Maharashtra Live blog updates: पंतप्रधान मोदींकडून लाल किल्ल्यावर ध्वजारोहण, भाषणाला सुरुवात
Maharashtra Live blog updates: राज्यातील आणि देश-विदेशातील ताज्या घडामोडी आणि लेटेस्ट अपडेट्स मिळवण्यासाठी क्लिक करा. महाराष्ट्राच्या राजकारणात नेमकं काय घडतंय?
पार्श्वभूमी
Maharashtra Live blog updates: आज भारताचा 80 वा स्वातंत्र्यदिन साजरा होत आहे. यानिमित्ताने दिल्लीच्या लाल किल्ल्यावरुन पंतप्रधान नरेंद्र मोदी हे देशवासियांना उद्देशून भाषण करतील. दिल्लीत कडेकोट सुरक्षा तैनात करण्यात आली...More
मुख्यमंत्री पदावरून शिवसेनेने पुन्हा एकदा भाजपला डिवचलं आहे. एकनाथ शिंदे हे राज्याचे मुख्यमंत्री व्हावेत, अशी इच्छा परिवहन मंत्री प्रताप सरनाईक यांनी व्यक्त केली आहे. काही दिवसांपूर्वी खासदार प्रतापराव जाधव यांनीही एकनाथ शिंदे यांनी मुख्यमंत्री व्हावं, अशी इच्छा व्यक्त केली होती. त्यांच्या या मागणीला आज प्रताप सरनाईक यांनी पाठिंबा दिला आहे.
मात्र, सध्याच्या परिस्थितीत भाजपचं संख्याबळ अधिक असल्याने मुख्यमंत्रीपद भाजपकडे असल्याचंही सरनाईक यांनी स्पष्ट केलं. भविष्यात शिवसेनेचे आमदार आणि खासदार अधिक संख्येने निवडून आल्यास मुख्यमंत्रीपदावर शिवसेना दावा करेल, असंही त्यांनी स्पष्ट केलंय.
त्यामुळे मुख्यमंत्रीपदावरून महायुतीतील धुसफूस पुन्हा एकदा समोर आली आहे. आता प्रताप सरनाईकांच्या या वक्तव्यावर भाजपकडून काय प्रतिक्रिया येते, हे पाहणं महत्त्वाचं ठरणार आहे.
आमदार रोहित पवार निवडणूक आयोगाची घेणार भेट
सोमवारी सकाळी ११ वाजता निवडणूक अधिकाऱ्यांना भेटणार
SIR संदर्भात सविस्तर चर्चा करणार असल्याची माहिती
SIR साठी वेळ वाढवून देण्याची मागणी यानिमित्ताने रोहित पवार करणार आहेत
ऑपरेशन टायगर आणि तुळजापूर येथील सीसीटीव्ही प्रकरणी आमदार कैलास पाटील आक्रमक
माझ्यावर पाळत ठेवायची असेल तर २४ तास कॅमेरे असलेली गाडी माझ्या मागे लावा’, असं आव्हान
‘तुळजाभवानीच्या सुरक्षेच्या मुद्द्यावर टिंगल-टवाळी योग्य नाही’ – कैलास पाटील
पालकमंत्री प्रताप सरनाईक यांच्या ‘ऑपरेशन टायगर’ वक्तव्यावर आमदार कैलास पाटील यांचा पलटवार
तुळजापूर CCTV प्रकरणाचा विषय डायव्हर्ट करण्यासाठी ऑपरेशन टायगरच्या गोष्टी केल्या जात आहेत, असा कैलास पाटील यांचा आरोप
सीसीटीव्हीच्या बाबतीत ‘चायनीज-जपानीज’ असं बोलणं पालकमंत्र्यांकडून अपेक्षित नव्हतं, अशी टीका आमदार कैलास पाटील यांनी केली
CCTV मध्ये कैद झालेली वस्तुस्थिती योग्य वेळी समोर येईल, असा कैलास पाटील यांचा दावा
CCTV प्रकरणासारखा गंभीर प्रश्न असताना विषयांतर करणं योग्य नाही, कैलास पाटील यांचा पालकमंत्री प्रताप सरनाईक यांच्यावर निशाणा
