Maharashtra live blog updates: मुंबईतील सातही तलावांच्या पाणलोट क्षेत्रात पावसाची संततधार; पाणीसाठ्यात समाधानकारक वाढ
Maharashtra Live blog updates: राज्यातील आणि देश-विदेशातील ताज्या घडामोडी आणि लेटेस्ट अपडेट्स मिळवण्यासाठी क्लिक करा. महाराष्ट्राच्या राजकारणात नेमकं काय घडतंय?
पार्श्वभूमी
Maharashtra live blog updates: उपमुख्यमंत्री एकनाथ शिंदे यांचे खास असलेल्या ॲड. निलेश देशमुख यांनी घेतली अकोला लोकसभेतील काँग्रेसचे पराभूत उमेदवार डॉ. अभय पाटील यांची अकोल्यात रात्री उशिरा भेट. डॉ. अभय...More
मनोज जरांगे अंतरवाली सराटीमध्ये दाखल. ..
जरांगे यांनी आज बोलावली अभ्यासकांची बैठक... बैठकीला थोड्याच वेळात सुरवात...
29 ऑगस्ट च्या पार्श्वभूमीवर.. ही बैठक बोलावली असून सरकार समोर मांडलेल्या अगोदरच्या मागण्या, त्यावर कायदेशीर माहिती ते अभ्यासकांकडून घेणार आहेत.
बारामती शहर पोलिसांनी गावठी पिस्तूल सह एकाला जेरबंद केल आहे पोलिसांनी त्याच्याकडून जिवंत काडतुसे देखील हस्तगत केली आहेत. प्रदीप सुरेश नकाते,ल वय 27 वर्षे, रा.महात्मा फुलेनगर बारामती असं अटक केलेल्या संशयित आरोपीचे नाव आहे.तर त्याचे अन्य तीन साथीदार फरार झाले असून पोलिसांकडून त्यांचा शोध सुरू आहे.
मुंबईला पाणीपुरवठा करणाऱ्या सातही तलावांच्या पाणलोट क्षेत्रात पावसाची संततधार सुरू असून, पाणीसाठ्यात समाधानकारक वाढ झाली आहे.
आज १६ ऑगस्ट रोजी सकाळी ६ वाजताच्या आकडेवारीनुसार मुंबईतील सात तलावांमध्ये एकूण ९२.२४ टक्के उपयुक्त पाणीसाठा शिल्लक आहे.
मुंबईतील वेहार, तुळशी आणि मोडक सागर हे तीन तलाव १०० टक्के भरले आहेत, तर तानसा तलावात ९९.२६ टक्के आणि मध्य वैतरणा तलावात ९६.९५ टक्के पाणीसाठा आहे. भातसा तलावात ९०.६२ टक्के, तर अप्पर वैतरणामध्ये ८३.२० टक्के पाणीसाठा नोंदवण्यात आला आहे.
सातही तलावांमध्ये मिळून १३ लाख ३४ हजार ९७९ दशलक्ष लिटर उपयुक्त पाणीसाठा उपलब्ध आहे. गेल्या वर्षी याच कालावधीत हा साठा ९०.१६ टक्के होता, तर २०२४ मध्ये ९३.२३ टक्के पाणीसाठा होता.
मोपेडवरून जाणाऱ्या दोघांवर तलवारीनं हल्ला करून त्यांना गंभीर जखमी केल्याची घटना भंडारा शहरात शुक्रवारी १४ ऑगस्टला भरदुपारी घडली होती. घटनेनंतर फरार झालेल्या दोन सख्ख्या भावांना भंडारा पोलिसांनी अटक केली आहे. रोहित भोंगाडे (२५) आणि रोशन भोंगाडे (२४) असं पोलिसांनी अटक केलेल्या दोन भावांची नावं आहेत. अमित चोपकर उर्फ कचरा (२७) आणि विश्वा रॉय उर्फ बग्गा (२४) असं असं या हल्ल्यात गंभीर जखमी झालेल्या दोघांची नावं आहेत. जुन्या वादाचा वचपा काढण्याच्या उद्देशानं हा हल्ला करण्यात आल्याचं समोर आलं आहे. अधिक तपास भंडारा पोलीस करीत आहे.
जो निर्णय जनतेचा तोच निर्णय सुप्रीम कोर्टाचा राहणार.
बुलढाणा जिल्ह्यात खूप मोठं ऑपरेशन टायगर होणार..!
शिंदेंचे आ.संजय गायकवाड यांचे चिखली मतदारसंघात जाऊन आव्हान.
काल आमदार संजय गायकवाड यांचे पुत्र मृत्युंजय गायकवाड यांचा वाढदिवस होता त्यानिमित्त आमदार संजय गायकवाड यांनी चिखली मतदारसंघात चिखली येथे कार्यकर्ता मेळावा घेतला यावेळी आमदार संजय गायकवाड यांनी आक्रमकतेने शिवसेना ही शिंदेंचीच राहणार तर शिवसेनेच्या कुठल्याही कार्यकर्त्याला पोलीस विभागाने कारण नसताना त्रास दिला तर आमदार संजय गायकवाड यांनी सज्जड दमही दिला.
नालासोपाऱ्यातील केक विषबाधा प्रकरणी महापौरांची रुग्णालयाला भेट
नालासोपारा : नालासोपाऱ्यात केक खाल्ल्यानंतर ११ जणांची प्रकृती बिघडल्याच्या प्रकरणाची दखल घेत वसई-विरार शहर महानगरपालिकेचे महापौर अजीव पाटील यांनी आज विजयलक्ष्मी हॉस्पिटलला भेट दिली. यावेळी त्यांनी रुग्णांची विचारपूस करून त्यांच्या प्रकृतीची माहिती घेतली.
केक खाल्ल्यानंतर संबंधितांना झालेल्या त्रासाबाबत महापौरांनी रुग्ण व त्यांच्या नातेवाईकांशी संवाद साधला. या प्रकरणात बाधितांना महानगरपालिकेकडून सर्वतोपरी सहकार्य करण्यात येईल, असे आश्वासन त्यांनी दिले.
दरम्यान, या घटनेची गांभीर्याने दखल घेत महापौरांनी महानगरपालिकेच्या आरोग्य यंत्रणेला या प्रकरणाची चौकशी करण्याचे आदेश दिले आहेत. केकचा नमुना, तो कुठून खरेदी करण्यात आला आणि संबंधितांना नेमकी कशामुळे विषबाधा झाली, याची तपासणी करण्यात येणार आहे.
केकमध्ये मृत पाल आढळल्याचा दावा करण्यात आल्यानंतर या प्रकरणाला अधिक गंभीर स्वरूप प्राप्त झाले आहे. प्रशासनाच्या चौकशीनंतरच या दाव्याची सत्यता आणि विषबाधेचे नेमके कारण स्पष्ट होणार आहे.
रत्नागिरी जिल्ह्यातील खेड तालुक्यातल्या आंबवली देऊळवाडी परिसरात बिबट्याचा वावर असल्याचं समोर आलं आहे. देऊळवाडीतील एका घराच्या परिसरात मध्यरात्री बिबट्या फिरताना CCTV कॅमेऱ्यात कैद झाला आहे. घराच्या परिसरात बिबट्या फिरत असल्याचं दृश्य CCTV फुटेजमध्ये स्पष्टपणे दिसून येत आहे.
या घटनेमुळे आंबवली देऊळवाडी परिसरातील नागरिकांमध्ये भीतीचं वातावरण निर्माण झालं आहे. रात्रीच्या वेळी घराबाहेर पडताना नागरिकांनी खबरदारी घ्यावी, अशी परिस्थिती निर्माण झाली असून वनविभागाने या परिसरात पाहणी करून आवश्यक उपाययोजना कराव्यात, अशी मागणी स्थानिकांकडून होत आहे.
दिवंगत लोकनेते गोपीनाथ मुंडे काँग्रेसमध्ये येणार होते, असा दावा माजी मुख्यमंत्री पृथ्वीराज चव्हाण यांनी केला… आणि या दाव्यावर पंकजा मुंडेंनी सडेतोड उत्तर दिलंय.माझे वडील कमळातच जन्मले आणि कमळातच विसावले,असं म्हणत पंकजा मुंडेंनी वडील गोपीनाथ मुंडेंच्या राजकीय प्रवासावर ठाम भूमिका मांडली.
गोपीनाथ मुंडेंचा संपूर्ण प्रवास हा भाजप आणि कमळासोबतच राहिला, आजही परिस्थिती बदलली तरी लोक त्यांचं नाव घेतात, असं पंकजा मुंडे म्हणाल्या. पृथ्वीराज बाबांनीही त्यांचं नाव आदरानेच घेतलं असेल, असं म्हणत त्यांनी या राजकीय दाव्याला फारसं महत्त्व न देता संयमी उत्तर दिलं. त्यामुळे मुंडेंच्या काँग्रेस प्रवेशाच्या चर्चेला पंकजा मुंडेंनी पुन्हा एकदा पूर्णविराम दिला आहे.
वैभववाडीत भुईबावडा घाटात भली मोठी दरड कोसळली.
गगनबावडा खारेपाटण राज्य मार्गावरील वाहतूक ठप्प.
भुईबावडा घाटात रिंगेवाडी पासून अंदाजे ६ कि.मी अंतरावर भली मोठी दरड कोसळली.
वाहतूक करूळ मार्गे वळविण्यात आली आहे.
महाड MIDC तील इंडो आमाईन्स कंपनीत शनिवारी संध्याकाळी गॅस गळती झाली. हॅड्रोक्लोराईड ॲसिडमधुन निघणाऱ्या गॅसची हि गळती असून यामुळे कंपनीतील कामगार आणि मुख्य रस्त्यावरून जाणारे अशा आठ जणांना गॅस लागला झाली. यामध्ये एका कामगाराचा उपचारादरम्यान मृत्यू झाला असून अमित कुमार वय वर्ष 28 मुळ राहणार बिहार असे या मृत झालेल्या कामगाराचे नाव आहे. महाडच्या MMA रुग्णालयात प्रथमोपचार करून काही रुग्णांना खाजगी दवाखान्यात दाखल करण्यात आले आहे.
धाराशिवमध्ये हरित धाराशिव मोहिमेअंतर्गत बारा तासात दहा लाखाहून अधिक देशी वृक्ष लागवडीचा गिनीज वर्ल्ड रेकॉर्ड करण्यात आला. सलग दुसऱ्या वर्षी वृक्ष लागवड करत या विश्वविक्रमाला गवसणी घालण्यात आली. अभिनेते सयाजी शिंदे यांच्या उपस्थितीत हा कार्यक्रम पार पडला. यावेळी गिनीज रेकॉर्ड वरू अनेक प्रश्न उपस्थित करत वन मोहीम यासारख्या विषयावरून अभिनेता सयाजी शिंदे यांनी जोरदार टोलेबाजी केली. तसेच मला जेवढी मत पडली आहेत तेवढी झाड लावणार असल्याचा संकल्प खासदार ओमराजे निंबाळकर यांनी केल्याची क्लिप मी पाहिली होती ती झाड कुठे आहे असा सवाल अभिनेता शिंदे यांनी खासदार ओमराजे निंबाळकर यांना भरमंचावरच विचारत वृक्ष लागवडीवरून खासदार यांनाही टारगेट करत पुरावा मागितला. यावेळी पालकमंत्री प्रताप सरनाईक यांनी शिंदेंच्या गिनीज बुक ऑफ रेकॉर्ड वरील वक्तव्यावर दिलखुलास भाष्य करत, आम्ही राजकारणी आहोत आम्हाला मागे,पुढे खाली वरील सगळीकडे बघावं लागतं. सयाजी शिंदेंना त्याचं काहीही देणं घेणं नाही. असं सांगत आपल्याही नावावर एक गिनीज वर्ल्ड रेकॉर्ड असल्याचं सांगितलं. तर सयाजी शिंदे यांच्या वक्तव्यानंतर व्यासपीठावरच ओमराजांनी वृक्ष लागवडीचा पुरावाही दाखवला. वृक्ष लागवडीचा कार्यक्रम शिंदेंच्या टोलेबाजी आणि नेत्यांच्या उत्तरामुळे रंगला.
