Maharashtra Live blog updates: राज्यातील पोटनिवडणुकांसाठी मुख्यमंत्री प्रचार मैदानात; देवेंद्र

19/04/2026 14:36:21

सांगलीत राष्ट्रवादी अजित पवार पक्षांतर्गत संघर्ष आणखी उफाळला; तब्बल 35 पदाधिकाऱ्यांनी दिले शहर जिल्हाध्यक्षांकडे राजीनामे

सांगली महापालिकेमध्ये स्वीकृत नगरसेवक पदाच्या निवडीवरून राष्ट्रवादी अजित पवार पक्षांतर्गत संघर्ष आणखी चिघळला आहे. पक्षाच्या प्रदेशकडून दिगंबर जाधव आणि स्नेहल सावंत यांचे नाव अधिकृत लेटरहेडवर आले असताना ऐनवेळी गटनेते मैनुद्दीन बागवान यांनी जाधव यांचे नाव काढून अशोक मासाळ यांचे नाव घातले. या कारभारामुळे संतप्त झालेल्या ३५ शहर जिल्ह्याच्या पदाधिकाऱ्यांनी शहर अध्यक्ष जगदाळे यांच्याकडे राजीनामे सुपूर्त केले आहेत. प्रदेशकडून दोन जणांची नावे आली. त्या पत्रावर असलेले एक नाव गट नेत्याने परस्पर बदलले. यामुळे पक्षाची बदनामी होईल असा मेसेज जाईल असे सांगितले. मात्र, अजितदादा पवार यांच्या निधनानंतर धाक राहिला नसल्यासारखे वागून त्यांनी मनमानी कारभार करून पक्षाचा आदेश डावलून अधिकृत नाव न घालता दुसरे नाव घालण्याचे धाडस केले आहे. त्यामुळे गटनेते मैनुद्दीन बागवान यांची पदावरून हकालपट्टी करावी. याविरोधात पक्षात संतापाची लाट आहे. पदाधिकाऱ्यांनी माझ्याकडे राजीनामे दिले आहेत.

19/04/2026 14:04:22

जमिनीच्या वादातून चुलत्यानेच पुतण्याची हत्या; शिराढोण पोलिस ठाण्यात गुन्हा दाखल

धाराशिव जिल्ह्यातील खामसवाडी येथे जमिनीच्या वादातून चुलत्यानेच पुतण्याची हत्या केल्याची धक्कादायक घटना समोर आली आहे. विलास शेळके असे आरोपी चुलत्याचे नाव असून त्याने आपल्या पुतण्या सुजित शेळके याच्या पोटावर चाकूने वार करत त्याची हत्या केल्याची माहिती समोर आली आहे. जमीन व्यवहारातून आरोपी आणि मयत सुजित शेळके यांच्यात वाद सुरू होता. दरम्यान सुजित शेळके हा रात्री आपल्या आजी आजोबांसोबत झोपलेला असताना आरोपीने येऊन शिवीगाळ केली, त्यानंतर झालेल्या वादाचे रूपांतर भांडणात होऊन आरोपीने चाकूने वार करत सुजित शेळके याची हत्या केली. ही घटना रात्री साडेदहाच्या सुमारास घडली असून या प्रकरणी मृत सुजित शेळके यांच्या आईच्या जवाबावरून शिराढोण पोलिस ठाण्यात गुन्हा दाखल करण्यात आला आहे. चुलत्यानेच पुतण्याची हत्या केल्याने परिसरात एकच खळबळ उडाली आहे.

19/04/2026 13:23:03

राज्यातील पोटनिवडणुकांसाठी मुख्यमंत्री प्रचार मैदानात; देवेंद्र फडणवीस 2 दिवस प्रचार करणार

राज्यातील पोटनिवडणुकांसाठी मुख्यमंत्री प्रचार मैदानात

बारामती आणि राहुरीतील पोटनिवडणुकीसाठी मुख्यमंत्री देवेंद्र फडणवीस २ दिवस प्रचार करणार

