Maharashtra News Live Updates: तीन दिवसांच्या सुट्ट्यांचा परिणाम; पुणे-मुंबई एक्सप्रेस वेवर प्रचंड वाहतूक कोंडी
Maharashtra News Live Updates:
पार्श्वभूमी
Maharashtra News Live Updates: आज 1 मे महाराष्ट्र दिन... महाराष्ट्र दिनानिमित्त राज्यातील सरकारी इमारती, प्रशासकीय कार्यालयं आणि ऐतिहासिक वास्तूंना सजावट करण्यात आलीये. सरकारी इमारती तिरंगी रंगात न्हाऊन निघाल्यात...आज 1 मेचा दिवस...More
परभणी जिल्ह्यातील मानवत तालुक्यातील पाळोदी गावात विद्युत डीपीत झालेल्या स्पार्किंगमुळे भीषण आग लागल्याची घटना घडली.या आगीने काही क्षणांतच आसपासच्या घरांना कवेत घेतल्याने परिसरात मोठी घबराट पसरली.मात्र, सुदैवाने या घटनेत कोणतीही जीवितहानी झाली नाही. गावकऱ्यांनी प्रसंगावधान राखत मोठ्या धैर्याने आणि एकजुटीने आग विझवण्याचे प्रयत्न केले. त्यांच्या तत्परतेमुळे मोठी दुर्घटना टळली.दरम्यान, गावात त्याच दिवशी लग्नसमारंभ सुरू असल्याने आनंदाच्या वातावरणात अचानक भीतीचे सावट पसरले होते. आगीमुळे काही प्रमाणात मालमत्तेचे नुकसान झाले असून नेमके नुकसान किती झाले याचा अंदाज घेतला जात आहे.या घटनेनंतर परिसरात वीज यंत्रणेच्या सुरक्षेबाबत प्रश्नचिन्ह निर्माण झाले असून संबंधित विभागाने तात्काळ दखल घेण्याची मागणी ग्रामस्थांकडून केली जात आहे.
परभणी जिल्ह्यातील मानवत तालुक्यातील पाळोदी गावात विद्युत डीपीत झालेल्या स्पार्किंगमुळे भीषण आग लागल्याची घटना घडली.या आगीने काही क्षणांतच आसपासच्या घरांना कवेत घेतल्याने परिसरात मोठी घबराट पसरली.मात्र, सुदैवाने या घटनेत कोणतीही जीवितहानी झाली नाही. गावकऱ्यांनी प्रसंगावधान राखत मोठ्या धैर्याने आणि एकजुटीने आग विझवण्याचे प्रयत्न केले. त्यांच्या तत्परतेमुळे मोठी दुर्घटना टळली.दरम्यान, गावात त्याच दिवशी लग्नसमारंभ सुरू असल्याने आनंदाच्या वातावरणात अचानक भीतीचे सावट पसरले होते. आगीमुळे काही प्रमाणात मालमत्तेचे नुकसान झाले असून नेमके नुकसान किती झाले याचा अंदाज घेतला जात आहे.या घटनेनंतर परिसरात वीज यंत्रणेच्या सुरक्षेबाबत प्रश्नचिन्ह निर्माण झाले असून संबंधित विभागाने तात्काळ दखल घेण्याची मागणी ग्रामस्थांकडून केली जात आहे.
