Maharashtra live blog updates: पुणे पोलिसांची राजस्थानमध्ये छापेमारी, ४ कोटी रुपयांचे अमली पदार्थ जप्त, ६ जणांना अटक
Maharashtra Live blog updates: राज्यातील आणि देश-विदेशातील ताज्या घडामोडी आणि लेटेस्ट अपडेट्स मिळवण्यासाठी क्लिक करा. महाराष्ट्राच्या राजकारणात नेमकं काय घडतंय?
LIVE
Background
Maharashtra live blog updates: भारतीय जनता पक्षाच्या नवनिर्वाचित नगरसेविका मानसी शिमले यांचे पती नितीन शिमले वर सशस्त्र हल्ला करण्यात आला. या हल्ल्यात नितीन शिमले गंभीर जखमी झाले असून त्यांच्यावर रुग्णालयात उपचार सुरू आहे. ही घटना रविवारी रात्री वाजताच्या जुनी शुक्रवारी परिसरात घडली.
कोतवाली पोलिसांनी दिलेल्या माहितीनुसार नितीन शिमले आणि आरोपी सोनू ठाकरे उर्फ पैलवान यांच्यात पैशाच्या व्यवहारावरून वाद होते.. यावरून सोनू पैलवानने रविवारी रात्री जुनी शुक्रवारी चौकात नितीन शिमले याच्यावर चाकुने हल्ला केला. या हल्ल्यात शिमले गंभीर जखमी झाले.
घटनेची माहिती मिळताच कोतवाली पोलिस लगेच घटनास्थळावर पोहोचले. त्यांनी जखमी नितीन यांना रुग्णालयात दाखल केले घटनास्थळावरून फरार झालेल्या सोनू पैलवान चा पोलिस शोध घेत आहे.
मालेगावात टिपू सुलतान फोटो वाद तापला; उपमहापौरांविरोधात जनआंदोलनाचा इशारा
मालेगाव : उपमहापौरांच्या भूमिकेविरोधात भाजप आक्रमक झाला आहे. भाजप जिल्हाध्यक्ष निलेश कचवे यांनी थेट इशारा देत, “उपमहापौरांविरोधात जनआंदोलन छेडले जाईल,” असे स्पष्ट केले आहे.
कचवे म्हणाले की, उपमहापौरांचा इतिहास कच्चा असून नागरिकांनी तो जाणून घ्यावा. टिपू सुलतान यांनी हजारो हिंदूंवर अत्याचार केले, मंदिरे उद्ध्वस्त केली असल्याचा आरोप त्यांनी केला. अशा व्यक्तीचा फोटो शासकीय दालनात लावल्यास कलम 153-अ अंतर्गत कारवाई केली जावी, अशी मागणी त्यांनी केली.
संवैधानिक पदावर बसून अशी भाषा वापरणे अयोग्य असून त्यावर नियंत्रण ठेवावे, अन्यथा जनआंदोलन करण्यात येईल, असा इशाराही देण्यात आला. हा प्रकार हिंदूंच्या भावना भडकवण्याचा प्रयत्न असल्याचे सांगत पोलीस प्रशासन व महापालिका प्रशासनाने तातडीने दखल घ्यावी, अशी मागणी भाजपकडून करण्यात आली आहे.
दक्षिण मुंबईतील अनेक रस्ते वाहतूकीसाठी राहणार बंद
मुंबई : गेट वे ऑफ इंडिया येथे मंगळवारी होणाऱ्या India–France Year of Innovation कार्यक्रमाच्या पार्श्वभूमीवर दक्षिण मुंबईतील वाहतुकीत बदल करण्यात आले आहेत. हा कार्यक्रम फ्रान्सच्या वाणिज्य दूतावासाच्या वतीने 14 ते 22 फेब्रुवारीदरम्यान आयोजित करण्यात आला असून, आजपासून सुरुवात होत आहे.
वाहतुकीत पुढीलप्रमाणे बदल
-
छत्रपती शिवाजी महाराज मार्ग व श्यामा प्रसाद मुखर्जी चौक वाहतुकीसाठी बंद; फक्त आपत्कालीन वाहनांना परवानगी
-
पी. रामचंदानी मार्ग (नॉर्थ कोर्ट ते अॅडम स्ट्रीट जंक्शन) बंद
-
रिगल जंक्शनकडे येणारी वाहने शहीद भगतसिंग मार्ग, महाकवी भूषण रोड, बी.के. बोमन–बेहराम रोडकडे वळवली जाणार
-
पी. रामचंदानी मार्गावरील वाहतूक अल्वा चौक – रेडिओ क्लब – हाजी नियाज आझम रोड – जगन्नाथ पालव चौक मार्गे वळवली जाईल
-
अॅडम स्ट्रीट व पी. रामचंदानी मार्गावरील टॅक्सी स्टँड आणि BEST बस थांबे तात्पुरते बंद
वाहनचालकांनी पर्यायी मार्गांचा वापर करण्याचे आवाहन करण्यात आले आहे.
महत्त्वाच्या बातम्या
