Maharashtra Breaking LIVE: इंडिया आघाडीला धक्का, द्रमुकचा लोकसभेत काँग्रेससोबत बसायला नकार

08/05/2026 16:02:55

TCS धर्मांतर प्रकरण : निदा खानला नाशिकरोड न्यायालयात हजर करण्यासाठी पोलीस रवाना

निदा खान हिला घेऊन नाशिक पोलीस नाशिकरोड न्यायालयाच्या दिशेने रवाना झाले आहेत. TCS धर्मांतर आणि महिला अत्याचार प्रकरणात निदा खान ही आरोपी असून, 25 मार्चपासून तब्बल 42 दिवस पोलिसांना गुंगारा देत ती फरार होती. छत्रपती संभाजीनगरमधून नाशिक पोलिसांनी तिला अटक केली होती. या प्रकरणात आतापर्यंत एकूण 8 आरोपींना अटक करण्यात आली आहे. दरम्यान, दोन आरोपींना आजच पुढील गुन्ह्यात नाशिक जिल्हा न्यायालयाने 5 दिवसांची पोलीस कोठडी सुनावली असून, आता निदा खानला नाशिकरोड न्यायालयात दाखल करण्यात येत आहे.

08/05/2026 15:27:29

इंडिया आघाडीला धक्का, द्रमुकचा लोकसभेत काँग्रेससोबत बसायला नकार

इंडिया आघाडीला धक्का

द्रमुकचा लोकसभेत काँग्रेससोबत बसायला नकार

द्रमुकच्या वतीने लोकसभा अध्यक्षांना पत्र

आम्हाला लोकसभेत काँग्रेस सोबत बसायचं नाही, कनिमोळी यांचे पत्र

आता आम्हाला स्वतंत्र बसण्याची जागा द्या

08/05/2026 14:51:08

बंगाल सत्तास्थापनेत सुवेंदू अधिकारी मुख्यमंत्रीपदाचे मुख्य दावेदार; 2 उपमुख्यमंत्री, त्यापैकी एक महिला

बंगाल सत्तास्थापनेत सुवेंदू अधिकारी मुख्यमंत्रीपदाचे मुख्य दावेदार

सूत्रांकडून मिळालेल्या माहितीनुसार

- बंगालमध्ये २ उपमुख्यमंत्री असतील. त्यापैकी एक महिला उपमुख्यमंत्री असू शकतात .
- अग्निमित्रा पॉल उपमुख्यमंत्री पदासाठी दावेदार

- सुमारे २६ ते २७ लोकांना मंत्री पद मिळू शकते.

मंत्री पदासाठी चर्चेत असलेले नेते:

- दिलीप घोष
- अग्निमित्रा पॉल
- उमेश राय
- शंकर घोष
- अर्जुन सिंह
- रितेश तिवारी

दिलीप घोष, तपन रॉय यांचे नाव विधानसभा अध्यक्षपदासाठी चर्चेत

08/05/2026 13:18:10

Pune Crime: पुण्यात आईला शिवी दिल्याच्या रागातून मित्राचा दगडाने ठेचून खून

पुण्यात आईला शिवी दिल्याच्या रागातून मित्राचा दगडाने ठेचून खून

लोकेश ठेंबरे असे मृत्यू झालेल्या तरुणाचे नाव असून सध्या रा. घोरपडी मुंढवा येथे राहतो.

काल १२.३९ वाजण्याच्या सुमारास भाग्यश्री नगर, बी. टी. कवडे रोड, घोरपडी गाव येथील मोकळ्या मैदानात घडली

या प्रकरणी मुंढवा पोलिसांनी अल्पवयीन संशयिताला ताब्यात घेतले असून आईला शिवीगाळ केल्याच्या रागातून हा खून केल्याची माहिती आहे.

दोघेही घटनास्थळी बसून मद्यपान करत होते. त्यावेळी झालेल्या वादात लोकेश याने आरोपीच्या आईबद्दल शिवीगाळ केली. त्याचा राग अनावर झाल्याने अल्पवयीन आरोपीने दगडाने लोकेशच्या डोक्यात वार करत त्याचा खून केला असल्याचे कबूल केले आहे.

या प्रकरणी मुंढवा पोलीस अधिक तपास करत आहेत.

08/05/2026 12:07:19

Maharashtra SSC Board Result 2026: दहावीचा निकालाचा टक्का का घसरला?