आमदार कैलास पाटील हे ऑपरेशन टायगरचा दुसरा भाग असतील असं वक्तव्य पालकमंत्री प्रताप सरनाईक यांनी काल माध्यमांशी बोलताना केले होते
- नाशिकच्या विभागीय आयुक्तालयासमोर ध्वजारोहण सोहळ्यावेळी आत्मदहनाचा प्रयत्न
- आत्मदहन करणाऱ्या आंदोलकाला पोलिसांनी वेळीच ताब्यात घेतल्याने अनर्थ टळला
- अंगावर ज्वलनशील पदार्थ टाकून मंत्री गिरीश महाजन उपस्थित असलेल्या ध्वजारोहण सोहळ्याच्या वेळी आत्मदहनाचा केला प्रयत्न
- बादल उनव्हणे असतात मदनाचा प्रयत्न करणाऱ्या व्यक्तीचे नाव
- जमिनीच्या वादात पोलीस सहकार्य करत नसल्याचा आरोप करत आत्मदहनाचा केला प्रयत्न
कोल्हापूर जिल्हाधिकारी कार्यालयाबाहेर अमित कांबळे या तरुणाचा आत्मदहनाचा प्रयत्न
अंगावर ज्वलनशील पदार्थ ओतून घेत केला आत्मदहनाचा प्रयत्न
प्रादेशिक परिवहन अधिकारी पदावर असलेल्या व्यक्तीने आपल्या कागदपत्रांचा वापर करून लोकांची फसवणूक केल्याचा कांबळे यांचा आरोप
संबधित परिवहन अधिकाऱ्यावर कारवाई होत नसल्यानं उचललं पाऊल
जिल्हाधिकारी कार्यालयात पालकमंत्री प्रकाश आबिटकर यांच्या हस्ते ध्वजारोहण सुरू असताना प्रकार
PM Modi Independence Day speech: पंतप्रधान मोदी म्हणाले, "माझ्या प्रिय देशवासियांनो, जेव्हा मी विकसित भारताबद्दल बोलतो, जेव्हा मी देशाला वेगाने पुढे नेण्याबद्दल बोलतो - तेव्हा सर्वाधिक फायदा कोणाला होतो? या सर्व प्रयत्नांमागे सर्वात मोठी प्रेरक शक्ती कोण आहे? जर कोणती प्रेरक शक्ती असेल, तर ती माझ्या देशातील तरुण पिढी आहे. ही माझ्या देशातील तरुणांची शक्ती आहे. विकसित भारताच्या प्रवासात तरुणांची भूमिका खूप मोठी आहे. आज, लाल किल्ल्याच्या तटबंदीवरून, मला देशातील तरुणांसाठी एक घोषणा करायची आहे: आम्ही येत्या वर्षात 1 कोटी तरुणांना एआय कौशल्य प्रशिक्षण देण्याचा संकल्प केला आहे, जेणेकरून आपल्या तरुणांमध्ये एआय क्षेत्रात जगाचे नेतृत्व करण्याची क्षमता निर्माण होईल."
Mohan Bhagwat : आरएसएसचे सरसंघचालक मोहन भागवत म्हणतात, "...आपल्या देशाला स्वातंत्र्य मिळाले आहे आणि तो देश स्वतंत्रच राहील, हे निश्चित असले तरी, देशाला समृद्ध, सुरक्षित आणि संपन्न बनवण्याचे कार्य अजून बाकी आहे. जगाच्या कल्याणासाठी आपल्या देशाला त्याचे नियोजित योगदान देणाऱ्या राष्ट्राच्या रूपात घडवायचे असेल, तर आपल्या मार्गात अनेक अडथळे आणि विरोधक आहेत, हे आपण लक्षात घेतले पाहिजे. आपल्या मूळ तत्त्वांशी तडजोड न करता, आपण जागतिक स्तरावर या आव्हानांचा सामना केला पाहिजे आणि भारताला 'विश्वगुरू'च्या – म्हणजेच संपूर्ण मानवजातीच्या जीवनात अर्थपूर्ण योगदान देणाऱ्या राष्ट्राच्या – पदावर आरूढ केले पाहिजे..."
