गडचिरोली : भामरागड तालुक्यातील कोपर्शीच्या जंगलात पोलीस आणि नक्षलवाद्यांमध्ये (Naxalites) चकमक आज पहाटे चमक झाली. सुमारे आठ तास चाललेल्या या चकमकीनंतर चार नक्षलवाद्यांना कंठस्नान घालण्यात गडचिरोली पोलिसांना (Police) यश आलं आहे. भामरागड तालुक्यात कालपासून मुसळधार पाऊस सुरू असून या पावसातही गडचिरोली पोलिसांनी ही दमदार कामगिरी केली आहे.
गडचिरोली-नारायणपूर सीमेवरील कोपर्शी जंगल परिसरात गडचिरोली विभागाचे गट्टा दलम, कंपनी क्रमांक 10 आणि इतर नक्षलवादी दबा धरून बसले असल्याच्या गोपनीय माहितीवरून अप्पर पोलीस अधीक्षक अभियान एम. रमेश यांच्या नेतृत्वाखाली C-60 ची 19 पथके आणि CRPF QAT ची 02 पथके सदर जंगल परिसरात रवाना करण्यात आली होती. या भागात सुरू असलेल्या मुसळधार पावसादरम्यान दोन दिवसानंतर पोलीस पथके आज सकाळी या जंगल परिसरात पोहोचून शोध मोहीम राबवत असताना नक्षलवाद्यांनी पोलीस पथकांवर अंदाधुंद गोळीबार सुरू केला. ज्याला पोलीस पथकाने प्रभावी प्रत्युत्तर दिले. सुमारे आठ तास चाललेल्या चकमकीनंतर या परिसरात शोध घेतला असता 04 जहाल नक्षलवाद्यांचे मृतदेह आढळले असून एक पुरुष आणि तीन महिला नक्षलचा समावेश आहे. याशिवाय घटनास्थळावरून एक SLR रायफल, 02 INSAS रायफल जप्त करण्यात आले आहेत.
महत्वाच्या बातम्या: