ठाणे महापालिकेतील कंत्राटी सफाई कामगारांना आतापर्यंत तुटपुंजा पगार देण्यात येत होता. पालिकेनं आज झालेल्या बैठकीत हा निर्णय घेतला आहे. त्यामुळे आता सफाई कामगारांना 22 हजारांचं वेतन देण्यात येईल. आज झालेल्या बैठकीत कंत्राटी सफाई कामगारांचं मूळ वेतन 11 हजार 500 रुपये ठरवण्यात आलं आहे. त्यात टीए आणि डीएसह एकूण पगार 22 हजार होणार आहे. तसंच 2015 पासूनचे अॅरिअर्सही देण्यात येणार आहेत.
ठाणे महापालिकेच्या या निर्णयाचा फायदा जवळपास 11 हजार सफाई कामगारांना मिळणार आहे. ऐन दिवाळीच्या तोंडावर सफाई कर्मचाऱ्यांना पालिकेनं हे गिफ्ट दिलं आहे.