कृष्णा आंधळेला कोण पैसा पुरवतं? त्याचा शोध घ्यायचा असेल तर धनंजय मुंडेंचा सीडीआर तपासा : करुणा मुंडे
कृष्णा आंधळेचा शोध घ्यायचा असेल तर त्याच्या घरच्यांचा तसेच धनंजय मुंडेंचा सीडीआर तपासा असे मत करुणा मुंडे यांनी व्यक्त केले आहे.
Karuna Munde on Dhananjay Munde : सरपंच संतोष देशमुख यांच्या हत्या प्रकरणातील (Santosh Deshmukh Murder Case) फरार आरोपी कृष्णा आंधळे (Krishna Andhale) आतापर्यंत तीन वेळा त्याच्या गावी येऊन गेल्याचा दावा दिवंगत सरपंच संतोष देशमुख यांचे बंधू धनंजय देशमुख (Dhananjay Deshmukh) यांनी केलाय. कृष्णा आंधळे गावी आल्याची माहिती त्यांनी सीआयडीला देखील दिल्याचं सांगितले. याच मुद्द्यावर करुणा मुंडे यांनी प्रतिक्रिया दिली आहे. कृष्णा आंधळेचा शोध घ्यायचा असेल तर त्याच्या घरच्यांचा तसेच धनंजय मुंडेंचा सीडीआर तपासा असे मत करुणा मुंडे यांनी व्यक्त केले आहे.
सरपंच देशमुख हत्या प्रकरणातील फरार आरोपी कृष्णा आंधळे त्याच्या गावी तीन वेळा येऊन गेला. असा दावा धनंजय देशमुख यांनी केला होता. यावर करुणा मुंडे यांनी प्रतिक्रिया दिलीय. कृष्णा आंधळेचा शोध घ्यायचा असेल तर त्याच्या घरच्यांचा CDR तपासा किंवा धनंजय मुंडे यांचा सीडीआर तपासला तर त्याचा तपास लागू शकतो असं करुणा मुंडे म्हणाल्या. खूप काही सूत्र त्याला माहित आहेत, त्यामुळे तो लपून बसलाय. आंधळेला कोण पैसे पुरवत? त्याची जीविका कोण चालवत? असा सवाल करुणा मुंडे यांनी उपस्थित केला.
नेमकं काय म्हणाले धनंजय देशमुख?
कृष्णा आंधळे (Krishna Andhale) आतापर्यंत तीन वेळा त्याच्या गावी येऊन गेल्याचा दावा दिवंगत सरपंच संतोष देशमुख यांचे बंधू धनंजय देशमुख (Dhananjay Deshmukh) यांनी केलाय. कृष्णा आंधळे गावी आल्याची माहिती त्यांनी सीआयडीला देखील दिल्याचं सांगितले. कृष्णा आंधळे मोबाईल वापरत नाही, मात्र त्याला जेलबंद कसे करायचे याचा विचार गरजेचा आहे. आमच्या कुटुंबाला या आरोपी पासून धोका आहे. हे आरोपी शैतानी वृत्तीचे असून कृष्णा आंधळेला अटक करून त्याची दिंड जिल्हाभरात काढावी, अशी मागणी धनंजय देशमुख यांनी केली. आज बीडच्या जिल्हा व विशेष सत्र न्यायालयात देशमुख हत्या प्रकरणात सुनावणी पार पडली. याच सुनावणी वेळी धनंजय देशमुख यांनी माध्यमांना याबाबत माहिती दिलीय.
दरम्यान, सुप्रीम कोर्टात येत्या 26 तारखेला वाल्मिक कराडच्या जामीन अर्जावर सुनावणी होणार आहे. याबाबत कॅव्हेट दाखल करण्यात आले आहे. आमचे म्हणणे आम्ही न्यायालयात देणार असल्याचं देशमुख यांनी यावेळी म्हटलं. मागील दीड वर्षांपासून देशमुख कुटुंब आजही न्यायाच्या प्रतीक्षेत असल्याचेही ते म्हणाले.
पुढील सुनावणी 6 मार्च रोजी होणार, सुनावणीत आज नेमकं काय घडलं?
दरम्यान, सरपंच संतोष देशमुख हत्या प्रकरणातील पुढील सुनावणी 6 मार्च रोजी होणार आहे. आजच्या (21 फेब्रुवारी) सुनावणीत आरोपी पक्षाला सर्व कागदपत्राची पूर्तता करा, अशा सूचना कोर्टाच्या वतीने सरकारी पक्षाला देण्यात आल्या आहेत. आरोपी क्रमांक तीन ते सात यांनी विशेष सरकारी वकील उज्ज्वल निकम बदलण्यात यावे यासाठी केलेल्या अर्जावर सरकारी पक्षाकडून लेखी म्हणणे सादर केले जाणार असल्याची माहिती आहे. तसेच विष्णू चाटेच्या जेल बदलीच्या अर्जावर आज ऑर्डर येण्याची शक्यता आहे. तर आरोपी जयराम चाटेकडून वकील बदलला आहे. नवीन वकील एम के वाघीरकर यांची नियुक्ती करण्यात आल्याची माहिती आहे.
महत्त्वाच्या बातम्या
