Maharashtra Live News Updates: मुंबादेवीत बेवारस बॅग सापडल्याने खळबळ; पोलिसांसह बॉम्ब शोध पथक घ

31/05/2026 12:54:05

धनंजय देशमुख यांच्यावर बीड ग्रामीण पोलीस ठाण्यात जीवे मारण्याचा प्रयत्न केल्याप्रकरणी गुन्हा दाखल

बीड ब्रेक: मृत सरपंच संतोष देशमुख यांचे भाऊ धनंजय देशमुख यांच्यावर बीड ग्रामीण पोलीस ठाण्यात जीवे मारण्याचा प्रयत्न केल्याप्रकरणी गुन्हा दाखल

दादा खिंडकर यांचा भाऊ समाधान खिंडकर यांच्या तक्रारीवरून गुन्हा दाखल करण्यात आला

एका हॉटेलवर जेवणासाठी बसले असताना धनंजय देशमुख याने अंगरक्षका जवळील पिस्टल काढून जीवे मारण्याची धमकी दिली

या प्रकरणात ग्रामीण पोलीस ठाण्यात 192/2026, कलम 109,352,351,(2),3 (5) प्रमाणे गुन्हा दाखल करण्यात आला आहे

या प्रकरणाचा बीड पोलीस अधिक तपास करत आहेत परंतु या घटनेमुळे खळबळ उडाली आहे

दोन दिवसांपूर्वी समाधान खिंडकर याने देशमुख हत्या प्रकरणातील साक्षीदार दादा खिंडकरला जीवे मारण्याची धमकी दिल्याने शिवाजीनगर पोलीस ठाण्यात गुन्हा दाखल झाला होता

31/05/2026 12:13:27

जळगाव शहरातील म्हाळसादेवी मंदिरातील दानपेटी फोडून रोकड, मौल्यवान वस्तू लंपास; संपूर्ण घटना सीसीटीव्ही कॅमेऱ्यात कैद !

जळगाव शहराजवळील ममुराबाद रस्त्यावरील म्हाळसादेवी मंदिरातील दानपेटी फोडून रोकड व मौल्यवान वस्तू लंपास केल्याची घटना रात्री घडली. चोरट्याने मंदिराच्या खिडकीची जाळी कापून आत प्रवेश करत चोरी केली. ही संपूर्ण घटना सीसीटीव्ही कॅमेऱ्यात कैद झाली असून संशयिताचा चेहराही स्पष्ट दिसत आहे. घटनेची माहिती मिळताच तालुका पोलिसांनी श्वान पथकासह घटनास्थळी धाव घेतली असून गुन्हा दाखल करण्यात आला आहे.

31/05/2026 11:32:39

अंतरवाली सराटीहून परतीच्या प्रवासात वाहनाचा अपघात; एकाचा मृत्यू तर दोघे गंभीर जखमी

मराठा आंदोलक मनोज जरांगे पाटील यांचे उपोषण मागे घेतल्यानंतर अंतरवाली सराटीहून परतीच्या प्रवासादरम्यान अपघातात एकाचा मृत्यू तर दोन जण गंभीर जखमी आहेत. जखमींवर सध्या बीडच्या खाजगी रुग्णालयात उपचार सुरू आहे. रामचंद्र शंकर जमदाडे असे मृत्यू झालेल्या व्यक्तीचे नाव असून इतर दोघेजण गंभीर जखमी आहेत. मराठा आरक्षणाच्या मागणी करिता काल जरांगे पाटील यांचे उपोषण सुरू होते. याच उपोषणा करिता मोठ्या संख्येने विविध जिल्ह्यातून मराठा बांधव सहभागी झाले होते. रामचंद्र जमदाडे देखील आपल्या सहकाऱ्यांसोबत अंतरवाली सराटी येथे गेले होते. याचवेळी रात्री घरी परतताना हा अपघात झाला आहे.