दिल्ली: लाल किल्ल्याच्या तटबंदीवरून पंतप्रधान नरेंद्र मोदी म्हणाले, "पर्यायी ऊर्जा स्रोतांकडे आपली संपूर्ण ऊर्जा वळवण्यासाठी 'ऊर्जा सुरक्षा' अत्यंत महत्त्वाची आहे, यावर मी भर दिला आहे; परिणामी, ऊर्जेचा वापर अधिक कार्यक्षम करत भारत आज या दिशेने वेगाने वाटचाल करत आहे. २०१४ पूर्वी — म्हणजेच १२ वर्षांपूर्वी — देशभरात केवळ ७० शहरांमध्ये पाईपद्वारे गॅस पुरवठा उपलब्ध होता. या १२ वर्षांत आम्ही ही व्याप्ती ७० शहरांवरून ७०० शहरांपर्यंत वाढवली आहे. हीच प्रगतीची गती आहे; हाच विस्ताराचा आवाका आहे..."
Independence Day 2026 PM Modi : "भारताकडे स्थिर राजकीय जनादेश, स्थिर सरकार, चैतन्यपूर्ण लोकशाही, मजबूत न्यायव्यवस्था आणि आपल्या सर्वांना मार्गदर्शन करणारे संविधान आहे. आपण केलेले अलीकडील व्यापार करार आपल्यासाठी एक मोठी संधी घेऊन आले आहेत. आपल्या एमएसएमई (MSMEs) क्षेत्राला मला हे सांगायचे आहे की, आपण ही संधी गमावता कामा नये," असे पंतप्रधान मोदींनी आपल्या स्वातंत्र्यदिनाच्या भाषणात म्हटले आहे.
४० देशांशी मुक्त व्यापार करार संपन्न – पंतप्रधान मोदी पंतप्रधान मोदी म्हणाले, "जगाला आता खऱ्या अर्थाने आपल्या अंगभूत क्षमतांची जाणीव होऊ लागली आहे. म्हणूनच, २०१४ पासून जगभरातील जवळपास ४० देशांशी मुक्त व्यापार करार (FTAs) आणि व्यापार भागीदारी निश्चित करण्यात आल्या आहेत. आपल्यासमोरील प्रचंड संधीकडे पहा! हे व्यापार करार एक मोठी संधी उपलब्ध करून देतात. त्यामुळे, मी विशेषतः आपल्या सूक्ष्म, लघु आणि मध्यम उद्योगांना (MSMEs) आवाहन करतो की: आपण ही सुवर्णसंधी हातातून निसटू देऊ नये."
