शिवेंद्रराजे म्हणाले, छत्रपतींची औलाद कुणाला सोडणार नाही, आता महाराष्ट्र काँग्रेसनं शिवरायांच्या केलेल्या अपमानाची कुंडलीच मांडली; म्हणाले, तुमचा स्वाभिमान भाजपच्या चरणी अर्पण केला नसेल तर...
तमचा स्वाभिमान भाजपच्या चरणी अर्पण केला नसेल तर कोश्यारी च्या पुरस्काराला विरोध करा. छत्रपतींचा अपमान करणाऱ्या सर्व संघ भाजप नेत्यांचा उघड उघड विरोध करा, असे आव्हान देण्यात आलं आहे.
Maharashtra Congress on Shivendraraje Bhonsle: सार्वजनिक बांधकाम मंत्री शिवेंद्रराजे भोसले यांनी मला डिवचू नका, मी छत्रपतींची औलाद आहे. वेळ आली तर कोणालाच सोडणार नाही, अशी प्रतिक्रिया राजकीय विरोधकांना दिली होती. यानंतर आता शिवेंद्रराजे यांच्या वक्तव्यावर महाराष्ट्र काँग्रेसकडून ट्विट करत पलटवार करण्यात आला आहे. तुम्ही खरेच छत्रपती शिवाजी महाराजांच्या घराण्यातील असाल आणि तुमचा स्वाभिमान भाजप च्या चरणी अर्पण केला नसेल तर कोश्यारी च्या पुरस्काराला विरोध करा. छत्रपतींचा अपमान करणाऱ्या सर्व संघ भाजप नेत्यांचा उघड उघड विरोध करा, असे आव्हान देण्यात आलं आहे.
आ. शिवेंद्रराजे जी,
— Maharashtra Congress (@INCMaharashtra) February 7, 2026
आपल्यातील “छत्रपतींची औलाद” विकृत कोश्यारी ने छत्रपती शिवाजी महाराजांचा अपमान केला तेव्हा जागी झाली असती, तर तमाम शिवप्रेमींना बरं वाटलं असतं. आपल्या राजांना शिव्या देणारा छिंदम, प्रशांत कोरटकर, शिवाजी महाराजांनी औरंगजेबाची माफी मागितली, असे म्हणणारा प्रवक्ता… https://t.co/KOyaXAPwaz
तर तमाम शिवप्रेमींना बरं वाटलं असतं
महाराष्ट्र काँग्रेसने ट्विट करत म्हटलं आहे की,आ. शिवेंद्रराजे जी, आपल्यातील “छत्रपतींची औलाद” विकृत कोश्यारी ने छत्रपती शिवाजी महाराजांचा अपमान केला तेव्हा जागी झाली असती, तर तमाम शिवप्रेमींना बरं वाटलं असतं. आपल्या राजांना शिव्या देणारा छिंदम, प्रशांत कोरटकर, शिवाजी महाराजांनी औरंगजेबाची माफी मागितली, असे म्हणणारा प्रवक्ता सुधांशू त्रिवेदी, राजांच्या आग्रा मोहिमेचं असंबद्ध वर्णन करणारा राज्याचा मंत्री मंगलप्रसाद लोढा, महाराजांच्या पुण्यतिथीला ढोल वाजवणारा तत्कालीन मंत्री विनोद तावडे…या प्रत्येक घटना आणि वक्तव्यावेळी आपल्यातील “छत्रपतींची औलाद” जागी व्हायला हवी होती, शिवप्रेमींनी आपल्याला डोक्यावर घेतलं असतं. आपल्या माहितीसाठी ही सगळी मंडळी भाजप व त्यांच्याशी संबंधित असलेल्या विचारांची आहेत. तुम्ही खरेच छत्रपती शिवाजी महाराजांच्या घराण्यातील असाल आणि तुमचा स्वाभिमान भाजप च्या चरणी अर्पण केला नसेल तर कोश्यारी च्या पुरस्काराला विरोध करा. छत्रपतींचा अपमान करणाऱ्या सर्व संघ भाजप नेत्यांचा उघड उघड विरोध करा.
या ट्विटमध्ये शिवेंद्रराजे भोसले यांनाही टॅग करण्यात आलं आहे. दरम्यान, 26 जानेवारीच्या पूर्वसंध्येला पद्म पुरस्कारांची घोषणा करण्यात आली होती. त्यामध्ये महाराष्ट्राचे माजी राज्यपाल भगतसिंह कोश्यारी यांना पद्मभुषण पुरस्कार जाहीर करण्यात आला. महाराष्ट्र संस्कृतीवर, महापुरुषांवर कोश्यारी यांच्या वक्तव्यातून गरळ ओकली गेली होती. त्यामुळे त्यांना पुरस्कार जाहीर करण्यात आल्यानंतर शिवप्रेमींसह विरोधी नेत्यांमध्ये संतापाची लाट पसरली होती.
इतर महत्वाच्या बातम्या
महत्त्वाच्या बातम्या
