महाराष्ट्रात सरकारी नोकरीची सुवर्णसंधी! पगार दीड लाख रुपयांच्या पुढे, कसा कुठे कराल अर्ज?
जर तुम्ही वैद्यकीय किंवा पशुपालन क्षेत्रात करिअर करण्याचे स्वप्न पाहत असाल तर ही बातमी तुमच्यासाठी खूप उपयुक्त आहे. या क्षेत्रात विविध पदांसाठी भरती प्रक्रिया सुरु झाली आहे.
Maharashtra Government Jobs : जर तुम्ही वैद्यकीय किंवा पशुपालन क्षेत्रात करिअर करण्याचे स्वप्न पाहत असाल तर ही बातमी तुमच्यासाठी खूप उपयुक्त आहे. महाराष्ट्र लोकसेवा आयोगाने (MPSC) पशुधन विकास अधिकारी (LDO) आणि सहाय्यक प्राध्यापक पदांसाठी भरतीची अधिसूचना जारी केली आहे. भरतीसाठी अर्ज करण्यासाठी, इच्छुक आणि पात्र उमेदवार आयोगाच्या अधिकृत वेबसाइट mpsc.gov.in ला भेट देऊन ऑनलाइन अर्ज करू शकतात.
पशुधन विकास अधिकाऱ्यांसह सहाय्यक प्राध्यापकांची भरती होणार
या भरती मोहिमेद्वारे राज्यात पशुधन विकास अधिकाऱ्यांची (एलडीओ) 279 आणि सहाय्यक प्राध्यापकांची 716 पदे भरली जाणार आहेत. तर एलडीओ पदासाठी, उमेदवाराकडे पशुवैद्यकीय विज्ञान किंवा पशुवैद्यकीय विज्ञान आणि पशुसंवर्धन या विषयात बॅचलर पदवी असणे आवश्यक आहे. सहाय्यक प्राध्यापक पदासाठी, मान्यताप्राप्त वैद्यकीय महाविद्यालयातून एमडी, एमएस, डीएनबी किंवा पीएचडी पदवी आवश्यक आहे, तसेच एक वर्षाचा वरिष्ठ निवासी अनुभव आवश्यक आहे.
किती मिळणार पगार?
वयोमर्यादेबद्दल बोलायचे झाले तर, उमेदवारांचे वय 18 ते 40 वर्षांच्या दरम्यान असावे. तर राखीव प्रवर्गाला नियमांनुसार सवलत दिली जाईल. उमेदवारांची निवड स्क्रीनिंग टेस्ट आणि मुलाखतीच्या आधारे केली जाईल. परीक्षेच्या तारखा आणि प्रवेशपत्रांची माहिती आयोगाकडून स्वतंत्रपणे जारी केली जाईल. पगाराबद्दल बोलायचे झाले तर, एलडीओला दरमहा 56100 ते 177500 रुपये दिले जातील. तर सहाय्यक प्राध्यापकांना दरमहा 57700 ते 182200 रुपये वेतन मिळेल.
सर्वप्रथम उमेदवारांनी mpsc.gov.in या अधिकृत वेबसाइटला भेट द्यावी. यानंतर 'ऑनलाइन अर्ज' विभागात जा. त्यानंतर उमेदवारांनी संबंधित पदाच्या लिंकवर क्लिक करावे आणि नोंदणी करावी. आता उमेदवार अर्ज भरतात, कागदपत्रे अपलोड करतात आणि फी भरून फॉर्म सबमिट करतात.
दरम्यान जे विद्यार्थी या पदांसाठी पात्र आहेत, त्यांनी लवकरात लवकर अर्ज करावेत. कारण महाराष्ट्रात सरकारी नोकरीची ही मोठी संधी आहे. पशुधन विकास अधिकाऱ्यांची (एलडीओ) 279 आणि सहाय्यक प्राध्यापकांची 716 पदे भरली जाणार आहेत. मोठ्या प्रमाणात जागा देखील निघाल्या आहेत. त्यामुळं पात्र उमेदवारांनी अर्ज करावेत. दरम्यान, उमेदवारांनी mpsc.gov.in या अधिकृत वेबसाइटला भेट द्यावी. या बेवसाईटवर तुम्हाला आवश्यक ती सर्व माहिती देण्यात आली आहे. विशेष म्हणजे या पदांसाठी पगार देखील चांगला मिळणार आहे. एलडीओला दरमहा 56100 ते 177500 रुपये दिले जातील. तर सहाय्यक प्राध्यापकांना दरमहा 57700 ते 182200 रुपये वेतन मिळेल.
महत्वाच्या बातम्या:
MPSC : राज्य सेवा मुख्य परीक्षेच्या तारखांमध्ये बदल, परीक्षा एक महिना लांबणीवर, महाराष्ट्र लोकसेवा आयोगाकडून नवं वेळापत्रक जाहीर
महत्त्वाच्या बातम्या