दहावीचा निकालाचा टक्का का घसरला?
* कॉपीमुक्त अभियान काटेकोर राबवलं
* सीसीटीव्हीमुळे कॉपीमुक्त परीक्षा
* बोर्डाचे सर्व अधिकारी, शिक्षकांकडून काटेकोर नियोजन
* परीक्षा पूर्व आणि परीक्षा काळातील संवाद
* परीक्षांसाठी केंद्राची योग्य निवड,
* सुविधा असतील अशांच ठिकाणी परीक्षांचे आयोजन

08/05/2026 11:16:24

दहावीचा निकाल जाहीर, कोकण विभागाची सरशी, तर छत्रपती संभाजीनगर तळाल, पुन्हा मुलींची बाजी

दहावीचानिकालजाहीर,

कोकणविभागाचीसरशी,

तरछत्रपतीसंभाजीनगरतळाल, पुन्हामुलींचीबाजी

दहावीचा निकाल जाहीर, राज्याचा दहावीचा निकाल 92.09 टक्के

08/05/2026 10:09:29

अवकाळी पावसानं भातपीक, मका, आंबा उत्पादक शेतकरी हवालदिल

भंडारा जिल्ह्यात मागील तीन दिवसांमध्ये वादळी वाऱ्यासह जोरदार पावसानं हजेरी लावली. याचा सर्वाधिक फटका भंडारा, तुमसर आणि मोहाडीत तालुक्यात शेतकऱ्यांना बसलाय. भंडारा जिल्ह्यात मोठ्या प्रमाणात उन्हाळी भात पिकाची लागवड केली जाते आणि सध्या भातपीक कापणी योग्य झालेला आहे. अशा या वादळीवाऱ्याच्या आलेल्या पावसानं अनेकांच्या शेतातील भातपीक जमिनीवर लोळलं. तर, काहींचं भातपिक पाण्याखाली आल्यानं शेतकरी चिंताग्रस्त झालाय. तर, ऐन हंगामात आंबा बागायतदार शेतकऱ्यांनाही या अवकाळी पावसाचा चांगलाच फटका बसलाय. हीच परिस्थिती कापणी योग्य असलेल्या मका पीक उत्पादक शेतकऱ्यांच्या बाबतीतही घडली असून कापणी योग्य मका शेतात झोपलाय तर, पावसाचा मारा बसल्यानं मका काळवंटूनं त्याला बाजारात योग्य दर मिळणार नसल्याची चिंता आता शेतकऱ्यांना सतावू लागली आहे. प्रशासनानं याचे तातडीने पंचनामे करून शेतकऱ्यांना शेतकऱ्यांना दिलासा द्यावा, अशी मागणी आता होत आहे.

08/05/2026 09:19:05

पाटण, कोयना विभागाला पावसाचा तडाखा; कामरगावातील अनेक घरांचे नुकसान

साताऱ्यातील कोयनानगर आणि पाटण शहरासह तालुक्याला वादळी वाऱ्यासह मुसळधार पावसाने जोडपले आहे. यामध्ये कामरगावला मोठा फटाका बसला असून 5 घरावरील जवळपास 65 सिमेंट पत्र्यांचे नुकसान झाले असून लग्नाचा मंडप वादळी वाऱ्यामुळे उडाला आहे. तर नेचल येथे एका घरावर झाड पडले आहे. या वादळी वाऱ्यामुळे आंबा फळाला मोठा फटका बसला असून उन्हाळी भुईमूग पीक काढणीला आला असताना पावसाने तडाखा दिल्याने शेतकरी अडचणीत येवू शकतो.

08/05/2026 09:18:32

मंगळवेढा शहरातील जिजामाता कृषी केंद्राला भीषण आग; आगीत कृषी केंद्र जळून खाक

मंगळवेढा शहरातील जिजामाता कृषी केंद्राला भीषण आग.....

आगीत कृषी केंद्र जळून खाक.....

शुक्रवारी मध्यरात्री लागली आग.....

आगीत सुदैवाने कुठलीही जीवितहानी नाही....

शेती उपयोगी सर्व सामान जळाल्याने लाखो रुपयांचे नुकसान....

अग्निशामक दलाच्या अथक परिश्रमानंतर आग विझवण्यात यश..

