मोठी बातमी! 68 व्या महाराष्ट्र केसरी कुस्ती स्पर्धेचा थरार 'या' शहरात रंगणार, 42 शहरातील मल्ल सहभागी होणार

यावर्षीची 68  वी महाराष्ट्र केसरी कुस्ती स्पर्धा पुणे जिल्ह्यातील वाघोलीत होणार आहे. 18 ते 22 मार्च दरम्यान वाघोलीत ही कुस्ती स्पर्धा पार पडणार आहे.

Maharashtra Kesari Wrestling Tournament 2026

Source : Getty Images

Maharashtra Kesari Wrestling Tournament 2026 :  यावर्षीची 68  वी महाराष्ट्र केसरी कुस्ती स्पर्धा पुणे जिल्ह्यातील वाघोलीत होणार आहे. 18 ते 22 मार्च दरम्यान वाघोलीत ही कुस्ती स्पर्धा पार पडणार आहे. कुस्तीगीर परिषदेच्या पुण्यात झालेल्या बैठकीत वाघोलीच्या नावावर शिक्कामोर्तब करण्यात आले. यावेळी कुस्तीगीर परिषदेचे अध्यक्ष रामदास तडस आणि इतर पदाधिकारी उपस्थित होते.

या कुस्ती स्पर्धेत 42 शहरातील जवळफास 840  कुस्तीगीर सहभागी होणार 

याज्याच्या क्रीडा विश्वात मानाच्या समजल्या जाणाऱ्या  महाराष्ट्र केसरी कुस्ती स्पर्धेच यजमानपद यावर्षी पुण्याला मिळालं आहे. पुण्यातील वाघोलीत या स्पर्धा होणार आहेत. वाघोलीत 18 ते 22 मार्च दरम्यान विविध वजनी गटात या स्पर्धा पार पडणार आहेत. याचबरोबर 68 वी वरिष्ठ गट माती आणि गादी प्रकारातील राज्यस्तरीय कुस्ती स्पर्धा देखील होणार आहे. या कुस्ती स्पर्धेत 42 शहरातील जवळफास 840  कुस्तीगीर सहभागी होणार आहेत. दरवर्षीप्रमाणे विजेत्याला मल्ल मामासाहेब मोहोळ यांच्या स्मरणार्थ 1 किलो चांदीची गदा देण्यात येणार आहे. तर इतर गटातील कुस्तीगिरांना रोख पारितोषिके देण्यात येणार आहेत. आज पुण्यात कुस्तीगीर परिषदेचे अध्यक्ष रामदास तडस यांच्या उपस्थितीत कुस्तीगीर परिषदेची बैठक झाली. यावेळी हा निर्णय घेण्यात आला. 

या स्पर्धेमुळे राज्यातील ग्रामीण भागातील मल्लांना व्यासपीठ मिळते

महाराष्ट्र केसरी ही महाराष्ट्रातील माती व मॅट विभागातील सर्वोच्च मानाची कुस्ती स्पर्धा आहे. ज्याची सुरुवात 1961 मध्ये कुस्तीमहर्षी मामासाहेब मोहोळ यांच्या पुढाकाराने झाली होती. महाराष्ट्र राज्य कुस्तीगीर परिषदेमार्फत आयोजित या स्पर्धेत विजेत्याला मानाची 'गदा' व रोख रक्कम देऊन गौरवण्यात येते. पहिली महाराष्ट्र केसरी स्पर्धा ही 1961 मध्ये छत्रपती संभाजीनगर मध्ये झाली होती. या स्पर्धेचे पहिले मानकरी दिनकर दह्यारी होते. ही स्पर्धा माती (Clay) आणि मॅट (Mat) अशा दोन्ही प्रकारांत खेळवली जाते. विविध वजनी गटातील मल्ल अंतिम लढतीसाठी पात्र ठरतात. या स्पर्धेमुळे राज्यातील ग्रामीण भागातील मल्लांना व्यासपीठ मिळते आणि ही महाराष्ट्राच्या परंपरेचा भाग आहे. विजेता मल्ल 'महाराष्ट्र केसरी' किताबाचा मानकरी ठरतो आणि त्याला मानाची गदा मिळते.  महाराष्ट्र केसरी स्पर्धा ही एक केवळ कुस्ती नसून तो एक मोठा सांस्कृतिक व क्रीडा उत्सव मानला जातो. या महाराष्ट्र केसरी स्पर्धेसाठी महाराष्ट्राच्या कामाकोपऱ्यातून कुस्तीप्रेमी कुस्तीचा थरार पाहण्यासाठी येतात. 

महत्वाच्या बातम्या: