Maharashtra Live Breaking News Updates: मोठी बातमी : एकनाथ शिंदेंचा सर्वात मोठा धक्का, सचिन अहिर यांचा शिंदेंच्या शिवसेनेकडून उपसभापती पदासाठी अर्ज!
Maharashtra Live Breaking News Updates: नसरापूर चिमुकली अत्याचार आणि हत्या प्रकरणी पुणे जिल्हा सत्र न्यायालय आज अंतिम फैसला सुनावणार आहे.
पार्श्वभूमी
Maharashtra Live Breaking News Updates: नसरापूर चिमुकली अत्याचार आणि हत्या प्रकरणी पुणे जिल्हा सत्र न्यायालय आज अंतिम फैसला सुनावणार आहे. 65 वर्षीय आरोपी भीमराव कांबळेला फाशी मिळणार की जन्मठेप हे आज...More
सचिन अहिर यांनी भारतीय कामगार सेनेच्या अध्यक्ष पदावरून राजीनामा दिला
एकनाथ शिंदे यांच्या शिवसेनेतून उपसभापती पदासाठी उमेदवारी अर्ज भरल्यानंतर राजीनामा
अक्कलकोट मध्ये दोन वर्षाच्या चिमुकल्याच्या कानाला मोकाट डुकराचा चावा
दोन वर्षाच्या चिमुकल्यावर मोकाट डुकराचा थरारक हल्ला
सार्थक काशिनाथ माळगे असे डुकराच्या हल्ल्यात जखमी झालेल्या चिमुकल्याचे नाव
अक्कलकोट शहरातील जंगी प्लॉटमध्ये घडली दुर्दैवी घटना
डुकराच्या हल्ल्यामुळे चिमुकलाच्या कानाला पडले 14 टाके
मोकाट डुकराच्या थरारक हल्ल्यानंतर बराच वेळ समर्थ बेशुद्ध अवस्थेत
सुदैवाने समर्थची प्रकृती सध्या स्थिर असून त्याच्यावर रुग्णालयात उपचार सुरू
खासदार फोडताना देखील सचिन अहिर हे उद्धव ठाकरेंचं नाही तर एकनाथ शिंदेंचे काम करत होते. त्याची बक्षिस एकनाथ शिंदे यांनी दिली आहे..
भविष्यात 12 पेक्षा जास्त आमदार फुटतील. - अब्दुल सत्तार
सचिन अहिर यांच्या शिंदे शिवसेनेत प्रवेशानंतर आदित्य ठाकरे यांना मोठा धक्का
वरळी मतदारसंघात ठाकरेंच्या शिवसेनेचे दोन विधान परिषदेचे आमदार होते त्यातील सचिन अहिर होते
मागील काही दिवसांपासून सचिन अहिर यांना शिंदे शिवसेनेकडून प्रवेशाची ऑफर देण्यात आल्याची सूत्रांची माहिती
खासदार संजय दिना पाटील यांच्या प्रवेशानंतर सचिन अहिर हे पक्षप्रवेश करण्यासाठी तयार झाल्याची माहिती...
विधान परिषदेच्या उपसभापती पदाची निवडणूक पाहता शिंदे शिवसेनेकडून त्यांना उपसभापती पदाची संधी देण्यात येईल असा आश्वासन देण्यात आलं... त्यानंतर तातडीने शिंदे शिवसेनेत प्रवेश करण्याचा निर्णय सचिन अहिर यांनी घेतल्याची माहिती
वरळी मतदारसंघात सचिन अहिर यांची वेगळी ताकद आहे... पक्ष संघटनेसाठी त्यांनी वरळी मतदारसंघात काम केला आहे शिवाय कामगार संघटनांच्या एकजुटीमध्ये सुद्धा त्यांचा सहभाग आहे
त्यामुळे सचिन अहिर यांच्या जाण्याने ठाकरेंच्या शिवसेनेला मोठा धक्का वरळी मतदारसंघाचा विचार केला तर पाहायला मिळतोय
दोडामार्ग शहरातील सुरुचीवाडी येथे घराच्या आवारात दारू पिण्यास आणि गैरकृत्य करण्यास मज्जाव केल्याचा राग मनात धरून एका अनोळखी तरुणाने दोघांना चाकू दाखवून जीवे मारण्याची धमकी दिली. याप्रकरणी रोहन चव्हाण यांनी दोडामार्ग पोलिस ठाण्यात फिर्याद दाखल केली आहे. अज्ञात संशयिताविरुद्ध विविध कलमांखाली गुन्हा दाखल करण्यात आला आहे. दोडामार्गचे नगराध्यक्ष चेतन चव्हाण यांचा भाऊ रोहन चव्हाण हे घरी होते. यावेळी त्यांच्या घरासमोरील बांधकाम सुरू असलेल्या इमारतीच्या कंपाऊंडमध्ये एक अनोळखी तरुण दारू पीत उभा असल्याचे त्यांना दिसले. तसेच त्याच्यासोबत एक मुलगी असल्याचे निदर्शनास आले. त्यांनी त्या तरुणाला येथे अशी कृत्ये करू नका, असे सांगितले असता त्या अनोळखी तरुणाने चव्हाण यांच्याशी हुज्जत घालण्यास सुरुवात केली. त्यानंतर तो तरुण हातात चाकू घेऊन चव्हाण यांच्यावर वार करण्याच्या उद्देशाने त्यांच्या मागे धावून आला. यावेळी घरासमोरील शुभम मुळगावर वाद मिटवण्यासाठी आले असता त्याने दोघांनाही शिवीगाळ करत जीवे मारण्याची धमकी दिली. यानंतर तो अनोळखी तरुण त्याच्या मैत्रिणीसह 'स्वीफ्ट' कार मधून पसार झाला.
भिवंडी टीईटी पेपर फुटी प्रकरण मोठी अपडेट
टीइटी पेपर फुटी प्रकरणात पटना मधून मोठी अपडेट
टीईटी पेपर फुटी प्रकरणात पटना येथे गेलेल्या पथकाने एका महिलेला अटक केली आहे
TET पेपर फुटी प्रकरणात मास्टरमाइंड असलेल्या बीजेंदर कुमार गुप्ता याच्या पत्नीला पोलिसांनी केली अटक
सुमन कुमारी गुप्ता असे अटक केलेल्या महिलेचे नाव आहे
सुमन कुमारी गुप्ता यांच्या आर्थिक व्यवहारात पोलिसांना संशय
तसेच पोलीस तपासात सहकार्य करत नसल्याचा आरोप
सुमन कुमारी गुप्ता हिला अटक करण्यात आली आहे
गोंदिया जिल्ह्यात मध्यरात्री सुमारे दोन तास जोरदार पावसाने हजेरी लावली. त्यानंतरही गोंदिया जिल्ह्यात अनेक ठिकाणी रिमझिम पाऊस सुरू आहे. या पावसामुळे वातावरणात गारवा निर्माण झाला असून गेल्या अनेक दिवसांपासून उकाड्याने त्रस्त असलेल्या नागरिकांना दिलासा मिळाला आहे. दुसरीकडे, पावसामुळे शेतजमिनीत ओलावा निर्माण झाल्याने खरीप हंगामातील पेरणीच्या कामांना वेग येण्याची शक्यता आहे. तर पेरणी केलेल्या धान पिकाच्या नर्सरीला फायदा होणार आहे. पावसामुळे शेतकऱ्यांमध्ये आनंदाचे वातावरण असून दमदार पावसाची प्रतीक्षा कायम आहे.
मुंबईकडे जाणाऱ्या लोकल ही १० ते १५ मिनिटे उशिरा
मध्य रेल्वे वर ठाण्याच्या दिशेने जाणाऱ्या लोकल सुमारे १५ मिनिटे उशिराने
नवी मुंबईत पडलेल्या मुसळधार पावसाचा फटका सायन - पनवेल हायवेला
पुणे वरून मुंबई ला जाणाऱ्या मार्गीकेवर वाहतूक कोंडी
सानपाडा , जुईनगर , नेरूळ ते सीबीडी पर्यंत वाहतूक कोंडी
वाहतूक कोंडीचा फटका ॲंम्बुलन्स गाडीला
वाहतूक कोंडीत अडकली अॅम्ब्युलन्स गाडी
पुढची चार वर्षे पाणी टंचाई राहणारच ; गारगाई धरण, निक्षारीकरण प्रकल्पातून पाणी मिळण्यास चार वर्षे लागणार
मुंबई महापालिका गारगाई धरण आणि समुद्राच्या पाण्यापासून गोडे पाणी अशा दोन प्रकल्पांना गती देत आहे
या दोन प्रकल्पांमुळे पाणी पुरवठ्यात प्रतिदिन १०४० दशलक्षलीटरची वाढ होणार
मात्र हे तीनही प्रकल्प पूर्ण होण्यास किमान चार वर्षांचा कालावधी लागणार
त्यामुळे पुढची किमान चार वर्षे तरी मुंबईकरांना पाणी टंचाईला सामोरे जावे लागणार
पण हे प्रकल्प पूर्ण झाल्यानंतर पाण्याच्या मागणीतही वाढ होणार असल्याचे म्हंटले जात आहे
धरणातील पाणीसाठा ७ टक्क्यांवर पाणी कपात वाढणार ? आज होणार आढावा बैठक
मुंबई शहरात पावसाला सुरुवात मात्र धरणक्षेत्राकडे अजूनही पावसाची पाठ
सध्याची स्थिती आणि धरणातील पाणीसाठा पाहता भविष्यात पाणीटंचाई निर्माण होण्याची शक्यता
याच संदर्भात आज पाणीसाठ्याबाबत आढावा घेतला जाणार असून पाणी कपात वाढण्याची शक्यता
सध्या असलेला पाणीसाठा, राखीव साठा आणि पाणी कपात हे गृहित धरून १७ ऑगस्टपर्यंत पुरेल इतका पाणीसाठा शिल्लक
मात्र येत्या काळात पाऊस चांगला झाला नाही तर पाणी कपात वाढवण्याचा निर्णय घेण्याशिवाय पर्याय नाही
TET पेपर फुटी प्रकरणात अपडेट
टीईटी पेपर फुटी प्रकरणात आग्र्याच्या प्रिंटिंग प्रेस मध्ये पोलिसांची चौकशी सुरू
प्रिंटिंग प्रेस मध्ये चौकशीसाठी पाच ऑफिसर चे पथक दाखल
पेपर आल्यापासून प्रिंटिंग प्रेस मधील सीसीटीव्ही तपासण्यात येत असून कोण आल आणि कोण बाहेर गेलं याची तपासणी
पेपर फुटी प्रकरणात कोण कोण सहभागी आहे याची चौकशी केली जात आहे
प्रिंटिंग प्रेस मधील कर्मचाऱ्यांची देखील चौकशी सुरू आहे
पटना येथे आरोपींच्या शोधात गेलेल्या पोलीस पथकाने एका महिलेला ताब्यात घेतला आहे
तपासात सहकार्य करत नसल्याने या महिलेला ताब्यात घेण्यात आला आहे
केतन अग्रवाल हत्याप्रकरणाच्या तपासादरम्यान आता एक मोठी कायदेशीर घडामोड समोर आली आहे.
-आरोपी सिया गोयलचा भाऊ साहिल गोयलला अॅडव्होकेट आशुतोष श्रीवास्तव यांनी थेट 10 कोटी रुपयांच्या नुकसानभरपाईची कायदेशीर नोटीस बजावली आहे.
-वडगाव मावळ न्यायालयातील सुनावणीदरम्यान सिया गोयलने "माझे वकील आशुतोष श्रीवास्तव नसून विपुल दुशिंग आहेत," असे सांगितले, त्यानंतर हा वाद निर्माण झालाय.