मुस्लिम समाजाला संरक्षण मिळावे या मागणीसाठी महाराष्ट्र दिनाच्या दिवशी बीडमध्ये लाक्षणिक आंदोलन करण्यात येत आहे. मुस्लिम समाजाच्या संरक्षणासाठी कायदा करावा या प्रमुख मागणीसाठी बीड जिल्हाधिकारी कार्यालयासमोर हे लाक्षणिक आंदोलन करण्यात येत आहे. याचबरोबर महाराष्ट्रातील अनेक नेते बेताल वक्तव्य करत अल्पसंख्याक समाजाला टारगेट करू लागले आहेत. इतकच नाही तर अल्पसंख्याक समाजाच्या राहणीमानावरून देखील टार्गेट केले जात असून यासह मॉब लीचिंग सारखे प्रकार होत असल्याने अल्पसंख्यांक समाजाचा मनात भीतीचे वातावरण असल्याचे आंदोलकांकडून सांगण्यात आले आहे. हे सर्व प्रकार थांबवण्यासाठी सरकारने मुस्लिम समाजासाठी संरक्षणाचा कायदा असावा अशी मागणी या आंदोलकांकडून करण्यात आली आहे. दरम्यान आंदोलनाच्या ठिकाणी आंदोलकांकडून घोषणाबाजी देखील करण्यात आलीये.
काँग्रेस नेते पवन खेडा यांना सर्वोच्च दिलासा
पवन खेडा यांना अटकपूर्व जामीन मंजूर
पवन खेडा यांनी आसामचे मुख्यमंत्री हिमंता शर्मा यांच्याविरोधात असत्य आरोप केले
त्यावरून खेडा यांच्याविरोधात गुन्हा दाखल झाला होता आणि अटकेची टांगती तलवार होती
सर्वोच्च न्यायालयाने आज अटकपूर्व जामीन मंजूर केल्याने खेडा यांना मोठा दिलासा मिळाला आहे
- पुण्यातील सिंहगड किल्ल्याच्या परिसरातून बेपत्ता झालेल्या तरुणीचा मृतदेह सापडला
- हवेली पोलीस स्टेशन ,सिंहगड वनविभाग, अग्निशामक दल, हवेली आपत्ती व्यवस्थापन पथक आणि स्थानिकांनी केलेल्या २ दिवसाच्या अथक शोधकार्या नंतर रात्री खोल दरीत आढळून आला मृतदेह
- मनीषा धर्मदास गायकवाड वय (२८) राहणार धनेगाव , नांदेड..सध्या राहणार बिजलीनगर चिंचवड असे मृत तरुणीचे नाव आहे..
- तरुणीने बुरुजावरून खोल दरीत उडी मारून आत्महत्या केल्याचा प्राथमिक अंदाज व्यक्त करण्यात आलायं..
- संबधित तरुणी २८ एप्रिल २०२६ पासून बेपत्ता झाली होती..तिचा मोबाईल, बॅग आणि इतर साहित्य सिंहगड परिसरात आढळून आल्याने कुटुंबीयांनी हवेली पोलीस स्टेशनमध्ये हरवल्याची तक्रार दाखल केली होती..
- 2 दिवसांच्या अथक प्रयत्नानंतर दोराच्या साहाय्याने रॅपलिंग करत खोल दरीत उतरून मृतदेहापर्यंत पोहोचून मृतदेह शोधण्यात आपत्ती व्यवस्थापन पथकाला यश आलं ..
- घटनेचा पुढील तपास हवेली पोलीस करत असून नेमके कारण अद्याप समोर आलेले नाही.
गडचिरोली पोलीस दलाच्या मुख्यालयात जिल्ह्याचे सह पालकमंत्री आशिष जयस्वाल यांच्या हस्ते मुख्य शासकीय ध्वजारोहण पार पडले. यावेळी सह पालकमंत्र्यांच्या हस्ते गडचिरोली पोलीस दलाचा गौरव करण्यात आला. यंदा 145 अधिकारी आणि कर्मचाऱ्यांना पोलीस महासंचालक सन्मानचिन्ह, तर 425 जणांना सी-60 सेवा पदक जाहीर करण्यात आलं. विशेष म्हणजे सी-60 जवानांच्या शौर्याची दखल घेत प्रथमच हे पदक देण्यात आलं. गडचिरोलीत माओवाद मुक्तीसाठी सी-60 पथकाचं मोठं योगदान असून अनेक नक्षलवाद्यांना कंटस्नान, अटक आणि आत्मसमर्पण घडवून आणण्यात यश मिळवले. दरम्यान, मान्यवरांच्या उपस्थितीत पोलीस दलाचं पथसंचलनही पार पडले.
बीडच्या परळीमध्ये आज महाराष्ट्र दिनानिमित्त माजी मंत्री आमदार धनंजय मुंडे यांच्या हस्ते तहसील कार्यालयात ध्वजारोहण समारंभ संपन्न झाला. यावेळी राष्ट्रध्वजास मानवंदना देण्यात आलीये. ध्वजारोहणानंतर धनंजय मुंडे यांनी उपस्थितांना महाराष्ट्र दिन, कामगार दिन तसेच बुद्ध पौर्णिमेच्या शुभेच्छा दिल्या. याप्रसंगी परळी तालुक्यातील नवनिर्वाचित पोलीस पाटील यांना प्रातिनिधिक स्वरूपात नियुक्ती आदेशांचे वितरण करण्यात आले.
नाशिकच्या सिडको परिसरात भरधाव दुचाकीस्वाराने मारलेल्या बेदरकार कटमुळे झालेल्या अपघातात ५ वर्षीय खुशी गावीत हिचा दुर्दैवी मृत्यू झाला. पाथर्डी फाटा ते मुंबई-आग्रा सर्व्हिस रोडवर कुटुंबासोबत जात असताना अज्ञात दुचाकीस्वाराने अचानक कट मारल्याने त्यांची दुचाकी घसरली. या अपघातात खुशीचे काका रस्त्यावर फेकले गेले, तर खुशीच्या डोक्याला गंभीर दुखापत झाली. उपचारादरम्यान तिचा मृत्यू झाला. पोलिसांनी हिट अँड रनचा गुन्हा दाखल करून अज्ञात दुचाकीस्वाराचा शोध सुरू केला आहे. घटनेचे सीसीटीव्ही फुटेज समोर आले असून, या अपघातामुळे परिसरात संताप व्यक्त केला जात आहे.
सलग तीन दिवस सुट्टी असल्यामुळे पुणे-मुंबई एक्सप्रेसवेवर पुन्हा एकदा मोठी वाहतूक कोंडी झाली आहे. पुण्याकडे जाणाऱ्या मार्गावर वाहतूक ठप्प झाल्याने मुंबईकडे येणारी वाहतूक तात्पुरती थांबवून पुण्याकडील वाहतूक सुरळीत करण्याचा प्रयत्न सुरू आहे. त्यामुळे मुंबईकडे येणारी वाहतूक खोळंबली आहे. कोंडीदरम्यान काही वाहने बंद पडल्याच्या घटनाही समोर आल्या आहेत. दरम्यान, आजच ‘मिसिंग लिंक’ प्रकल्पाच्या लोकार्पण सोहळ्याचे आयोजन करण्यात आले असून, मुख्यमंत्री आणि उपमुख्यमंत्री यांच्या हस्ते हा कार्यक्रम पार पडणार आहे.
भोंदू अशोक खरात याला थोड्याच वेळात पुन्हा न्यायालयात हजर केले जाणार
फसवणुकीच्या गुन्ह्यात अशोक खरातचा ताबा sit ने घेतला आहे
5 कोटी रुपयांच्या फसवणूक प्रकरणात अशोक खरात याच्यावर गुन्हा दाखल करण्यात आलाय
राजेंद्र जासूद याने केलाय अशोक खरात वर फसवणुकीचा गुन्हा दाखल
अशोक खरात याच्यावर दाखल गुन्ह्या पैकी 8 महिला अत्याचार आणि 1 फसवणुकीच्या गुन्ह्याचा sit च्या माध्यमातून सुरू आहे तपास
Sit कडील फसवणुकीच्या गुन्ह्या प्रकरणी होणार आज कोर्टात सूनवणी
पुणे : भाजपच्या पुणे शहर युवा शाखेच्या खजिनदाराने कोंढवा यांना 'पाकिस्तानचे कराची' असे संबोधल्याचा एक व्हिडिओ सोशल मीडियावर समोर आल्यानंतर दोन दिवसांनी, कोंढवा पोलिसांनी त्यांच्याविरोधात गुन्हा दाखल केला आहे. या वक्तव्यामुळे कार्यकर्त्यांनी पोलीस ठाण्याबाहेर निदर्शने केली आणि कारवाईची मागणी केली. या तीव्र प्रतिक्रियेनंतर, पोलिसांनी स्वतःहून दखल घेतली आणि या प्रकरणी एफआयआर दाखल केला. सर्वेश मेहंदळे हा भाजप युवा मोर्चाचा खजिनदार आहे. पोलिसांनी मेहंदळे विरोधात दाखल केलेल्या गुन्ह्यात त्यांनी कलम ३५३ (२) (शांतता भंग करण्यास प्रवृत्त करण्याच्या उद्देशाने हेतुपुरस्सर अपमान करणे) लावले आहेत.
बीड : कामगार कार्यालयात झालेल्या भ्रष्टाचाराची चौकशी करून कामगार अधिकाऱ्यावर गुन्हे दाखल करा, या मागणीसाठी दलित पँथरच्या युवक जिल्हाध्यक्षाने जिल्हाधिकारी कार्यालयासमोर आत्मदहनाचा प्रयत्न केलाय. त्याच्याकडे असलेल्या बंद बॉटलमध्ये असलेला ज्वलनशील पदार्थ अंगावर ओतून हा आत्मदहनाचा प्रयत्न करण्यात आला. यावेळी जिल्हाधिकारी कार्यालयासमोर उभे असलेल्या पोलिसांनी दलित पँथरच्या युवक जिल्हाध्यक्षाला तात्काळ ताब्यात घेतले.
राज्यभरात महाराष्ट्र दिनाचा उत्सव सुरू असतांना नाशिकच्या येवल्यातही महाराष्ट्र दिनाचा जल्लोष साजरा करण्यात आला. झांज ढोल ताशांचा निनाद व हाती भगव्या पताका घेत महिलांच्या अभूतपूर्व उत्साहात भव्य अशी शोभा यात्रा काढण्यात आली. या शोभायात्रेत मराठी सिनेतारका मानसी नाईक ही देखील सहभागी झाली होती. कुणाल दराडे फाउंडेशनने आयोजित केलेली ही शोभा यात्रा टिळक मैदान येथून काढण्यात येऊन येवला शहरातील मध्यवर्ती भागातून शिवसृष्टी येथे आणण्यात आली. या शोभा यात्रेत शहरवासीयांनीही मोठी उपस्थिती लावली. सिने तारका मानसी नाईक यांनी मराठीचे महत्व विषद करत महाराष्ट्र दिनाच्या उपस्थितांना शुभेच्छा दिल्या.
वाशिमच्या अमरावती-कारंजा मार्गावर टाकळी गावाजवळ कापसाने भरलेल्या महिंद्रा पिकअप वाहनाला अचानक आग लागल्याची घटना घडली. ही गाडी कामरगावहून अमरावतीकडे कापूस विक्रीसाठी जात असताना काही अंतरावरच कापसाने पेट घेतला. चालकाने तत्काळ वाहन रस्त्याच्या कडेला लावून आपला जीव वाचवला. घटनेची माहिती मिळताच कारंजा अग्निशमन दलाने आग विझवण्याचा प्रयत्न केला, मात्र या आगीत कापूस आणि वाहनाचे मोठे नुकसान झाले. शेतकरी वजीर शहा यांना मोठा आर्थिक फटका बसला आहे.
