Dharashiv ZP Election Result 2026 : धाराशिव जिल्हा परिषदेत महायुतील स्पष्ट बहुमत, खासदार ओमराजेंना मोठा धक्का
Dharashiv ZP Election Result 2026 : धाराशिव जिल्हा परिषदेत महायुतीला स्पष्ट बहुमत मिळालं आहे. 19 जागांसह भाजप सर्वात मोठा पक्ष ठरला आहे.
Dharashiv ZP Election Result 2026 : राज्यभरातील 12 जिल्हा परिषदा आणि 125 पंचायत समित्यांचे निकाल हाती आले आहे. धाराशिव जिल्हा परिषद (Dharashiv ZP Election) आणि पंचायत समितीच्या निवडणुकीचे निकाल हाती आले आहेत. धाराशिव जिल्हा परिषदेत महायुतीला स्पष्ट बहुमत मिळालं आहे. 19 जागांसह भाजप सर्वात मोठा पक्ष ठरला आहे. तर शिंदेंच्या शिवसेनेला 15 तर राष्ट्रवादी काँग्रेसला 6 जागांवर विजय मिळाला आहे. उद्धव ठाकरे यांच्या शिवसेनेला पुन्हा एकदा धक्का बसला आहे. केवळ सात जागांवर समाधान मानावे लागले आहे. शरद पवारांच्या राष्ट्रवादीला एकही जागा मिळाली नाही.
खासदार ओमराजे निंबाळकर व आमदार कैलास पाटील यांना मोठा धक्का
धाराशिव जिल्ह्यात तानाजी सावंत यांचा जिल्हा परिषदेच्या 13 पैकी आठ जागा जिंकत मतदारसंघात दबदबा कायम राहिला आहे. तर बंडखोरी करणाऱ्या धनंजय सावंत हे देखील विजयी झाले आहेत. जिल्ह्यात सर्वात मोठा दणका खासदार ओमराजे निंबाळकर व आमदार कैलास पाटील यांना बसला आहे. 44 जागा लढवल्या होत्या, त्यांना केवळ जिंकल्या सात जागा मिळाल्या आहेत. ठाकरे सेनेच्या बालेकिल्ल्यात शिवसेना शिंदे गटाने मुसंडी मारली आहे.
भारतीय जनता पार्टीने 19 जागा जिंकत सगळ्यात मोठा पक्ष ठरला
धाराशिव जिल्ह्यात जिल्हा परिषदेच्या माध्यमातून समाजवादी पार्टीच्या उमेदवाराने ही तुळजापूर तालुक्यातील मंगरूळ येथे खाते उघडले आहे. तर भारतीय जनता पार्टीने 19 जागा जिंकत सगळ्यात मोठा पक्ष ठरला आहे. तर जिल्हा परिषद निवडणुकीत अपक्ष आणि ही जिंकल्या चार जागा काँग्रेसला केवळ तीन जागेवर समाधान मानावे लागले आहे.
शिंदेच्या शिवसेनेला 15 जागा मिळाल्या
धाराशिव जिल्हा परिषद चे निकाल हाती आले असून महायुतीला स्पष्ट बहुमत मिळाल आहे. 19 जागा जिंकत भाजपा सर्वात मोठा पक्ष ठरला असून शिंदेच्या शिवसेनेला 15 जागा मिळाल्या आहेत, तर अजित पवारांचे राष्ट्रवादी देखील सहा जागांपर्यंत पोहोचली आहे. जिल्ह्यात एक खासदारांनी दोन आमदार असताना उद्धव ठाकरे यांच्या शिवसेनेला मात्र केवळ सात जागा जिंकता आल्या आहेत, तर काँग्रेसला केवळ तीन जागांवर समाधान मानव लागला असून शरद पवारांच्या राष्ट्रवादीला भोपळाही फोडता आला नाही. तुळजापूर तालुक्यातील मंगरूळ घाटातून समाजवादी पक्षाने अनपेक्षित विजय मिळवून एकच धक्का दिला आहे. निवडणुकीत महायुतीला जरी भरघोस यश मिळाला असला तरी अध्यक्ष कोणाचा होणार? याकडे आता सर्वांचे लक्ष असणार आहे.
महत्त्वाच्या बातम्या