31/05/2026 10:39:06

भिवंडीत मान्सूनपूर्व पावसाची जोरदार हजेरी; उकाड्याने त्रस्त नागरिकांना दिलासा, वातावरणात गारवा

भिवंडी शहरासह ग्रामीणमध्ये शनिवारी रात्री मान्सूनपूर्व पावसाने जोरदार हजेरी लावली.त्यामुळे उकाड्याने त्रस्त नागरिकांना काही प्रमाणात दिलासा मिळाला आहे. या पावसाने काही वेळासाठी वातावरणात गारवा निर्माण झाला होता.मध्यरात्री नंतर पावसाने जोरदार हजेरी लावली.तर सकाळच्या वेळेसही पावसाच्या सरी बरसल्या.त्यामुळे उकाड्याने हैराण नागरिकांमध्ये मान्सूनची चाहूल दिसून आली.

31/05/2026 10:31:45

सोलापूर विधान परिषद, अजूनही भाजप उमेदवाराच्या नावाचा घोळ कायम, संभाव्य उमेदवारांना कागदपत्र तयार ठेवण्याच्या सूचना

महायुतीसाठी सेफ म्हणून ओळखल्या जाणाऱ्या सोलापूर विधान परिषद जागेवरील भाजप उमेदवाराची घोषणा अद्याप न झाल्याने सर्वच इच्छुक उमेदवार टेन्शनमध्ये आहेत. सोलापूर विधान परिषद निवडणुकीत भाजप हा सर्वात मोठा पक्ष असल्याने ही जागा महायुतीत भाजपकडे आलेली आहे. मात्र उद्या उमेदवारी दाखल करायचा शेवट दिवस असतानाही अद्याप भाजपकडून उमेदवाराच्या नावाची घोषणा न झाल्याने भाजपमधील घोळ अजून कायम असल्याचे दिसत आहे. दरम्यान सोलापूर विधान परिषदेसाठी इच्छुक असणाऱ्या राजेंद्र राऊत यांनी कालच उमेदवारी अर्ज घेतलेला असला तरी आज प्रशांत परिचारक रश्मी बागल आणि शहाजी पवार यांनाही आपली कागदपत्रे तयार ठेवण्याच्या सूचना पक्षाकडून मिळाल्याची माहिती आहे. त्यामुळे आता या चौघातील कोणाला उमेदवारी मिळणार हा प्रश्नही अजून अनुत्तरीत आहे.
दरम्यान राष्ट्रवादी शरद पवार गटाचे आमदार उत्तम जानकर यांचे चिरंजीव जीवन जानकर यांनी सोलापूर विधान परिषदेसाठी अपक्ष उमेदवारी अर्ज दाखल केलेला आहे. याच पद्धतीने शिवसेना शिंदे गटाचे रमेश बारस्कर यांनीही आपला उमेदवारी अर्ज दाखल केला आहे. सोलापूर विधान परिषद जागाही महाविकास आघाडीत काँग्रेस पक्षाकडे असल्याने पंढरपूर काँग्रेसचे पदाधिकारी आदित्य फत्तेपूरकर हे देखील उद्या उमेदवारी दाखल करणार असल्याची माहिती मिळत आहे.

31/05/2026 09:24:52

मध्य आणि हार्बर रेल्वेवर आज रविवार निमित्त पाच तासांचा मेगाब्लॉक

मध्य आणि हार्बर रेल्वेवर आज रविवार निमित्त मेगा ब्लॉक घेण्यात येणार आहे. मध्य रेल्वेवर छत्रपती शिवाजी महाराज टर्मिनस ते विद्याविहार स्थानकादरम्यान सकाळी १०:५५ ते दुपारी ३:५५ या वेळेत तर हार्बर रेल्वेवर कुर्ला ते वाशी दरम्यान सकाळी ११:१० ते दुपारी ४:१० असा प्रत्येकी पाच तासांचा मेगा ब्लॉक घेण्यात येणार आहे, या दरम्यान रेल्वेची रखडलेली काम करण्यात येतील,

31/05/2026 09:15:55

कोल्हापूर-बोईसर एसटी बसचा अपघात; 5 ते 6 प्रवासी किरकोळ जखमी

कोल्हापूरहून बोईसरकडे येणाऱ्या एसटी बसचा आज वाघोबा खिंड परिसरात, गुजरात लेनवरील ढेकाळे गावाच्या हद्दीत अपघात झाला. हा अपघात सुमारे दहा मिनिटांपूर्वी घडल्याची प्राथमिक माहिती आहे.

या अपघातात बसमधील ५ ते ६ प्रवासी किरकोळ जखमी झाले आहेत. अपघाताची माहिती मिळताच महामार्ग पोलीस मदत केंद्र, मनोर येथील पोलिसांनी तातडीने घटनास्थळी धाव घेत मदतकार्य सुरू केले.

जखमी प्रवाशांना एनएचएआयच्या ॲम्बुलन्सद्वारे उपचारासाठी ग्रामीण रुग्णालय, मनोर येथे दाखल करण्यात आले आहे.

सुदैवाने अपघातात कोणतीही जीवितहानी झालेली नसून जखमींची प्रकृती स्थिर असल्याची प्राथमिक माहिती मिळाली आहे.

अपघाताचे नेमके कारण अद्याप समजू शकले नसून पुढील तपास सुरू आहे.

31/05/2026 09:15:53

कोल्हापूर-बोईसर एसटी बसचा अपघात; 5 ते 6 प्रवासी किरकोळ जखमी

कोल्हापूरहून बोईसरकडे येणाऱ्या एसटी बसचा आज वाघोबा खिंड परिसरात, गुजरात लेनवरील ढेकाळे गावाच्या हद्दीत अपघात झाला. हा अपघात सुमारे दहा मिनिटांपूर्वी घडल्याची प्राथमिक माहिती आहे.

या अपघातात बसमधील ५ ते ६ प्रवासी किरकोळ जखमी झाले आहेत. अपघाताची माहिती मिळताच महामार्ग पोलीस मदत केंद्र, मनोर येथील पोलिसांनी तातडीने घटनास्थळी धाव घेत मदतकार्य सुरू केले.

जखमी प्रवाशांना एनएचएआयच्या ॲम्बुलन्सद्वारे उपचारासाठी ग्रामीण रुग्णालय, मनोर येथे दाखल करण्यात आले आहे.

सुदैवाने अपघातात कोणतीही जीवितहानी झालेली नसून जखमींची प्रकृती स्थिर असल्याची प्राथमिक माहिती मिळाली आहे.

अपघाताचे नेमके कारण अद्याप समजू शकले नसून पुढील तपास सुरू आहे.

31/05/2026 09:15:07

भंडारा - गोंदिया विधान परिषदेच्या उमेदवारांची नावं अद्यापही गुलदस्त्यात

भंडारा आणि गोंदिया विधानपरिषद निवडणुकीचा नामनिर्देशन फॉर्म भरण्याचा उद्या शेवटचा दिवस आहे. महाविकास आघाडी असो किंवा महायुतीच्या वतीनं त्यांच्या उमेदवारांच्या नावाची घोषणा केलेली नसल्यानं मतदारांमध्ये उमेदवारांबाबत सस्पेन्स वाढलेला आहे. भंडारा-गोंदियाची जागा महायुतीकडून भाजप आणि महाविकास आघाडीच्या वतीनं काँग्रेस लढणार एवढं मात्र निश्चित झालंय. भाजपकडून अविनाश ब्राह्मणकर हे संभाव्य उमेदवार म्हणून त्यांचं नाव घेतल्या जात आहे. तर काँग्रेसकडून गोंदियाचे प्रफुल्ल अग्रवाल यांचे नावं समोर आहे. महायुतीकडून लढण्यासाठी राष्ट्रवादी काँग्रेसचे आणि भंडाऱ्याचे सहकार महर्षी सुनील फुंडे हे तयारीत असून वेळप्रसंगी ते भाजपात पक्षप्रवेश करण्याच्या तयारीत आहेत. यांच्यासोबत भाजपचे माजी खासदार सुनील मेंढे, प्रकाश बाळबुधे यांनीही उमेदवारी मिळविण्यासाठी प्रयत्न चालविले आहेत. काँग्रेस आणि भाजपकडून आज नावांची घोषणा होण्याची शक्यता वर्तविण्यात येत आहे. मात्र, नावांबाबत अजूनही क्लिअर झालं नसल्यानं सर्वांचीच उत्कंठा शिगेला पोहोचलेली आहे. जी नावं चर्चेत आहे त्यांच्या व्यतिरिक्त अन्य कुठलं नाव समोर येते का? याबाबतही सध्या चर्चा रंगलेली आहे.

31/05/2026 09:01:56

पुण्याच्या विषारी दारूच्या घटनेनंतर भंडारा पोलीस ॲक्शन मोडवर; मोहफुल हातभट्टी केल्यात उद्ध्वस्त

पुणे इथं विषारी दारू पिल्यानं अनेकांचा मृत्यू झाला. यामुळं राज्यातील पोलीस ॲक्शन मोडवर असून भंडारा पोलिसांनीही महफूल हातभट्टी चालकांच्या विरोधात मोहीम राबविली आहे. साकोली आणि जवाहरनगर पोलिसांनी त्यांच्या भागात असलेल्या विविध हातभट्टीवर कारवाई करताना हातभट्ट्या उध्वस्त केल्यात. पोलिसांनी केलेल्या या कारवाईत १३ जणांविरोधात गुन्हा दाखल करण्यात आला असून त्यांच्याकडील सुमारे १३ लाखांचे देशी दारू बनविण्याचं साहित्य जप्त केलं. तर काही हातभट्ट्या उध्वस्त केल्यात.

31/05/2026 08:43:55

छत्रपती संभाजीनगरमध्ये NIAची कारवाई; शहरातील वाळूज भागातून एकाला घेतलं ताब्यात

छत्रपती संभाजीनगरातील वाळूज MIDC परिसरात आज सकाळपासून केंद्रीय तपास यंत्रणेकडून मोठे सर्च ऑपरेशन सुरू करण्यात आले आहे. वाळूजमधील कमलापूर फाटा परिसरातील अविनाश कॉलनी येथे हे ऑपरेशन सुरू असल्याची माहिती समोर आली आहे. प्राथमिक माहितीनुसार, बोगस आधार कार्ड, हत्यारे तसेच पाकिस्तानशी संबंध असल्याच्या संशयावरून ही कारवाई सुरू करण्यात आली आहे. तपास यंत्रणांनी परिसरात मोठा बंदोबस्त तैनात केला असून संबंधित ठिकाणी कसून चौकशी सुरू आहे.

31/05/2026 08:42:11

कर्जत-खोपोली राज्य मार्गालगत अज्ञात महिलेचा मृतदेह; हत्या की घातपात? चर्चांना उधाण

रायगड जिल्ह्यातील कर्जत-खोपोली राज्यमार्गावर पळसदरी परिसरात एका महिलेचा कुजलेल्या अवस्थेत मृतदेह सापडल्याने परिसरात खळबळ निर्माण झाली आहे. साधारण ३५ ते ४० वयोमानातील ही महिला असल्याचा अंदाज वर्तविण्यात येत आहे. आजूबाजूला दुर्गंधी पसरल्यानंतर स्थानिक नागरिकांना याबाबत संशय निर्माण झाला त्यानंतर त्यांनी कर्जत पोलिसांना यासंदर्भातील माहिती दिली.
मृत महिला कुर्ती व निळ्या रंगाची पँट परिधान केलेली असून मृतदेह सुमारे आठ दिवसांपूर्वीचा असल्याचा प्राथमिक अंदाज व्यक्त करण्यात येत आहे. तिच्या उजव्या हातात एक बांगडी आढळून आली आहे.त्यामुळे पोलिस या महिलेची ओळख पटवत आहेत.सदर महिलेचा मृत्यू नेमका कशामुळे झाला, तिची हत्या करण्यात आली का, अथवा तिच्यासोबत कोणताही गैरप्रकार झाला आहे का, याचा तपास रायगड पोलीस करीत आहेत. मृत महिलेची ओळख पटविण्याचे प्रयत्न सुरू असून शवविच्छेदन अहवालानंतर अधिक माहिती स्पष्ट होणार आहे. यासाठी पोलिस उपनिरीक्षक मीनल शिंदे, सहाय्यक पोलिस उपनिरीक्षक शरद रोकडे, हवालदार लालासाहेब तोरवे यांच्यासह त्यांचे पथक काम करत आहेत.

31/05/2026 07:59:01

भंडाऱ्याच्या खराबीत मुलानं केली दिव्यांग वडिलांची फावड्यानं निर्घृण हत्या; मोहाडी पोलिसांनी केली आरोपीला अटक

घरगुती वादातून मद्यपी मुलानं दिव्यांग वडिलांची फावड्यानं निर्घृण हत्या केली. ही घटना भंडारा जिल्ह्यातील तुमसर तालुक्यातील खरबी इथं घडली. तुकडु बावणे असं ६५ वर्षीय मृत व्यक्तीचं नावं आहे. मद्यपी मुलगा आणि वडिलांचा वाद सुरू होता, यावेळी मध्यस्थी करायला गेलेला १५ वर्षीय आर्यन बावणे हा गंभीर जखमी झाला. सध्या त्याच्यावर तुमसर उपजिल्हा रुग्णालयात उपचार करण्यात येत आहे. गणेश उर्फ सोनु बावणे (२७) असं आरोपी मुलाचं नावं असून त्याला मोहाडी पोलिसांनी अटक केली आहे.

31/05/2026 07:50:56

बसवराज पाटलांना विधान परिषदेची उमेदवारी निश्चित होताच समर्थकांमध्ये उत्साह शिगेला

माजी मंत्री बसवराज पाटलांना विधान परिषदेची उमेदवारी निश्चित होताच समर्थकांमध्ये उत्साह शिगेला

बसवराज पाटील यांचं मूळ गाव असलेल्या धाराशिवच्या मुरूम येथे फटाक्यांची आतषबाजी, गुलालाची उधळण करत जल्लोष

उस्मानाबाद बीड लातूर विधानपरिषद मतदारसंघासाठी भाजपकडून बसवराज पाटलांना संधी

बसवराज पाटलांना उमेदवारी मिळाल्यानंतर समर्थकांकडून जल्लोष

लातूर ग्रामीण जिल्हाध्यक्ष असलेल्या बसवराज पाटलांच्या उमेदवारीने लातूर आणि धाराशिव मध्ये कार्यकर्त्यांमध्ये उत्साह

सोमवारी बसवराज पाटील आपला उमेदवारी अर्ज दाखल करणार

31/05/2026 07:50:14

मुंबईत ढगांच्या गडगडाटासह पावसाच्या जोरदार सरी

मुंबईत ढगांच्या गडगडाटासह पावसाच्या जोरदार सरी, पालघरसह मुंबईला यलो अलर्ट, तर पुढील सात दिवसांत मान्सूनचं आगमन होणार, हवामान खात्याचा अंदाज...

31/05/2026 07:49:53

मनोज जरांगे यांची तब्येत खालावली

मराठा आरक्षणासंबंधित विविध मागण्यांसाठी उपोषणाला बसलेल्या मनोज जरांगे यांची काल तब्येत खालावली होती.. राज्य सरकारचं शिष्टमंडळ भेटीला येण्यापूर्वी मनोज जरांगेंना उलट्यांचा त्रासही झाला.. त्यानंतर डॉक्टरांनी त्यांची तपासणी केली. त्यांच्यावर आता संभाजीनगरमधील रुग्णालयात उपचार सुरू आहेत...

Maharashtra Live News Updates: मुंबादेवीत बेवारस बॅग सापडल्याने खळबळ; पोलिसांसह बॉम्ब शोध पथक घटनास्थळी दाखल

Maharashtra Live News Updates In Marathi: राज्यातील आणि देश-विदेशातील अशाच ताज्या घडामोडी आणि लेटेस्ट अपडेट्स मिळवण्यासाठी क्लिक करा...

पार्श्वभूमी