सर्व धरणांवर फ्लोटिंग सोलर बसवले जाणार, राज्य सरकार घेणार मोठा निर्णय, शेतकऱ्यांना होणार फायदा

पाण्याचे बाष्पीभवन रोखण्याच्या संदर्भात लवकरच राज्य सरकार मोठा निर्णय घेणार आहे. यासाठी राज्यात फ्लोटिंग सोलर योजना (Floating Solar Scheme) राबवली जाणार आहे.

Floating Solar Scheme : पाण्याचे बाष्पीभवन रोखण्याच्या संदर्भात लवकरच राज्य सरकार मोठा निर्णय घेणार आहे. यासाठी राज्यात फ्लोटिंग सोलर योजना (Floating Solar Scheme) राबवली जाणार आहे. सर्व धरणांवर (Dam) फ्लोटिंग सोलर बसवले जाणार असल्याची माहिती विश्वसनीय सूत्रांनी दिली आहे. पाण्याचे बाष्पीभवन रोखण्यासाठी ही महत्त्वाची योजना मानली जात आहे. 

दरम्यान, फ्लोटिंग सोलरमधून मोठ्या प्रमाणात वीज निर्मिती देखील होणार आहे. याबाबत लवकरच निविदा जाहीर होणार असल्याची माहिती विश्वसनीय सूत्रांची दिली आहे. दरम्यान, राज्यातील प्रमुख धरणांवर फ्लोटिंग सोलरच्या माध्यमातून वीज निर्मिती केल्यामुळं याचा मोठा फायदा शेतकऱ्यांना होणार. त्यामुळं शेतकऱ्यांना एक प्रकारचा या निर्णयातून दिलासा मिळणार आहे. या माध्यमातून स्वस्त दरात वीज उपलब्ध करुन देण्यास मदत मिळणार आहे. दरम्यान, शेतकऱ्यांच्या दृष्टीनं हा निर्णय अत्यंत महत्वाचा मानला जात आहे. कमी दरात वीज उपलब्झ धाल्यास शेतकऱ्यांनी शेतीत मोठा फायदा होणार असल्याचं बोललं जात आहे.

जायकवाडीवर 1200 मेगावॉटचा फ्लोटिंग प्लांट

गेल्या 8 दिवसापूर्वीच मुख्यमंत्र्यांचे मुख्य आर्थिक सल्लागार प्रवीण परदेशी यांनी महाराष्ट्राच्या विकासाचा रोडमॅप मांडला होता.  यावेळी त्यांनी महाराष्ट्राची आर्थिक स्थिती, वाटचाल, ध्येयधोरणे आणि भारताला जागतिक अर्थव्यवस्थेत अग्रस्थानी नेण्याच्या दृष्टीने महाराष्ट्राचा वाटा अशा विविध अंगांवर भाष्य केलं होतं. थोरीयमवर न्युक्लिअर एनर्जी असावी यासाठी प्रयत्न करतोय, हे नवीन तंत्रज्ञान आहे. जायकवाडीवर 1200 मेगावॉटचा फ्लोटिंग प्लांट आम्ही करत असल्याची माहिती परदेशी यांनी दिली होती. नवीन तंत्रज्ञान अवगत करणे आणि फायदा घेणे हा एक उद्देश. लाँगटर्म अर्थात दीर्घ मुदतीचे कर्ज घेण्याचे आपले प्रयत्न आहेत. कर्ज छोटे घेतले तर प्रकल्प पूर्ण होण्याआधीच आपल्याला कर्ज फेडावे लागतात आणि अनेकदा डेब्ट निर्माण होते. ह्या बँकांचे व्याजदर खूप कमी असतात. सोबतच पैसे नॉन कॅपिटलवर वळते करता येत नाही, असं परदेशी म्हणाले होते.

विकासासाठी अतिरिक्त पैसा उभा करण्याचा प्रयत्न आम्ही करु. शासनात दररोजचे प्रश्न सोडवायला लागतात, अशात पुढील 10 वर्षात नेमकं काय होणार यासाठी विचार करायला वेळ नसतो. त्यामुळे तंत्रज्ञानाच्या आधारे विकास व्हावा आणि पुढील विचार करावा हे प्रयत्न आमचे असतील, असं प्रवीण परदेशी यांनी सांगितलं होतं.

महत्वाच्या बातम्या: