Maharashtra Breaking News Live Updates: महाराष्ट्रासह देशभरातील महत्त्वाच्या घडामोडी; सर्व अपडे

16/02/2025 14:50:50

नागपूर जिल्ह्यातील कोतवालबड्डी येथील एक्सप्लोसिव्ह कंपनीमध्ये भीषण स्फोट; दोन कामगार मृत्युमुखी पडल्याची माहिती

नागपूर जिल्ह्यातील कळमेश्वर पोलिस स्टेशन हद्दीत कोतवालबड्डी येथे एक्सप्लोसिव्ह कंपनीमध्ये स्फोट...

दोन कामगार मृत्युमुखी पडल्याची माहिती...

दुपारी दोन वाजताची घटना...

कळमेश्वर पोलीस स्टेशन अंतर्गत कोतवाल बड्डी येथे एका खाजगी एक्सप्लोसिव्ह कंपनीमध्ये फटाक्यांसाठी ची बारूद तयार केली जात होती...

दुपारी दोन वाजताच्या सुमारास त्या ठिकाणी स्फोट झाला त्यामध्ये दोन कामगार मृत्युमुखी पडल्याची माहिती आहे...

16/02/2025 13:49:01

कोळसा तंदूर भट्टी वापरणाऱ्या रेस्टॉरंट आणि ढाब्यांना मुंबई महापालिकेकडून नोटीस; नेमकं कारण काय?

कोळसा तंदूर भट्टी वापरणाऱ्या रेस्टॉरंट आणि ढाब्यांना मुंबई महापालिकेकडून नोटीस

कोळसा तंदूर भट्टी ऐवजी इलेक्ट्रिक उपकरण किंवा सीएनजी पीएनजी एलपीजीचा वापर करण्याच्या दिल्या सूचना

मुंबईतील एकही बेकरी आता जळाऊ लाकडावर चालणार नाही; त्याऐवजी सिएनजी; पीएनजी वापरावा- आयुक्तांते आदेश

कोळसा तंदूर भट्टी ऐवजी आठ जुलै पर्यंत इलेक्ट्रिक उपकरणांचा वापर न केल्यास मुंबई महापालिकेकडून कठोर कारवाई केली जाणार

नोटीस बजावून आणि सूचना देऊन सुद्धा रेस्टॉरंट आणि ढाबा मालकांनी पालन न केल्यास परवाना रद्द करणे, दंड आणि कायदेशीर कारवाईसह कठोर कारवाई केली जाईल.

9 जानेवारीच्या मुंबई उच्च न्यायालयाच्या आदेशानुसार बीएमसीच्या हद्दीत लाकूड, कोळसा किंवा इतर पारंपारिक इंधन वापरणाऱ्या हॉटेल आणि रेस्टॉरंट मालकांना सूचना देण्यात आली आहे

त्यामुळे कोळसा तंदूर भट्टीचा वापर करून तंदूर तयार करणाऱ्या हॉटेल मालकांना आता हॉटेलमध्ये बदल करावे लागणार आहेत, त्याऐवजी इलेक्ट्रिक एलपीजी पीएनजी सीएनजी व इतर ग्रीन एनर्जीचा वापर करण्याच्या सूचना देण्यात आल्या आहेत

त्यासोबत मुंबईतील एकही बेकरी पुढील सहा महिन्यानंतर जळाऊ लाकडावर चालणार नाही,

आतापर्यंत 84 ढाबे, हॉटेल, रेस्टॉरंट आणि तंदूर आस्थापनांना नोटिसा बजावण्यात आल्या आहेत

16/02/2025 13:15:53

ट्रॅक्टरची हायड्रोलिक ट्रॉली कोसळून चालकाचा मृत्यू, भंडाऱ्याच्या बेटाला वाळू डेपोवरील घटना

Bhandara News: ट्रॅक्टरमधील वाळू खाली करीत असताना घडलेल्या दुर्घटनेत ट्रॅक्टरची हायड्रोलिक ट्रॉली कोसळल्यानं त्यात दबून चालकाचा मृत्यू झाला. ही घटना भंडाऱ्याच्या बेटाळा येथील वाळू डेपोवर घडली. लोकेश दशरथ दुधे (२५) असं ट्रॅक्टर चालकाचं नावं असून तो बेटाळा येथील रहिवासी आहे. या घटनेनंतर संतप्त बेटाळा ग्रामवासियांनी रोष व्यक्त करत प्रशासनाला धारेवर धरण्याचा प्रयत्न केला. याप्रकरणी मोहाडी पोलिसांनी मृतदेह उत्तरीय तपासणीसाठी भंडारा जिल्हा सामान्य रुग्णालयात पाठविला असून अधिक तपास करण्यात येतं आहे.

16/02/2025 13:14:12

चॉपरने केक कापणे बर्थडे बॉयला पडले महागात, नाशिक पोलिसांनी घेतले ताब्यात

नाशिक : चॉपरने केक कापणे बर्थडे बॉयला चांगलेच महागात पडले आहे. चॉपरने केक कापत असल्याचा व्हिडिओ सोशल मिडीयावर व्हायरल झाल्यानंतर पोलिसांनी बर्थडे बॉयचा शोध घेऊन त्याच्या विरुद्ध कारवाई केली आहे. दरम्यान क्राइम ब्रांच युनिट एकच्या पथकाला चॉपरने केक कापणार कमरेला चॉपर लावून दहशत निर्माण करीत असल्याची खात्रीशीर बातमी मिळाली होती. त्यानुसार पोलिसांनी सापळा रचून गजानन गणेश शेळके या वीस वर्षीय बर्थडे बॉयला ताब्यात घेऊन कारवाई करण्यात आली आहे. त्याच्या विरुद्ध भारतीय हत्यार कायदा कलम नुसार गुन्हा दाखल करण्यात आलाय. त्याच्या ताब्यातून स्टीलचा धारदार चॉपर देखील जप्त करण्यात आला आहे.

16/02/2025 13:13:10

चॉपरने केक कापणे बर्थडे बॉयला पडले महागात, नाशिक पोलिसांनी घेतले ताब्यात

नाशिक : चॉपरने केक कापणे बर्थडे बॉयला चांगलेच महागात पडले आहे. चॉपरने केक कापत असल्याचा व्हिडिओ सोशल मिडीयावर व्हायरल झाल्यानंतर पोलिसांनी बर्थडे बॉयचा शोध घेऊन त्याच्या विरुद्ध कारवाई केली आहे. दरम्यान क्राइम ब्रांच युनिट एकच्या पथकाला चॉपरने केक कापणार कमरेला चॉपर लावून दहशत निर्माण करीत असल्याची खात्रीशीर बातमी मिळाली होती. त्यानुसार पोलिसांनी सापळा रचून गजानन गणेश शेळके या वीस वर्षीय बर्थडे बॉयला ताब्यात घेऊन कारवाई करण्यात आली आहे. त्याच्या विरुद्ध भारतीय हत्यार कायदा कलम नुसार गुन्हा दाखल करण्यात आलाय. त्याच्या ताब्यातून स्टीलचा धारदार चॉपर देखील जप्त करण्यात आला आहे.

16/02/2025 13:13:09

चॉपरने केक कापणे बर्थडे बॉयला पडले महागात, नाशिक पोलिसांनी घेतले ताब्यात

नाशिक : चॉपरने केक कापणे बर्थडे बॉयला चांगलेच महागात पडले आहे. चॉपरने केक कापत असल्याचा व्हिडिओ सोशल मिडीयावर व्हायरल झाल्यानंतर पोलिसांनी बर्थडे बॉयचा शोध घेऊन त्याच्या विरुद्ध कारवाई केली आहे. दरम्यान क्राइम ब्रांच युनिट एकच्या पथकाला चॉपरने केक कापणार कमरेला चॉपर लावून दहशत निर्माण करीत असल्याची खात्रीशीर बातमी मिळाली होती. त्यानुसार पोलिसांनी सापळा रचून गजानन गणेश शेळके या वीस वर्षीय बर्थडे बॉयला ताब्यात घेऊन कारवाई करण्यात आली आहे. त्याच्या विरुद्ध भारतीय हत्यार कायदा कलम नुसार गुन्हा दाखल करण्यात आलाय. त्याच्या ताब्यातून स्टीलचा धारदार चॉपर देखील जप्त करण्यात आला आहे.

16/02/2025 12:48:59

कृषीमंत्र्यांनी केलेल्या वादग्रस्त वक्तव्याबाबत ठाण्यातील शेतकरी कामगार पक्ष आक्रमक

ठाणे : कृषी मंत्री माणिकराव कोकाटे यांच्या शेतकऱ्यांविषयीच्या वादग्रस्त वक्तव्याविरोधात ठाणे शहर शेतकरी कामगार पक्षाचा निषेध आंदोलन करण्यात आले आहे. ठाणे जिल्हाधिकारी कार्यालयाच्या बाहेर मंत्री माणिकराव कोकाटे यांच्या विरोधात घोषणा देत शेकापने माणिकराव कोकाटे यांचे पोस्टर फाडत जोडे मारो आंदोलन केले.

16/02/2025 12:17:07

वडील राष्ट्रवादीत तर मुलगी भाजपमध्ये; प्रणिता देवरे चिखलीकर यांचे बॅनर आले चर्चेत

नांदेड : लोहा कंधारचे आमदार प्रताप पाटील चिखलीकर यांनी विधानसभा निवडणुकीत भाजप सोडून अजितदादांच्या राष्ट्रवादी काँग्रेसमध्ये प्रवेश केला, मात्र त्यांची लेक प्रणिता देवरे चिखलीकर ह्या अजूनही भाजपातच आहेत. आज प्रणिता देवरे चिखलीकर यांचे शिवजयंतीच्या शुभेच्छा देणारे एक बॅनर शहरात लावलंय. या बॅनरवर प्रणिता यांचा एकटीचाच फोटो असून भाजपच्या कमळ चिन्हाचा उल्लेख आहे. त्यामुळे हे बॅनर शहरात चर्चेचा विषय ठरले असून प्रणिता ह्या वडिलांसोबत राष्ट्रवादी काँग्रेसमध्ये जाणार नाहीत असेही स्पष्ट होत आहे. विशेष म्हणजे प्रणिता यांचे बंधू प्रवीण पाटील देखील अजून भाजपमध्येच आहेत. त्यामुळे एका घरात दोन राजकीय पक्ष सुखाने नांदत असल्याचे दिसतंय.

16/02/2025 12:06:52

Nashik NMC : नाशिक महापालिकेचे अर्थसंकल्पीय अंदाजपत्रक आज सादर होणार

- नाशिक महापालिकेचे 2025-26 या आर्थिक वर्षाचे अर्थसंकल्पीय अंदाजपत्रक आज सादर केले जाणार ...

- महापालिका अधिकारी प्रयागराज कुंभमेळ्याच्या अभ्यास दौऱ्यावर जाणार असल्याने आज सुटीच्या दिवशी स्थायी समितीला सादर केले जाणार अंदाजपत्रक.

- आगामी नाशिक कुंभमेळ्याच्या पार्श्वभूमीवर बांधकाम विभागाने केली आहे 800 कोटींची मागणी.

- 2024-25 या आर्थिक वर्षासाठी 2 हजार 603 कोटी रुपयांचे होते अंदाजपत्रक.

- नाशिककरांवर करवाढ लादली जाणार का? हे पाहणे महत्वाचे ठरणार.

16/02/2025 11:52:51

ट्रॅक्टरची हायड्रोलिक ट्रॉली कोसळून चालकाचा मृत्यू, भंडाऱ्याच्या बेटाला वाळू डेपोवरील घटना

भंडारा : ट्रॅक्टरमधील वाळू खाली करीत असताना घडलेल्या दुर्घटनेत ट्रॅक्टरची हायड्रोलिक ट्रॉली कोसळल्यानं त्यात दबून चालकाचा मृत्यू झाला. ही घटना भंडाऱ्याच्या बेटाळा येथील वाळू डेपोवर घडली. लोकेश दशरथ दुधे (25) असं ट्रॅक्टर चालकाचं नावं असून तो बेटाळा येथील रहिवासी आहे. या घटनेनंतर संतप्त बेटाळा ग्रामवासियांनी रोष व्यक्त करत प्रशासनाला धारेवर धरण्याचा प्रयत्न केला. याप्रकरणी मोहाडी पोलिसांनी मृतदेह उत्तरीय तपासणीसाठी भंडारा जिल्हा सामान्य रुग्णालयात पाठविला असून अधिक तपास करण्यात येतं आहे.

16/02/2025 11:18:56

भंडाऱ्याच्या वैनगंगेवर उतरला विदेशी पक्षांचा थवा

भंडारा : तलावांचा आणि निसर्गाची देणं असलेल्या भंडारा जिल्ह्यात हिवाळ्याच्या दिवसात मोठ्या प्रमाणात विदेशी पक्षी निसर्ग विहारासाठी जिल्ह्यात दाखल होत असतात. मागील सुमारे तीन महिन्यांपासून मुक्कामी असणारे पक्षी उन्हाळ्याची चाहूल लागताचं परतीच्या प्रवासाला लागतात. अशाचं एका विदेशी पक्षांचा मोठा थवा भंडाऱ्याच्या वैनगंगा नदीवर बघायला मिळाला. भंडारा शहरालगत असलेल्या कारधाचा छोटा पुल आणि वैनगंगेवरील मोठ्या पुलाच्या मधोमध या पक्षांच्या थव्यानं वैनगंगेच्या तुडूंब भरलेल्या पात्रावरून मुक्तविहार केला. या पक्ष्यांची संख्या एवढी होती की, आकाशात एखादा काळा ढगचं वेगानं धावतोय की काय, असा जणू भास झाला. कारधाच्या लहान आणि मोठ्या पुलालगतच्या पात्रातील पाण्यावर काही काळ मनसोक्तपणे विहार करणाऱ्या या पक्ष्यांनी अनेकांचं लक्ष वेधून घेतलं होतं. या पुलावरून जाणाऱ्या येणाऱ्या नागरिकांनी वाहनं थांबवून निसर्गाचं हे सुंदर चित्र आपल्या डोळ्यात आणि मनात साठवलं. अनेकांनी या क्षणाचं मोबाईलमधून चित्रीकरणही केलं.

16/02/2025 10:46:15

Chhatrapati Sambhajinagar : वाळूज भागात एटीएम फोडले, लाखोंची रोकड लंपास

छत्रपती संभाजीनगर : शहराजवळील वाळूज भागात एटीएम फोडले. गरवारे कंपनीसमोर बकवाल नगर येथे एक्सिस बँकचे एटीएम फोडून लाखोंची रोकड चोरट्यांनी लंपास केली आहे. चोरट्याने सुरुवातीला सीसीटीव्हीवर स्प्रे मारला आणि नंतर गॅस कटरने एटीएम कापून रोख रक्कम पळवली. नेमकी किती रक्कम चोरीला गेली आहे? या संदर्भात माहिती मिळू शकलेली नाही. घटनास्थळी पोलीस दाखल झालेत.

16/02/2025 09:30:51

Devendra Fadnavis : मुख्यमंत्री देवेंद्र फडणवीस आज जळगाव दौऱ्यावर

जळगाव : महाराष्ट्राचे मुख्यमंत्री देवेंद्र फडणवीस हे आज 16 फेब्रुवारी रोजी जळगाव जिल्ह्याच्या दौऱ्यावर येणार आहेत. मुख्यमंत्र्यांचे आगमन दुपारी 3:45 वाजता जळगाव विमानतळावर होणार असून त्यानंतर ते शेंदुर्णी, ता. जामनेर येथे जातील. तिथे दुपारी 4:30 वाजता "दि शेंदुर्णी सेकंडरी एज्युकेशन को-ऑप. सोसायटी लि." संस्थेच्या अमृत ग्रंथ प्रकाशन व शेतकरी मेळाव्याला उपस्थित राहतील. मुख्यमंत्री संध्याकाळी 5:30 वाजता श्री. गोविंद महाराज क्रीडांगण, हिवरखेडा रोड, जामनेर येथे आगमन, सायंकाळी 6:00 वाजता जामनेर येथे "नम्मो कुस्ती महाकुंभ - 2" या कुस्ती स्पर्धेचे उद्घाटन मुख्यमंत्री यांच्या हस्ते होणार आहे. संध्याकाळी 7.15 वाजता जामनेरवरून जळगाव विमानतळाकडे प्रयाण , 7.45 वाजता जळगाव विमानतळ येथे आगमन, रात्री 7:50 वाजता ते जळगाव विमानतळावरून मुंबईकडे प्रयाण करणार आहेत.

16/02/2025 09:24:36

Chhatrapati Sambhajinagar : फेब्रुवारीतच उन्हाचा तडाखा, तापमान 35.4 अंशांवर

छत्रपती संभाजीनगर : शहरातील तापमानाचा पारा शनिवारी 34.4 अंशांवर गेला. एका दिवसांत कमाल तापमानात दोन अंशांनी वाढ झाल्याने नागरिकांना फेब्रुवारीतच उन्हाच्या झळा सहन कराव्या लागल्या. त्यात गेल्या काही दिवसांपासून दिवसा ऊन आणि रात्री थंडी अशा वातावरणाने अबालवृद्धांना सर्दी, खोकला, उलट्या, जुलाब अशा आजारांना सामोरे जावे लागत आहे.

16/02/2025 09:03:34

Chhatrapati Sambhajinagar : 'टॅक्स' वसुलीसाठी अख्खे मार्केट सील, महानगरपालिकेची धडक कारवाई

छत्रपती संभाजीनगर : मालमत्ता कर, पाणीपट्टी वसुलीसाठी आता महापालिकेकडे फक्त 44 दिवस शिल्लक आहेत. 31 मार्चपर्यंत चालू आर्थिक वर्ष आणि थकबाकी वसुलीवर प्रशासनाने भर दिला असून, पुंडलिकनगर रोडवरील सपना मार्केटमधील तब्बल 32 दुकाने, एका अभ्यासिकेला शनिवारी सील लावण्यात आले. 1 लाखांहून अधिक आणि मोठ्या थकबाकीदारांकडे महानगरपालिकेने मोर्चा वळवला आहे. महानगरपालिकेची आर्थिक परिस्थिती सुधारायची असेल तर कर वसुली गरजेचे आहे त्यामुळे महानगरपालिकेने धडक कारवाई सुरू केली आहे.

16/02/2025 08:46:51

मलकापूरजवळ मका, हरभरा सुडीला अज्ञाताने लावली आग; शेतकऱ्यांचे लाखोंचे नुकसान

बुलढाणा : जिल्ह्यातील मलकापूर शहरानजीक बेलाड मार्गावर मध्यरात्रीच्या सुमारास अज्ञात व्यक्तीने जवळपास 15 ते 16 शेतकऱ्यांचे शेतात हरभरा व मका या पिकांच्या सुडीला आग लावली. या आगीत शेतकऱ्यांचे मोठं नुकसान झालं असून सकाळी ही बाब लक्षात आल्यानंतर शेतकऱ्यांमध्ये एकच खळबळ उडाली आहे. विशेष म्हणजे गेल्या दोन ते तीन वर्षापासून याच दिवसात या परिसरात अनेकदा अशा अज्ञाताने आग लावण्याच्या घटना घडल्या आहेत. मात्र तरीही पोलीस प्रशासन लक्ष देत नसल्याची तक्रार शेतकऱ्यांनी केली आहे. या घटनेत शेतकऱ्यांचे लाखो रुपयांचे नुकसान झाले आहे.

16/02/2025 08:30:05

Ajit Pawar उपमुख्यमंत्री अजित पवार आज नाशिक दौऱ्यावर

- उपमुख्यमंत्री अजित पवार आज नाशिक दौऱ्यावर...

- उपमुख्यमंत्री एकनाथ शिंदे, मंत्री चंद्रशेखर बावनकुळे यांच्या दौऱ्यानंतर सलग तिसऱ्या दिवशी महायुतीच्या प्रमुख नेत्यांचा नाशिक दौरा ठरतोय चर्चेचा विषय...

- नाशिकच्या पालकमंत्री पदाचा तिढा कायम असताना अजित पवारांच्या दौऱ्याकडे लागले लक्ष...

- आगामी स्थानिक स्वराज्य संस्थांच्या निवडणुकांच्या पार्श्वभूमीवर उपमुख्यमंत्री अजित पवारांचा दौरा ठरणार महत्त्वाचा...

- जिल्हा व अतिरिक्त सत्र न्यायाधीश आणि दिवाणी न्यायाधीश, वरिष्ठ स्तर या न्यायालयाचा अजित पवारांच्या हस्ते होणार उद्घाटन...

- नगरोत्थान महाअभिनाअंतर्गत येथील पाणीपुरवठा योजनेचेही अजित पवार करणारा भूमिपूजन...

16/02/2025 08:18:35

अलिबागच्या सरकारी दवाखान्यात चोरी, महिलेचे मंगळसूत्र लंपास

रायगड : अलिबागमधील जिल्हा रुग्णालयात चोरट्यांनी एका रूग्ण महिलेच्या मंगळसूत्रावरच डल्ला मारल्याची धक्कादायक घटना समोर आली आहे. या रुग्णालयात प्रसुतीसाठी आलेल्या सुश्मीता रोहन कोळी या महिलेचे अडीच तोळ्याचे दोन लाख रुपये किमतीचे मंगळसूत्र चोरल्याची घटना घडली आहे. या घटनेनंतर सीसीटीव्हीच्या माध्यमातून पोलिस चोरांचा शोध घेत आहेत.

16/02/2025 08:13:23

Nashik News : नाशिक शहरात भुरट्या चोरांचा सुळसुळाट

नाशिक : शहरात भुरट्या चोरांचा सुळसुळाट पाहायला मिळत आहे. छताची कौले तोडून ब्रँडेड दारूची चोरी करण्यात आली आहे. वेगवेगळ्या ब्रँडची दारूसह 32,500 रुपयांची रोकड एकूण 70 हजार रुपयांची चोरी करण्यात आली आहे. दारू चोरीची घटना सीसीटीव्ही कॅमेऱ्यात कैद झाली आहे. अज्ञात चोरट्याविरोधात नाशिकच्या म्हसरूळ पोलीस ठाण्यात गुन्हा दाखल करण्यात आला आहे.

16/02/2025 08:10:00

दिल्ली रेल्वे स्थानकावर एक घोषणा अन् होत्याचं नव्हतं झालं, 18 जणांचा मृत्यू

New Delhi Railway Station Stampede: यात्रीगण कृपया ध्यान दें...दिल्ली रेल्वे स्थानकावर एक घोषणा अन् होत्याचं नव्हतं झालं, 18 जणांचा मृत्यू, नेमकं काय घडलं?

16/02/2025 08:08:27

वाघिणीपासून दुरावलेले आणखी दोन बछडे आढळले

आईपासून दुरावलेल्या बछड्यांचा अन्न पाण्याविना मागील आठवड्यात मृत्यू झाल्याची घटना भंडाऱ्याच्या लेंडेझरी वनपरिक्षेत्रांतर्गत येणाऱ्या खापा - मांडवी जंगलात समोर आली होती. आता आणखी दोन बछडे वाघिणीपासून दुरावलेले त्याचं परिसरात आढळून आल्यानं भुकेनं व्याकुळ असलेल्या या दोघांना नागपूर येथील प्राणी उपचार केंद्रात उपचारासाठी दाखल करण्यात आलं आहे.

