल रोजी उजळंब रोडवरील एका पडक्या घराजवळ देवांशचा मृतदेह आढळून आला होता. या घटनेनंतर पोलिसांनी तपास सुरू केला असता, आरोपीने गळा दाबून खून केल्याचे समोर आले. खून केल्यानंतर मृतदेह लपवून पुरावे नष्ट करण्याचा प्रयत्न करण्यात आला.
या प्रकरणात आरोपीने स्वतःचा मुलगा बेपत्ता असल्याचा बनावही रचला होता. मात्र पोलिसांनी शोधमोहीम राबवत त्या मुलाला सुखरूप शोधून काढले आणि याच धाग्यावरून संपूर्ण गुन्ह्याचा उलगडा झाला. घटनेचे गांभीर्य लक्षात घेऊन पोलीस अधीक्षक अमोल तांबे, अतिरिक्त पोलीस अधीक्षक मंगेश चव्हाण तसेच स्थानिक गुन्हे शाखेचे अधिकारी सुधाकर बावकर यांनी चाकूर येथे ठाण मांडून तपास केला. पोलीस अधीक्षकांनी स्वतः तपासाची सूत्रे हाती घेतली होती. अवघ्या 17 तासांत पोलिसांनी या गुन्ह्याचा उलगडा करत आरोपीला अटक केली. पुढील तपास पोलीस निरीक्षक भंडे करत असून, या घटनेमुळे नात्यातील व्यक्तीकडूनच असा प्रकार घडल्याने संतप्त चर्चा होत आहे
- नागपूर शहरातील अवैध होर्डिंग्ज आणि अतिक्रमण काढण्यासाठी महानगरपालिका राबविणार १०० डे मोहीम.
- यासाठी मनपा, जिल्हाधिकारी कार्यालय, पोलिस विभाग, नागपूर सुधार प्रन्यास, एन एच आय आणि सार्वजनिक बांधकाम विभागाच्या सहकार्याने नियोजनबद्ध आराखडा तयार करण्याचे मनपा आयुक्तांचे निर्देश..
- नियमित अतिक्रमण कारवाई करूनही रस्ते, पदपथावर काही वेळातच पुनः अतिक्रमण होत आहे..
- मनपा मुख्यालयात पार पडलेल्या बैठकीत शहराला अतिक्रमण मुक्त करण्यासाठी अतिक्रमण निर्मूलन कारवाई, हॉकर्स आणि फेरीवाले यांना पर्यायी जागा देणे अशा विविध विषयावर चर्चा झाली..
- रस्त्यावरील अवैध बांधकाम आणि साहित्य काढणे, तसेच सर्व प्रकारच्या अतिक्रमण अत्याधुनिक तंत्रज्ञानाचा वापर करून नियोजन करण्याचे निर्देश पालिका आयुक्तांनी दिले आहे..
ठाण्यातील गावदेवी परिसरामधील असणाऱ्या एका कपड्याच्या दुकानाला आग लागल्यामुळे मोठे नुकसान झाले आहे...घटनास्थळी, अग्निशमन दल आणि आपत्ती व्यवस्थापन आगीवर नियंत्रण मिळवत आहे. या घटनेत कोणालाही दुखापत झाली नाही. आगीचं कारण अस्पष्ट.
गोंदिया जिल्ह्यातील मोरगाव अर्जुनी तालुक्यात गेल्या एक महिन्यापासून रानटी हत्तींचा मुक्काम असून, या हत्तींच्या कळपाने वडसा मार्गावर भर रस्त्यात वाहनधारकांना दर्शन दिले. अचानक हत्ती समोर आल्याने प्रवाशांची आणि वाहनधारकांची चांगलीच तारांबळ उडाली होती. गोंदिया जिल्ह्यातील मोरगाव अर्जुनी परिसरात गेल्या महिनाभरापासून रानटी हत्तींचा वावर आहे. हे हत्ती कधी शेतात तर कधी थेट मुख्य रस्त्यावर येत असल्याने स्थानिक नागरिक आणि प्रवाशांमध्ये दहशतीचे वातावरण आहे. वडसा मार्गावरून जात असताना प्रवाशांना हत्तींचा हा कळप रस्ता ओलांडताना दिसला. काही वाहनधारकांनी प्रसंगावधान राखून आपली वाहने लांबच थांबवली, तर काही जण या अवाढव्य हत्तींना पाहून घाबरून गेले.
हत्तींच्या या दर्शनाचा व्हिडिओ सध्या समाजमाध्यमांवर मोठ्या प्रमाणात व्हायरल होत आहे. तर वन विभागाने नागरिकांना खबरदारी घेण्याचे आवाहन केले आहे. हत्ती दिसल्यास त्यांच्या जवळ जाण्याचा किंवा त्यांना डिवचण्याचा प्रयत्न करू नये, अशा सूचना वन विभागातर्फे देण्यात आल्या आहेत.
सुमारे 370 वर्षांपूर्वीपासून चालत आलेली भेंडवळची घटमांडणी व त्याचे निष्कर्ष आज जाहीर झालेत. भेंडवळच्या गट मांडणीचे निष्कर्ष जाणून घेण्यासाठी मराठवाडा खानदेश व शेजारील मध्य प्रदेशातील शेतकऱ्यांनी मोठी गर्दी केली होती... घट मांडणीतून निघालेल्या निष्कर्षानुसार देशाचा राजा म्हणजेच पंतप्रधान हे त्यांच्या खुर्चीवर कायम राहतील मात्र ते तणावात राहतील तर देशाची संरक्षण स्थिती ही कमकुवत राहील संरक्षण खात्यावर मोठा ताण असेल असाही अंदाज या गट मांडणीतून समोर आला आहे शेतकऱ्यांसाठी यंदा पुन्हा अडचणीच वर्ष ठरू शकतो यंदा सर्व पिकांवर रोगरायचं प्रमाण जास्त असल्याचा निष्कर्ष यातून निघाला आहे मात्र कापूस तीळ अशा प्रकारची पिकप भरपूर होतील व त्यांना भावही मिळेल असा निष्कर्ष भेंडवळच्या गट मांडणीतून निघाला आहे
- मुख्यपृष्ठ
- बातम्या
- महाराष्ट्र
- Maharashtra Live blog updates: मोठी बातमी: डोंबिवलीत लोकल ट्रेनचा डबा रुळावरुन खाली घसरला, मध्य रेल्वेची वाहतूक विस्कळीत