महिला एसटीखाली जाता जाता थोडक्यात बचावली, कोल्हापुरात मोठी अपघाताची घटना टळली, थरारक प्रसंग CCTV त कैद

Kolhapur Accident News : कोल्हापूर जिल्ह्यातील गडहिंग्लज बसस्थानकाजवळ मोठ्या अपघाताची घटना टळली आहे.  महिला एसटी खाली जाण्यापासून थोडक्यात बचावली आहे.

Kolhapur Accident News ST bus

Source : Getty Images

Kolhapur Accident News : कोल्हापूर (Kolhapur) जिल्ह्यातील गडहिंग्लज बसस्थानकाजवळ मोठ्या अपघाताची (Accident) घटना टळली आहे.  महिला एसटी खाली जाण्यापासून थोडक्यात बचावली आहे. या महिलेला जोदाचा धक्का बसला, सुदैवाने ती चाकाखाली आली नाही, त्यामुळं मोठा अनर्थ टळला आहे. ही महिला गंभीर जखमी झाली आहे. दरम्यान, ही संपूर्ण घटना सीसीटीव्हीमध्ये (CCTV) कैद झाली आहे. दरम्यान, मिळालेल्या माहितीनुसार, चालकाला डाव्या बाजूला चालत असलेली महिला दिसली नाही, त्यामुळेच ही घटना घडल्याची माहिती सांगण्यात ऐआली आहे. 

नेमकी कशी घडली घटना?

कोल्हापूर जिल्ह्यातील गडहिंग्लज बसस्थानकानजीक गाडी बसस्थानकामध्ये जात असताना डाव्या बाजूला असलेली महिला चालकाला दिसली नाही. त्यामुळं या महिलेला एसटीचा जोरात धक्का बसून ती चाकाखाली आली होती. सुदैवाने सदर महिला एसटी खाली सापडली नाही मात्र ती गंभीररित्या जखमी झाली आहे. हा सगळा प्रकार सीसीटीव्ही मध्ये कैद झाला असून अंगावर शहारे येण्यासारखा प्रसंग आहे. गडहिंग्लज शहरातील सविता  बिलावर या कामानिमित्त बसस्थानकाकडे जात असताना त्याच दरम्यान आलेल्या एसटीने त्यांना डाव्या बाजूला धडक दिली. चालकालाही सदर महिला समोर आल्याचे लक्षात न आल्याने तिला एसटीची धडक बसली.  ही महिला चाकाखाली जाण्यापासून थोडक्यात बचावली चालकाने ही प्रसंगावधान राखून ब्रेक दाबला. एसटीच्या धक्क्याने मात्र महिलेच्या मणक्याला दुखापत झाली असून तिला उपचारासाठी दाखल करण्यात आले आहे. हा सर्व प्रकार सीसीटीव्हीत कैद झाल्यानंतर महिला सुदैवाने बचावल्याचे दिसून येते.

महाड तालुक्यातील दहिवड गावाजवळ रिक्षाला भीषण अपघात, चालकाचा जागीच मृत्यू

महाड तालुक्यातील दहिवड गावाजवळ देखील भीषण अपघात झाल्याची घटना घडली आहे. रिक्षाला झालेल्या अपघातात रिक्षाचालक सुजित सकपाळ या तरुणाचा जागीच  मृत्यू झाला आहे. तर याच रिक्षातील अन्य चौघेजण जखमी झाले आहेत. पहाटेच्या सुमारास झालेल्या या अपघातानंतर पोलिसांनी सुजित याचा मृतदेह शवविच्छेदनासाठी महाड ग्रामीण रुग्णालयात पाठवला आहे. दरम्यान, या घटनेनंतर परिसरता हळहळ व्यक्त केली जात आहे. दरम्यान, हा नेमका अपघात कसा झाला याबाबतची माहिती अद्याप मिळालेली नाही. हा अपघात भीषण होता की रीक्षा चालकाचा जागीच मृत्यू झाला आहे. 

महत्वाच्या बातम्या: