मुंबई : कोरोनाबाधितांच्या दैनंदिन रुग्णसंख्येत  चढ- उतार पाहायला मिळत आहे. राज्यात आज  2, 069 नवीन कोरोनाबाधित रुग्णांची नोंद झाली आहे. तर 3 हजार 616  रुग्ण कोरोनामुक्त झाले आहे. राज्यात आतापर्यंत 64 लाख 07  हजार 936  रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 97.36 टक्के आहे.  राज्यात आज 43 रुग्णांच्या मृत्यूची नोंद झाली आहे.  राज्याचा मृत्यूदर 2.12 टक्के झाला आहे. पुणे जिल्ह्यात सध्या सर्वात जास्त 8, 206  अॅक्टिव्ह रुग्ण आहेत. जळगाव (10), नंदूरबार (2),  धुळे (7), जालना (35), परभणी (84), हिंगोली (18), नांदेड (12),  अकोला (28), वाशिम (05), बुलढाणा (15), यवतमाळ (08),   वर्धा (4), भंडारा (2), गोंदिया (3),   गडचिरोली (14 ) या  जिल्ह्यात अॅक्टिव्ह रुग्णसंख्या 100 च्या खाली आहे.

राज्यात सध्या 30 हजार 525 रुग्णांवर उपचार सुरु आहेत. सध्या राज्यात 2,31,009 व्यक्ती होम क्वॉरंटाईनमध्ये आहेत तर 1,331  व्यक्ती संस्थात्मक क्वारंटाईनमध्ये आहेत.  आजपर्यंत तपासण्यात आलेल्या 6, 04, 20, 515  प्रयोगशाळा नमुन्यांपैकी 65,81, 677 (10.89टक्के) नमुने पॉझिटिव्ह आले आहेत.

मुंबईत गेल्या 24 तासात 425 कोरोनाबाधित रुग्णांची नोंद 

मुंबईत गेल्या 24 तासात 425 कोरोनाबाधित रुग्णांची नोंद झाली आहे. तर 400 रुग्णांनी कोरोनावर मात केली आहे. मुंबईत आतापर्यंत 7,24,821 रुग्ण कोरोनामुक्त झाले आहेत. मुंबईचा रिकव्हरी रेट 97 टक्के झाला आहे. तर मुंबईत गेल्या 24 तासात दोन रुग्णाचा मृत्यू झाला आहे. सध्या मुंबईत 5098 सक्रिय रुग्ण आहेत. तर रुग्ण दुपटीचा दर 1154 दिवसांवर गेला आहे.

गेल्या 24 तासांत 14 हजार 313 नव्या कोरोनाबाधितांची नोंद

देशात जीवघेण्या कोरोना व्हायरसचा प्रादुर्भाव मंदावण्यास सुरुवात झाली आहे. देशात आज सलग दुसऱ्या दिवशी नव्या कोरोनाबाधितांच्या संख्येत घट होताना दिसत आहे. गेल्या 24 तासांत 14 हजार 313 नव्या कोरोनाबाधितांची नोंद करण्यात आली आहे. तर 181 रुग्णांचा मृत्यू झाला आहे. काल (सोमवारी) देशात 18 हजार 132 कोरोनाबाधितांची नोंद करण्यात आली होती. आरोग्य मंत्रालयानं जारी केलेल्या आकडेवारीनुसार, देशात गेल्या 24 तासांत 26 हजार 579 रुग्ण कोरोनामुक्त झाले आहेत. त्यामुळे सक्रिय रुग्णसंख्येत घट झाली असून सध्या 2 लाख 14 हजार 900 रुग्णांवर उपचार सुरु आहेत. देशात आतापर्यंत तीन कोटी 33 लाख 20 हजार 57 रुग्ण उपचारानंतर कोरोनामुक्त झाले आहेत. देशात आतापर्यंत कोरोनामुळे चार लाख 50 हजार 963 रुग्णांचा मृत्यू झाला आहे.