08/05/2026 09:12:59

अतिक्रमण कारवाईत दिव्यांग महिलेवर अन्याय? वायरल व्हिडीओनंतर बच्चू कडूंची दिव्यांग महिला अर्चना पारखेच्या भेटीला

छत्रपती संभाजीनगर शहरातील गजानन महाराज मंदिर परिसरात महानगरपालिकेच्या अतिक्रमण हटवण्याच्या कारवाईदरम्यान गोरगरीब विक्रेत्यांच्या मातीच्या भांड्यांचे(माठ) नुकसान करण्यात आल्याचा आरोप होत आहे. या कारवाईत अर्चना पारखे या दिव्यांग महिलेचा व्हिडीओ सोशल मीडियावर मोठ्या प्रमाणात व्हायरल झाला, असं असलं तरी सकाळी महिलेचा कुठलाही मडक्याचा दुकान नव्हतं..मात्र हा व्हिडीओ व्हायरल झाल्यानंतर संतापाची लाट पसरली. दिव्यांग भगिनी अर्चना पारखे यांच्यावर अन्याय झाल्याचा आरोप करत प्रहार संघटनेचे नेते आणि आमदार बच्चूभाऊ कडू यांनी आज त्यांच्या भेटीसाठी धाव घेतली. त्यांनी संबंधित घटनेची माहिती घेत प्रशासनाच्या भूमिकेवर प्रश्नचिन्ह उपस्थित केले. तसेच दिव्यांग आणि गोरगरीबांवर होणारा अन्याय थांबवण्याची मागणीही त्यांनी केली आहे. या प्रकरणामुळे महानगरपालिकेच्या कारवाईच्या पद्धतीवर पुन्हा एकदा प्रश्न उपस्थित होत असून, आता प्रशासन यावर काय भूमिका घेणार याकडे सर्वांचे लक्ष लागले आहे.

08/05/2026 08:39:49

मनोहर भोसलेच्या अडचणी वाढणार; आश्रमात वीज चोरी प्रकरणी आश्रमाची वीज तोडली

भोंदू बाबा मनोहर भोसलेचे रोज नवनवीन प्रताप समोर येऊ लागले असून आता त्याचा घोटी येथील आश्रमात बीज चोरीचे प्रकरण समोर आले आहे.. ज्या श्रमात अमावस्या आणि पौर्णिमेला हजारो भक्तांची उपस्थिती असायची तेथील वीजच या भोंदू बाबा ने चोरून वापरत असल्याचे समोर आले आहे. यानंतर वीज वितरण कंपनीने कृती आश्रमातील घरगुती वापराची बीज तुटली असून जवळपास 28 लाखाचे दंडाचे बिल मनोहर भोसले याला देण्यात आले आहे. वीज वितरण कंपनीने आता कठोर कारवाईसाठी पोलिसात देखील तक्रार करण्याची सुरुवात केली असून आधीच जादूटोणा, भोंदूगिरी आणि फसवणुकीचे तीन गुन्हे दाखल असलेल्या मनोहर भोसलेच्या अडचणी अजून वाढणार आहेत. मनोहर भोसले याने जून 23 पासून करमाळा तालुक्यातील घोटी या त्याच्या आलिशान आश्रमात वीज चोरी केल्याचे समोर आले होते. यानंतर वीज वितरण कंपनीने तातडीने त्याच्या आश्रमाचा वीस पुरवठा खंडित करून त्याच्यावर दंडाच्या कारवाईला सुरुवात केली होती. आता या बीज चोरी प्रकरणी बाबा मनोहर भोसले याच्यावर अजून एक गुन्हा दाखल होण्याची शक्यता आहे..

08/05/2026 08:33:31

मनोहर भोसलेच्या अडचणी वाढणार; आश्रमात वीज चोरी प्रकरणी आश्रमाची वीज तोडली

भोंदू बाबा मनोहर भोसलेचे रोज नवनवीन प्रताप समोर येऊ लागले असून आता त्याचा घोटी येथील आश्रमात बीज चोरीचे प्रकरण समोर आले आहे.. ज्या श्रमात अमावस्या आणि पौर्णिमेला हजारो भक्तांची उपस्थिती असायची तेथील वीजच या भोंदू बाबा ने चोरून वापरत असल्याचे समोर आले आहे. यानंतर वीज वितरण कंपनीने कृती आश्रमातील घरगुती वापराची बीज तुटली असून जवळपास 28 लाखाचे दंडाचे बिल मनोहर भोसले याला देण्यात आले आहे. वीज वितरण कंपनीने आता कठोर कारवाईसाठी पोलिसात देखील तक्रार करण्याची सुरुवात केली असून आधीच जादूटोणा, भोंदूगिरी आणि फसवणुकीचे तीन गुन्हे दाखल असलेल्या मनोहर भोसलेच्या अडचणी अजून वाढणार आहेत. मनोहर भोसले याने जून 23 पासून करमाळा तालुक्यातील घोटी या त्याच्या आलिशान आश्रमात वीज चोरी केल्याचे समोर आले होते. यानंतर वीज वितरण कंपनीने तातडीने त्याच्या आश्रमाचा वीस पुरवठा खंडित करून त्याच्यावर दंडाच्या कारवाईला सुरुवात केली होती. आता या बीज चोरी प्रकरणी बाबा मनोहर भोसले याच्यावर अजून एक गुन्हा दाखल होण्याची शक्यता आहे..

08/05/2026 08:33:31

मनोहर भोसलेच्या अडचणी वाढणार; आश्रमात वीज चोरी प्रकरणी आश्रमाची वीज तोडली

भोंदू बाबा मनोहर भोसलेचे रोज नवनवीन प्रताप समोर येऊ लागले असून आता त्याचा घोटी येथील आश्रमात बीज चोरीचे प्रकरण समोर आले आहे.. ज्या श्रमात अमावस्या आणि पौर्णिमेला हजारो भक्तांची उपस्थिती असायची तेथील वीजच या भोंदू बाबा ने चोरून वापरत असल्याचे समोर आले आहे. यानंतर वीज वितरण कंपनीने कृती आश्रमातील घरगुती वापराची बीज तुटली असून जवळपास 28 लाखाचे दंडाचे बिल मनोहर भोसले याला देण्यात आले आहे. वीज वितरण कंपनीने आता कठोर कारवाईसाठी पोलिसात देखील तक्रार करण्याची सुरुवात केली असून आधीच जादूटोणा, भोंदूगिरी आणि फसवणुकीचे तीन गुन्हे दाखल असलेल्या मनोहर भोसलेच्या अडचणी अजून वाढणार आहेत. मनोहर भोसले याने जून 23 पासून करमाळा तालुक्यातील घोटी या त्याच्या आलिशान आश्रमात वीज चोरी केल्याचे समोर आले होते. यानंतर वीज वितरण कंपनीने तातडीने त्याच्या आश्रमाचा वीस पुरवठा खंडित करून त्याच्यावर दंडाच्या कारवाईला सुरुवात केली होती. आता या बीज चोरी प्रकरणी बाबा मनोहर भोसले याच्यावर अजून एक गुन्हा दाखल होण्याची शक्यता आहे..

08/05/2026 08:23:31

Pune Crime: प्रेम प्रकरणातून तरुणीवर प्राणघातक हल्ला; ब्लेडने गळा चिरून हत्या करण्याचा प्रयत्न

प्रेम प्रकरणातून तरुणीवर प्राणघातक हल्ला; ब्लेडने गळा चिरून हत्या करण्याचा प्रयत्न
पठारेवस्ती, चंदननगर परिसरातील धक्कादायक घटना; आरोपीला पोलिसांकडून अटक

पुण्यातील चंदननगर परिसरात प्रेमप्रकरणातून एका २२ वर्षीय तरुणीवर प्राणघातक हल्ला झाल्याची धक्कादायक घटना समोर आली आहे. ब्लेडने गळ्यावर वार करून तरुणीला जीवे मारण्याचा प्रयत्न करण्यात आला. जखमी तरुणीची प्रकृती चिंताजनक असून तिच्यावर खासगी रुग्णालयात अतिदक्षता विभागात उपचार सुरू आहेत.

उजालादेवी जसवंतसिंग दोहरे (वय २२) असे जखमी तरुणीचे नाव आहे. याप्रकरणी दिलीप राठोड (वय २२) याच्याविरोधात चंदननगर पोलीस ठाण्यात गुन्हा दाखल करण्यात आला असून पोलिसांनी त्याला अटक केली आहे. या प्रकरणी तरुणीचा भाऊ भगतसिंग जसवंतसिंग दोहरे (वय २५) यांनी फिर्याद दिली आहे.

पोलिसांनी दिलेल्या माहितीनुसार, आरोपी दिलीप राठोड आणि जखमी तरुणी एका मॉलमध्ये एकत्र काम करत होते. त्यांच्यात प्रेमसंबंध होते. मात्र, गेल्या काही दिवसांपासून दोघांमध्ये वाद सुरू होते. त्याच कारणातून आरोपी दिलीप हा पठारेवस्ती, चंदननगर येथील तरुणीच्या घरी आला. त्यावेळी तरुणी घरी एकटीच होती. तिचा भाऊ आणि वहिनी कामानिमित्त बाहेर गेले होते.

08/05/2026 08:18:37

रात्रीतून आरोपीचे घर जळाले, घर जळाले की जाळले? पोलिसांकडून तपास सुरू

जालन्यातील वालसांगवी गावातील तरुणीवर अत्याचार आणि धर्मांतराच्या प्रकरणातील आरोपीचं घर सकाळी जळालेल्या अवस्थेत आढळल्याने खळबळ उडालीय, एका अल्पवयीन तरुणीचे अश्लील फोटो काढून तिच्यावर वारंवार अत्याचार करणाऱ्या आणि तिला धर्मांतरासाठी दबाव टाकणारा आरोपी शेख इम्रान शेख हबीब याला बुधवारी अटक केले होते, रात्री या आरोपीच्या घराला आग लागल्याचे समोर आलाय, दरम्यान ही आग कोणी लावली का लागली याचा पोलिस शोध घेत असून. या प्रकरणी पारध पोलिस ठाण्यात आकस्मिक आग लागल्याचा गुन्हा दाखल करण्यात आलाय.

08/05/2026 07:53:08

मुंबई महापालिकेकडून सार्वजनिक पार्किंग शुल्कात 40 टक्के वाढीचा प्रस्ताव

मुंबई महापालिकेकडून सार्वजनिक पार्किंग शुल्कात ४० टक्के वाढीचा प्रस्ताव.

प्रस्तावाला तत्त्वतः मंजुरी; अंतिम निर्णयासाठी स्थायी समिती आणि महासभेची मंजुरी बाकी.

जवळपास दहा वर्षांनंतर पार्किंग दर वाढवण्याची तयारी.

३७ सार्वजनिक वाहनतळ, २६ रस्त्यावरील ‘पे-अँड-पार्क’ आणि ३५० हून अधिक रस्त्याबाहेरील पार्किंग सुविधांवर नवे दर लागू होणार.

बीएमसीने २०१५ मध्ये ३०० ते ४०० टक्के वाढ सुचवली होती; विरोधानंतर निर्णय स्थगित झाला होता.

आता सुधारित प्रस्ताव आयुक्त अश्विनी भिडे यांच्या मंजुरीसाठी सादर.

वाहतूक कोंडी कमी करण्यासाठी आणि पार्किंग व्यवस्थापन सुधारण्यासाठी दरवाढीचा प्रस्ताव असल्याचं प्रशासनाचं म्हणणं .

08/05/2026 07:46:15

BMC News: महापौर बंगल्यावर उधळपट्टी? 75 लाखांच्या कामांनंतर पुन्हा 3.40 कोटींचा खर्च

BMC News: मुंबई महानगरपालिकेच्या महापौर बंगल्यावर जानेवारी 2026 मध्येच सुमारे ₹75 लाख खर्चून विविध दुरुस्ती आणि सुविधा उभारणीची कामे पूर्ण करण्यात आल्याचा दावा संबंधित कंत्राटदाराने पत्राद्वारे केला आहे. या कामांमध्ये पेंटिंग-पॉलिशिंग, बाथरूम, इलेक्ट्रिकल कामे, डीजी रिपेअर, जुनी पाण्याची टाकी हटवणे तसेच परिसरातील विविध सुविधा उभारण्याचा समावेश होता.

मात्र, 16 फेब्रुवारी 2026 रोजी महापौरांच्या भेटीदरम्यान पुन्हा मोठ्या प्रमाणावर बदल आणि अतिरिक्त कामे करण्यात आल्याचे समोर आले. त्यामुळे काही दिवसांपूर्वीच पूर्ण झालेल्या ₹75 लाखांच्या कामांची गुणवत्ता आणि उपयुक्ततेवर प्रश्नचिन्ह निर्माण झाले आहे.

08/05/2026 07:45:21

Nagpur News: नागपुरात कथित पीठाधीश्वर पदावरून किन्नरांमध्ये तणाव

Nagpur News: नागपुरात किन्नरांच्या गटांमध्ये पीठाधीश्वराच्या गादीवरून तणाव निर्माण झाला आहे. खुनाच्या आरोपातील किन्नर उत्तम बाबा सेनापती याला पीठाधीश्वर बनवण्याच्या हालचालींमुळे शहरातील इतर किन्नराच्या दुसऱ्या गटात तीव्र नाराजी पसरली आहे. पीठाधीश्वर बनवण्यासाठीच्या प्रस्तावित कार्यक्रमाची माहिती मिळताच मोठ्या संख्येने किन्नर पारडी येथील एका संघटनेच्या कार्यालयाबाहेर जमा झाले होते. त्यांनी आंदोलन करत कार्यक्रम रद्द करण्याची मागणी केली.

08/05/2026 07:44:30

Nashik TCS Case: TCS महिला अत्याचार आणि धर्मांतर प्रकरणातील फरार आरोपी निदा खानला अटक, आज दुपारी तिला नाशिकरोड न्यायालयात हजर करणार

Nashik TCS Case: TCS महिला अत्याचार आणि धर्मांतर प्रकरणातील फरार आरोपी निदा खानला नाशिकच्या क्राईम ब्रांचनं अटक केली आहे.

आज दुपारी तिला नाशिकरोड न्यायालयात हजर केले जाणार आहे.

त्याआधी तिची सोनोग्राफी आणि इतर वैद्यकीय चाचणी केली जाणार आहे.

निदा खान गरोदर असल्यानं आवश्यक ती तपासणी केली जाणार आहे.

नाशिक पोलिसांनी स्थापन केलेल्या sit च्या माध्यमातून तिची चौकशी केली जाणार आहे. या प्रकरणात याआधी 7 आरोपीना अटक असून निदा खान 25 मार्च पासून फरार होती.

08/05/2026 07:42:25

Nashik TCS Case: TCS प्रकरणातील मुख्य आरोपी निदा खानला नाशिक पोलिसांनी छत्रपती संभाजी नगर येथून ठोकल्या बेड्या

Nashik TCS Case: नाशिक टीसीएस प्रकरणातील महिला आरोपी निदा खानला छत्रपती संभाजीनगर येथून नाशिक आणि संभाजीनगर पोलिसांनी नाशिकमध्ये आणत नाशिक रोड पोलीस ठाण्यात अटकेची कारवाई पूर्ण केली. निदा खानचा ताबा नाशिक पोलिसांना देऊन संभाजीनगर पोलीस संभाजीनगरच्या दिशेने रवाना झाले.नाशिक शहरातील नाशिक रोड पोलीस ठाण्यात रात्री उशिरापर्यंत ही संपूर्ण कारवाईची कायदेशीर प्रक्रिया सुरू होती.

08/05/2026 07:41:34

Bhandara Truck Accident: ओव्हरलोड ट्रक गावाच्या प्रवेशद्वारात अडकला, गणेशपुर ग्रामपंचायतचं तीन लाखांचं नुकसान

Bhandara Truck Accident: क्षमतेपेक्षा जास्त धानपोते ओव्हरलोड करून ट्रक गणेशपुर गावच्या प्रवेशद्वारातून काढण्याचा प्रयत्न करण्यात आला. ट्रकवरील धान पोत्यांची उंची क्षमतेपेक्षा जास्त असल्यानं ती गणेशपुर ग्रामपंचायतनं तयार केलेल्या गावाच्या प्रवेशद्वाराच्या कमानीत अडकला. जबरदस्तीनं ट्रक काढण्याचा प्रयत्न केला असता प्रवेशद्वाराची कमान तुटली आणि ट्रक तासभर फसला. यानंतर जेसीबी आणि क्रेनच्या मदतीनं स्वागत कमान तोडली आणि त्यानंतर ट्रक बाहेर काढण्यात आला. यावेळी सुमारे तासभर या मार्गावरील वाहतूक ठप्प झाली होती. यात गणेशपुर ग्रामपंचायतचं तीन लाख रुपयांचं नुकसान झालं आहे.

08/05/2026 07:40:45

Bhandara News: भंडाऱ्यात ओबीसी बांधवांचा जनगणनेला प्रखर विरोध, ओबीसीचा कॉलम नसल्यानं घराघरावर लावल्यात विरोधाच्या पाट्या

Bhandara News: 2026 च्या जनगणनेतून ओबीसी समाजाचा स्वतंत्र रकाना गायब करण्यात आल्याचा आरोप करत, आता सकल ओबीसी समाज आणि ओबीसी संघर्ष समितीनं केंद्र सरकारविरोधात भंडाऱ्यात एल्गार पुकारला आहे. जनगणनेच्या पहिल्या टप्प्यातील प्रश्न क्रमांक 12 मध्ये SC, ST आणि सामान्य वर्गाचा उल्लेख आहे, मात्र ओबीसींसाठी स्वतंत्र रकाना का नाही? असा सवाल त्यांनी उपस्थित केला आहे. जोपर्यंत ओबीसींचा स्वतंत्र रकाना येत नाही, तोपर्यंत जनगणनेवर पूर्ण बहिष्कार टाकण्याचा निर्णय घेण्यात आलाय. ओबीसी संघर्ष समितीचे कार्यकर्ते आता घरोघरी जाऊन आमचा जनगणनेत सहभाग नाही, अशा आशयाचे पोस्टर ओबीसींच्या घरासमोर लावत आहेत. एवढेच नाही तर अन्यायाविरोधात 11 मे पासून भंडारा जिल्ह्यात बेमुदत उपोषण पुकारण्यात येणार असल्याचा इशारा दिलाय.

08/05/2026 07:38:39

Dharashiv News: तुळजाभवानी मंदिर परिसरामध्ये बाल भिक्षुक मोठ्या प्रमाणात, भिक्षुकांमुळे भाविकांना त्रास

Dharashiv News: महाराष्ट्राची कुलस्वामिनी आई तुळजाभवानीच्या मंदिर परिसरामध्ये बाल भिक्षुकांची संख्या मोठ्या प्रमाणात वाढली आहे. महिला भिक्षुक लहानग्या चिमुकल्यांना घेऊन मंदिर परिसरामध्ये मोठ्या प्रमाणात दिसतात. देशभरातून येणाऱ्या भाविकांना यामुळे त्रास होतो. शिवाय चिमुकल्यांच भवितव्य ही अंधारात आहे. त्यामुळे मंदिर प्रशासन आणि नगरपरिषदेकडून या भक्षकांवर कारवाई करून त्यांचं पुनर्वसन केलं जाणार आहे. चिमुकल्यांच्या पुनर्वसनाबाबत जिल्हा समितीच्या नियमानुसार कारवाई होईल असं नगराध्यक्ष विनोद गंगणे यांनी सांगितलं. जिल्हाधिकारी तथा मंदिर संस्थांच्या अध्यक्ष कीर्ती किरण पुजार यांच्या बैठकीत याबाबत प्रस्ताव ठेवला जाणार आहे. तसेच वृद्ध भिक्षुकांनाही कुणी सांभाळत नाही अशांना वृद्धाश्रमात पाठवण्याचा निर्णय घेण्याबाबत विचार सुरू आहे.

08/05/2026 07:37:40

Raigad News: वादळी वाऱ्याच्या पावसात घरांचं नुकसान

Raigad News: गुरुवारी संध्याकाळच्या सुमारास रायगड जिल्ह्यात झालेल्या अवकाळी पावसाचा फटका महाड आणि पोलादपूर तालुक्याला बसला. महाडमधील खरवली, ढालकाठी, सोलमकोंड भागात वादळामुळे घरांची छपरे उडून नुकसान झाल्याची घटना घडली.या वादळी पावसात झाडे, विजेचे खांब उन्मळून पडल्याने वाहनांचे नुकसान झाले.पोलादपूर तालुक्यातील परसुळे गावातील घरांचे देखील या वादळी पावसात नुकसान झालं. विजेचे खांब पडून तारा तुटल्याने वीज पुरवठा खंडित झाला होता.

Maharashtra Breaking LIVE: इंडिया आघाडीला धक्का, द्रमुकचा लोकसभेत काँग्रेससोबत बसायला नकार

Maharashtra Breaking LIVE Updates 8th May 2026: देश-विदेशातील महत्त्वाच्या बातम्यांचा आढावा एका क्लिकवर...

पार्श्वभूमी