Crime News: बोईसरच्या भुजिंग सेंटरमध्ये फुलली प्रेमकहाणी, मुलगी मुलासोबत पळून गेली; मालकाने मुलाच्या वडिलांच्या डोक्यात गोळी झाडली
समोर आलेल्या माहितीनुसार बोईसरच्या पूर्वेस असलेल्या महागाव परिसरामध्ये चिकन भुजंग सेंटर होतं. या चिकन भुजंग सेंटरमध्ये मुलगी कामाला होती. या ठिकाणी मुलगा सुद्धा कामाला होता.
Palghar Crime: मुलानं केलेल्या प्रेमकरणानंतर बापाला जीव गमवावा लागल्याचा अत्यंत धक्कादायक प्रकार पालघरमध्ये घडला. बोईसरच्या पूर्वेस असलेल्या महागाव परिसरात रात्रीच्या सुमारास फायरिंग झाल्याने एकच खळबळ उडाली. मात्र, ही फायरिंग प्रेमप्रकरणातून असल्याचे समोर आले. चिकन भुजिंग सेंटरमध्ये कामाला असलेली मुलगी एका मुलासोबत पळून गेल्याचा राग मनात धरून भुजिंग सेंटरच्या मालकाने फायरिंग केली. या फायरिंगमध्ये सुरेश वरखडे यांच्या डोक्याला गोळी लागल्याने गंभीर जखमी झाले आहेत.
नेमकं घडलं तरी काय?
दरम्यान समोर आलेल्या माहितीनुसार बोईसरच्या पूर्वेस असलेल्या महागाव परिसरामध्ये चिकन भुजंग सेंटर होतं. या चिकन भुजंग सेंटरमध्ये मुलगी कामाला होती. या ठिकाणी मुलगा सुद्धा कामाला होता. मात्र, त्या मुलासोबत मुलगी पळून गेल्यानंतर चिकन भूजिंग सेंटरचा मालक चांगलाच संतापला. त्याने मुलीला पळवून नेलेल्या मुलाच्या वडिलांवर थेट फायरिंग केली. या फायरिंगमध्ये सुरेश वरखडे गंभीर जखमी झाले आहेत. अत्यंत गंभीर अवस्थेत त्यांना बोईसरमधील लाईफ लाईन्स रुग्णालयामध्ये दाखल करण्यात आलं असून त्यांच्यावर उपचार सुरू आहेत.
दरम्यान चिकन भूजिग सेंटरचा मालक फायरिंग करून फरार झाल्याची प्राथमिक माहिती समोर आली आहे. या प्रकरणाचा अधिक तपास आता बोईसर पोलिसांकडून केला जात आहे. मात्र, चिकन भूजिंग सेंटरमधल्या मालकाने काम करत असलेली मुलगी पळून गेली म्हणून मुलाच्या वडिलांवर फायरिंग केल्याने भूवया उंचावल्या आहेत. पोलिस तपासामध्येच आता खरं कारण समोर येणार आहे.
फटाके फोडल्याच्या कारणावरून दोन गटात वाद
दुसरीकडे, सोलापूर जिल्ह्यातील बार्शीमध्ये शिवजयंती साजरी करताना फटाके फोडल्याच्या कारणावरून दोन गटात वाद झाला. बार्शीमधील बारंगुळे प्लॉटमध्ये शिवजयंती साजरी करताना फटाके उडवण्याच्या कारणावरून वाद झाला. दोन गटात झालेल्या वादावरून जोरदार हाणामारी झाली. त्यानंतर पोलिसांत तक्रार देण्यासाठी शिवभक्त गेल्यानंतर देखील पुन्हा वाद निर्माण झाला. जखमींना बार्शी ग्रामीण रुग्णालयात नेले असताना जमवाकडून ग्रामीण रुग्णालयाची देखील तोडफोड करण्यात आली. त्यामुळे या प्रकरणी एकूण तीन गुन्हे बार्शी पोलिसांत दाखल करण्यात आले आहे तिन्ही गुन्ह्यात 8-9 आरोपी असल्याची माहिती समोर आली आहे. यामधील 4 आरोपीना पोलिसांनी ताब्यात घेतलं असून उर्वरित आरोपीचा शोध पोलिसांमार्फत घेतला जात आहे.
इतर महत्वाच्या बातम्या
महत्त्वाच्या बातम्या
