Maharashtra Breaking LIVE: देश-विदेशातील महत्त्वाच्या घडामोडी फक्त एका क्लिकवर...

Maharashtra Breaking LIVE: महाराष्ट्राच्या गावाखेड्यातील आणि देश-विदेशातील तसेच, जगभरातील महत्त्वाच्या घडामोडींचा आढावा फक्त एका क्लिकवर...

पार्श्वभूमी

Maharashtra Breaking LIVE: महाराष्ट्राच्या गावाखेड्यातील आणि देश-विदेशातील तसेच, जगभरातील महत्त्वाच्या घडामोडींचा आढावा फक्त एका क्लिकवर... Nepal Protest : नेपाळमध्ये राजेशाही कशी संपली? राजघराण्याच्या लोकांना गोळ्या कुणी घातल्या? जाणून घ्या Gen Z आंदोलनाच्या आधीचा इतिहासहिमालयाच्या कुशीत वसलेल्या नेपाळमध्ये (Nepal) सध्या मोठा गोंधळ सुरू असून त्या देशाच्या पंतप्रधानांनी राजीनामा दिला आहे. बालेन शाह हे नेपाळच्या अंतरिम सरकारचे नवे प्रतिनिधी असतील. सध्या लोकशाही मार्गाने या देशात सत्तांतर होत असलं तरी एकेकाळी, जवळपास 250 वर्षे शाह वंशाची (Shah Dynasty) राजेशाही (Monarchy) सुरू होती. एका भयानक नरसंहारामुळे (Royal Massacre) नेपाळच्या राजशाही परंपरेचा पाया हादरला आणि अखेरीस ती संपुष्टात आली.सविस्तर वृत्त वाचण्यासाठी येथे क्लिक करारत्नागिरी-नागपूर राष्ट्रीय महामार्ग आठ पदरी करा, पण शक्तीपीठ महामार्ग जनतेच्या माथी नको, राजू शेट्टींनी घेतली गडकरींची भेट, नेमकी काय झाली चर्चा?  स्वाभिमानी शेतकरी संघटनेचे प्रमुख राजू शेट्टी यांनी आज केंद्रीय मंत्री नितन गडकरी यांची भेट घेतली. यावेळी त्यांनी शक्तिपीठ महामार्गासंदर्भात चर्चा केली आहे. राज्याचे मुख्यमंत्री देवेंद्र फडणवीस यांचा ड्रीम प्रोजेक्ट असलेला शक्तीपीठ महामार्गाचे स्वप्न पुर्ण करण्यासाठी केंद्र सरकारने सध्या अस्तित्वात असलेल्या रत्नागिरी - नागपूर राष्ट्रीय महामार्ग सहा पदरी किंवा आठ पदरी करावा. तसेच राज्य सरकारवर पडणारा शक्तीपीठ महामार्गाचा आर्थिक बोजा कमी करावा अशी मागणी  राजू शेट्टी यांनी केंद्रीय रस्ते वाहतूक मंत्री नितीन गडकरी यांच्याकडे केली आहे. पण शक्तिपीठ महामार्ग नको असे शेट्टी म्हणाले.  सविस्तर वृत्त वाचण्यासाठी येथे क्लिक करा

10/09/2025 08:54:36

Prithvi Shaw Sapna Gill Case: क्रिकेट पटू पृथ्वी शॉ याला दंड, महिलेने दाखल केलेल्या विनयभंगाच्या तक्रार प्रकरणी 100 रुपयांचा दंड

Prithvi Shaw Sapna Gill Case:  क्रिकेट पटू पृथ्वी शॉ याला दंड 

समाज माध्यमांवर प्रभावक महिलेने दाखल केलेल्या विनयभंगाच्या तक्रारी प्रकरणी दिंडोशी न्यायालयाने सुनावली शिक्षा 

पृथ्वी शॉला 100 रुपयांचा दंड 

आदेश देऊनही नोटीसला उत्तर दिले नसल्याने न्यायालयाची कारवाई

अंधेरी येथील एका पबमध्ये सेल्फी काढण्यावरून झाला होता वाद

त्यानंतर या महिलेने विनय भंगाची केली होती तक्रार

शॉ याला झालेल्या मारहाणी प्रकरणात त्या महिलेला अटक झाली होती 

पोलिसांनी गुन्हा नोंदवून घेतला नसल्याने त्यांनी थेट महानगर दंडाधिकारी न्यायालयात धाव घेतली होती

Continues below advertisement

10/09/2025 08:52:58

Solapur Crime: सोलापुरात माजी उपसरपंचाने स्वतःवर गोळी झाडून घेतल्याचे प्रकरण, कला केंद्रात काम करणाऱ्या नर्तिकेविरोधात गुन्हा दाखल

Solapur Crime: सोलापुरातल्या बार्शी तालुक्यातील सासुर गावात एका तरुणाने स्वतःवर गोळी झाडून आत्महत्या केल्याची धक्कादायक घटना काल समोर आली होती. बीड जिल्ह्यातल्या गेवराई तालुक्यातील लुखामसाला गावचे माजी उपसरपंच गोविंद बर्गे यांचे मृतदेह असल्याचे समोर आले. या प्रकरणी मृताच्या मेहुण्याने पोलिसात फिर्याद दिली असून कला केंद्रात काम करणाऱ्या एका नर्तिकेविरोधात गुन्हा नोंद करण्यात आलाय. पूजा गायकवाड असे 21 वर्षीय तरुणीचे नाव आहे. 

10/09/2025 08:52:14

Pune News: पुण्यातील भिडे पूल आज पासून वाहतुकीसाठी पुन्हा बंद

Pune News: पुण्यातील भिडे पूल आज पासून वाहतुकीसाठी पुन्हा बंद 

नदी पात्रातील रस्त्याने प्रवास करणाऱ्या पुणेकरांना पर्यायी मार्ग वापरावा लागणार

 गणेशोत्सवामध्ये गर्दी होत असल्याने भिडे पुलाचे काम थांबूवून वाहतुकीसाठी खुला करण्यात आला होता

 मेट्रोच्या पादचारी मार्गासाठी पूल बांधण्यात येत असून त्याचं काम आजपासून पुन्हा सुरू करण्यात येणार आहे 

 भिडे पूल बंद असल्याने नागरिकांनी संभाजी पूल, महर्षी विठ्ठल रामजी शिंदे पूल चा वापर करण्याच आवाहन करण्यात आलय

Continues below advertisement

10/09/2025 08:51:40

Pune News: पुणे शहराच्या हवेच्या गुणवत्तेत वाढ, गेल्या वर्षी 23 व्या स्थानावर असणारे पुणे शहर दहाव्या स्थानावर

Pune News: पुणे शहराच्या हवेच्या गुणवत्तेत वाढ गेल्या वर्षी 23 व्या स्थानावर असणारे पुणे शहर दहाव्या स्थानावर

वायू प्रदूषण रोखण्यासाठी पुणे महापालिकेच्या प्रयत्नांना यश 

 केंद्र सरकारच्या स्वच्छ वायु सर्वेक्षण 2025  मध्ये पुण्याने देशात दहावी स्थान पटकावले आहे

 पर्यावरण वन आणि हवामान बदल मंत्रालयाने देशातील 130 शहरात हे सर्वेक्षण केले होते

 गेल्यावर्षी 23 व्या स्थानावर असणाऱ्या पुण्याला यावर्षी दहावा क्रमांक मिळाला आहे

 बांधकामामुळे होणारे प्रदूषण कमी करणे, विद्युत दहाणीचा वापर करणे, पर्यावरण पूरक गोष्टींना चालना देणे, त्यामुळे गुणवत्तेत वाढ

10/09/2025 08:50:56

Cabinet Meeting Decision : शेतकऱ्यांनो पिकांना हवं तितकं पाणी द्या, वीज बिलाची चिंता मिटली

Cabinet Meeting Decision :  राज्यातील शेतकऱ्यांसाठी अतिशय दिलासादायक आणि आनंददायी बातमी समोर आली आहे. शेतकऱ्यांसाठीच्या अतिउच्चदाब, उच्चदाब आणि लघुदाब उपसा जलसिंचन योजनेसाठीच्या वीजदर सवलत योजनेस दोन वर्षे मुदतवाढ देण्यात आली आहे. राज्य मंत्रिमंडळाच्या बैठकीत मंगळवारी हा महत्वाचा निर्णय (Cabinet Meeting) घेण्यात आलाय. परिणामी त्याचा लाभ राज्यातील 1,789 उपसा सिंचन योजनांसाठी होणार असून या सवलत योजनेसाठी सरकार दोन वर्षात एक हजार 758 कोटी रुपयांचा आर्थिक भार उचलणार असल्याची माहिती समोर आली आहे.

सविस्तर वाचण्यासाठी येथे क्लिक करा 

10/09/2025 07:54:26

Beed News: बीड सरपंच देशमुख हत्या प्रकरणात आज जिल्हा, विशेष मकोका न्यायालयात सुनावणी; सुदर्शन घुले सह इतर आरोपींच्या दोषमुक्ती अर्जावर न्यायालय निर्णय घेण्याची शक्यता

Beed News: बीड: सरपंच देशमुख हत्या प्रकरणात आज जिल्हा व विशेष मकोका न्यायालयात सुनावणी; सुदर्शन घुले सह इतर आरोपींच्या दोषमुक्ती अर्जावर न्यायालय निर्णय घेण्याची शक्यता

Anc:सरपंच संतोष देशमुख हत्या प्रकरणात आज बीडच्या जिल्हा व विशेष मकोका न्यायालयात सकाळी 11 वाजता सुनावणीला सुरुवात होणार आहे. आरोपी सुदर्शन घुले सह इतर आरोपींच्या दोषमुक्ती अर्जावर न्यायालय निर्णय देण्याची शक्यता आहे. मागील सुनावणी दरम्यान आरोपी वाल्मीक कराडच्या दोषमुक्तीच्या अर्जासह जामीन अर्ज न्यायालयाने फेटाळला होता. त्यामुळे कराडने जिल्हा न्यायालयाच्या आदेशाविरोधात उच्च न्यायालयात धाव घेतली. याबाबत उच्च न्यायालयात पहिली सुनावणी पार पडली त्यात न्यायालयाने सरकारला नोटीस बजावली आहे.

कराडचा दोषमुक्ती आणि जामीन अर्ज फेटाळल्यानंतर आरोपी सुदर्शन घुले सह इतरांनी दोषमुक्तीसाठी अर्ज केलेला आहे. 30 ऑगस्ट रोजी झालेल्या सुनावणीत या अर्जावर फिर्यादी कडून म्हणणे न आल्याने सुनावणी झाली नव्हती. त्यामुळे या अर्जावर आज सुनावणी होणार असून न्यायालय निर्णय देण्याची शक्यता आहे.

10/09/2025 07:16:15

OBC Reservation LIVE: कुणबी प्रमाणपत्र वितरित करण्यासाठी प्रशासन स्तरावर हालचालीला वेग, गाव पातळीवर गठित केलेल्या समितीचे प्रशिक्षण आणि कार्यशाळा आयोजित करण्याच्या जिल्हाधिकाऱ्यांना सूचना

OBC Reservation LIVE: हैदराबाद गॅझेट लागू केल्यानंतर ओबीसींच्या वतीने शासन निर्णयाचा विरोध केला जातोय असे असताना सुद्धा  मराठा कुणबी किंवा कुणबी मराठा जातीचे प्रमाणपत्र देण्यासाठी प्रशासन स्तरावरून हालचालीला वेग आला आहे.

हैदराबाद गॅजेटीयर मधील नोंदी विचारात घेऊन कुणबी प्रमाणपत्र  तत्काळ वितरित  करण्यासाठी गावपातळीवर गठीत केलेल्या समितीच्या सदस्यांसाठी कार्यशाळा आयोजित करण्याच्या सूचना मराठवाड्यातील आठही जिल्ह्यांच्या जिल्हाधिकाऱ्यांना दिल्या आहेत या समितीमध्ये समितीचे सदस्य ग्राम महसूल अधिकारी ग्रामपंचायत अधिकारी आणि सहाय्यक कृषी अधिकारी या सदस्यांसाठी प्रशिक्षण सत्र व कार्यशाळा आयोजित करावी अशा सूचना देण्यात आले आहेत महाराष्ट्र शासनाचे उपसचिव सुदाम आंधळे यांनी तसे आदेश काढले आहेत.