Maharashtra LIVE: मुख्यमंत्री देवेंद्र फडणवीस आज केंद्रीय गृहमंत्री अमित शाह यांची भेट घेणार; नेमकं काय कारण?
Maharashtra news in Marathi: देशातील आणि महाराष्ट्रातील ताज्या घडामोडींचे लाईव्ह अपडेटस्, महत्त्वाच्या बातम्या जाणून घेण्यासाठी येथे क्लिक करा.
Background
Maharashtra Live blog: महाराष्ट्र काँग्रेसचे प्रदेशाध्यक्ष म्हणून हर्षवर्धन सकपाळ यांची निवड झाली आहे. काँग्रेसची ही निवड काहीशी अनपेक्षित आहे. काँग्रेसचे नवे प्रदेशाध्यक्ष काय बोलणार, याकडे सर्वांच्या नजरा. शिंदे गटाने ठाकरे गटाच्या नेत्यांना गळाला लावण्यासाठी सुरु केलेल्या ऑपरेशन टायगरची सध्या राजकीय वर्तुळात जोरदार चर्चा सुरु आहे. एकनाथ शिंदे नाशिक दौऱ्यावर जाणार आहेत. ते नाशिकमध्ये काय बोलतात, हे पाहावे लागेल.
भाजपच्या चार आमदारांचं बजेटसाठी दबावतंत्र? पिंपरी पालिका आयुक्त कोणाला झुकतं माप देणार!
पुणे: पिंपरी चिंचवड मधील भाजपच्या चार आमदारांमध्ये बजेटसाठी रस्सीखेच सुरुये. भाजपचे आमदार पालिका आयुक्त शेखर सिंह यांच्यासोबत स्वतंत्र बैठका घेतायेत, एका अर्थाने हे आमदार निधीसाठी दबावतंत्र अवलंबत आहेत. अशातचं यंदा भोसरी आणि चिंचवडपेक्षा पिंपरी विधानसभेला निधीच्या बाबतीत झुकतं माप मिळेल. असा दावा भाजपाचे विधानपरिषद आमदार अमित गोरखेंनी केलाय. भोसरीचे महेश लांडगे आणि चिंचवडचे शंकर जगताप या भाजपच्या आमदारांनी निधीसाठी मोठी फिल्डिंग लावलीये. आयुक्त कोणा एका आमदाराच्या ऐकण्यावर निर्णय घेत नाहीत. त्यामुळं भोसरी, चिंचवड आणि पिंपरी या तिन्ही विधानसभेत ते समप्रमाणात निधी वाटप करतील, असा ठाम विश्वास गोरखेंनी व्यक्त केला.
शहरात मोकाट कुत्र्यांचा हैदोस, पिसाळलेल्या कुत्र्याने चावा घेतल्याने सहा वर्षाच्या बालिकेला गंभीर दुखापत
धुळे: शहरात गेल्या काही दिवसांपासून मोकाट कुत्र्यांचा हैदोस वाढला असून या मोकाट कुत्र्यांचा बंदोबस्त करण्याची मागणी नागरिकांकडून वेळोवेळी केली जात आहे. मात्र तरी देखील मोकाट कुत्र्यांचा बंदोबस्त न झाल्याने शहरातील लगाबादी परिसरात राहणाऱ्या हेमांगी रावत या सहा वर्षाच्या मुलीला पिसाळलेल्या कुत्र्याने चावा घेतल्याने गंभीर दुखापत झाली आहे. या मुलीवर जिल्हा रुग्णालयात उपचार सुरू असून महापालिकेने मोकाट कुत्र्यांचा बंदोबस्त करावा अन्यथा आयुक्तांच्या दालनाला टाळे ठोकण्याचा इशारा परिसरातील नागरिकांनी दिला आहे. दरम्यान गेल्या काही दिवसांपासून मोकाट कुत्र्यांमुळे नागरिकांना दुखापत झाल्याच्या घटना वारंवार समोर येऊन देखील महापालिकेने या कुत्र्यांचा कुठलाही बंदोबस्त न केल्याने नागरिकांना त्रास सहन करावा लागत आहे.
महत्त्वाच्या बातम्या