पंतप्रधान मोदी पुढे म्हणतात, "आजच्या डिजिटल जगात आणि तंत्रज्ञानाच्या युगात, 'चिप्स'चे (semiconductor chips) अनन्यसाधारण महत्त्व आपल्याला समजते. इलेक्ट्रॉनिक वस्तू असोत, वैद्यकीय उपकरणे असोत किंवा वाहतूक व्यवस्था - चिप्स या अपरिहार्य आहेत; त्याशिवाय जग ठप्प होईल. या क्षेत्रात भारत स्वावलंबनाच्या दिशेने आगेकूच करत आहे; तीन मोठे सेमीकंडक्टर प्रकल्प आधीच उभारले गेले आहेत आणि मला माहिती मिळाली आहे की या प्रकल्पांमधून निर्यातीसाठी उत्पादनही सुरू झाले आहे. आगामी ७-८ वर्षांत आणखी पाच ते आठ सेमीकंडक्टर प्रकल्प लवकरच कार्यान्वित होणार आहेत...""> Independence Day 2026 PM Modi : दिल्ली: "...'आत्मनिर्भर भारत' बनणे अत्यंत महत्त्वाचे आहे. म्हणूनच, गेल्या काही वर्षांत आमची अशी ठाम धारणा राहिली आहे की भारताने यापुढे इतर राष्ट्रांवर अवलंबून राहू नये; आपण स्वावलंबी झाले पाहिजे... आपण आपली क्षमता वाढवली पाहिजे आणि आपल्या हितांचे रक्षण स्वतः केले पाहिजे. याच निर्धाराने आपण 'आत्मनिर्भर भारता'च्या दिशेने ठामपणे वाटचाल करत आहोत. प्रत्येक भारतीय 'मेक इन इंडिया', 'स्वदेशी' आणि 'लोकल फॉर लोकल' (स्थानिक उत्पादनांना प्राधान्य) यांसारख्या उपक्रमांशी जोडला जात आहे." पंतप्रधान मोदी पुढे म्हणतात, "आजच्या डिजिटल जगात आणि तंत्रज्ञानाच्या युगात, 'चिप्स'चे (semiconductor chips) अनन्यसाधारण महत्त्व आपल्याला समजते. इलेक्ट्रॉनिक वस्तू असोत, वैद्यकीय उपकरणे असोत किंवा वाहतूक व्यवस्था - चिप्स या अपरिहार्य आहेत; त्याशिवाय जग ठप्प होईल. या क्षेत्रात भारत स्वावलंबनाच्या दिशेने आगेकूच करत आहे; तीन मोठे सेमीकंडक्टर प्रकल्प आधीच उभारले गेले आहेत आणि मला माहिती मिळाली आहे की या प्रकल्पांमधून निर्यातीसाठी उत्पादनही सुरू झाले आहे. आगामी ७-८ वर्षांत आणखी पाच ते आठ सेमीकंडक्टर प्रकल्प लवकरच कार्यान्वित होणार आहेत..."
PM Modi Independence Day speech: 80व्या स्वातंत्र्यदिनानिमित्त देशाला संबोधित करताना पंतप्रधान मोदी म्हणाले, "आपण आत्मनिर्भर बनले पाहिजे आणि आपल्या हितांचे रक्षण केले पाहिजे. आज प्रत्येक भारतीय 'मेक इन इंडिया', 'स्वदेशी' आणि 'व्होकल फॉर लोकल' या उपक्रमांशी जोडला जात आहे."
Independence Day 2026 PM Modi : दिल्ली: लाल किल्ल्याच्या तटबंदीवरून पंतप्रधान नरेंद्र मोदी म्हणतात, "...गेल्या १२ वर्षांत, देशातील असंख्य नागरिकांनी—मग ते दलित, शोषित, उपेक्षित किंवा आदिवासी असोत; ग्रामीण किंवा शहरी भागातील रहिवासी असोत; गरीब किंवा मध्यमवर्गीय असोत; तरुण किंवा वृद्ध असोत; महिला किंवा पुरुष असोत; किंवा उत्तर, दक्षिण, पूर्व वा पश्चिम भागातील असोत—देशाला प्रगतीच्या नव्या शिखरावर नेण्यासाठी अटळ निश्चय आणि समर्पणाच्या भावनेने शक्य त्या सर्व प्रकारे प्रयत्न केले आहेत. मी या प्रयत्नांची आदरपूर्वक दखल घेतो."