-आशुतोष श्रीवास्तव यांना सियाचे अधिकृत वकीलपत्र मिळाले नव्हते, मात्र ते माध्यमांसमोर येऊन सियाची बाजू मांडत होते. ही बाब गोयल कुटुंबियांना खटकत होती. काल न्यायालयात ही श्रीवास्तव यांनी सहभाग घेत, सियाच्या बाजूने युक्तिवाद केला. त्यावेळी सियाने श्रीवास्तव माझे वकील नसून दूशिंग आहेत, हे न्यायासमोर स्पष्ट केलं. मग श्रीवास्तव यांना न्यायालयातून काढता पाय घ्यावा लागला. त्यावेळी श्रीवास्तव चांगलेच संतापले होते.
-साहिल गोयलने खोटे, बिनबुडाचे आणि बदनामीकारक आरोप करून आपल्या व्यावसायिक प्रतिष्ठेला धक्का पोहोचवल्याचा दावा करत, आता आशुतोष श्रीवास्तव यांनी 10 कोटी रुपयांच्या नुकसानभरपाईची मागणी केली आहे.
-आरोप मागे घेऊन, 48 तासांत सार्वजनिक माफी मागण्याची अट टाकण्यात आलीये. तसेच भविष्यात असे आरोप न करण्याचे लेखी आश्वासन देण्याचीही मागणी नोटिशीत करण्यात आली आहे. आता या कायदेशीर नोटिशीला साहिल गोयल काय उत्तर देतात, याकडे सर्वांचे लक्ष लागले आहे.
नागपूरच्या सीताबर्डी किल्ल्यावर 108 फूट उंच राष्ट्रीय ध्वज फडकवण्यात आले...
भोसले राजे आणि ब्रिटिश सैन्य दरम्यान झालेल्या 1818 मध्ये झालेल्या ऐतिहासिक युद्धाचा साक्षीदार असलेल्या नागपूरच्या सीताबर्डी किल्ल्यावर 108 फूट उंचीचा राष्ट्रध्वज काल दिमाखात फडकवण्यात आले...
सैन्याच्या उत्तर महाराष्ट्र व गुजरात सब एरिया तुकडीचे मुख्य कार्यालय नागपुरात असून त्यांनी फ्लॅग फाउंडेशन ऑफ इंडियाच्या मदतीने सीताबर्डी किल्ल्यावर हे 108 फूट उंच ध्वजस्तंभ उभारून त्यावर राष्ट्रीय ध्वज फडकवले...
नागपुरातील अनेक भागातून दुरून सीताबर्डी किल्ल्यावर फडकवण्यात आलेले हे उंच राष्ट्रीय ध्वज दिसेल अशी व्यवस्था करण्यात आली आहे
नालासोपारा पूर्व येथील मणीचापाडा परिसरातील श्रीराम इंग्लिश हायस्कूल अँड ज्युनिअर कॉलेज येथे अज्ञात चोरट्याने कार्यालयाचे कुलूप फोडून चोरी केल्याची घटना समोर आली आहे. या प्रकरणी पेल्हार पोलिसांनी अज्ञात आरोपीविरोधात गुन्हा दाखल करून तपास सुरू केला आहे. पोलिसांच्या माहितीनुसार, २४ जून रोजी सायंकाळी ५.३० ते २५ जून रोजी सकाळी ६ वाजण्याच्या दरम्यान चोरट्याने कार्यालयात प्रवेश करून ५ हजार रुपयांची रोख रक्कम, प्रवेश प्रक्रियेशी संबंधित मार्कशीट, जमिनीची महत्त्वाची कागदपत्रे आणि मोटो जी-२२ मोबाईल असा सुमारे ११ हजार रुपयांचा ऐवज लंपास केला. चेअरमन बलजीत सूर्यमन यादव यांच्या तक्रारीवरून गुन्हा दाखल करण्यात आला असून, परिसरातील सीसीटीव्ही फुटेजच्या आधारे आरोपीचा शोध सुरू आहे.
