Maharashtra News Live Updates: लातूरमध्ये उष्माघाताने नऊ महिन्याच्या बाळाचा मृत्यू झाल्याचा संश

25/04/2026 15:36:41

Latur News: लातूरमध्ये उष्माघाताने नऊ महिन्याच्या बाळाचा मृत्यू झाल्याचा संशय, जिल्ह्यातील मृतांचा आकडा दोनवर

लातूर जिल्ह्यात वाढत्या उष्णतेमुळे उष्माघाताच्या घटनांमध्ये वाढ होत असून औसा तालुक्यातील गोंद्री येथे ९ महिन्यांच्या बाळाचा उष्माघाताने मृत्यू झाल्याचा संशय व्यक्त केला जात आहे. काही दिवसांपूर्वी औराद शहाजनी येथे ६० वर्षीय शेतकऱ्याचाही उष्माघाताने मृत्यू झाला होता, त्यामुळे जिल्ह्यातील मृतांचा आकडा दोनवर पोहोचला आहे.

सध्या तापमान ४० ते ४१ अंश सेल्सिअसपर्यंत जात असून लहान मुले, ज्येष्ठ नागरिक आणि शेतकरी वर्ग धोक्यात आहेत. आरोग्य विभागाने नागरिकांना दुपारच्या कडक उन्हात बाहेर पडणे टाळावे, भरपूर पाणी प्यावे आणि विशेषतः लहान मुलांची काळजी घ्यावी, असे आवाहन केले आहे.

25/04/2026 11:57:06

वर्षा निवासस्थानी मुख्यमंत्री देवेंद्र फडणवीस आणि उद्धव ठाकरे यांची भेट? प्रकाश आंबेडकर यांच्या प्रबुद्ध भारत या मीडिया हाऊसकडून दावा

वर्षा निवासस्थानी बुधवारी मध्यरात्री मुख्यमंत्री देवेंद्र फडणवीस आणि उद्धव ठाकरे यांची भेट झाल्याचं वृत्त आहे. प्रकाश आंबेडकर यांच्या प्रबुद्ध भारत या मीडिया हाऊसकडून हा दावा करण्यात आलाय. मात्र या चर्चांना दोन्ही पक्षांनी दुजोरा दिलेला नाही. खासदार संजय राऊत यांनीही यावर भाष्य करण्यास नकार दिला. बैठक झाली का हे दोन नेतेच सांगू शकतील असं राऊत म्हणाले. विधान परिषदेच्या निवडणुकांच्या अनुषंगाने भेट झाल्याची चर्चा आहे. विधान परिषद बिनविरोध व्हावी यासाठी फडणवीस आणि उद्धव ठाकरे भेटले असल्याची चर्चा आहे. मात्र दोन्ही पक्षांच्या नेत्यांकडून या चर्चेला दुजोरा मिळालेला नाही. ही बातमी खरी असल्याचा प्रबुद्ध भारत या मीडिया हाऊसचा दावा आहे.

25/04/2026 11:53:42

बुलढाण्यात शिवसेनेचे आमदार संजय गायकवाड यांच्या प्रतिमेला दुग्धाभिषेक;

बुलढाण्याचे शिवसेनेचे आमदार संजय गायकवाड यांनी शिवाजी कोण होता.? या पुस्तकाच्या प्रकाशकाला अश्लील शिवीगाळ केली व जीवे मारण्याची धमकी दिली त्यानंतर राज्यभरात आ.संजय गायकवाड हे टिकेचे धनी होत आहेत. मात्र बुलढाणा मतदारसंघातील मोताळा व बुलढाण्यातही आ. गायकवाड यांच्या कार्यकर्त्यांनी संजय गायकवाड यांच्या प्रतिमेला दुग्धाभिषेक घालत आ. संजय गायकवाड यांच्या समर्थनार्थ घोषणाबाजी केली. यामुळे पुन्हा जिल्ह्यात खळबळ उडाली आहे.

25/04/2026 11:26:45

सैनिकांच्या जिल्हा साताऱ्यात अभिमानाचा क्षण; शहीद कर्नल संतोष महाडिक स्मारकाला 24 युवा आर्मी अधिकाऱ्यांची मानवंदना

सातारा... शौर्याची परंपरा जपणारी भूमी... सैनिकांचा जिल्हा म्हणून ओळख असलेला सातारा आज पुन्हा एकदा अभिमानाने उंचावला. देशासाठी सर्वोच्च बलिदान देणारे शहीद कर्नल संतोष महाडिक यांच्या पवित्र स्मारकाला पुण्यातून आलेल्या २४ युवा आर्मी अधिकाऱ्यांनी भावपूर्ण मानवंदना दिली.एनडीएमधून उत्तीर्ण होऊन भारतीय सैन्य दलातील विविध रेजिमेंटमध्ये सेवेसाठी सज्ज झालेल्या या तरुण अधिकाऱ्यांनी साताऱ्याच्या वीरभूमीत येत शौर्याला सलाम केला. कर्नल संतोष महाडिक यांच्या स्मारकास भेट देताना प्रत्येक अधिकाऱ्याच्या चेहऱ्यावर देशसेवेचा अभिमान आणि प्रेरणेची भावना दिसून येत होती.यावेळी साताऱ्यातील आजी-माजी सैनिक, सैनिक परिवार तसेच नागरिक मोठ्या संख्येने उपस्थित होते. माजी सैनिकांनी या युवा अधिकाऱ्यांचे सैनिकी शिस्तीत सॅल्युट करून स्वागत केले. हा क्षण उपस्थित प्रत्येकासाठी अभिमानाचा आणि भावनिक ठरला.कार्यक्रमात बोलताना प्रशांत कदम, माजी सैनिक तसेच सैनिक फेडरेशन महाराष्ट्र राज्य यांनी सातारा जिल्ह्याच्या शौर्यगाथेचा उल्लेख केला. सातारा हा फक्त जिल्हा नाही, तर सैनिक घडवणारी भूमी आहे... या मातीतून अनेक वीर जवान, अधिकारी आणि शहीद देशसेवेसाठी पुढे गेले आहेत, असे त्यांनी सांगितले.सातारा जिल्ह्यातील पहिले वॉर मेमोरियल पाहण्यासाठीही हे अधिकारी खास आले होते. देशसेवेचा अभिमान, बलिदानाची आठवण आणि नव्या पिढीच्या खांद्यावरची जबाबदारी... या सर्व भावनांनी आज साताऱ्याची भूमी पुन्हा एकदा भारावून गेली. सैनिकांचा जिल्हा म्हणून साताऱ्याचा मान आज पुन्हा अधोरेखित झाला..

25/04/2026 10:13:35

पोलिस अधिकाऱ्याचा शिवसेनेच्या पदाधिकाऱ्यावर चाकूहल्ला

आठवडा भराच्या अंतरावरच पुन्हा एकदा पुंडलिक नगर रस्त्यावर राडा झाल्याची घटना समोर आली आहे. रात्री अकरा वाजेच्या सुमारास पोलिस अधिकाऱ्याने सत्ताधारी शिवसेनेचे उपविभाग प्रमुख विकास नरवडे आणि त्यांच्या कुटुंबावर चाकू हल्ला केल्याचा प्रकार उघडकीस आला. या घटनेमुळे रात्री शेकडोंचा जमाव रस्त्यावर जमला होता. यात नरवडे यांच्या गालापासून ते माने पर्यंत चाकूचे वार आहेत. त्यांना खाजगी रुग्णालयात दाखल करण्यात आले असून उपचार सुरू आहे. प्रत्यक्षदर्शींनी दिलेल्या माहितीनुसार, यातील आरोपी आणि जखमी असलेले शेजारी वास्तव्यास आहेत. दोघांच्याही तीन मजली इमारती आहे, त्यातून गाडी लावण्यावरून अशा काही किरकोळ कारणावरून त्यांच्यात सातत्याने कुरबुरी सुरू असतात. यातूनच त्यांच्यात रात्री पुन्हा एकदा वाद उफाळला. रात्री एकमेकांना शिवीगाळ सुरू असताना पोलिस कर्मचाऱ्याने आपल्या काही पोलिस मित्रांना घटनास्थळी बोलावून घेतले. त्यातून त्यांना संपवून टाकण्याची भाषा वापरून त्यांच्यावर चाकूने वार केले. यात शिवसेना पदाधिकाऱ्यांच्या घरातील तिघे जण जखमी झाले असल्याची माहिती आहे.

25/04/2026 10:12:26

देशातील विज मागणीचा उच्चांक! एप्रिल महिन्यात विजेच्या मागणीने 240 GWचा टप्पा गाठला

देशातील विज मागणीचा उच्चांक!

एप्रिल महिन्यात विजेच्या मागणीने 240 GW चा टप्पा गाठला

गेल्या वर्षी जून महिन्यात विजेची सर्वाधिक मागणी 242.77 GW इतकी नोंदवली गेली होती

वाढती उष्णता आणि एप्रिल महिन्यापासूनच सुरू झालेल्या उष्णतेच्या लाटांच्या (Heatwaves) प्रभावामुळे देशभरात विजेच्या मागणीत लक्षणीय वाढ झालीय

विद्युत मंत्रालयाने स्पष्ट केले आहे की, या उन्हाळी हंगामात आतापर्यंत नोंदवली गेलेली विजेच्या मागणीची ही सर्वोच्च पातळी आहे

कमाल तापमान 40 ते 45 अंश सेल्सिअसच्या दरम्यान असल्याने आणि उष्णतेच्या लाटांचा प्रभाव असल्यामुळे, वातानुकूलित यंत्रे (AC), कुलर्स आणि पंख्यांचा वापर मोठ्या प्रमाणात वाढला आहे

कृषी क्षेत्रात पंप संचांचा वापर वाढल्यामुळेही विजेचा खप वाढला आहे

या उन्हाळ्यात विजेची सर्वाधिक मागणी अंदाजे 270 GW पर्यंत पोहोचू शकते असा अंदाज विद्युत विभागाने वर्तवला आहे

विजेचा कोणताही तुटवडा निर्माण होणार नाही याची खात्री करण्यासाठी सरकार विविध उपाययोजना करत आहे

देशाची सध्याची वीज निर्मिती क्षमता 524 GW इतकी आहे

विद्युत विभागाने सांगितले आहे की, ते 270 GW पर्यंतची मागणी सहजपणे पूर्ण करू शकतात आणि वीज पुरवठ्यात कोणत्याही प्रकारचा व्यत्यय येणार नाही

25/04/2026 09:17:22

बुलढाण्यात शिवीगाळ परिषद घ्यावी लागेल...! संजय गायकवाडला तात्काळ अटक करा, दीपक केदार यांची मुख्यमंत्र्यांकडे मागणी

"शिव्या फक्त संजय गायकवाड लाच येतात का...? हे आम्हाला शिव्या शिकवणार का..? आमचं आणि शिव्यांचं नातं जुनं आहे...! असं करा.... बुलढाण्याला शिवीगाळ परिषदच लावा. तेव्हा यांना शिवीचा अर्थ काढून खेळ गुंडाळला जाईल... आमच्या जर दोन-तीन बाया कामाला लावल्या तर हे विचार करूनच मरतील...!" अशी टीका ऑल इंडिया पॅंथर सेनेचे दीपक केदार यांनी आमदार संजय गायकवाड यांच्यावर केली आहे. रात्री ते सांगली येथील कार्यक्रमात बोलत होते. शिवाजी कोण होता...? या पुस्तकाचे प्रकाशक प्रशांत आंबी यांना अश्लील शिवीगाळ केल्याप्रकरणी व धमकी दिल्या प्रकरणी आ संजय गायकवाड यांना अटक करा अशी मागणी ही दीपक केदार यांनी मुख्यमंत्र्यांकडे केली आहे.

25/04/2026 08:28:39

जळगाव एमआयडीसीत कपाशीच्या कंटेनरला भीषण आग; दोन बंबांच्या सहाय्याने आगीवर नियंत्रण

जळगाव एमआयडीसी परिसरातील के. के. कॅनजवळ कपाशीच्या गाठींनी भरलेल्या कंटेनरला भीषण आग लागली. भररस्त्यात कंटेनरमधून धूर आणि ज्वाळा निघाल्याने परिसरात खळबळ उडाली. माहिती मिळताच अग्निशमन दलाने तातडीने घटनास्थळी धाव घेत दोन गाड्यांच्या सहाय्याने आगीवर नियंत्रण मिळवले. या घटनेत हजारो रुपयांचे नुकसान झाले असले, तरी मोठा अनर्थ टळला. प्राथमिक अंदाजानुसार, कडक उन्हामुळे कंटेनरमधील कपाशीने पेट घेतल्याने आग लागली असावी. मात्र, आगीचे नेमके कारण अद्याप स्पष्ट झालेले नाही.

25/04/2026 08:26:44

भोंदू अशोक खरात विरोधात आणखी एक गुन्हा दाखल; 8 कोटी 76 लाखांच्या फसवणुकीचा गुन्हा

भोंदू अशोक खरात विरोधात आणखी एक गुन्हा दाखल

नाशिक च्या सरकारवाडा पोलिसात रात्री उशिरा झाला गुन्हा दाखल

भोंदू अशोक खरातवर ८ कोटी ७६ लाखांच्या फसवणुकीचा गुन्हा

सीए ललित पोफळे यांच्याकडून मृत्यूचा योग टाळण्याच्या बहाण्याने पैसे उकळले

आई-वडिलांच्या मृत्यूची भीती दाखवत अवतारपूजेचा बनाव

सरकारवाडा पोलिस ठाण्यात उशिरा रात्री गुन्हा दाखल

पोफळे हे खरातच्या ट्रस्टचे विश्वस्त, आर्थिक व्यवहारांची माहिती

या आधी ललित पोफळे ची झाली आहे चौकशी

प्रकरणात आर्थिक गैरव्यवहारांचे मोठे धागेदोरे समोर येण्याची शक्यता

अशोक खरात विरोधात लैंगिक शोषणाचे 8 तर आर्थिक फसवणुकीचे 9 गुन्हे आतापर्यंत दाखल

25/04/2026 08:25:38

कांदा झाकण्यासाठी गेलेल्या शेतकऱ्याचा वीज पडून मृत्यू, बार्शीतल्या श्रीपत पिंपरी येथील धक्कादायक घटना

बार्शी तालुक्यातील श्रीपत पिंपरी येथे अवकाळी पाऊससह विजांच्या कडकडाटात शेतात काम करत असलेल्या शेतकऱ्याचा वीज पडून मृत्यू झाल्याची दुर्दैवी घटन घडली. बाळासाहेब तानाजी गरदडे असे मृत शेतकऱ्याचे नाव असून, या घटनेमुळे परिसरात हळहळ व्यक्त होत आहे. गरदडे कुटुंब शेतीवर उदरनिर्वाह करत असून सध्या कांदा काढणीचे काम सुरू होते. काही कांदा घराशेजारी तर काह शेतातील आंब्याच्या ठेवण्यात आला होता. झाडाखाली अचानक हवामानात बदल होऊन जोरदार वारा, विजांचा कडकडाट आणि पावसाला सुरुवात झाली. पावसापासून कांद वाचवण्यासाठी कुटुंबातील सदस्य वेगवेगळ्या ठिकाणी धावले. त्यावेळ बाळासाहेब गरडे हे शेतातील कांद ताडपत्रीने झाकण्यासाठी आंब्याच्य झाडाखाली गेले.पाऊस थांबल्यानंतर बराच वेळ होऊनही ते परत न आल्याने कुटुंबीयांन शेतात जाऊन पाहणी केली असता जमिनीवर निपचित अवस्थेत आढळलू विजेचा जोरदार झटका बसल्याने गंभीररीत्या भाजले गेले होते, त्यांच जागीच मृत्यू झाला

25/04/2026 08:14:54

गर्भपाताच्या गोळ्या देणाऱ्या बोगस डॉक्टरसह एजंटला अटक

गर्भपाताच्या गोळ्या देणाऱ्या बोगस डॉक्टरसह एजंटला अटक

पन्हाळा तालुक्यातील माजगाव पैकी खोतवाडी इथं कारवाई

स्थानिक गुन्हे अन्वेषण शाखा आणि आरोग्य विभाग मिळून कारवाई

पोलिसांनी ऋषिकेश खोत आणि ऋषिकेश माने या दोघांना केली अटक

ऋषिकेश खोत याने बीएचएमएस शिक्षण अर्धवट सोडून थाटला दवाखाना

25/04/2026 08:13:18

धारावी पुनर्विकासात मोठा दिलासा; इमारती-चाळीतील रहिवाशांना आता सुमारे 500 चौ.फुट घराचा प्रस्ताव

धारावी पुनर्विकास प्रकल्पांतर्गत इमारती, चाळी आणि सोसायटीमधील रहिवाशांसाठी राज्य सरकारने मोठा दिलासा देणारा प्रस्ताव मांडला आहे. या प्रस्तावानुसार, नॉन-स्लम रहिवाशांना मिळणाऱ्या पुनर्वसन घराचा किमान आकार वाढवून सुमारे 500 चौ.फुट करण्याचा निर्णय सुचवण्यात आला आहे.

नगरविकास विभागाने 12 मार्च 2026 रोजी यासंदर्भात अधिसूचना काढली असून, 23 एप्रिल रोजी ती प्रसिद्ध करण्यात आली आहे. या माध्यमातून मुंबईसाठी लागू असलेल्या विकास नियंत्रण व प्रोत्साहन नियमावली (DCPR 2034) मधील तरतुदींमध्ये बदल करण्याचा प्रस्ताव ठेवण्यात आला आहे.

या प्रस्तावानुसार, पात्र रहिवाशांना किमान 370 चौ.फुट कार्पेट एरिया आणि त्यावर 35 टक्के अतिरिक्त (फंजिबल) जागा देण्यात येणार आहे. त्यामुळे एकूण घराचा आकार सुमारे 500 चौ.फुट इतका होईल. तसेच, जुन्या घराच्या कार्पेट एरियाएवढे पुनर्वसन घर देण्यात येणार असून त्याची कमाल मर्यादा 70 चौ.मीटर (सुमारे 753 चौ.फुट) ठेवण्यात आली आहे. ही संपूर्ण जागा मोफत देण्यात येणार आहे. मात्र, यापेक्षा जास्त जागा हवी असल्यास रहिवाशांना बांधकाम खर्च भरावा लागणार आहे.

25/04/2026 08:09:37

साखर उद्योगासमोर असणाऱ्या विविध समस्यांवर उपाययोजना सुचविण्यासाठी राज्य सरकारकडून मुख्य सचिवांच्या अध्यक्षतेखाली समिती गठीत

राज्यातील साखर उद्योगासमोर असलेल्या विविध अडचणी आणि गाळप हंगाम २०२६-२७ सुरु करण्यासंदर्भातील आवश्यक उपाययोजनांवर विचार करणार

सोबतच, साखर कारखान्यांनी केलेल्या मागण्यांबाबत देखील समिती अभ्यास करणार

मुख्य सचिवांसोबतच वित्त, कृषि, ऊर्जा, उद्योग, सहकार व पणन विभागांचे वरीष्ठ अधिकारी, सहकार आयुक्त, साखर आयुक्त तसेच महाराष्ट्र राज्य सहकारी बँकेचे व्यवस्थापकीय संचालक देखील समितीत

साखरेचा एमएसपी न वाढल्यामुळे साखर कारखाने अडचणीत आली असल्याची बाब सरकारच्या निदर्शनास आणली गेली होती

त्यानंतर साखर उद्योगाला मदत करण्याच्या उद्देशाने सरकारने कार्यवाही सुरु केली आहे

दरम्यान, मुख्यमंत्री देवेंद्र फडणवीस यांच्या अध्यक्षतेखाली २४ मार्च रोजी साखर उद्योग प्रश्नांवर बैठक घेण्यात आली होती

त्यानंतर मुख्यमंत्री देवेंद्र फडणवीस यांनी मुख्य सचिवांच्या अध्यक्षतेखाली समिती बनवण्याचे निर्देश दिले होते

याप्रकरणी राज्य सरकारकडून शासन निर्णय जारी करण्यात आला आहे

25/04/2026 07:36:23

Nagpur : शाळेतील अल्पवयीन विद्यार्थिनीला मारहाण केल्या प्रकरणी शिक्षिकेविरुद्ध गुन्हा दाखल

- शाळेतील अल्पवयीन विद्यार्थिनीला मारहाण केल्या प्रकरणी शिक्षिकेविरुद्ध गुन्हा दाखल,

- नागपूरच्या दयानंद आर्या या शाळेतील हा प्रकार.. जरीपटका पोलीस ठाण्यात गुन्हा दाखल..

* आरोपी शिक्षिका फोनवर बोलताना विद्यार्थिनींनी लघुशंकेसाठी विचारणा केली, यावर संतापात शिक्षिकेने केस पकडून मारहाण केली, तिचे डोके बँचवर आपटण्याचा प्रयत्न केल्याचा आरोप..

- या प्रकरणानंतर शिक्षिकेला कारणे दाखवा नोटीस बजावण्यात आली असता शिक्षिकेच्या पतीने शाळेत जाऊन दमदाटी करत मुख्याध्यापिकेला धमकी ही दिल्याचा आरोप

25/04/2026 07:35:51

धाराशिवमध्ये संरक्षण साहित्य निर्मितीचा मोठा प्रकल्प; 2000 कोटी गुंतवणूक; 3000 तरुणांना रोजगार

धाराशिवमध्ये ‘ग्लोब फोर्ज लिमिटेड’कडून कौडगाव एमआयडीसीत सुमारे २००० कोटींचा संरक्षण प्रकल्प उभारला जाणार आहे. पहिल्या टप्प्यात १००० एकरवर TNT व प्रोपेलेंट निर्मिती होईल. यामुळे ३००० पेक्षा अधिक तरुणांना रोजगार मिळणार असून प्रकल्पाला राज्य शासनाने ‘इंटिग्रेटेड प्रोजेक्ट’चा दर्जा दिला आहे. तर भविष्यात ५००० एकरवर मोठा ‘डिफेन्स हब’ उभारण्याचे नियोजन असल्याची माहिती भाजप आमदार तथा मित्रा संस्थेचे उपाध्यक्ष राणाजगजितसिंह पाटील यांनी दिली.

25/04/2026 07:05:54

भंडाऱ्यात एसटी बस नं बापलेकाला चिरडल्याची थरारक घटना सीसीटीव्हीत चित्रित; संतप्त नागरिकांचा रात्री उशिरापर्यंत राडा

भंडारा एसटी आगारातील एसटी बस रिव्हर्स घेत असताना तिथं उभ्या असलेला एका दुचाकीवरील बापलेकाचा चिरडून दुर्दैवी मृत्यू झाला. ही घटना काल रात्री भंडारा शहरातील एसटी आगारात घडली. ही थरारक घटना सीसीटीव्हीत चित्रित झाली आहे. मृतकाचा आरो प्लांट असून त्या माध्यमातून तो शहरातील विविध भागात पिण्याच्या पाण्याची कॅन पुरवठा करतो. काल ती कॅन परत घेण्याकरिता गेला असता बस मध्ये चिरडून ही दुर्दैवी घटना घडली. भंडारा शहरातील चांदणी चौकातील रोहित खेडकर (३०) आणि त्यांचा तीन वर्षांचा पुतण्या रौनक खेडकर असं या अपघातात मृत पावलेल्यांची नावं आहे. घटनेची माहिती मिळताच शहरातील संतप्त आप्तेष्ट आणि शेकडो नागरिक एसटी आगारात पोहचले. रात्री उशिरापर्यंत मोठ्या प्रमाणात जमाव होता, त्यांनी चांगलाच राडा केला. एसटी महामंडळाच्या अधिकाऱ्यांनी तोडगा काढून मृतकाच्या कुटुंबाला आर्थिक मदत देण्याचं आश्वासन दिल्यानंतर रात्री उशिरा नागरिकांनी नमतं घेतं आंदोलन थांबविलं.

25/04/2026 06:25:27

शासनाच्या सकारात्मक भूमिकेनंतर कर्मचारी-शिक्षकांचा संप स्थगित

राज्यातील सुमारे १८ लाख सरकारी कर्मचारी आणि शिक्षकांनी २१ एप्रिल २०२६ पासून सुरू केलेला बेमुदत संप शासनासोबत झालेल्या चर्चेनंतर स्थगित करण्यात आला आहे. २२ एप्रिलला मुख्य सचिवांसोबत चर्चा होऊन प्रलंबित मागण्यांवर सकारात्मक भूमिका घेण्याचे आश्वासन देण्यात आले. निवृत्तीवेतन, भरती प्रक्रिया, प्रगती योजना आदी मुद्द्यांवर निर्णयाची तयारी दर्शवण्यात आली. या पार्श्वभूमीवर समन्वय समितीच्या बैठकीत २५ एप्रिलपासून संप मागे घेण्याचा निर्णय जाहीर करण्यात आला.

25/04/2026 06:24:51

जळगावात मनपा अतिक्रमण हटाव मोहीम कर्मचाऱ्यासोबत महिलेची हुज्जत

जळगाव शहरात महापालिकेकडून अतिक्रमण हटाव मोहिम राबवली जात आहे. या कारवाईत रस्त्यांवरच्या अतिक्रमित हातगाड्या, टपऱ्या, लहान मोठे शेड तसंच वाहने जप्त केली जातायत. ही कारवाई सुरू असताना अनेक ठिकाणी वादाचे प्रकार घडतायत. अतिक्रमण निर्मूलन विभागाच्या पथकाने मानराज पार्क ते खोटेनगर दरम्यान आज कारवाई केली. यावेळी काही व्यावसायिकांनी पथकाशी हुज्जत घातली. एका महिलेने तर चांगलाच वाद घालत कारवाईला विरोध केला. परंतु, त्याला न जुमानता कारवाई करण्यात आली.

25/04/2026 06:24:09

भिवंडीत डॉक्टरांच्या हलगर्जीपणामुळे रुग्णाचा मृत्यू

भिवंडीतील राहनाळ गावात राहणाऱ्या 35 वर्षीय नितीन विश्वनाथ वाघमारे यांच्या छातीत दुखू लागल्याने अंजुरफाटा परिसरातील नोबेल मल्टीस्पेशालिटी हॉस्पिटल येथे रात्री आला. तेथील डॉक्टर अफात खान यांनी त्याचा टू डी इको काढला परंतु तो नॉर्मल आल्याने डॉक्टरांनी इंजोग्राफी करण्यास सांगितले त्यामध्ये छोटा ब्लॉकेज असल्याचे सांगून काढण्यासाठी इंजेक्शन व गोळ्याने ठीक होईल असे सांगितले कुटुंबीय औषध आणण्यास गेले असताना डॉक्टर अफात खान रुग्णावर उपचार न करता निघून गेले.व रुग्ण नितीन यास अतिदक्षता विभागात हलविले. याठिकाणी डॉ.देवयानी पाटील यांनी त्यांना इंजेक्शन दिले.पण या नंतर रात्री नितीन याची प्रकृती अधिक खालावली व त्याने रक्ताची उलटी केली. नातेवाईकांनी डॉक्टरांना सांगितले की तुमच्याकडून परिस्थिती सुधारत नसेल तर आम्ही दुसऱ्या दवाखान्यात जातो परंतु डॉक्टरांनी जाऊ दिले नाही मात्र त्यानंतर सकाळी नितीन याचा उपचारा दरम्यान दुर्दैवी मृत्यू झाला आहे.नितीन याच्या मृत्यू नंतर त्याच्या नातेवाईकांनी रुग्णालय परिसरात गोंधळ घालत रुग्णाच्या मृत्यूस रुग्णालयातील डॉक्टर व रुग्णालय प्रशासन जबाबदार असल्याचा आरोप कुटुंबियांनी केला आहे.तसा तक्रार अर्ज स्थानिक नारपोली पोलिस ठाण्यात कुटुंबियांनी दिला आहे.त्यानंतर पोलिसांनी रुग्णालयात येत मृतदेह शासकीय उपजिल्हा रुग्णालयात शवविच्छेदन केले असता मृतदेहाचा व्हीसेरा सुरक्षित न्याय वैद्यकीय तपासणी साठी मुंबई येथे पाठवला आहे.तर डॉक्टरांना चौकशी साठी पोलिस ठाण्यात घेऊन गेले असून या प्रकरणात रुग्णालय प्रशासनाकडून कॅमेऱ्यावर बोलण्यास नकार देण्यात आला आहे.

Maharashtra News Live Updates: लातूरमध्ये उष्माघाताने नऊ महिन्याच्या बाळाचा मृत्यू झाल्याचा संशय, जिल्ह्यातील मृतांचा आकडा दोनवर

Maharashtra News Live Updates: राज्यासह देश-विदेशातील महत्वाच्या घडामोडी, एका क्लिकवर...

पार्श्वभूमी