Independence Day 2026 PM Modi : स्वातंत्र्यदिनानिमित्त देशाला संबोधित करताना पंतप्रधान मोदी म्हणाले, "आज भारताचे २०४७ पर्यंत विकसित राष्ट्र बनण्याचे एक मोठे स्वप्न आहे. जेव्हा जगातील सर्वाधिक लोकसंख्या असलेला देश विकसित राष्ट्र बनण्याचा संकल्प करतो, तेव्हा तो आमच्या धैर्याचा परिचय ठरतो आणि जग आमच्याकडे एका वेगळ्या दृष्टीकोनातून पाहण्यास भाग पडते."
देशस्वतंत्रझालापणविकासाचीगतीपकडूशकलानाही: पंतप्रधानमोदी
Independence Day 2026 PM Modi : स्वातंत्र्यदिनानिमित्त भाषण करताना पंतप्रधान मोदी म्हणाले, "गेल्या काही दिवसांत देशातील काही भागांत पूरस्थिती निर्माण झाली असून, त्याचा अनेक लोकांवर परिणाम झाला आहे. मी बाधित कुटुंबांना खात्री देतो की, संपूर्ण देश त्यांच्या पाठीशी खंबीरपणे उभा आहे."
पंतप्रधान मोदींनी 80व्या स्वातंत्र्यदिनी देशाला संबोधित केले. पंतप्रधान म्हणाले, "आज प्रत्येक हृदयाचे ठोके 'वंदे मातरम'च्या लयीत धडकत आहेत. आज प्रत्येक घरात तिरंगा आहे आणि प्रत्येक मनात तिरंगा आहे."
पंतप्रधान नरेंद्र मोदी ८० व्या स्वातंत्र्यदिनी लाल किल्ल्यावर राष्ट्रध्वज फडकवत आहेत. कॅप्टन सोनिया सिंग चौहान राष्ट्रध्वज फडकवताना पंतप्रधानांना मदत करत आहेत.
छायाचित्रे: दूरदर्शन
भारताचा 80 वा स्वातंत्र दिनानिमित्त आज श्री विठ्ठल रुक्मिणी मंदिरात विविध फुलांची आकर्षक सजावट करण्यात आली आहे.
स्वातंत्र्य दिनानिमित्त श्री विठ्ठल रुक्मिणी मातेला तिरंगी रंगाचे उपरणे परिधान केले असून तिरंग्याच्या रंगात सावळ्या विठुरायाचे रूप अधिकच खुलून दिसत आहे.
पुणे येथील श्रीमंत मोरया प्रतिष्ठान यांच्या कडून या फुल सजावटीची सेवा अर्पण करण्यात आली आहे. या सजावटीसाठी
विविध प्रकारच्या 2 टन फुलांचा वापर करण्यात आला आहे. यात गुलाब, ऑर्केट, शेवंती, झेंडू, जिप्सो, जरबेरा, ब्लूडीजी इत्यादी फुलांचा समावेश आहे.
स्वातंत्र्य दिनानिमित्त काल रात्रीपासून श्री विठ्ठल रुक्मिणी मंदिर व भक्त निवास येथे तिरंगा रंगाची विद्युत रोषणाई देखील करण्यात आली आहे.
देशाच्या ८० व्या स्वातंत्र्यदिनाच्या सोहळ्याचे नेतृत्व करण्यासाठी पंतप्रधान नरेंद्र मोदी लाल किल्ल्यावर दाखल झाले आहेत. संरक्षण मंत्री राजनाथ सिंह, संरक्षण राज्यमंत्री संजय सेठ आणि संरक्षण सचिव राजेश कुमार सिंह यांनी पंतप्रधानांचे स्वागत केले. संरक्षण सचिवांनी 'जनरल ऑफिसर कमांडिंग' (GoC), दिल्ली क्षेत्र, लेफ्टनंट जनरल राजेश सेठी यांची पंतप्रधानांशी ओळख करून दिली.
