अजितदादांच्या शोक प्रस्तावाच्या वेळी मुंबई महापालिकेत गोंधळ, भाजप नगरसेवकावर ठाकरेंच्या नगसवेकांनी घेतला आक्षेप
मुंबई महानगर पालिकेत आज दिवंगत उपमुखयमंत्री अजित पावर यांच्या शोक प्रस्तावाच्या वेळी गोंधळ झाल्याचं पाहायला मिळालं.
Mumbai : मुंबई महानगर पालिकेत आज दिवंगत उपमुख्यमंत्री अजित पावर यांच्या शोक प्रस्तावाच्या वेळी गोंधळ झाल्याचं पाहायला मिळालं. भाजपचे नगरसेवक नवनाथ बन शोक प्रस्तावावर बोलत असताना ठाकरेंच्या नगरसेवकांडून गोंधळ घालण्यात आला. नवनाथ बन यांनी धाराशिव येथील 2019 सभेचा उल्लेख करत असताना अजित पवार यांनी स्वतःच्या पदाधिकाऱ्यांना कसं खडसावलं होतं याचा किस्सा त्यांनी सांगितला. पंतप्रधान नरेंद्र मोदी यांच्यावर जी टीका केली त्यावर दादांनी आक्षेप घेतला होता, मात्र आजही काहीजण अॅनाकोंडा वैगरे बोलतात असं नवनाथ बन शोक प्रस्तावार बोलले होते. यावर ठाकरेंच्या सेनेकडून आक्षेप घेण्यात आला.
शोक प्रस्ताव आहे, याच भान नवनाथ बन यांनी ठेवावं, ठाकरेंच्या नगरसेवकांची मागणी
दरम्यान, मुद्द्याला धरुन भाषण केलं जात नसून शोक प्रस्ताव आहे, याच भान नवनाथ बन यांनी ठेवावं अशी मागणी ठाकरेंच्या नगरसेवकांनी केली. ठाकरेंचे नगरसेवक रमाकांत रहाटे, किरण तावडे, हरी शास्त्री इतर नगरसेवकांनी आक्षेप घेतला होता. मी फक्त उदाहरण दिल असं नवनाथ बन यांनी स्पष्टीकरण देऊन नवनाथ बन यांनी आपलं भाषण सुरु ठेवलं. नवनाथ बन यांनी धाराशिव येथील 2019 सभेचा उल्लेख करत असताना अजित पवार यांनी स्वतःच्या पदाधिकाऱ्यांना कसं खडसावलं होतं याचा किस्सा सांगितला होता. त्याचबरोबर पंतप्रधान नरेंद्र मोदी यांच्यावर जी टीका केली त्यावर दादांनी आक्षेप घेतला होता, याच मुद्यावरुन ठाकरेंच्या शिवसेनेच्या नगरसेवकांना बन यांच्यावर आक्षेप घेण्यात आला.
28 जानेवारीला मुंबईवरुन बारामतीला जात असताना अजित पवार यांच्या विमानाचा अपघात
अजित पवार यांच्या विमानाचा भीषण अपघात झाला, या अपघातामध्ये अजित पवार यांच्यासह 5 जणांचा मृत्यू झाल्याची दुर्दैवी घटना घडली. 28 जानेवारी रोजी अजित पवार यांचं विमान मुंबईवरून बारामतीला निघालं होतं. बारामतीच्या धावपट्टीवर उतर असताना विमानाचं नियंत्रण सुटलं आणि हे विमान थेट जमिनिला धडकलं, विमान जमिनिला धडकल्यानंतर घटनास्थळी मोठा स्फोट झाला आणि विमानाला आग लागली. या दुर्घटनेमध्ये अजित पवार यांच्यासह 5 जणांचा मृत्यू झाला. दरम्यान या अपघातावर काही जणांकडून वारंवार शंका उपस्थित करण्यात येत आहेत. राष्ट्रवादी शरद पवार गटाचे आमदार रोहित पवार यांनी या अपघातावर शंका उपस्थित केली आहे.
महत्त्वाच्या बातम्या