उद्या आणि परवा मुख्यमंत्री मतदारसंघात जाऊन करणार प्रचार

बारामती आणि राहुरीत मुख्यमंत्री देवेंद्र फडणवीस घेणार जाहीर सभा

महायुतीकडून बारामतीत राष्ट्रवादी काँग्रेसच्या अध्यक्षा आणि उपमुख्यमंत्री सुनेत्रा पवार उमेदवार

राहुरीत शिवाजीराव कर्डिले यांचे पुत्र अक्षय कर्डिले यांना उमेदवारी जाहीर

दिवंगत उपमुख्यमंत्री अजित पवारांच्या निधनामुळे बारामतीची जागा रिक्त तर शिवाजीराव कर्डिले यांच्या मृत्यूमुळे राहुरीत विधानसभेची पोटनिवडणुक जाहीर

19/04/2026 12:58:05

Beed : अतिक्रमण काढताना नगरपरिषदेने पक्षपातीपणा करू नये विरोधकांनी सत्ताधाऱ्यांना सुनावले

परळी नगर परिषदेकडून सुरू असलेल्या अतिक्रमण मोहिमेबाबत विरोधकांनी या मोहिमेत पक्षपातीपणा होत असल्याचा आरोप केलाय.परळी नगरपरिषदेत मंत्री पंकजा मुंडे आणि आमदार धनंजय मुंडे यांची सत्ता असताना भाजपा नगरसेविकेने अतिक्रमण बाबत दिलेल्या पत्रामुळे सत्ताधाऱ्यांमध्ये समन्वय नसल्याचा आरोप विरोधकांनी केला आहे

तर ज्योतिर्लिंग वैजनाथाचे मंदिर असल्याने या ठिकाणी राज्यातून तसेच देशभरातून भाविक दर्शनासाठी येत असतात.परंतु परळीतील रस्त्यावर अतिक्रमण वाढल्याने या भाविकांना वाहतुकीच्या कोंडीचा त्रास सहन करावा लागतोय.यामुळे परळीतील मुख्य रस्त्यावरील अतिक्रमण सरसकट काढावे अशी मागणी नागरिकांनी केली आहे.

ज्या फूटपाथ वर अतिक्रमण झालेले आहे त्यामुळे नगरपरिषदेच्या इंजिनियर चा भव्य सत्कार करावा असा खोचक टोला नागरिकांनी लगावला आहे. फेरीवाल्यांचे अतिक्रमण काढून त्यांचे पुनर्वसन करण्याची मागणी ही यावेळी करण्यात आली आहे.

या अतिक्रमण हटाव मोहिमेत पक्षपातीपणा होत असल्याचा आरोप करण्यात आल्याने परळीतील अतिक्रमण सरसकट काढले जाते का हे पाहणे महत्त्वाचे आहे.

19/04/2026 11:51:50

पाटणला पाण्याची आणीबाणी, शहराला पुरवठा करणारी मुख्य पाईपलाईन फुटली

पाटणला पाण्याची आणीबाणी, शहराला पुरवठा करणारी मुख्य पाईपलाईन फुटली...

कोयना धरण कोयना नदी उराशी तरी कोरड घशाला, नागरिकांचे टँकर मागे धावा धाव पाटणचे मुख्याधिकारी फिरक्यांना प्रशासनाचे दुर्लक्ष नागरिकांचे हाल

सातारा जिल्ह्यातील पाटण शहरात सध्या पाण्याची गंभीर टंचाई निर्माण झाली आहे. शहराला पाणीपुरवठा करणारी मुख्य पाईपलाईन रस्त्याच्या कामादरम्यान फुटल्याने गेल्या आठ दिवसांपासून अनेक भागातील नळपुरवठा पूर्णपणे विस्कळीत झाला आहे. त्यामुळे नागरिकांना टँकरच्या पाण्यावर अवलंबून राहण्याची वेळ आली आहे. पाणी मिळवण्यासाठी महिलांची मोठी धावपळ सुरू असून नागरिकांमध्ये तीव्र नाराजी व्यक्त होत आहे. कोयना धरण आणि कोयना नदी काठी असलेल्या पाटण शहरातील नागरिकांना पाण्यासाठी टँकर मागे धावावे लागत आहे कोणा धरण उराशी तरी कोरड घासायची अशी परिस्थिती पाटणच्या जनतेची निर्माण झाली आहे..

विशेष म्हणजे कोयना धरण आणि कोयना नदीच्या परिसरात असलेल्या पाटण शहरावरच पाण्यासाठी अशी वेळ येणे, ही प्रशासनासाठी लाजिरवाणी बाब मानली जात आहे. मुख्याधिकारी, नगरपंचायत प्रशासन आणि संबंधित ठेकेदार यांच्यात समन्वयाचा अभाव असल्याचा आरोप होत आहे. फुटलेली पाईपलाईन दुरुस्त करण्यास उशीर होत असल्याने नागरिकांचे हाल वाढले आहेत.

विरोधकांनी प्रशासनावर हलगर्जीपणाचा आरोप केला आहे, तर सत्ताधारी गटाकडून लवकरच पाणीपुरवठा सुरळीत करण्याचे आश्वासन देण्यात येत आहे. मात्र, तोपर्यंत पाटणकरांना पाण्यासाठी आणखी किती दिवस संघर्ष करावा लागणार, हा सवाल आता उपस्थित होत आहे.

19/04/2026 10:37:24

वारकरी संप्रदायामध्ये राजकारण आणून कोणी आपली आयडालॉजी घुसडू नये आणि सांप्रदायाला बदनाम करू नये; जयकुमार गोरे यांनी लवांडेला सुनावले

वारकरी सांप्रदाय आणि राष्ट्रवादी शरद पवार गट यांच्यात सुरू असलेल्या वादात आता सोलापूरचे पालकमंत्री जयकुमार गोरे यांनी उडी घेतली असून वारकरी संप्रदायाला बदनाम करण्याचा प्रयत्न करू नये असे सुनावले आहे. खासदार शरद पवार यांनी वारकरी संप्रदायात प्रतिगामी शक्ती घुसल्याची भूमिका घेतल्यानंतर प्रवक्ते लवांडे यांनी सांप्रदायातील बंडातात्या कराडकर यांच्यासह अनेक दिग्विज्यांची नावे सोशल माध्यमातून दिली होती. त्यानंतर वारकरी संप्रदाय आक्रमक झाला आणि पंढरपूर येथे झालेल्या बैठकीत लवांडेला तात्काळ अटक करण्याची मागणी सांप्रदायाकडून करण्यात आली होती. लवांडे व शासनाने कारवाई न केल्यास राज्यभर तीव्र आंदोलन छेडण्याचा इशाराही यावेळी सांप्रदायाने दिला आहे.

आता या वादात सोलापूरचे पालकमंत्री जयकुमार गोरे यांनी उडी घेतली असून वारकरी संप्रदाय हा आपला अभिमान आहे कोणीही यात राजकारण आणून सांप्रदायाला बदनाम करण्याचा प्रयत्न करू नये असा इशारा दिला आहे. वारकरी संप्रदायाची स्वतंत्र व्यवस्था असून या व्यवस्थेत आपली आयडॉलॉजी घुसवण्याचा प्रयत्न करून डाग लावू नये असेही गोरे यांनी सुनावल आहे. त्यामुळे वारकरी सांप्रदाय आणि राष्ट्रवादी काँग्रेस शरद पवार गटातील वाद आता वाढत जाणार हे दिसत आहे.

19/04/2026 10:09:34

योग्य वेळी योग्य ऑपरेशन होईल आणि त्याचे परिणामही दिसतील; ऑपरेशन टायगरला पालकमंत्री जयकुमार गोरे यांचे उत्तर

कोणतेही ऑपरेशन ही त्याची आवश्यकता असते त्याचवेळी करायचे असते .. त्यामुळे मला नक्की माहित आहे कोणते ऑपरेशन केव्हा करायचे .. त्यामुळे चिंता करू नका योग्य वेळी योग्य सर्जरी होईल आणि त्याचे परिणामही दिसतील असा टोला सोलापूरचे पालकमंत्री जयकुमार गोरे यांनी लगावला. सध्या सोलापूर जिल्ह्यात ऑपरेशन टायगर जोरात सुरू असून एकनाथ शिंदे यांच्या उपस्थितीत भगीरथ भालके अनिल सावंत अशा नेत्यांचा शिवसेनेत प्रवेश झाला होता. वेळी पालकमंत्री जयकुमार गोरे यांना भगीरथ भालके यांनी लक्षही केले होते .. त्यावरून बोलताना ऑपरेशन लोटस बंद झाले आहे का असा प्रश्न विचारतात गोरे यांनी थेट उत्तर देत शिवसेनेला टोला लगावला आहे.

19/04/2026 09:42:51

दारू पिऊन त्रास देणाऱ्या भावाचा बहिणीनेच केला खून; करमाळ्यातील धक्कादायक प्रकार

दारू पिऊन सातत्याने त्रास देणाऱ्या भावाचा बहिणीनेच खून केल्याचा धक्कादायक प्रकार करमाळ्यात समोर आला आहे. भाऊ बहिणीला त्रास देत होता.. या त्रासाला कंटाळूनच बहिणीने आपल्या पतीच्या मदतीने भावाचा गळा दाबून खून केल्याची घटना करमाळा तालुक्यात घडली.. भावाचा खून करून त्याचा मृतदेह मक्याच्या गंजीत टाकण्यात आला होता.. मात्र पोलिसांनी 24 तासात तपास चक्रे फिरवत मृत मल्हारी कांबळे याची बहिण शितल केंगारे व राजेश केंगारे त्यांच्याविरुद्ध खुनाचा गुन्हा दाखल करून अटक करण्यात आली आहे. पोलीस निरीक्षक रणजीत माने यांच्या पथकाने अवघ्या 24 तासात या हत्येचा छडा लावला आहे.

19/04/2026 09:24:50

सिंधुदुर्ग जिल्ह्यात सर्वत्र ढगाळ वातावरण; पुढील चार दिवसांत हलक्या स्वरुपाच्या पाऊसाची शक्यता

सिंधुदुर्ग जिल्ह्यात सर्वत्र ढगाळ वातावरण असून हवामान विभागाने पुढील चार दिवसांत हलक्या स्वरुपाच्या पाऊसाची शक्यता वर्तवली आहे. मात्र ढगाळ वातावरणामुळे आंबा, काजूवर परिमाण होण्याची शक्यता आहे. पावसाचा अंदाज असल्याने कृषी विभागाने शेतकऱ्यांना आंबा, वेचणी केलेल्या किंवा वाळत घातलेल्या काजु बिया, कडधान्ये, वाळत घातलेली सुपारी इत्यादी सुरक्षित ठिकाणी ठेवावेत. भात आणि भुईमुग पिके काढणी करून सुरक्षित ठिकाणी ठेवण्याचे आवाहन केले आहे.

19/04/2026 09:02:19

वाढदिवस साजरा करताना दुचाकीचा धक्का लागला अन गावात राडा झाला; परभणीच्या पूर्णा तालुक्यातील गौर येथील घटना

वाढदिवस साजरा करत असताना दुचाकीचा धक्का लागला या कारणावरून परभणीच्या पूर्णा तालुक्यातील गौर गावात जोरदार राडा झाल्याची घटना घडलीय तर या मारहाणीत एक जण गंभीर जखमी झाला असून जमावाने गावातील चारचाकी गाडी जाळली आहे.दरम्यान गावात मोठ्या प्रमाणावर पोलीस बंदोबस्त तैनात करण्यात आला आहे.
गौर गावातील सुशील पारवे आणि गोरखनाथ पारवे हे गावात जात असताना रस्त्यातच दुचाकी लावून सुजित सावळे वाढदिवस साजरा करत होते यावेळी सुशील पारवे आणि गोरखनाथ पारवे यांचा त्यांच्या दुचाकीला धक्का लागला त्यामुळे व जुन्या वादातून सुजित सावळे आणि संतोष सावळे यांनी गोरखनाथ पारवे यांना कत्तीने मारहाण केली ज्यात ते गंभीर जखमी झाले यानंतर एका जमावाने गावातील बालाजी सावळे यांच्या घरासमोर लावलेली चारचाकी वाहन जाळली ज्यामुळे मोठा तणाव निर्माण झाला होता तत्काळ पोलीस गावात पोचले आणि परिस्थिती नियंत्रणात आणली.या प्रकरणात गोरखनाथ पारवे यांना कत्तीने मारहाण केल्या प्रकरणी ५ जणांवर गुन्हा दाखल करण्यात आला आहे तर चारचाकी वाहन जाळल्याच्या प्रकरणात एकूण १५ जणावर गुन्हा दाखल करण्यात आला असुन पुढे कुठलाही अनुचित प्रकार घडू नये म्हणून मोठा पोलीस बंदोबस्त गावात तैनात करण्यात आला आहे..

19/04/2026 08:35:33

Samruddhi Expressway: समृद्धी महामार्ग लगत नवनगरे विकसित करण्याचा सरकारचा महत्त्वाकांक्षी प्रकल्प रद्द, नेमकं कारण काय?

नागपूर - मुंबई अशा 701 किलोमीटर लांबीच्या समृद्धी महामार्ग लगत 18 ठिकाणी नवनगरे व कृषी केंद्राचा विकास केला जाणार होता. या नवनगरांमध्ये शेतमालावर प्रक्रिया करणारे उद्योग,टेक्स्टाईल पार्क,इलेक्ट्रॉनिक आणि इलेक्ट्रिक उद्योग, ट्रान्सपोर्ट उपकरणे, फार्मासिटिकल अशा क्षेत्रातील उद्योग उभारण्याचा एम एस आर टी सी व सरकारचा प्रयत्न होता . महामार्ग लगतच्या इंटरचेंज नजीक भूसंकलन करून शेतकऱ्यांच्या भागीदारीत ही नवनगरी वसवली जाणार होती आणि त्यासाठी जवळपास 500 ते 2000 हेक्टर जमिनीचा अधिग्रहण करावे लागणार होते. या बदल्यात शेतकऱ्यांना त्यांच्या जमिनीच्या मोबदल्यात 30 टक्के विकसित भूखंड ही दिला जाणार होता . मात्र बहुतांश ठिकाणी भू संकलन करण्यासाठी जमीन व जमिनी देण्यासाठी शेतकऱ्यांकडून अपेक्षित प्रतिसाद मिळाला नसल्याने सरकारने कृषी केंद्र आणि नवनगरे विकसित करण्याचा निर्णय रद्द केला आहे. आता या नवनगरांऐवजी समृद्धी महामार्गाच्या 15 इंटरचेंजच्या भागात विकास केंद्रे साकारले जाणार आहेत आणि त्यासाठी विशेष नियोजन प्राधिकरण म्हणून नियुक्तीचा प्रस्ताव एम एस आर डी सी ने राज्य सरकारकडे सादर केल्याची माहिती आहे. त्यामुळे आता एमएसआरडीसी कडून या इंटरचेंज नजीक पाच किमी परिसराचा विकास करण्यात येणार आहे व त्याचा विकास आराखडा ही एम एस आर डी सी तयार करेल यासाठीचा प्रस्ताव सरकारकडे पाठविण्यात आल्याची माहिती एम एस आर डी सी च्या वरिष्ठ अधिकाऱ्यांनी "एबीपी माझा" दिली आहे.

19/04/2026 08:10:38

Mumbai : मे अखेरपर्यंत कोस्टल रोडवर दोन फ्लड गेट्स बसवणार; इंदूर येथे चाचणी झाली पूर्ण

मे अखेरपर्यंत कोस्टल रोडवर दोन फ्लड गेट्स बसवणार; इंदूर येथे चाचणी झाली पूर्ण

कोस्टल रोडवर पावसाळ्यात जमा होणाऱ्या पाण्याचा निचरा करण्यासाठी १५ फ्लड गेट्स बसविलेले

यापैकी दोन फ्लड गेट्सचा आराखडा चुकल्याचे निदर्शनास

त्यामुळे नव्याने फ्लड गेट्स बसवण्यात येणार असून इंदूर येथे चाचणी पूर्ण

हे दोन्ही गेट मे अखेरपर्यंत बसवण्यात येणार असल्याची माहिती

19/04/2026 08:09:39

मुंबईत एक आठवडा 5 टक्के पाणीकपात; जलबोगद्यांचे क्लोरीनीकरण करणार

मुंबईत एक आठवडा ५ टक्के पाणीकपात; जलबोगद्यांचे क्लोरीनीकरण करणार

मुंबईतील जलबोगदा क्रमांक १,२ यांच्या देखभाल कामांमुळे २० ते २७ एप्रिलदरम्यान एल, एम, एन, एस, टी तसेच ए ते एफ विभागांत पाणीपुरवठ्यात ५ टक्के कपात करण्यात येणार