मेळघाटातील डोमा येथील आश्रमशाळा मधील कर्मचाऱ्यांनी स्वतःच्या सोयीसाठी चक्क विजेच्या खांबावरून थेट बेकायदेशीरपणे तार टाकून (आकडा टाकून) वीज चोरी ?
व्हिडीओ व्हायरल झाल्याने कर्मचाऱ्यांवर काय कारवाई होणार याकडे लक्ष..
एकीकडे हक्काच्या सुविधांसाठी विद्यार्थी अंधारात चाचपडत असताना, दुसरीकडे याच परिसरात राहणाऱ्या आश्रमशाळेतील काही कर्मचाऱ्यांचा मुजोरपणा समोर आला आहे.. या कर्मचाऱ्यांनी स्वतःच्या सोयीसाठी चक्क विजेच्या खांबावरून थेट बेकायदेशीरपणे तार टाकून (आकडा टाकून) वीज चोरी केल्याचा व्हिडीओ व्हायरल झाला आहे.. विद्यार्थ्यांच्या नशिबी अंधार आणि कर्मचाऱ्यांची मात्र उजळ माथ्याने वीज चोरी, असा उफराटा कारभार येथे सुरू आहे...
मेळघाटातील चिखलदरा तालुक्यातील डोमा येथील शासकीय आदिवासी शाळेत मुलींना 'भूतबाधा' झाल्याच्या अफवेमुळे तब्बल 600 हून अधिक मुला-मुलींनी शाळा सोडली..
या अफवेच्या आडून आश्रमशाळेतील अत्यंत दयनीय आणि मूलभूत सुविधांचा अभाव असलेले धक्कादायक वास्तव एबीपी माझाने समोर आणले होते..
परभणीच्या पाथरीत शिंदे सेना आणि काँग्रेसमधील राजकीय संघर्ष पुन्हा एकदा चव्हाट्यावर आला आहे. शिंदे सेनेचे आमदार सईद खान यांनी काँग्रेसचे माजी आमदार बाबाजानी दुर्राणी यांच्यावर नगर परिषदेच्या ३५ वर्षांच्या सत्ताकाळात तब्बल २४३ कोटी रुपयांचा भ्रष्टाचार केल्याचा गंभीर आरोप केला आहे.तर
पाथरी नगरपरिषदेतील सुमारे ८ कोटी रुपयांच्या निधीचा हिशोब जनतेसमोर मांडावा, या मागणीसाठी काँग्रेसकडून साखळी उपोषण सुरू करण्यात आलं आहे. दरम्यान,यामुळे पाथरीतील राजकीय वातावरण चांगलंच तापलं आहे. पाथरीतील दुर्राणी आणि सईद खान यांच्यातील राजकीय संघर्ष यापूर्वीही चर्चेत राहिला आहे.
पाथरी नगरपरिषदेवर मागील ३५ वर्षे काँग्रेसचे माजी आमदार बाबाजानी दुर्राणी यांच्या गटाचं वर्चस्व राहिलं आहे त्याच काळात दुर्राणी यांनी तब्बल २४३ कोटींचा भ्रष्टाचार केला असून हा भ्रष्टाचार आपण पुराव्यांनिशी बाहेर काढला आहे आणि एकनाथ शिंदे यांच्याकडे तक्रार केली असून या सर्व भ्रष्ट कारभाराचे री ऑडिट केले जाणार असून या प्रकरणात बाबाजानी यांना तुरुंगात जावे लागणार असल्याचे ही शिंदे सेनेचे आमदार सईद खान यांनी पत्रकार परिषद घेवून सांगितले आहे..दुसरीकडे काँग्रेसने शिंदे सेनेच्या ताब्यात गेलेल्या पाथरी नगर परिषदेतील मागच्या ६ महिन्यातील ८ कोटींच्या हिशोबासाठी साखळी उपोषण सुरू केले आहे.