16/02/2025 08:07:44

नेरळ रेल्वे स्थानक परिसरातील सोयीचा पुल बंद, नेरळ रेल्वे प्रवाशांची दमछाक

मध्य रेल्वेच्या नियोजन शून्य कारभारामुळे नेरळ रेल्वे स्थानकात येणाऱ्या प्रवाशी नागरिकांचे हाल होणार आहेत.नेरळ रेल्वे स्थानकात पाच वर्षा पूर्वी कर्जत दिशेजवळील बांधण्यात आलेला पादचारी पुल मुंबई रेल्वे विकास कॉर्पोरेशन लिमिटेड कंपनी कडून तोडण्यास सुरुवात झालेली असून येथे नव्याने पुल जोडणीचे काम सुरू झालेले आहे.परिणामी नव्याने बांधण्यात आलेल्या पुलामुळे प्रवाशी नागरिकांची नेरळ रेल्वे स्थानकात दमछाक होणार आहे.ट्रेनच्या प्रथम डब्यात बसून येणाऱ्या प्रवाशी नागरिकाला स्थानकात उतरल्या नंतर पुन्हा ट्रेनच्या आठव्या डब्या पर्यंत मागे चालत जावून बाहेर पडण्यासाठी पादचारी पुलाचा वापर करावा लागतो.परिणामी रेल्वे स्थानकात येणाऱ्या जाणाऱ्या प्रवाशी नागरिकांची ही रोजची दमछाक होणार आहे.

16/02/2025 08:03:17

काँग्रेस प्रदेशाध्यक्ष हर्षवर्धन सपकाळ यांचा मुंढे - धस भेटीवर निशाणा

सुरेश धस आणि धनंजय मुंडे यांची भेट म्हणजे टीआरपी वाढवण्यासाठी चे हे प्रकरण होतं कुठेतरी राष्ट्रवादीचे महत्त्व कमी करण्यासाठी भाजपच्या मुख्यमंत्र्यांनी सुरेश धस यांना सूचना दिली होती आणि याच्या पलीकडे जाऊन पहिले तर आगा आगा आगा... बंदूक बंदूक बंदूक .... रेती रेती रेती .....टिप्पर टिप्पर टिप्पर... असे शब्द रांगड्या भाषेत मांडल्या जात होती. मात्र आता हे शब्द मागे पडलेत आणि आता "मांडवली.. मांडवली... मांडवली..." या शब्दाची गुंज या प्रकरणातून ऐकू येतेय...अशा शब्दात काँग्रेसचे प्रदेशाध्यक्ष हर्षवर्धन सपकाळ यांनी मुंढे धस भेटीवर निशाणा साधलाय.

16/02/2025 07:39:56

पारंपारिक शेतीला बगल देत चीया पिकाची लागवड

शेती बलाचे घसलेले दर आणि वाढलेला उत्पादन खर्च बघता हिंगोली च्या ताकतोडा गावातील शेतकरी राहुल कव्हर या शेतकऱ्याने दोन एकर शेतात चीया पिकाची लागवड केली आहे चीया पिकाचे उत्पन्न अमेरिकेत घेतलं जात परंतु आता भारतातील शेतकरी सुध्धा या पिकाकडे वळू लागले आहेत लागवड केल्या नंतर चीया पिकाला कोणताही इतर खर्च करायची गरज नाही त्यामुळे उत्पादन खर्च कमी झाला आहे या शिवाय बाजारात पण चांगला भाव मिळतो त्यामुळे इतर पारंपरिक पिकांपेक्षा चिया हे पीक शेतकऱ्यांना परवडत आहे शेतकरी राहुल कव्हर यांना गत वर्षी एक एकर शेतातील चीया पिकाच्या लागवडीतून 80 हजारांचा नफा झाला आहे त्यामुळे या वर्षी त्यांनी 2 एकर शेती मध्ये चिया पिकाची लागवड केली आहे.

16/02/2025 07:39:32

राज्याचे मुख्यमंत्री देवेंद्र फडणीस आज जळगाव जिल्ह्याच्या दौऱ्यावर

राज्याचे मुख्यमंत्री देवेंद्र फडणीस आज जळगाव जिल्ह्याच्या दौऱ्यावर आहेत.जळगाव जिल्ह्यातील जामनेर तालुक्यातील शेंदुर्णी गाव येथे शेंदुर्णी एज्युकेशन को ऑपरेटिव्ह सोसायटीच्या नूतन इमारतीचा शुभारंभ आणि शेतकरी मेळाव्या सह, जामनेर येथे होत असलेल्या नमो कुस्ती स्पर्धेच्या शुभारंभ साठी मुख्यमंत्री आज दुपारी तीन वाजता जळगाव येथे येत आहेत. यावेळी मंत्री गिरीश महाजन,मंत्री संजय सावकारे,मंत्री रक्षा खडसे यांची प्रमुख उपस्थिती राहणार आहे

16/02/2025 07:39:08

पथनाट्याद्वारे उमरगा शहरात स्वच्छता जनजागृती कार्यक्रम

धाराशिव जिल्ह्यातील उमरगा येथील नगरपालिकेकडून स्वच्छता जनजागृती मोहीम हाती घेण्यात आली आहे. पथनाट्यद्वारे शहरात स्वच्छता ठेवा, उघड्यावर कचरा टाकू नका, झाडे लावा झाडे जगवा, अशा विविध गोष्टीवर प्रकाश टाकण्यासाठी चौका चौकात नगरपालिकेच्या माध्यमातून जनजागृतीसाठी पथनाट्य सादरीकरण करण्यात येत आहे. नगरपालिकेची पथनाट्याच्या माध्यमातून सुरू असलेली ही मोहीम लोकांचं लक्ष वेधून घेत आहे.

16/02/2025 07:38:51

नवी दिल्ली रेल्वे स्टेशनवर झालेल्या चेंगराचेंगरीत 18 जणांचा मृत्यू

नवी दिल्ली रेल्वे स्टेशनवर झालेल्या चेंगराचेंगरीत (New Delhi Railway Station Stampede) 18 जणांचा मृत्यू झाला आहे. दिल्ली रेल्वे स्थानकावरील प्लॅटफॉर्म क्रमांक 14 आणि 16 वर झालेल्या चेंगराचेंगरीत 3 मुलांसह 18 जणांचा मृत्यू झाला.

16/02/2025 07:38:09

- उपमुख्यमंत्री अजित पवार आज नाशिक दौऱ्यावर...

- उपमुख्यमंत्री अजित पवार आज नाशिक दौऱ्यावर...

- उपमुख्यमंत्री एकनाथ शिंदे, मंत्री चंद्रशेखर बावनकुळे यांच्या दौऱ्यानंतर सलग तिसऱ्या दिवशी महायुतीच्या प्रमुख नेत्यांचा नाशिक दौरा ठरतोय चर्चेचा विषय...

- नाशिकच्या पालकमंत्री पदाचा तिढा कायम असताना अजित पवारांच्या दौऱ्याकडे लागले लक्ष...

- आगामी स्थानिक स्वराज्य संस्थांच्या निवडणुकांच्या पार्श्वभूमीवर उपमुख्यमंत्री अजित पवारांचा दौरा ठरणार महत्त्वाचा...

- जिल्हा व अतिरिक्त सत्र न्यायाधीश आणि दिवाणी न्यायाधीश, वरिष्ठ स्तर या न्यायालयाचा अजित पवारांच्या हस्ते होणार उद्घाटन...

- नगरोत्थान महाअभिनाअंतर्गत येथील पाणीपुरवठा योजनेचेही अजित पवार करणारा भूमिपूजन...

16/02/2025 07:37:47

नागपाडा येथे आॅर्चिड एन्क्हेव्ह टाॅवर मध्ये राहणार्या डाॅक्टरने केली आत्महत्या

फारूख झवेरी असे या मृत डाॅक्टरचे नाव आहे

फारूखहे मागील अनेक दिवसांपासून नैराक्षेत होते

यातून त्यांना कर्करोगाचे निदान झाल्यानंतर त्यांनी टोकाचे पाऊल उचलले

शनिवारी दुपारी फारूख यांनी राहत्या घराच्या बालकनीतून उडी घेत आत्महत्या केली

याप्रकरणी नागपाडा पोलिसांनी अपमृत्यूची नोंद केली असून अधिकतपास करत आहेत

Maharashtra Breaking News Live Updates: महाराष्ट्रासह देशभरातील महत्त्वाच्या घडामोडी; सर्व अपडेट्स, एका क्लिकवर

पार्श्वभूमी