जळगावच्या सावदामध्ये एकनाथ खडसेंवर गुन्हा दाखल, नेमकं प्रकरण काय?
जळगाव जिल्ह्यातून एक महत्वाची बातमी समोर येत आहे. राष्ट्रवादी काँग्रेस शरद पवार गटाचे नेते एकनाथ खडसे यांच्यावर सावदा पोलीस स्टेशनमध्ये गुन्हा दाखल करण्यात आला आहे.
Eknath Khadse : जळगाव जिल्ह्यातून एक महत्वाची बातमी समोर येत आहे. राष्ट्रवादी काँग्रेस शरद पवार गटाचे नेते एकनाथ खडसे यांच्यावर सावदा पोलीस स्टेशनमध्ये गुन्हा दाखल करण्यात आला आहे. पोलिसांना अर्वाच्या शब्दात अरेरावी केल्याप्रकरणी हा गुन्हा दाखल करण्यात आला आहे. सावदा पोलीस स्टेशनमध्ये एका गौण खनिज चोरीच्या प्रकरणात पोलिसांना जाब विचारताना एकनाथ खडसेंनी अर्वाच्य शब्दात अरेरावी केल्याचा आरोप करण्यात आला आहे
एकनाथ खडसे यांच्यावर कलम 296 नुसार सावदा पोलीस स्टेशनमध्ये गुन्हा दाखल
दरम्यान, मिळालेल्या माहितीनुसार, एकनाथ खडसे यांच्यावर कलम 296 नुसार सावदा पोलीस स्टेशनमध्ये करण्यात आला गुन्हा दाखल करण्यात आला आहे. सावदा पोलीस स्टेशनमध्ये एका गौण खनिज चोरीच्या प्रकरणात पोलिसांना जाब विचारताना एकनाथ खडसेंनी अर्वाच्य शब्दात अरेरावी केल्याचा आरोप करण्यात आला आहे. दरम्यान, एकनाथ खडसे यांनी या आरोपांचे खंडन केले आहे. गौण खनिज प्रकरणात चौकशीसाठी सावदा पोलीस स्टेशनमध्ये गेलो, मात्र त्यावेळी माझ्याकडून एक चुकीचा शब्द निघाल्यानं पोलीस निरीक्षकाची माफी मागितल्याची माहिती एकनाथ खडसे यांनी दिली आहे.
भोसरी जमीन खरेदी घोटाळ्याप्रकरणी एकनाथ खडसेंना मुंबई उच्च न्यायालयाकडून दिलासा
दरम्यान, कालच शरद पवार गटाचे नेते एकनाथ खडसे यांना मुंबई उच्च न्यायालयाकडून मोठा दिलासा मिळाला होता. भोसरी जमीन खरेदी घोटाळ्याप्रकरणी एकनाथ खडसेंना मुंबई उच्च न्यायालयाने (high court) हा दिलासा दिला असून सत्र न्यायालयात सुरू असलेल्या आरोप निश्चितीच्या प्रक्रियेवर मुंबई उच्च न्यायालयाकडून स्थगिती देण्यात आली. त्यामुळे, याप्रकरणी खडसे कुटुंबियांविरोधातील 13 तारखेला होणारी आरोप निश्चिती टळली आहे.
मुंबई उच्च न्यायालयाकडून 24 फेब्रुवारीपर्यंत स्थगिती देण्यात आली आहे
पुण्यातील भोसरी जमीन घोटाळाप्रकरणी सत्र न्यायालयात सुरू असलेल्या कायदेशीर प्रक्रियेवर मुंबई उच्च न्यायालयाकडून 24 फेब्रुवारीपर्यंत स्थगिती देण्यात आली. भ्रष्टाचार प्रतिबंधक कायद्यात 2018 साली झालेल्या सुधारणेला मुंबई उच्च न्यायालयाच्या द्विसदस्यीय खंडपीठासमोर आव्हान देण्यात आल्याची नोंद घेत उच्च न्यायालयाकडून खडसेंविरोधातील सत्र न्यायालयातील कायदेशीर प्रक्रियेवर तूर्तास स्थगिती देण्यात आली. 24 तारखेपर्यंत मुंबई उच्च न्यायालयाच्या द्विसदस्यीय खंडपीठासमोर तातडीने प्रकरण मेंशन करुन घेण्याचे निर्देश न्या.अश्विन भोबे यांनी दिले आहेत. भ्रष्टाचार प्रतिबंध कायद्याच्या कलम 13 (1 ड) अंतर्गत खडसेंवर भोसरी जमीन घोटाळाप्रकरणी गुन्हा दाखल करण्यात आला आहे. मात्र, कायद्यात झालेल्या सुधारणेनंतर या कलमात बदल झाला आहे.
महत्वाच्या बातम्या:
सुधीर मुनगंटीवारांचा भाजपमध्ये 'एकनाथ खडसे' होणार का? पक्ष नेतृत्वाविरोधात आक्रमक भूमिकेनंतर अनेक प्रश्न
महत्त्वाच्या बातम्या
