Maharashtra Breaking LIVE: देश-विदेशातील महत्त्वाच्या बातम्यांचा आढावा फक्त एका क्लिकवर...

24/06/2026 13:59:36

भंडाऱ्यात कृषी वीज महिनाभरापासून बंद; बागायती पीक करपली; भंडाऱ्यात शेतकरी आक्रमक

राज्यात एकीकडं मान्सूनच्या पावसानं जोरदार हजेरी लावलेली असताना भंडाऱ्यात पाहिजे त्या प्रमाणात पावसानं हजेरी लावलेली नाही....राज्य सरकार एकीकडं शेतकऱ्यांना कृषी पंपांसाठी मोफत वीज देण्याच्या मोठ्या-मोठ्या घोषणा करतंय. पण, दुसरीकडं महावितरणच्या ढिसाळ कारभारामुळं शेतकऱ्यांच्या हातात आलेलं पीक डोळ्यांदेखत अक्षरशः करपून गेलंय. भंडारा तालुक्यातून साहुली आणि जुनी पिंपरी गावात महिनाभरापूर्वी आलेल्या वादळात तुटलेल्या वीज तारा आणि पडलेले खांब महावितरणला अजूनही उभे करता आलेलं नाही. परिणामी, कडक उन्हात पाणी नं मिळाल्यानं लाखो रुपयांचा भाजीपाला झाडालाचं करपून काळेकुट्ट झालाय. महावितरणच्या या मनमानी कारभाराला कंटाळून, "४ दिवसांत वीज दिली नाही तर, आत्महत्या करेन", असा उद्विग्न इशारा साहुली येथील एका शेतकऱ्यानं दिला आहे. सरकार कागदावर मोफत विजेच्या घोषणा करत असताना, जमिनीवर मात्र महावितरणच्या सुस्त कारभारामुळं बळीराजाचा जीव टांगणीला लागलाय. आता या वैफल्यग्रस्त शेतकऱ्याचा इशारा ऐकल्यानंतर तरी महावितरणच्या अधिकाऱ्यांना जाग येणार का? की एखाद्या शेतकऱ्याचा बळी जाण्याची वाट हे अधिकारी पाहत आहेत? असा संतप्त सवाल आता विचारला जातोय.

24/06/2026 13:56:11

आंबा बागायतदारांचा नुकसान भरपाई न मिळाल्याने 3 जुलैला जलसमाधी आंदोलन

जगप्रसिद्ध देवगड हापूस उत्पादक शेतकरी आक्रमक झाले आहेत. नुकसानी भरपाई प्रश्नी राज्य सरकार अजूनही गंभीर नसून अगदी मुंबईत आंदोलन करून मागणीची दखल घेतली गेली नाही. त्यामुळे ३ जुलै ला जलसमाधी आंदोलनाचा निर्णय घेतल्याचे आंबा उत्पादक शेतकरी संघटनेचे अध्यक्ष काका ढोके यांनी स्पष्ट केले. तसेच देवगड तालुक्यात प्रस्तावित असलेल्या अणुऊर्जा प्रकल्पाबाबतही परिसरातील आंबा व काजू बागायतीसह पर्यावरणावर विपरीत परिणाम होण्याची भीती व्यक्त करत प्रकल्पाला तीव्र विरोध दर्शविला. कोकणातील शेतकरी मेल्याशिवाय सरकारला जाग येणार नाही, त्यामुळे ३ जुलै ला शेतकऱ्यांचा मेळावा घेऊन त्यानंतर जलसमाधी आंदोलन करण्यात येणार आहे.

24/06/2026 12:39:18

महाराष्ट्र मोसमी वाऱ्यांनी व्यापला; मोसमी वारे राज्यात सक्रीय

महाराष्ट्र मोसमी वाऱ्यांनी व्यापला

मोसमी वारे राज्यात सक्रीय

पुढील २४ तासात राज्यात सर्वत्र चांगल्या पावसाचा अंदाज

आज मान्सून गुजरात आणि मध्य प्रदेशात दाखल झाल्याचं हवामान विभागाकडून जाहीर

24/06/2026 12:00:36

वैमानिक उशिरा आल्यामुळे विमान उशिराने? दिल्लीत बैठकीसाठी येणाऱ्या मुंबईच्या खासदारांना झाला उशीर

वैमानिक उशिरा आल्यामुळे विमान उशिराने ?

दिल्लीत बैठकीसाठी येणाऱ्या मुंबईच्या खासदारांना झाला उशीर

खासदार रवींद्र वायकर यांनी दिलेल्या माहितीनुसार 6E355 हे विमान मुंबईहून निर्धारित वेळेपेक्षा उशिरा निघाले कारण वैमानिक उशिरा आला

सर्वसामान्य ग्राहकांना प्रवाशांना वेळेची सक्ती करणाऱ्या विमान कंपनीकडून असा निष्काळजीपणा का असा सवाल उपस्थित करण्यात आला आहे

24/06/2026 11:54:20

चाळीसगावात मध्यरात्री पोलिसांचे कोंबिंग ऑपरेशन; 44 सराईत गुन्हेगार चौकशीसाठी ताब्यात

जळगावच्या चाळीसगाव शहर व तालुका परिसरात चाळीसगाव पोलिसांनी आरसीपीच्या तीन प्लाटून, एलसीबी पथक आणि पोलीस दलाच्या मोठ्या फौजफाट्यासह मध्यरात्री धडक कोंबिंग ऑपरेशन राबवले. पहाटे २ ते सकाळी ७ वाजेपर्यंत चाललेल्या या कारवाईत ४० सराईत गुन्हेगारांसह एकूण ४४ जणांना ताब्यात घेण्यात आले.कारवाईदरम्यान शस्त्र कायद्यांतर्गत एक गुन्हा दाखल करून प्राणघातक शस्त्र जप्त करण्यात आले. तसेच कर्जासाठी भाड्याने देऊन अन्यत्र गहाण ठेवण्यात आलेली तीन वाहने जप्त करण्यात आली. पोलिसांनी ६० लिटर गावठी दारूही नष्ट केली. गुन्हेगारांवर प्रतिबंधात्मक कारवाई करणे व त्यांच्या हालचालींची माहिती घेणे हा या विशेष मोहिमेचा मुख्य उद्देश होता.

24/06/2026 10:50:03

एबीपी माझाची बातमीचा इम्पॅक्ट; अंधेरी सबवे बाहेर उघडा मॅन हॉल बंद करण्यासाठी पालिकेची टीम दाखल

एबीपी माझाची बातमीचा इम्पॅक्ट

अंधेरी सबवे बाहेर उघडा मॅन हॉल बंद करण्यासाठी पालिकेची टीम दाखल

मध्यरात्री जोरदार पाऊस सुरू असल्यामुळे अंधेरी सबवे बाहेर मॅन हॉलचा ढाकण बाहेर निघाला होता

सुदैवाने या उघडा मॅन हॉलमध्ये मोठा दुर्घटना टळली

एबीपी माझा ने ही बातमी दाखवल्यानंतर पालिकेला जाग आली

पालिकेकडून ढाकण बसवण्याचा काम युद्ध पातळीवर सुरू करण्यात आला आहे

24/06/2026 10:15:04

म्हसळा तालुक्यात 173 मिलिमीटर पाऊस कोसळल्याची नोंद; रायगड जिल्ह्यात कुठे किती मिमी पाऊस?

रायगड जिल्ह्यात तालुक्यानुसार झालेला पाऊस मिलिमीटर मध्ये RF 24.6.26

अलिबाग - 128
मुरूड - 85
पेण - 160
पनवेल - 147.2
उरण - 135
कर्जत - 89
माथेरान - 97
खालापूर - 93
रोहा - 59
सुधागड - 144
माणगाव - 100
तळा - 174
महाड - 98
पोलादपूर - 129
श्रीवर्धन - 95
म्हसळा - 173

एकूण - 1906.2 mm
सरासरी :- 119.1375 mm

रायगड मध्ये मागील 34 तासांत कोसळलेल्या मुसळधार पावसाचा फटका पेण तालुक्याला बसलाय. पेण मध्ये 160 तर तळा तालुक्यात 174 तर म्हसळा तालुक्यात 173 मिलिमीटर पाऊस कोसळल्याची नोंद करण्यात आहे त्यामुळे रायगड जिल्ह्यातील अनेक सकळ भागात भागात पाणी साचल्याने नागरिकांची तारांबळ उडाली आहे. त्यानंतर पनवेल, उरण, सुधागड तळा मध्ये देखील मोठा पाऊस बरसला आहे.

24/06/2026 10:02:01

Dhule Lightning Strike : मेंढ्यांच्या कळपावर वीज कोसळून तब्बल 40 मेंढ्यांचा जागीच मृत्यू

साक्री तालुक्यातील खुडाणे गाव परिसरात विजेच्या कडकडाटासह झालेल्या पावसात मेंढ्यांच्या कळपावर वीज कोसळून तब्बल 40 मेंढ्यांचा जागीच मृत्यू झाला आहे. या दुर्घटनेत मेंढपाळ ज्ञानेश्वर तिरताप हे देखील जखमी झाले आहेत. जैताणे येथील रहिवासी धनराज जीपा तिरताप यांच्या मालकीच्या मेंढ्या घेऊन मेंढपाळ ज्ञानेश्वर तिरताप हे खुडाणे परिसरातील डोंगराळ भागात चराईसाठी गेले होते. दुपारनंतर अचानक हवामान बदलले. वादळी वाऱ्यासह विजांचा कडकडाट सुरू झाला आणि काही क्षणांतच मेंढ्यांच्या कळपावर वीज कोसळली. दरम्यान, या दुर्घटनेत 40 मेंढ्यांचा मृत्यू झाला असून मेंढपाळ ज्ञानेश्वर तिरताप यांना विजेचा धक्का बसून दुखापत झाली. त्यांना तातडीने उपचारासाठी रुग्णालयात दाखल करण्यात आले असून त्यांची प्रकृती स्थिर असून पशुपालक धनराज तिरताप यांच्या कुटुंबावर मोठे आर्थिक संकट कोसळले आहे. या घटनेने खुडाणे परिसरात हळहळ व्यक्त केली जात आहे.

24/06/2026 09:53:13

मॅनहोल प्रकरणाची एबीपी माझाच्या बातमीची दखल, पालिका अधिकाऱ्यांकडून माहिती घेणार

मॅनहोल उघडे ठेवण्याच्या गंभीर प्रकाराची एबीपी माझाच्या बातमीची पालिका प्रशासनाने दखल घेतली आहे. हे मॅनहोल नेमके कोणत्या कारणासाठी उघडण्यात आले, याची संपूर्ण माहिती वार्ड अधिकारी आणि वरिष्ठ अधिकाऱ्यांकडून घेतली जाणार आहे. नागरिकांच्या सुरक्षेच्या दृष्टीने या प्रकरणाची चौकशी करून आवश्यक ती कारवाई केली जाणार आहे.

24/06/2026 09:42:25

विधान परिषदेच्या उपसभापती पदासाठीची निवडणूक पुढील आठवड्यात होण्याची शक्यता

विधान परिषदेचे उपसभापती पद एकनाथ शिंदेंच्या नेतृत्वातील शिवसेनेला मिळण्याची शक्यता

महायुतीत विधानसभा अध्यक्षपद भाजप, उपाध्यक्ष पद राष्ट्रवादी तर विधान परिषदेत सभापती पद भाजपकडे असल्यामुळे उपसभापती पद शिवसेनेच्या वाट्याला येण्याची शक्यता

विधान परिषद उपसभापती पदी पुन्हा एकदा निलम गोर्हे यांची वर्णी लागण्याची दाट शक्यता

24/06/2026 09:16:16

कुर्ला दादर रेल्वे रुळावर पाणी साचायला सुरुवात; मुंबईच्या दिशेने रेल्वे 15 मिनिटे उशिराने

Rain : रात्रीपासून कोसळत असलेल्या पावसामुळे कुर्ला दादर रेल्वे रुळावर पाणी साचायला सुरुवात झाली होती. याचा परिणाम मध्य रेल्वे मार्गावरील झाला असून कल्याण डोंबिवली रेल्वे स्थानकात रेल्वे मुंबईच्या दिशेने १५ मिनिटे उशिराने धावत असून कर्जत कसारा मार्गावर 5 मिनिटे उशिराने धावत आहे.
डोंबिवली रेल्वे स्थानकात प्रवाशांची गर्दी पाहायला मिळत आहे

