मला शेती करायला आवडतं, ज्यांच्या पोटात दुखतं त्यांच्यासाठीही एक झाड लावेन, एकनाथ शिंदेंचा टोला
ज्याचे उपमुख्यमंत्री एकनाथ शिंदे हे त्यांच्या दरेगावी तीन दिवस मुक्कामी आहेत. आज त्यांनी त्यांच्या शेतात जाऊन वृक्षारोपण केलं आहे.
Eknath Shinde : राज्याचे उपमुख्यमंत्री एकनाथ शिंदे हे त्यांच्या दरेगावी तीन दिवस मुक्कामी आहेत. आज त्यांनी त्यांच्या शेतात जाऊन वृक्षारोपण केलं आहे. प्रत्येक वेळी एकनाथ शिंदे दरेगाव आले की शेतात रमत असतात. मी शेतकऱ्याचा मुलगा आहे, मला शेती करायला आवडतं. कोणाला काय वाटतं, याकडं मी लक्ष देत नाही. उलट ज्यांच्या पोटात दुखतं त्यांच्यासाठीही एक झाड लावेन, असं म्हणत एकनाथ शिंदे यांनी मिश्किल टोलाा लगावला.
सेंद्रिय आणि ऑर्गेनिक शेती ही काळाची गरज
सेंद्रिय आणि ऑर्गेनिक शेती ही काळाची गरज असल्याचे मत एकनाथ शिंदे यांनी व्यक्त केले. जीवामृतासारख्या पद्धतींचा वापर करून शेती करण्याचं आवाहनही त्यांनी केलं. राज्याचे उपमुख्यमंत्री एकनाथ शिंदे हे सातारा जिल्ह्यातील त्यांच्या दरे या मूळगावी आले आहेत. जरवेळी ते दरे गावात आल्यानंतर शेतात रमत असल्याचे पाहायला मिळते. यावेळी देखील एकनाथ शिंदे यांनी आपल्या शेतात वृक्षारोपण केल्याचं पाहायला मिळालं. दरम्यान, एकनाथ शिंदे यांच्या दरे दौऱ्यावरुन अनेकदा विरोधकांनी त्यांच्यावर टीका देखील केल्याचं पाहायला मिळालं होतं. अशातच एकनाथ शिंदे यांनी ज्यांच्या पोटात दुखतं त्यांच्यासाठीही एक झाड लावेन असा टोला लगावला आहे.
कोयना नदीच्या पट्ट्यातील दरे गावच्या परिसरात एकनाथ शिंदे यांची शेती
सातारा जिल्ह्यातील महाबळेश्वर तालुक्यातील कोयना नदीच्या पट्ट्यातील दरे गावचा परिसरातील माती ही अत्यंत सुपीक आहे. या ठिकाणी एकनाथ शिंदे यांची शेती आहे. या शेतात कोणतेही पीक घेतले तरी ते उत्तमरीत्या येते असे उपमुख्यमंत्री शिंदे अनेकदा बोलताना सांगतात. त्यांच्या शेतात आंबा, आवाकाडो, नारळ, विविध प्रकारची फळझाडे आहेत. स्ट्रॉबेरी, ब्लु-बेरी अशा बेरीवर्गीय वनस्पतींची लागवड देखील त्यांच्या शेतात करण्यात आली आहे.
एकनाथ शिंदेंनी मुनावळे जलपर्यटनाची आणि वासोटा किल्ल्यावर होणाऱ्या रोप वे चे पाहणी केली
उपमुख्यमंत्री एकनाथ शिंदे यांनी केली मुनावळे येथील जलपर्यटनाची आणि वासोटा किल्ल्यावर होणाऱ्या रोपवे चे पाहणी केली. स्पड बोटितुन एकनाथ शिंदे यांनी पाहणी केली आहे. उपमुख्यमंत्री एकनाथ शिंदे यांचा ड्रीम प्रोजेक्ट म्हणुन ओळख असणाऱ्या मुनावळे पर्यटन परिसराची आज बोटीतून आवर्जून त्यांनी पाहणी केली त्याचबरोबर वासोटा किल्ल्यावर रोपवे केला जाणार आहे, त्याची देखील पाहणी यावेळी केली. त्यांच्यासोबत जिल्हाधिकारी संतोष पाटील वनविभाचे अधिकारी अमोल सातपुते हे उपस्थित होते. या भागात पर्यटन वाढावे यासाठी पर्यटन मंत्री शंभुराज देसाई प्रयत्नशील आहेत.
महत्त्वाच्या बातम्या
