लाडक्या बहिणींना 2100 रुपये मिळणार का? 10 मार्च रोजी सरकार काय घोषणा करणार याकडे सर्वांचे लक्ष!

Ladki Bahin Yojana : मुख्यमंत्री माझी लाडकी बहीण योजनेतून मिळणारी आर्थिक मदत ही 2100 रुपये केली जाईल, असे आश्वासन महायुती सरकारने दिले होते.

mukhyamantri mazi ladki bahin yojana (फोटो सौजन्य- metai)

Source : meta ai

Ladki Bahin Yojana : विधानसभा निवडणुकीपासून मुख्यमंत्री माझी लाडकी बहीण योजना ही महाराष्ट्रातील राजकारणाच्या केंद्रस्थानी आहे. लवकरच या योजनेअंतर्गत मिळणाऱ्या लाभात वाढ करावी, अशी मागणी विरोधक करत होते. असे अशतानाचा आता महाराष्ट्राच्या अर्थसंकल्पीय अधिवेशनाच्या तोंडावर या मागणीने जोर धरला असून यावेळच्या अर्थसंकल्पात लाडक्या बहि‍णींना वाढीव लाभ मिळणार का? याकडे सर्वांचेच लक्ष लागले आहे. 

महायुतीने केली होती घोषणा

महाराष्ट्र सरकारचे अर्थसंकल्पीय अधिवेशन येत्या 3 मार्चपासून चालू होणार आहे. या अधिवेशनात राज्य सरकार अनेक महत्त्वाच्या घोषणा करण्याची शक्यता व्यक्त केली जात आहे. यावेळच्या विधानसभा निवडणुकीत महायुतीने आम्ही पुन्हा सत्तेत आलो तर लाडक्या बहि‍णींना मिळणाऱ्या लाभाची रक्कम वाढवू, असे आश्वासन दिले होते. ही रक्कम 1500 रुपयांवरून 2100 रुपये करून असे महायुतीने म्हटले होते. त्यानंतर लाडक्या बहि‍णींना महायुतीच्या पारड्यात भरभरून मतं दिली होती. त्यामुळेच महायुती सरकार पुन्हा एकदा सत्तेत आली आहे. त्यामुळे या अर्थसंकल्पात देवेंद्र फडणवीस सरकार लाडक्या बहणींना मिळणाऱ्या लाभात 2100 रुपयांपर्यंत वाढ करणार का? असे विचारले जात आहे. 

10 मार्च रोजी घोषणा होणार का?

महायुतीचे सरकार आल्यानंतर पहिल्याच पत्रकार परिषदेत महायुती लाडक्या बहि‍णींना मिळणाऱ्या पैशांत वाढ करण्याची घोषणा करेल, अशी अपेक्षा व्यक्त केली जात होती. मात्र तसे झाले नाही. मुख्यमंत्रि‍पदाची शपथ घेतल्यानंतर देवेंद्र फडणवीस यांनी यावर भाष्य केलं होतं. आगामी अर्थसंकल्पावेळी लाडक्या बहि‍णींना मिळणाऱ्या वाढीव मदतीवर योग्य तो निर्णय घेऊ, असे फडणवीस यांनी म्हटले होते. येत्या 3 मार्च रोजी अर्थसंकल्पीय अधिवेशन चालू होणार आहे. तर 10 मार्च रोजी अर्थसंकल्प सादर केला जाणार आहे. त्यामुळे या अर्थसंकल्पात महायुती सरकार लाडक्या बहि‍णींना मिळणाऱ्या भत्त्याची रक्कम 2100 रुपयांवर नेणार का? याकडे सर्वांचेच लक्ष लागले आहे. 

हेही वाचा :