अहमदनगर : सोलापूर-नगर हायवेवर झालेल्या भीषण अपघातात पाच वारकऱ्यांचा मृत्यू झाला आहे. या अपघातामुळे आषाढी एकादशी आधी वारकऱ्यांवर शोककळा पसरली आहे. अपघातग्रस्त कुटुंब हे अहमदनगरच्या नेवासा तालुक्यातील खरवंडी गावचे रहिवासी आहेत.
पंढरपूरहून परतत असताना कर्जत तालुक्यात पाटेवाडीजवळ हा भीषण अपघात झाला. कर्जत तालुक्यात पाटेवाडीजवळ वारकर्‍यांच्या स्कार्पिओ कार आणि कंटेनरचाअपघात झाला. अपघातात द्रौपदाबाई कातोरे आणि त्यांचा मुलगा रमेश कातोरे यांच्यासह पाच जण जागीच ठार झाले. तर त्यांचा नातू सत्यम जखमी झाला आहे.
द्रौपदाबाई या पंढरपूरच्या वारीला गेल्या होत्या. मात्र छातीत दूखू लागल्याने त्यांनी यााबाबत घरी कळवले. त्यानंतर रमेश कातोरे आईला घेण्यासाठी पंढरपूरला पोहोचेले. आईला घेऊन पंढरपूरहून परतत असताना विरुद्ध दिशेनं आलेल्या कंटेनरनं पाटेवाडीजवळ त्यांच्या कारला जोरदार धडक दिली.
अपघात इतका भीषण होता की, स्कॉर्पिओ कारचा अक्षरश: चुराडा झाला आहे. स्कॉर्पिओतील सहा वारकऱ्यांपैकी पाच जणांचा मृत्यू झाला असून एक जण गंभीर जखमी आहे.
मृतांची नावे
द्रौपदाबाई भाऊसाहेब कातोरे
भाऊसाहेब लक्ष्मण मळोदे
रमेश भाऊसाहेब कातोरे
दगडू आनंदा भांगे
अंबादास हनुमान डुचे