बच्चू कडू यांच्या शिंदे गटात प्रवेशाचे महिला व बाल विकास मंत्री आदिती तटकरे यांनी स्वागत केले आहे. काम करण्याची त्यांची पद्धत प्रभावी असून दिव्यांगांच्या प्रश्नांवर त्यांनी नेहमीच महत्त्वाची भूमिका बजावली आहे, असे त्या म्हणाल्या. समितीचे अध्यक्ष म्हणूनही त्यांनी चांगले काम केले असून आता सरकारला त्यांच्याकडून उपयुक्त सूचना मिळत राहतील, असा विश्वास त्यांनी व्यक्त केला. तसेच विधान परिषदेत मंत्रीपदाची संधी मिळाल्याबद्दल त्यांनी त्यांचे अभिनंदन केले. शेतकरी आणि दिव्यांगांच्या प्रश्नांबाबत बच्चू कडू यांची आत्मीयता अधिक असल्याचेही त्यांनी नमूद केले.
कलिंगड खाल्ल्यानंतर एकाच कुटुंबातील चौघांच्या मृत्यूप्रकरणी मोठी अपडेट
मृतांचे महत्वाचे अवयव हिरवट पडल्याचे प्राथमिक फॉरेन्सिक चाचणीत समोर
मृतांचा मेंदू, हृदय आणि आतडी हिरवट पडल्याची माहिती
तज्ञांच्या मते सामान्य अन्न विषबाधेपेक्षा ही स्थिती वेगळी
विषबाधेची शक्यता डॉक्टरांकडून वर्तवण्यात आली
असे बदल जेव्हा एकाच वेळी अनेक अवयवांमध्ये दिसतात, तेव्हा एखाद्या विषारी घटकाचा शरीरभर संपर्काकडे डॉक्टरांचे संकेत
नवीन खुलास्यामुळे चौघांच्या मृत्यूला घेऊन संशय आणखीन बळावला
तर अब्दुल्ला यांच्या शरीरात मोर्फिन देखील आढळली
म्हाडाकडून जोगेश्वरी येथील पीएमजीपी वसाहतीच्या समूह पुनर्विकास प्रकल्पास गती
प्रकल्पातील रहिवाश्यांसमवेत PAAA (Permanent Alternate Accommodation Agreement) करार प्रक्रियेस सुरुवात
पूनम नगर परिसरातील पीएमजीपी वसाहतीच्या पुनर्विकासाचा प्रश्न सुमारे १५ वर्षांपासून प्रलंबित होता
१९९० च्या दशकात उभारण्यात आलेल्या तळ अधिक चार मजल्यांच्या १७ इमारती अत्यंत जीर्ण व धोकादायक अवस्थेत होत्या
यामध्ये १८० चौ फुटांच्या ९४२ निवासी सदनिका तसेच ४२ अनिवासी गाळ्यांचा समावेश
७ एकर क्षेत्राची प्रकल्प उभा राहणार असून यामध्ये ४५,७०८ चौ.मी. पुनर्वसन घटक तर ७६,१८१ चौ.मी. विक्री घटक समाविष्ट असणार
रहिवाश्यांना १८० चौ.फुटांच्या सदनिकेऐवजी ४५० चौ.फुटांच्या सदनिका दिल्या जाणार
रहिवाशांच्या मागणीनुसार म्हाडाने हा प्रकल्प हाती घेत राज्य शासनाकडे प्रस्ताव सादर
पुनर्विकास कालावधीत रहिवाशांना दरमहा २० हजार रुपये भाडे, तसेच ३ वर्षांचे आगाऊ भाडे आणि स्थलांतर खर्च २० हजार रुपये म्हाडाकडून दिले जाणार
खासगी विकसकांकडून अपेक्षित प्रतिसाद न मिळाल्याने म्हाडाने स्वतः पुढाकार घेत EPC (Engineering, Procurement and Construction) पद्धतीने प्रकल्प राबविण्याचा निर्णय
ह्या प्रकल्पाची एकूण गुंतवणूक अंदाजे ८९३ कोटी रुपये असल्याची माहिती
जन्म प्रमाणपत्र घोटाळा प्रकरणी मुंबई महानगपालिकेची मोठी कारवाई करण्यात आली आहे. तब्बल ८७,१४९ जन्म प्रमाणपत्र रद्द करण्यात आली आहेत. जुन्या पद्धतीने हे प्रमाणपत्र देण्यात आले होते. पालिकेच्या आरोग्य विभागातील अधिकाऱ्यांनी चुकीच्या पद्धतीने हे जन्म प्रमाणपत्र दिली असल्याचा भाजप नेते किरीट सोमय्या यांचा आरोप
या प्रकरणी पालिकेचे आणखी एक आरोग्य अधिकारी डॉ.शैलेंद्र गुजर यांना सस्पेंड करण्यात आले आहे.आता पर्यंत मुंबई महानगपरपालिकेचे सहा अधिकाऱ्यांवर कारवाई करण्यात आल्याची माहिती किरीट सोमय्या यांनी दिली आहे.
