Maharashtra Live blog updates: मनसे अध्यक्ष राज ठाकरे उपमुख्यमंत्री एकनाथ शिंदेंच्या भेटीला, कारण अद्याप अस्पष्ट
Maharashtra Live blog updates: राज्यातील आणि देश-विदेशातील ताज्या घडामोडी आणि लेटेस्ट अपडेट्स मिळवण्यासाठी क्लिक करा. महाराष्ट्राच्या राजकारणात नेमकं काय घडतंय?
LIVE
Background
Maharashtra Live blog updates: दिग्दर्शक रोहित शेट्टी यांच्या निवासस्थानी झालेल्या गोळीबार प्रकरणात मुख्य शूटर आणि त्याचे साथीदारांनी मुंबईतून पळ काढण्यासाठी खासगी तसेच सार्वजनिक वाहतुकीचा वापर केल्याचे गुन्हे शाखेच्या तपासातून समोर आले आहे. आरोपींचा शहरातून पलायनाचा मार्ग उघड
गोळीबारानंतर आरोपी दीपक शर्मा, सनी कुमार आणि सोनू ठाकूर तब्बल १६ दिवस फरार होते. त्यांनी मुंबईहून आग्रा येथे पोहोचण्यासाठी चार वेळा खासगी आणि दोन वेळा सार्वजनिक वाहतुकीचा वापर केला. या प्रकरणात वापरलेले शस्त्र अद्याप पोलिसांना सापडलेले नाही.
तपास अधिकाऱ्यांच्या माहितीनुसार, आरोपींनी कल्याणहून टॅक्सी भाड्याने घेऊन जुहू येथील शेट्टी यांच्या घराजवळ पोहोचले. गोळीबारानंतर त्यांनी २० जानेवारीपासून विलेपार्ले रेल्वे पार्किंगमध्ये उभी असलेली स्कूटर काढली आणि जुहू बसस्टॉपजवळ ती सोडून दिली.
यानंतर त्यांनी एका ऑटोचालकाला कल्याणला सोडण्याची विनंती केली; मात्र त्याने नकार दिला. दुसऱ्या ऑटोचालकाने त्यांना ठाणे स्टेशनपर्यंत सोडले. तेथून त्यांनी दुसऱ्या ऑटोने कल्याण गाठले.
कल्याण रेल्वे स्थानकावर चौथा साथीदार त्यांची वाट पाहत होता. चौघांनी एक्स्प्रेस ट्रेनने भोपाळ गाठले, तेथून दुसरी ट्रेन पकडून आग्रा येथे पोहोचले. काही दिवस ते आपल्या-आपल्या गावी लपून बसले. त्यानंतर दीपक आणि सोनू हे सहआरोपी विशालच्या नोएडा येथील घरी राहिले. पुढे ते हरियाणात गेले, जिथे रितिक यादवने त्यांना आसरा दिल्याचा आरोप आहे. विशाल, रितिक आणि दीपकचा चुलत भाऊ जतिन भारद्वाज यांना आरोपींना मदत केल्याप्रकरणी अटक करण्यात आली आहे.
डोंबिवली-मुंबईत बनावट औषधांचे मोठे रॅकेट उघड; उच्च रक्तदाबाच्या रुग्णांच्या जिवाशी खेळ!
डोंबिवली-मुंबईत बनावट औषधांचे मोठे रॅकेट उघड; उच्च रक्तदाबाच्या रुग्णांच्या जिवाशी खेळ!
नामांकित कंपनीच्या नावे बनावट 'Telma AM' औषधाची विक्री; मनपाडा पोलिसांकडून दोन वितरक गजाआड
उच्च रक्तदाबासाठी वापरल्या जाणाऱ्या 'Telma AM' या नामांकित औषधाच्या बनावट गोळ्यांची विक्री.
मनपाडा पोलिसांची मोठी कारवाई; डोंबिवली आणि मुंबईतील दोन बड्या औषध वितरकांना अटक.
डोंबिवलीतील 'श्री राम फार्मा'चा मालक पंकज उपाध्याये आणि मुंबईतील वितरक विवेक राय यांना मनपाडा पोलिसांनी बेड्या ठोकल्या आहेत.
आरोपींकडून नामांकित कंपनीच्या लेबल्ससह बनावट औषधांचा मोठा साठा जप्त.
FDA चा धक्कादायक खुलासा: या बनावट गोळ्या शरीरात उशिरा विरघळतात, ज्यामुळे रुग्णांना हृदयविकाराचा किंवा स्ट्रोकचा गंभीर धोका.
तपासात बिहार कनेक्शन समोर;
Pune Crime : पुण्यात महिलेवर सामूहिक बलात्कार आणि त्यानंतर खून? भारती विद्यापीठ जवळ घडला धक्कादायक प्रकार
पुण्यात महिलेवर सामूहिक बलात्कार आणि त्यानंतर खून?
पुण्यातील भारती विद्यापीठ जवळ घडला धक्कादायक प्रकार
महिलेवर आधी बलात्कार करून तिला दगडाच्या खाणीत ढकलून खून करण्यात आला असल्याची माहिती
या गुन्ह्यातील तीनही आरोपी रेकॉर्ड वरील गुन्हेगार असून त्यांना अटक करण्यात आली आहे
प्राथमिक माहितीनुसार, आरोपींनी या महिलेला जबरदस्तीने रिक्षात बसवून निर्जन स्थळी नेले. तिला काठीने मारहाण केली आणि नंतर एकाने तिला खाणीत ढकलून दिले
सीसीटीव्ही मधे ओळखले जाऊ नये म्हणून आरोपींनी रिक्षाचे हूड देखील बदलले होते
या प्रकरणात भारती विद्यापीठ पोलीस आणि गुन्हे शाखा दोघांनी तपास केला आणि अखेर गुन्हे शाखेने तिघांना अटक केली
महत्त्वाच्या बातम्या