24/06/2026 09:12:40

मुंबईनंतर आता पुण्यातही पावसाची दमदार हजेरी; पुणेकरांसह शेतकऱ्यांनाही दिलासा

मुंबईनंतर आता पुण्यातही पावसाने दमदार हजेरी लावली आहे. आज सकाळपासून पुणे शहरातील अनेक भागांमध्ये पावसाची संततधार सुरू असून, रात्रीपासूनच अनेक ठिकाणी रिमझिम पाऊस पडत होता. शहरासह ग्रामीण भागातही पावसाने चांगली हजेरी लावल्याने शेतकऱ्यांना मोठा दिलासा मिळाला आहे.
दरम्यान, पुणे शहरावर सध्या पाणी कपात लागू करण्यात आली आहे. या पावसामुळे धरण क्षेत्रातील पाणीसाठ्यात वाढ होऊन पाणीटंचाईचे संकट कमी होईल आणि पाणी कपातीपासून दिलासा मिळेल, अशी अपेक्षा पुणेकर व्यक्त करत आहेत. पावसाच्या आगमनामुळे शहरातील वातावरणही आल्हाददायक झाले आहे.

24/06/2026 09:12:13

भंडाऱ्यात गोठ्यावर वृक्ष कोसळून चार बकऱ्यांचा मृत्यू

काल सायंकाळी भंडाऱ्यात वादळी वारा आणि विजांच्या कडकडाटासह पावसानं जोरदार हजेरी लावली. या पावसात करचखेडा गावातील विशालकाय कडुलिंबाचं झाड सुमित्रा मेश्राम यांच्या गुरांच्या गोठ्यावर कोसळलं. यावेळी गोठ्यात बांधून असलेल्या चार बकऱ्या यात दबल्यानं त्यांचा मृत्यू झाल्याची घटना घडली. यात सुमित्रा मेश्राम यांचं मोठं आर्थिक नुकसान झालं आहे. मान्सूनच्या या पावसानं भंडारा जिल्ह्यात दमदार हजेरी लावली असून वातावरणात गारवा निर्माण झाला आहे. तर, शेतकरीही समाधानी झालेत.

24/06/2026 09:08:51

गोरेगाव आरे कॉलनी परिसरात मोठी वाहतूक कोंडी; एक ते दीड किलोमीटर रस्त्यावर वाहनांचा लांबच लांब रांगा

मुंबईत सुरू असलेला जोरदार पावसामुळे गोरेगाव आरे कॉलनी परिसरात मोठी वाहतूक कोंडी निर्माण झाली आहे

गोरेगाव आरे कॉलनी ते मरोळ नाका आणि पवई कडे जाणारा मुख्य रस्त्यावर आरे कॉलनी परिसरात ही मोठी वाहतूक कोंडी निर्माण झाली आहे

आरे कॉलनी परिसरात एक ते दीड किलोमीटर रस्त्यावर वाहनांचा लांबच लांब रांगा पाहायला मिळत आहे

खरंतर सकाळची वेळ आहे मोठा संख्या मध्ये चाकरमानी कामासाठी निघाले आहेत मात्र या वाहतूक कोंडीमुळे त्यांना मोठा त्रास सहन करावा लागत आहे

तर दुसरा बाजूने वाहतूक कोंडी काढण्यासाठी रस्त्यावर वाहतूक पोलीस नसल्यामुळे वाहन चालकांकडून मोठे नाराजी व्यक्त केली जात आहे

24/06/2026 08:48:56

विधान परिषदेत आज काय महत्त्वाच? वाचा सर्व अपडेट्स

संजय गांधी राष्ट्रीय उद्यानाचे नामांतरण करण्याचा सरकारच्या प्रयत्नावर काँग्रेस आमदार आक्रमक होण्याची शक्यता. मे 2026 मध्ये वन विभागाच्या वतीने संजय गांधी राष्ट्रीय उद्यानाचे नाव बदलून ते अटल बिहारी वाजपेयी पार्क करण्याचा प्रस्ताव ठेवण्यात आलेला आहे. याला काँग्रेस आमदारांनी विरोध केला असून याबाबतचा प्रश्न भाई जगताप सतीश पाटील अभिजीत वंजारी धीरज लिंगाडे या आमदारांनी विधान परिषदेत मांडला आहे. यापूर्वी कांदिवली येथील पूर्व द्रुत्कती मार्गावरील एस ए आय याच्या जागेत माजी पंतप्रधान अटल बिहारी वाजपेयी यांचे स्मारक उभारण्यात आला असताना आता राष्ट्रीय उद्यानाचे नाव बदलायचं कारण काय असा काँग्रेस आमदारांनी सवाल उपस्थित केला आहे

सार्वजनिक आरोग्य विभागाकडून विविध बालसंगोपन योजना राबवल्या जात असताना देखील राज्यात 2025 26 या आर्थिक वर्षात तब्बल 12,792 बालकांचा मृत्यू झाल्याची बाब समोर आले आहे. राज्यात दररोज सरासरी 35 बालकांना आपले प्राण कमवावे लागत असून पाच वर्षांपूर्वीच्या सरासरी 45 मृत्यूंच्या तुलनेत घट झाली असली तरी बालमृत्यू रोखण्याच मोठ आव्हान निर्माण झाले असल्याचा प्रश्न आमदार संजय खोडके यांना मांडला असून याकडे सरकारचे लक्ष ते वेधतील

24/06/2026 08:40:15

मुंबईत मध्यरात्री पावसाचा फटका; सीता नगर, चिमनभाई चाळ आणि सुरेश भवन परिसरात जलभराव

काल रात्री ठीक २ वाजण्याच्या सुमारास मुंबईतील सीता नगर, चिमनभाई चाळ आणि सुरेश भवन परिसरात पाणी साचल्याची माहिती समोर आली. मुसळधार पावसामुळे या भागांमध्ये जलभरावाची परिस्थिती निर्माण झाली असून नागरिकांना काही प्रमाणात अडचणींचा सामना करावा लागला.

पावसाचा जोर वाढल्यानंतर परिसरातील सखल भागांमध्ये पाणी साचले. प्रशासनाकडून परिस्थितीवर लक्ष ठेवण्यात येत असून पाण्याचा निचरा करण्यासाठी आवश्यक उपाययोजना केल्या जात आहेत. दरम्यान, पावसाचा जोर कायम राहिल्यास आणखी काही भागांमध्ये जलभरावाची शक्यता व्यक्त केली जात आहे.

24/06/2026 08:26:11

गरिबांच्या नावे बँक खाते उघडून सायबर फसवणूक; 12 आरोपींना गोवा राज्यात छापा टाकून अटक

गरीब व मजूर वर्गातील नागरिकांना सरकारी योजनांचा लाभ मिळवून देण्याचे आमिष दाखवत त्यांच्या नावाने बँक खाती उघडून सायबर फसवणूक करणाऱ्या मोठ्या टोळीचा अमरावती ग्रामीण पोलिसांनी पर्दाफाश केला आहे.. या प्रकरणी 12 आरोपींना गोवा राज्यात छापा टाकून आरोपींना अटक केली असून त्यांच्याकडून 10 लाख 58 हजार रुपयांचा मुद्देमाल जप्त करण्यात आला आहे... आरोपींकडून 64 पासबुक, 157 एटीएम कार्ड, 19 चेकबुक, 198 सिमकार्ड, 52 मोबाईल हँडसेट, 9 लॅपटॉप आणि 3 टॅबलेट जप्त करण्यात आले. तपासात आतापर्यंत 6 कोटी 25 लाख रुपयांहून अधिक आर्थिक व्यवहार झाल्याचे उघड झाले असून 64 बैंक खाती गोठविण्यात आली आहेत.. या गुन्ह्यात आणखी काही आरोपी फरार असून त्यांचा शोध सुरू आहे...

24/06/2026 08:03:04

वादळी पावसाने पपई बागांचे नुकसान शेतकरी संकटात; पपई उत्पादक शेतकऱ्यांचे मोठे नुकसान

वादळी पावसाने पपई बागांचे नुकसान शेतकरी संकटात

वाशिमच्या वनोजा येथे सायंकाळी वादळी वाऱ्यासह बरसलेल्या पावसाने पपई उत्पादक शेतकऱ्यांचे मोठे नुकसान झालय. वादळी वाऱ्यामुळे शेतकऱ्यांनी शेतात लागवड केलेली पपईची झाडे आडवी झालीय . त्याचा फटका पपई उत्पादक शेतकरी आर्थिक संकटात सापडला असून प्रशासनाने पंचनामे करून योग्य नुकसानभरपाई साठी प्रयत्न करावा अशी मागणी शेतकऱ्यांनी केली आहे.

24/06/2026 07:10:22

Mumbai Rains: मुंबईत सकाळी 5.30 पर्यंत 200 मिमीहून अधिक पावसाची नोंद

Mumbai Rains: मुंबईतील पावसाची आकडेवारी सकाळी 5.30 पर्यंत

राम मंदिर, कुलाबा आणि सांताक्रुज परिसरात अतिवृष्टी

तिन्ही भागात 200 मिमीहून अधिक पावसाची नोंद

सोबतच, मुंबईतील इतरत्र भागात देखील अतिमुसळधार पावसाचा नोंद

24/06/2026 07:09:30

Mumbai Rains: दादर स्टेशनच्या पूर्वेला झाड पावसामुळे कोसळलं, झाड कोसळून एका कारवर पडल्यानं कारचा चक्काचूर झाला

Mumbai Rains: मुंबईत रात्रभर पावसाची जोरदार बॅटिंग, दादर स्टेशनच्या पूर्वेला एक झाड पावसामुळे कोसळलं

झाड कोसळून एका कारवर पडल्याने कारचा चक्काचूर झाला

सुदैवाने या घटनेत कोणी जखमी झालेला नाही

मात्र फायर ब्रिगेडचे अधिकारी फांदी कापून पडलेला झाड काढण्याचा प्रयत्न करत आहेत

24/06/2026 06:55:13

Mumbai Rain Updates LIVE: मध्यरात्रीपासून मुंबईत सुरू असलेल्या जोरदार पावसामुळे अंधेरी सबवे पाण्याखाली, वाहतूक बंद

Mumbai Rain Updates LIVE: मध्यरात्रीपासून मुंबईत सुरू असलेल्या जोरदार पावसामुळे अंधेरी सबवे पाण्याखाली गेला आहे

अंधेरी सबवे मध्ये तीन ते चार फूट पाणी भरल्यामुळे अंधेरी सबवे वाहतुकीसाठी बंद करण्यात आला आहे

सध्या पोलिसांकडून अंधेरी गोखले पुलाचा वापर करा असा आवाहन वाहन चालकांना केला जात आहे

24/06/2026 06:54:10

Beed Vilas Ghule Case: केज तालुक्यातील हत्या प्रकरण, ठिय्या आंदोलन मागे घेत विलास घुलेच्या मृतदेहावर अंत्यसंस्कार

Beed Vilas Ghule Case: केज तालुक्यातील विलास घुले तरुणाची चाकूनं भोसकून हत्या करण्यात आली.आरोपींना अटक करा या मागणीसाठी तब्बल 9 तासापासून मृतदेह केज पोलीस ठाण्यात ठेवण्यात आल होता. ग्रामस्थ तथा नातेवाईकांकडून ठिय्या आंदोलन करण्यात आले.या आंदोलनात ओबीसी आंदोलक लक्ष्मण हाके देखील सहभागी झाले होते. हे ठिय्या आंदोलन मागे घेण्यात आले असून रात्री 11 वाजता घुले यांच्या मृतदेह त्याच्या गावात अंत्यसंस्कारासाठी नेण्यात आला आणि अंत्यसंस्कार करण्यात आले.

24/06/2026 06:52:34

Dharashiv News: धाराशिवमध्ये विकास निधीवरून श्रेयवाद पेटला, भाजप आमदार राणाजगजितसिंह पाटील आणि खासदार ओमराजे निंबाळकर यांच्यात श्रेयवादाची लढाई

Dharashiv News: धाराशिव मध्ये विकास निधीवरून श्रेयवाद पेटला

भाजप आमदार राणाजगजितसिंह पाटील आणि खासदार ओमराजे निंबाळकर यांची श्रेय वादाची लढाई

खासदार ओमराजे निंबाळकर यांच्या अखर्चित निधीची चर्चा निघताच एकनाथ शिंदेंकडून निंबाळकर यांना मोठा निधी

धाराशिव मधील विविध विकास कामांसाठी 18 कोटीचा निधी एकनाथ शिंदे मार्फत मिळाल्याची ओमराजेंची फेसबुक पोस्ट

ओमराजे यांचा खासदार निधी अखर्चित असल्याची बातमी समोर येताच मोठा निधी मंजूर

तर शहरातील विविध विकास कामाला सरकारकडून निधी मिळाल्याची राणा जगजीत सिंह पाटील यांच्याकडूनही फेसबुक पोस्ट

