Maharashtra Live blog updates: गणरायाच्या आगमनापूर्वी मुंबईत मुसळधार पाऊस
Maharashtra Live blog updates: राज्यातील आणि देश-विदेशातील ताज्या घडामोडी आणि लेटेस्ट अपडेट्स मिळवण्यासाठी क्लिक करा. महाराष्ट्राच्या राजकारणात नेमकं काय घडतंय?
LIVE
Background
Maharashtra Live blog updates: राज्यभरात आज गणेशोत्सवाचा मोठा उत्साह बघायला मिळातोय. तर गणपतीच्या आगमनापूर्वी राज्याच्या अनेक भागांमध्ये पावसाचा जोर वाढला आहे. राज्यामध्ये पावसानं पुन्हा एकदा जोरदार कमबॅक केलाय मुंबई ठाणे, कोकणापासून ते विदर्भापर्यंत अनेक भागांमध्ये पावसाच्या जोरदार सरी कोसळत आहे. त्यामुळे बळीराजा काहीसा सुखावला आहे. तर दुसरीकडे देशाचे केंद्रीय मंत्री अमित शाह हे महाराष्ट्र दौऱ्यावर आहेत. आज ते नवी मुंबईतील हिंदी संमेलनाला भेट देतील. त्यानंतर राज्याचे मुख्यामंत्री देवेंद्र फडणवीस आणि उपमुख्यमंत्री एकनाथ शिंदे, भाजप नेते आशिष शेलार यांच्या घरातील गणरायांचे दर्शन घेण्यासाठी जाणार असल्याची माहिती आहे.
छत्रपती संभाजीनगरला पाणीपुरवठा करणारी मुख्य जलवाहिनी फुटली
पैठण ते छत्रपती संभाजीनगर महामार्गावरील फारोळा जलशुद्धीकरण केंद्रातच १२०० एमएमची मुख्य पाइपलाइन फुटली. जलवाहिनी फुटल्याने मोठ्या प्रमाणात पाण्याचा अपव्यय होत असून, तब्बल एक तासापासून लाखो लिटर पाणी वाहून जात आहे. शहराला पाणीपुरवठा करणारी महत्त्वाची जलवाहिनी फुटल्याने पाणीपुरवठ्यावर परिणाम होण्याची शक्यता आहे. घटनेनंतर संबंधित यंत्रणेने तातडीने दुरुस्तीचे काम हाती घेण्याची गरज आहे.
नालासोपारा-विरार लिंक रोडवर अजगर आढळला; पोलिस अधिकाऱ्यांनी दिले जीवदान
नालासोपारा-विरार लिंक रोडवर अजगर आढळला; पोलिस अधिकाऱ्यांनी दिले जीवदान
विरार : नालासोपारा-विरार लिंक रोडवरील म्हाडा जवळील परिसरात रस्त्याच्या कडेला, दुभाजकाजवळ काल रात्रीच्या सुमारास एक मोठा अजगर आढळून आला. रस्त्यावर अजगर दिसल्याने वाहनचालकांमध्ये काही काळ खळबळ उडाली.
घटनेची माहिती मिळताच क्राईम युनिट २ चे पोलीस अधिकारी रवी पवार हे घटनास्थळीवकुन जात असताना, अजगराला सुरक्षितपणे ताब्यात घेतले. त्यानंतर त्याला रस्त्यापासून दूर असलेल्या नजीकच्या झाडाझुडपांच्या परिसरात सुरक्षितपणे सोडण्यात आले.
वेळीच अजगराला ताब्यात घेऊन सुरक्षित ठिकाणी सोडण्यात आल्याने त्याचा जीव वाचला. अन्यथा रस्त्यावरून भरधाव जाणाऱ्या वाहनांच्या धडकेत अजगर गंभीर जखमी होण्याची किंवा त्याचा मृत्यू होण्याची शक्यता होती.
महत्त्वाच्या बातम्या