पंतप्रधान मोदी राजघाटावर दाखल, राष्ट्रपिता महात्मा गांधींना वाहिली आदरांजली
#WATCH | Prime Minister Narendra Modi pays floral tributes to the Father of the Nation, Mahatma Gandhi, at Rajghat on the 80th Independence Day
(Video source: PM Modi/ YouTube) pic.twitter.com/xIcfLPeDol
— ANI (@ANI) August 15, 2026
दिल्ली: 80व्या स्वातंत्र्यदिनानिमित्त सुरक्षा व्यवस्था अत्यंत सतर्क ठेवण्यात आली आहे.
#WATCH | Delhi: Security is on high alert on the occasion of the 80th Independence Day.
(Visuals from the Ghazipur border) pic.twitter.com/hreRiUJQYq
— ANI (@ANI) August 15, 2026
पंतप्रधान मोदी राजघाटावर दाखल, राष्ट्रपिता महात्मा गांधींना वाहिली आदरांजली
मुलुंडमध्ये मनसे नेते राजेश चव्हाण आणि एकनिष्ठ प्रतिष्ठान च्या वतीने मुंबईतील सर्वात मोठा स्वातंत्र्यदिन सोहळा मध्यरात्री साजरा झाला. यावेळी मनसे नेते अमित राज ठाकरे यांच्या हस्ते ध्वजारोहण पार पडले. यंदा भारताचे संविधान आणि जंतरमंतर अशी थीम या सोहळ्याची ठेवण्यात आली होती. या वेळी अमर ज्योत प्रज्वलित केली गेली.त्यानंतर माझी पाच मिनिटे माझ्या राष्ट्रागीतासाठी या अंतर्गत मोठ्या संख्येने नागरिक एकत्र येत राष्ट्रगीत म्हणत हा स्वातंत्र्य दिन सोहळा साजरा केला. विशेष म्हणजे धो धो पावसात भिजत अमित ठाकरे यांच्यासह सर्व मनसे नेतेमंडळी आणि नागरिकांनी ध्वजाला सलामी दिली आणि राष्ट्रगीत गायले.
स्वातंत्र्यानंतर भारतात पहिल्यांदाच जातनिहाय जनगणना होणार, 40 प्रश्नांच्या यादीत एससी-एसटीसह अन्य जातींसाठी कॉलम... मात्र ओबीसींसाठी स्वतंत्र कॉलम नाही, वडेट्टीवारांचा आक्षेप
मुंबई आणि ठाण्यात मध्यरात्री ८०व्या स्वातंत्र्यदिनाचं दिमाखात स्वागत.. शिवसेना भवनाबाहेर ठाकरेंची शिवसेना, मुलुंडमध्ये मनसे तर ठाण्यात उपमुख्यमंत्री एकनाथ शिंदेंच्या शिवसेनेकडून ध्वजारोहण..
आज १५ ऑगस्ट देशभरात ८० वा स्वातंत्र्य दिन साजरा होत आहे. स्वातंत्र्य दिनाच्या सोहळ्यासाठी देशभरात उत्साहाचं वातावरण आहे. राजधानी दिल्लीतील लाल किल्ल्यावर स्वातंत्र दिनाचा मुख्य कार्यक्रम होणार आहे. तसेच या सोहळ्यादरम्यान, पंतप्रधान नरेंद्र मोदी हे लाल किल्ल्यावरून सलग तेराव्यांदा देशातील जनतेला संबोधित करणार आहेत. तसेच स्वातंत्र्यदिन सोहळ्यात पहिल्यांदाच गायलं जाणारं वंदे मातरम् हे गीत या सोहळ्याचं खास आकर्षण ठरणार आहे. यंदाच्या स्वातंत्र्यदिन सोहळ्यात युवाशक्तीला विशेष सन्मान दिला जाणार आहे.
- मुख्यपृष्ठ
- बातम्या
- महाराष्ट्र
- Maharashtra Live blog updates: पंतप्रधान मोदींकडून लाल किल्ल्यावर ध्वजारोहण, भाषणाला सुरुवात