पाठपुराव्याला यश मिळाल्याचे सांगत राणाजगजीतसिंह पाटलांनी मानले सरकारचे आभार

शहराच्या विकास निधीवरून भाजप आणि शिवसेना नेत्यांचा श्रेयवाद सुरू

24/06/2026 06:51:07

Beed Vilas Ghule Case: मुख्यमंत्री देवेंद्र फडणवीसांचा केज पोलीस ठाण्यासमोरील आंदोलकांना फोन, त्यानंतर विलास घुलेच्या पार्थिवावर रात्री उशिरा अंत्यसंस्कार

Beed Vilas Ghule Case: केज तालुक्यातील टाकळी येथील विलास घुले या तरुणाचा खून करण्यात आला होता.या प्रकरणातील आरोपींना अटक करावी या मागणीसाठी गेले तीन दिवस रास्ता रोको आंदोलन करण्यात येत होते.मंगळवारी विलास घुले यांचा मृतदेह नऊ तास पोलीस ठाण्यासमोर ठेवण्यात आला.

24/06/2026 06:49:37

Buldhana Rain: बुलढाणा जिल्ह्यात रात्री सर्वच तालुक्यात जोरदार पावसाचं आगमन

Buldhana Rain: बुलढाणा जिल्ह्यात रात्री सर्वच तालुक्यात जोरदार पावसाचं आगमन. जिल्ह्यातील जळगाव जामोद, संग्रामपूर,नांदुरा, शेगाव चिखली तालुक्यात दीड ते दोन तास जोरदार पावसाने अनेक नदी व ओढ्यांना पूर आलेत. जिल्ह्यात आलेल्या मान्सूनच्या पावसाने शेतकरी सुखावला असून आजपासून पेरणीपूर्व मशागतीच्या कामांना वेग येणार आहे.

24/06/2026 06:48:50

Mumbai Rain Update: ईशान्य मुंबईत पावसाची जोरदार बॅटिंग, भांडुप आणि इतर भागांत सखल भागात पाणी साचायला सुरुवात

Mumbai Rain Update: ईशान्य मुंबईमध्ये पावसाची जोरदार बॅटिंग

भांडुप आणि इतर भागात सखल भागात पाणी साचायला सुरुवात

पहिल्याच पावसात नाल्यांची पोलखोल

नाल्यातून सर्व पाणी रस्त्यावर आणि दुर्गंधी

भांडुप कोकण नगर विभागात सकल भागात पाणी साचले

24/06/2026 06:47:50

Monsoon Rain Updates Mumbai: मुंबई उपनगरात मुसळधार पावसाची हजेरी, अंधेरी ते कांदिवली भागात जोरदार पाऊस

Monsoon Rain Updates Mumbai: मुंबई उपनगरात मुसळधार पावसाची हजेरी, अंधेरी ते कांदिवली भागामध्ये जोरदार पाऊस सुरू, सकाळपासून विश्रांती घेतल्यानंतर रात्री 11 नंतर परिसरात पावसाला सुरुवात, मुंबई लोकलवरही मुसळधार पावसाचा परिणाम झालाय.

24/06/2026 06:45:51

Bhiwandi News: भिवंडी शहर, ग्रामीण भागात रात्रीपासून पावसाची रिपरिप; परिसरात गारवा, तर वीज खंडित झाल्यानं नागरिक त्रस्त

Bhiwandi News: भिवंडी शहरासह ग्रामीण भागात काल रात्रीपासून पावसाची रिपरिप सुरू असून वातावरणात गारवा निर्माण झाला आहे. उकाड्याने हैराण झालेल्या नागरिकांना पावसामुळे काहीसा दिलासा मिळाला असला, तरी दुसरीकडे ग्रामीण भागातील अनेक गावांमध्ये वीज पुरवठा खंडित झाल्याने नागरिकांना मोठ्या अडचणींचा सामना करावा लागत आहे.

Maharashtra Breaking LIVE: देश-विदेशातील महत्त्वाच्या बातम्यांचा आढावा फक्त एका क्लिकवर...

Maharashtra Breaking LIVE: देश-विदेशातील महत्त्वाच्या बातम्यांचा आढावा फक्त एका क्लिकवर...

पार्श्वभूमी