मध्य प्रदेशच्या जबलपूरजवळ नर्मदा नदीवरील बरगी धरणात क्रूझ बुडाली.. आतापर्यंत सहा जणांचे मृतदेह सापडले.. दोन महिलांचा समावेश.. अजूनही दहा जण बेपत्ता आहेत. एनडीआरएफकडून तपास सुरू.. क्रुझमध्ये एकूण ३९ प्रवाशांचा होता समावेश.. मध्यप्रदेश सरकारकडून मृतांच्या नातेवाईकांना चार लाख रुपयांचा मोबदला घोषित.
आजपासून राज्यभरात डिजिटल जनगणनेला सुरुवात.. भारताच्या जनगणनेच्या इतिहासात प्रथमच नागरिकांना ‘स्व-गणना’ करण्याचा पर्याय उपलब्ध.. ३३ प्रश्नांची द्यावी लागणार उत्तरं, जिल्हा प्रशासनांची यंत्रणा सज्ज...
व्यावसायिक सिलिंडरच्या दरात ९९३ रुपयांची वाढ, १९ किलोच्या सिलिंडरसाठी मोजावे लागणार ३ हजार ७१ रुपये, घरगुती सिलेंडरच्या दरात कोणतीही वाढ नाही.
मुंबई-पुणे द्रुतगती मार्गावरील मिसिंग लिंकचं आज लोकार्पण, मुख्यमंत्री फडणवीस आणि दोन्ही उपमुख्यमंत्री राहणार उपस्थित, मुंबई- पुणे प्रवासाची २५ ते ३० मिनिटं कमी होणार.
आज महाराष्ट्र दिन, राज्यपालांकडून झेडावंदन, मुख्यमंत्री फडणवीसांकडून हुतात्मा चौकात अभिवादन, दोन्ही उपमुख्यमंत्र्यांकडून महाराष्ट्र दिनाच्या शुभेच्छा.
कबाडी गोडाऊनला रात्रीच्या सुमारास अचानक आग लागली. बघताबघता आगीनं रौद्ररूप धारण केल्यानं आगीचे भीषण लोळ आकाशात दिसू लागल्यानं नागरिकांमध्ये मोठं भीतीचं वातावरण पसरलं. गोडाऊन परिसरात रहिवाशी वसाहत असल्यानं नागरिकांनी तत्काळ तुमसर नगर पालिकेच्या अग्निशमन दलाला पाचारण करून आगीवर नियंत्रण मिळवलं. या आगीत कुठडलीही जीवितहानी झाली नसली तरी, कबाडी व्यावसायिकाचं यात लाखो रुपयांचं नुकसान झालं. शॉर्ट सर्किटमुळं ही आग लागल्याचा प्राथमिक अंदाज वर्तविण्यात येतं आहे. तुमसर पोलीस अधिकचा तपास करीत आहे.
- मुख्यपृष्ठ
- बातम्या
- Maharashtra News Live Updates: तीन दिवसांच्या सुट्ट्यांचा परिणाम; पुणे-मुंबई एक्सप्रेस वेवर प्रचंड वाहतूक कोंडी