एल (कुर्ला-पूर्व), एम -पूर्व, एम-पश्चिम, एन, एस, टी आणि ए, बी, सी, ई, एफ-उत्तर, एफ-दक्षिण या विभागांत २० ते २७ एप्रिल या कालावधीत पाणी पुरवठ्यात कपात

19/04/2026 08:04:52

अहिल्यानगरच्या राहुरी पोटनिवडणुकीच्या प्रचाराची रणधुमाळी सुरू; विरोधकांकडून कर्डीले यांच्यावर दडपशाहीचा आरोप

अहिल्यानगरच्या राहुरी पोटनिवडणुकीच्या प्रचाराची रणधुमाळी सुरू आहे...भाजपचे उमेदवार अक्षय कर्डीले यांच्या प्रचारार्थ त्यांचे मेव्हणे आणि राष्ट्रवादी अजित पवार पक्षाचे आमदार संग्राम जगताप हे मैदानात उतरले आहेत...अहिल्यानगरच्या राहुरी शहरात अक्षय कर्डीले यांच्या प्रचार रॅली आयोजित करण्यात आली या प्रचार रॅलीत संग्राम जगताप सहभागी झाले...दरम्यान स्व.शिवाजीराव कर्डीले यांनी 30 वर्ष केलेल्या कामाचे फळ अक्षय कर्डीले यांना विजयाच्या माध्यमातून मिळेल अशा विश्वास संग्राम जगताप यांनी व्यक्त केला तर विरोधकांकडून कर्डीले यांच्यावर दडपशाहीचा आरोप केलाय त्याबाबत अक्षय कर्डीले यांना विचारले असता मी विरोधक काय म्हणतात याकडे लक्ष देत नाही, पुढील साडे तीन वर्षे मतदारसंघात नेमकी काय करायचे आहे याचाच विचार करतोय असं म्हंटलंय..

19/04/2026 07:28:46

Sammrudhi highway accident: समृद्धी महामार्गावर लक्झरी बसचा अपघात, दीड वर्षीय चिमुकल्याचा मृत्यू

समृद्धी महामार्गावर पुन्हा खासगी लक्झरी बसचा अपघात ..

मोबाईल वर रिल बनवण्याच्या नादात ट्रॅव्हलचा अपघात ..

ट्रॅव्हल्स चालक आणि क्लिनर बनवत होते रिल..

मेहकर येथील टोलनाका जवळ खाजगी ट्रॅव्हल्स अनियंत्रित होऊन झाली पलटी..

अपघातात एका दीड वर्षीय चिमुकल्याचा मृत्यू ..

तर २० ते २५ प्रवाशी जखमी ..

ट्रॅव्हल्स पलटी झाल्याने चार चाकी वाहनावर आदळले..

त्यामुळे चार चाकी वाहनाचे ही मोठे नुकसान.

घटनेनंतर तात्काळ परिसरातील नागरिकांना रुग्णालयात हलविले ..

मात्र, मेहकरच्या ग्रामीण रुग्णालयात डॉक्टर उपलब्ध नसल्याने जखमींना खाजगी रुग्णालयात हलविले ..

तर काहींवर स्वतः नागरिकांना केले थातूरमातूर उपचार..

19/04/2026 07:02:38

Raigad news: रायगडच्या माणगाव उपजिल्हा रूग्णालयात खाजगी डॉक्टर संपावर

रायगडच्या माणगाव उपजिल्हा रुग्णालयात ऑन कॉल पद्धतीने कार्यरत असणारे खाजगी डॉक्टर संपावर गेल्याने रुग्ण सेवेचा बोजवारा उडालाय. डॉक्टरांच्या या संपामुळे स्पेशालिटी OPD सेवा बंद झाली आहे. माणगावमधील 7 खाजगी डॉक्टर NRHM (राष्ट्रीय ग्रामीण आरोग्य अभियान)मधुन ऑन कॉल पद्धतीने रुग्णसेवा देत होते. नोव्हेंबर 2025 पासूनचे त्यांचे 33 लाख 30 हजार रुपयांचे मानधम शासनाने दिले नसल्याने डॉक्टरांना काम बंद आंदोलनाचा अवलंब करावा लागला,त्यामुळे येथील दवाखान्यात रुग्णांना सेवा मिळण्यास अडथळे येत आहेत.

