मनोज म्हात्रे हे भिवंडीतील अंजूरफाटा परिसरात राहत होते. काही कामानिमित्त ते त्यांच्या इमारतीखाली आले असताना दोघांनी त्यांच्यावर जीवघेणा हल्ला केला. एकाने म्हात्रेंवर गोळ्या झाडल्या, तर दुसऱ्याने कोयत्याने वार केले.
जखमी अवस्थेतच त्यांना ठाण्यातील ज्युपिटर रुग्णालयात नेण्यात आलं. पण तिथं त्यांना डॉक्टरांनी मृत घोषित केलं. दोन्ही हल्लेखोर फरार झाले असून पोलिस त्यांचा शोध घेत आहेत. मनोज म्हात्रेंच्या निकटवर्तीयांकडे संशयाची सुई फिरत आहे.
काही दिवसांपूर्वीही मनोज म्हात्रेंवर भिवंडीमधील नारपोली भागात हल्ला करण्यात आला होता. त्यामुळे त्यांची हत्या पूर्ववैमनस्यातून झाली असावी असा प्राथमिक अंदाज व्यक्त करण्यात येत आहे. पोलिस या प्रकरणी कसून तपास करत असून मनोज म्हात्रेंचा कुणाशी वाद होता का? याचीही चौकशी सुरु आहे.
पाहा व्हिडिओ :