नंदुरबार शहर आणि शहादा पोलीस ठाण्याच्या हद्दीत झालेल्या चोरीच्या घटनांचा तपास करताना स्थानिक गुन्हे अन्वेषण शाखेला मोठे यश मिळाले आहे. सराईत गुन्हेगार इमरान शेख अली शेख याला जेरबंद करत त्याच्याकडून तब्बल १० लाख रुपयांचा मुद्देमाल जप्त करण्यात आला आहे. यात सोने-चांदीचे दागिने, रोख रक्कम, दुचाकी तसेच घरफोडीसाठी वापरण्यात येणारे साहित्य आढळून आले आहे. इमरान शेख याच्यावर नंदुरबार जिल्ह्यासह धुळे, नाशिक आणि गुजरात राज्यातही विविध गुन्हे दाखल आहेत. नंदुरबार जिल्ह्यात त्याने चार ठिकाणी घरफोडी केल्याचे तपासात उघड झाले असून, त्यामुळे चार गुन्ह्यांचा उलगडा झाला आहे. या आरोपीकडून आणखी काही गुन्हे उघडकीस येण्याची शक्यता असून, त्याच्या साथीदारांची संख्याही वाढण्याची शक्यता पोलिसांनी व्यक्त केली आहे. सराईत गुन्हेगाराला जेरबंद केल्याने स्थानिक गुन्हे अन्वेषण शाखेच्या कारवाईतून अनेक चोरीच्या गुन्ह्यांचा छडा लागला आहे.
अंबरनाथ मधील भाजपा मनसे राडा प्रकरणी अखेर भाजपच्या नगरसेवकासह इतर एकूण सात जणांवर शिवाजीनगर पोलीस ठाण्यात गुन्हा दाखल झालाय. मनसेने दिलेल्या मोर्चाच्या इशाऱ्यानंतर अखेर हा गुन्हा नोंदवला गेलाय. त्यामुळे आगामी काळात भाजपा मनसे संघर्ष अधिक तीव्र होण्याची शक्यता आहे.
अंबरनाथ मधील एका गाळ्याच्या ताब्यावरून भाजपा आणि मनसे कार्यकर्ते आमने सामने भिडले होते. या दरम्यान मोठा राडा झाला होता. या प्रकरणात मनसे शहराध्यक्ष शैलेश शिर्के यांना अटक झाली. मात्र भाजपा कार्यकर्त्यांवर गुन्हा दाखल न झाल्याने मनसे नेते अविनाश जाधव आक्रमक झाले होते. मनसेच्या माध्यमातून आज मोर्चाचे आयोजन करण्यात आले होते. मात्र त्या पूर्वीच पोलिसांनी या प्रकरणाची दखल घेत भाजपा नगरसेवक अभिजित करंजुले यांच्या सह इतर एकूण सात जणां विरोधात गुन्हा नोंदविला आहे.
शैलेश शिर्के यांच्या नातेवाईकांनी दिलेल्या फिर्यादी वरून सदरील गुन्हा दाखल झाला आहे. या राड्या दरम्यान शिर्के यांचे नातेवाईक सुहास घाग यांची चार चाकी गाडी पोलीस ठाण्याबाहेरच फोडून त्यांना मारहाण झाली होती. या सर्व प्रकारा नंतर मनसे नेते अविनाश जाधव यांनी वरिष्ठ पोलिस अधिकाऱ्यांची भेट घेऊन सखोल चौकशीसह दोषींवर कारवाईची मागणी केली होती. दरम्यान आज मनसेकडून मध्यवर्ती कार्यालय ते शिवाजीनगर पोलीस ठाण्यावर निघणारा मोर्चा स्थगित करण्यात आलाय.
उल्हासनगर कॅम्प क्रमांक ४ च्या कुर्ला कॅम्प परिसरातील टी-गेटर जीन्स कारखान्याची भिंत अचानक कोसळल्याची घटना रात्री घडलीय. भिंतीवर अतिदाब वाढल्याने जीन्सचे रोल आणि त्यांचा भार भिंतीवर पडला. या अतिरिक्त वजनामुळे भिंत कोसळल्याचे प्राथमिक माहितीवरून समोर आली.
कारखान्यात मोठ्या प्रमाणात जीन्सचे रोल साठवण्यात आले होते. हे रोल भिंतीलगत साठवण्यात आल्याने भिंतीवर मोठ्या प्रमाणात दाब निर्माण झाला आणि अचानक भिंतीचा काही भाग कोसळून जीन्सचे रोलही खाली पडले. घटना घडली त्यावेळी परिसरात कामगारांची वर्दळ होती. मात्र, सुदैवाने भिंत कोसळताना कोणालाही दुखापत झाली नाही आणि मोठी जीवितहानी टळली आहे. रात्री पासून कामगारांकडून जीन्स रोल बाजूला करण्याचं काम सुरू आहे.
मुंबई गोवा महामार्गावर पडलेल्या खड्ड्यांमध्ये पेवर ब्लॉक बसवून हे खड्डे बुजविण्याचे काम सध्या जोरदार सुरू आहे. मात्र पेव्हर ब्लॉक बसविण्यावरून मंत्री अदिती तटकरे यांनी चार दिवसांपूर्वी संबंधित विभागाच्या अधिकाऱ्यांवर संताप व्यक्त केला होता यानंतर आता मंत्री भरत गोगावले यांना विचारले असता त्यांनी सुद्धा संताप व्यक्त करत पावसाळ्यात आमच्याकडे दुसरा कोणता पर्याय नसल्याने हे पेव्हर ब्लॉक बसवून घेत आहोत आत्ताची वेळ जर काढायची असेल तर पेव्हर ब्लॉक च बसवावे लागतील दुसरीकडे पाऊस असल्याने डांबरीकरण करू शकत नाही, पाऊस आहे, मग पर्याय काय आहे त्या खड्डयां पेक्षा ते पेव्हर ब्लॉक असले तर काही काळ ते टिकून राहतील गणपती गेले की आम्ही ते व्यवस्थित करणारच आहोत, जनतेला कोणतीही अडचण होणार नाही अशी व्यवस्था करतोय अस देखील गोगावले म्हणालेत.
लोक बिरादरी प्रकल्पाच्या सुवर्ण महोत्सवी वर्षाला समर्पित हिमाचल प्रदेशातील ५,९७४ मीटर उंचीच्या माउंट कनामो शिखरमोहिमेत गिर्यारोहक टीमने यशस्वी शिखरारोहण केलंय. तब्बल ८ तासांच्या अथक चढाईनंतर टीमने शिखरावर तिरंगा फडकवत स्वातंत्र्यदिनाचा अनोखा उत्सव साजरा केला. रात्री १ वाजता टीमने शिखराकडे चढाईला सुरुवात केली. उणे तापमान, तीव्र वारे, ऑक्सिजनची कमतरता, बर्फवृष्टी आणि खडतर मोरेन्सचा सामना करत गिर्यारोहकांनी चढाई सुरू ठेवली. अखेर सकाळी ९ वाजता त्यांनी माउंट कनामोच्या शिखरावर यशस्वीपणे पाऊल ठेवलं.
शिखरमाथ्यावर तिरंगा फडकवत ‘Climb for India, Live for Humanity’ हा संदेश देण्यात आला. या मोहिमेत वैभव ऐवळे, बाळकृष्ण जाधव, अमित चव्हाण आणि करण यादव यांचा सहभाग होता.
यापूर्वीही या टीमने माउंट युनाम, माउंट जो जंगो, कांग यात्से, यू.टी. कांगरी आणि माउंट शिनकून ईस्ट यांसारखी आव्हानात्मक शिखरं सर केली आहेत. त्यामुळे माउंट कनामोवरील ही कामगिरी साहसासोबतच राष्ट्रभक्ती आणि मानवसेवेचा संदेश देणारी ठरली आहे.
जळगावमधील जितेंद्र ठाकूर नावाच्या पोलिस कर्मचाऱ्याने आपल्या जादू नावाच्या कुत्र्याचा वाढदिवस, मोठ्या उत्साहाने आणि धूम धडाक्याने साजरा केल्याचं पाहायला मिळत आहे. यावेळी जादू वर गुलाबपुषपच्या पाकळ्यांची उधळण करण्या बरोबर,त्याच विधिवत औक्षण करण्याबरोबर केक कापून वाढ दिवस साजरा करण्यात आला. यावेळी परिसरातील शंभरहून अधिक नागरिकांच्या सह,परिसरातील दहा ते पंधरा पाळीव कुत्रे देखील उपस्थित असल्याने,जादू कुत्र्याचा वाढदिवस प्राणी प्रेमींमध्ये चर्चेचा विषय बनला आहे.
जितेंद्र ठाकूर हे जळगाव पोलिस दलात कार्यरत आहे,पोलिस दलात नेहमीच ताण तणावात काम करावे लागत असल्याचा त्यांचा अनुभव होता,मात्र सुरुवाती पासूनच ते श्वान प्रेमी असल्याने,त्यांनी पाच वर्ष पूर्वी लॅब्राडोर जातीचा कुत्र्याचा पिलू पाळले,आणि त्या दिवसापासून जितेंद्र ठाकूर आणि त्यांचा परिवार,जादूच्या प्रेमात पडला,जादू घरात आल्या पासून घरात आनंदी वातावरण तर पसरले, शिवाय जितेंद्र ठाकूर यांची दोन्ही मुले डॉक्टर देखील बनल्याने,जादूच्या घरात येण्याने हा शुभशकुन घडल्याची ठाकूर परिवाराची श्रद्धा आहे, आणि याच श्रद्धेपोटी ते त्याला देवाप्रमाणे मानतात , जादूचा वाढ दिवस साजरा करण्याबरोबर, त्याचे खाण्यापिण्याचे लाड पुरवत असतात आणि त्यात आपला आनंद मिळवत असतात. आज जादूचा वाढ दिवस साजरा करताना त्यांनी घराच्या समोर मंडप घालून, परिसरातील शंभरहून अधिक नागरिकांना आपल्या घरी निमंत्रित केले होते. यावेळी परिसरातील जादूचे मित्र असलेले वीस पंचवीस कुत्रे देखील निमंत्रित करण्यात आल्याने,प्राणी प्रेमी मध्ये जादू कुत्र्याचा वाढदिवस चर्चेचा विषय बनला आहे
उपमुख्यमंत्री एकनाथ शिंदे यांचे खास असलेल्या ॲड. निलेश देशमुख यांनी घेतली अकोला लोकसभेतील काँग्रेसचे पराभूत उमेदवार डॉ. अभय पाटील यांची अकोल्यात रात्री उशिरा भेट. डॉ. अभय पाटील यांच्या घरी दोन तास बंदद्वार चर्चा आणि डिनर डिप्लोमासी. अकोल्यात रात्री मोठ्या राजकीय घडामोडी. अकोल्यात काँग्रेसकडून लोकसभा लढवलेले डॉ. अभय पाटील यांची उपमुख्यमंत्री एकनाथ शिंदे यांचे खास असलेल्या ॲड. निलेश देशमुखांनी घेतली भेट. डॉ. अभय पाटील यांच्या टॉवर चौकातील निवासस्थानी रात्री झाली भेट.
- मुख्यपृष्ठ
- बातम्या
- महाराष्ट्र
- Maharashtra live blog updates: मुंबईतील सातही तलावांच्या पाणलोट क्षेत्रात पावसाची संततधार; पाणीसाठ्यात समाधानकारक वाढ