19/04/2026 07:02:00

Ratnagiri news: राजापूर तालुक्यातील सागवे आणि नाणार येथील बॉक्साइट उत्खननाला किरण सामंतांचा विरोध

रत्नागिरी जिल्ह्यातील राजापूर तालुक्यातील सागवे आणि नाणार येथील बॉक्साइट उत्खननासंदर्भात होणाऱ्या जनसुनावणीला स्थानिक आमदार किरण उर्फ भैया सामंत यांचाच विरोध

मच्छीमार, पाण्याचे स्त्रोत आणि जगप्रसिद्ध हापूस आंब्याला बसणार उत्खनणाचा फटका

स्थानिक लोकांची मागणी आणि पर्यावरणासहित आंब्याचे होणारे नुकसान यामुळे सामंत यांचा विरोध

एबीपी माझाशी फोनवर बोलताना केली भूमिका स्पष्ट

20 मे रोजी सागवे ग्रामपंचायत हद्दीमध्ये होणार जन सुनावणी

बॉक्साइट उत्खनन विरोधात राजापूर पंचायत समितीच्या मासिक सभेत देखील ठराव संमत

तर पाच गावांच्या ग्रामपंचायतीनी केले आहेत विरोधातील ठराव मंजूर

19/04/2026 06:58:47

Eknath Shinde in Raigad: उपमुख्यमंत्री एकनाथ शिंदे आज रायगड दौऱ्यावर

उपमुख्यमंत्री एकनाथ शिंदे आज रायगड दौऱ्यावर येत आहेत. त्यांचा हा खाजगी दौरा असणार आहे. रायगडच्या तळा तालूक्यातील बोरीचा माळ येथे पुरातन श्री देवी लक्ष्मी मातेच्या मंदिराचा जिर्णोध्दार कार्यक्रमासाठी एकनाथ शिंदे रायगडमध्ये येत आहेत. बोरीचा माळ हे गाव शिंदेसेनेचे आमदार तुकाराम काते यांचे मुळ गाव असून काते यांच्या खास आग्रहास्तव शिंदे बोरीचा माळ येथे नव्याने बांधण्यात आलेल्या मंदिराच्या उद्घाटन सोहळ्याला उपस्थित राहणार आहेत.

19/04/2026 06:57:59

Solapur News: उन्हाळ्यात पाणी जपून वापरा, पालकमंत्री जयकुमार गोरेंचा सोलापूरकरांना सल्ला

यंदा राज्यावर एल निनोचे संकट असल्याने पाऊस कधी पडण्याची शक्यता आहे. अशावेळी उजनी धरणात असलेले पाणी काटकसरीने वापरण्याचे आवाहन पालकमंत्री जयकुमार गोरे यांनी केले आहे. त्यामुळेच यंदा उन्हाळ्यात एकच आवर्तन देण्याचे सध्या ठरविण्यात आले असून पाण्याची उपलब्धता पाहून दुसऱ्या आवर्तनाचा विचार केला जाईल असे गोरे यांनी सांगितले आहे. सध्या उजनीच्या मुख्य कालव्यातून उन्हाळी आवर्तनाला सुरुवात झाली आहे. त्यामुळे शेतकऱ्यांना उन्हाळी पिकाची काळजी मिटणार आहे.

सोलापूरला दुहेरी पाईपलाईन झाल्यामुळे उजनी धरणातून भीमा नदी द्वारे सोडण्यात येणारे पाणी आता बंद झाले आहे. त्यामुळे नदीकाठच्या हजारो शेतकऱ्यांना त्रासाला सामोरे जावे लागत असून यासाठी येत्या एक-दोन दिवसात भीमा नदीत पाणी सोडण्यात येईल असे आश्वासन ही गोरे यांनी दिले आहे.

