जुमडे कुटुंबीय डॉ. बाबासाहेब आंबेडकर यांच्या जयंतीनिमित्त मध्य प्रदेशातील महू येथे गेले होते. त्यावेळी परत येताना त्यांच्या स्कॉर्पिओचा आणि ट्रकसोबत भीषण अपघात झाला. रात्री दोन ते तीन वाजताच्या सुमारास अंजनी फाट्याजवळ ही दुर्घटना घडली.
अपघातात जुमडे कुटुंबातील पाच जणांचा मृत्यू झाला, दोघं जण गंभीर जखमी झाले असून एक जण किरकोळ जखमी आहे. मृतांमध्ये आठ महिन्यांच्या बाळाचाही समावेश आहे. मृत कुटुंब मेहकर तालुक्यातील अंजनी गावचे रहिवासी होते.