गेल्या वर्षीच्या तुलनेने यावर्षी उजनी धरणात चांगला पाणीसाठा शिल्लक असला तरी पिण्याच्या पाण्याला प्राधान्य दिले जाणार आहे. मुख्यमंत्र्यांच्या सूचनेनुसार 31 ऑगस्ट पर्यंत पिण्याच्या पाण्याचे नियोजन करण्यात आले असून शेतकरी , उद्योजक आणि नागरिकांनी दुष्काळाचे संकट पाहता पाण्याचा काटकसरीने वापर करण्याचे आवाहन यावेळी पालकमंत्री जयकुमार गोरे यांनी केले आहे.

उजनीत सध्या 17 टक्के एवढा पाणीसाठा असून गेल्या वर्षीच्या तुलनेने परिस्थिती खूप चांगली असल्याचे त्यांनी सांगितले. यातच आता सोलापूरला दुहेरी पाईपलाईन मुळे धरणातील जवळपास 12 टीएमसी एवढे पाणी वाचले असल्याचा दिलासाही मिळाल्याचे गोरे यांनी सांगितले. मात्र अल निनो मुळे संभाव्य दुष्काळाचे संकट येणार असल्याने प्रशासनाने पाण्याचे आधीच नियोजन केले असल्याचा विश्वास गोरे यांनी दिला आहे.

19/04/2026 06:52:05

Buldhana news: समृद्धी महामार्गालगत नवनगरे विकसित करण्याचा प्रकल्प बारगळला

नागपूर - मुंबई अशा 701 किलोमीटर लांबीच्या समृद्धी महामार्ग लगत 18 ठिकाणी नवनगरे व कृषी केंद्राचा विकास केला जाणार होता. या नवनगरांमध्ये शेतमालावर प्रक्रिया करणारे उद्योग,टेक्स्टाईल पार्क,इलेक्ट्रॉनिक आणि इलेक्ट्रिक उद्योग, ट्रान्सपोर्ट उपकरणे, फार्मासिटिकल अशा क्षेत्रातील उद्योग उभारण्याचा एम एस आर टी सी व सरकारचा प्रयत्न होता . महामार्ग लगतच्या इंटरचेंज नजीक भूसंकलन करून शेतकऱ्यांच्या भागीदारीत ही नवनगरी वसवली जाणार होती आणि त्यासाठी जवळपास 500 ते 2000 हेक्टर जमिनीचा अधिग्रहण करावे लागणार होते. या बदल्यात शेतकऱ्यांना त्यांच्या जमिनीच्या मोबदल्यात 30 टक्के विकसित भूखंड ही दिला जाणार होता . मात्र बहुतांश ठिकाणी भू संकलन करण्यासाठी जमीन व जमिनी देण्यासाठी शेतकऱ्यांकडून अपेक्षित प्रतिसाद मिळाला नसल्याने सरकारने कृषी केंद्र आणि नवनगरे विकसित करण्याचा निर्णय रद्द केला आहे. आता या नवनगरांऐवजी समृद्धी महामार्गाच्या 15 इंटरचेंजच्या भागात विकास केंद्रे साकारले जाणार आहेत आणि त्यासाठी विशेष नियोजन प्राधिकरण म्हणून नियुक्तीचा प्रस्ताव एम एस आर डी सी ने राज्य सरकारकडे सादर केल्याची माहिती आहे. त्यामुळे आता एमएसआरडीसी कडून या इंटरचेंज नजीक पाच किमी परिसराचा विकास करण्यात येणार आहे व त्याचा विकास आराखडा ही एम एस आर डी सी तयार करेल यासाठीचा प्रस्ताव सरकारकडे पाठविण्यात आल्याची माहिती एम एस आर डी सी च्या वरिष्ठ अधिकाऱ्यांनी "एबीपी माझा" दिली आहे.

Maharashtra Live blog updates: राज्यातील पोटनिवडणुकांसाठी मुख्यमंत्री प्रचार मैदानात; देवेंद्र फडणवीस 2 दिवस प्रचार करणार

पार्श्वभूमी