ईशान्य मुंबईचे खासदार संजय दिना पाटील यांच्या कथित वक्तव्यावरून बुलढाणा जिल्ह्यातील लोणार येथे वाद निर्माण झाला आहे. पत्रकारांना धमकावल्याचा तसेच गंभीर स्वरूपाचे कथित वक्तव्य केल्याचा आरोप करत शिवसेना (ठाकरे गट) कार्यकर्त्यांनी लोणार पोलीस ठाण्यात तक्रार दाखल केली आहे. तक्रारीत खासदार संजय दिना पाटील यांच्याविरोधात गुन्हा दाखल करून त्यांना तात्काळ अटक करण्याची मागणी करण्यात आली आहे.
पुणे : TET पेपरफुटी प्रकरणाच्या निषेधार्थ पुण्यात युवक काँग्रेसने आक्रमक आंदोलन छेडले. महाराष्ट्र राज्य परीक्षा परिषद कार्यालयासमोर हे आंदोलन करण्यात आले. राज्यातील लाखो विद्यार्थ्यांच्या भविष्याशी खेळ करणाऱ्या पेपरफुटी प्रकरणाचा निषेध करत युवक काँग्रेसच्या कार्यकर्त्यांनी परीक्षा व्यवस्थेतील भ्रष्टाचार, वारंवार होणाऱ्या पेपरफुटी आणि विद्यार्थ्यांच्या मानसिक छळासाठी जबाबदार प्रशासनाविरोधात जोरदार घोषणाबाजी केली. दोषींवर कठोर कारवाई करून पारदर्शक परीक्षा व्यवस्था उभी करण्याची मागणी आंदोलनकर्त्यांनी केली.
राज्य सरकारने पावसाळी मासेमारी बंदीचा कालावधी वाढवण्याचा महत्त्वाचा निर्णय घेतला आहे. राज्याच्या पावसाळी अधिवेशनात याची घोषणा करण्यात आली. यापूर्वी १ जून ते ३१ जुलै असा ६१ दिवसांचा बंदी कालावधी होता. आता तो वाढवून १ जून ते १५ ऑगस्ट, म्हणजेच ७६ दिवस करण्यात आला आहे. मत्स्यसाठ्यांचे जतन आणि संवर्धन, माशांना प्रजननासाठी अधिक वेळ मिळावा तसेच वादळी वारे, चक्रीवादळे आणि खराब हवामानामुळे मच्छीमारांच्या जीविताला असलेला धोका कमी करण्याच्या उद्देशाने हा निर्णय घेण्यात आला आहे.
गेल्या दोन दशकांपासून पारंपरिक मच्छीमारांची ही प्रमुख मागणी होती. राज्य सरकार आणि मत्स्यव्यवसाय मंत्री नितेश राणे यांच्या पुढाकारामुळे हा निर्णय झाल्याचे सांगण्यात आले. अखिल महाराष्ट्र मच्छिमार कृती समितीने या निर्णयाचे स्वागत करत सरकारचे जाहीर आभार मानले आहेत. समितीचे अध्यक्ष देवेंद्र दामोदर तांडेल यांनी हा निर्णय पारंपरिक मच्छीमारांसाठी आणि मत्स्यसंपत्ती संवर्धनासाठी मोठा दिलासा असल्याचे म्हटले आहे.
जालना शहरासह परिसरात तीन दिवसांच्या विश्रांतीनंतर अखेर पावसाने पुन्हा हजेरी लावली. अचानक झालेल्या पावसामुळे उकाड्यापासून नागरिकांना दिलासा मिळाला असून शेतकऱ्यांमध्येही समाधानाचे वातावरण आहे. जिल्ह्यात अनेक ठिकाणी पावसाअभावी पेरण्या खोळंबल्या होत्या. गेल्या दोन दिवसांपासून ढगाळ वातावरण असल्याने पावसाची शक्यता वर्तवली जात होती. अखेर आज झालेल्या पावसामुळे चांगल्या मान्सूनची आशा पुन्हा पल्लवित झाली आहे.
सिंधुदुर्ग : जिल्ह्यातील दोडामार्ग तालुक्यातील निसर्गरम्य वझर धबधबा परिसरात वर्षा पर्यटनासाठी आलेल्या गोव्यातील साखळी येथील सहा युवकांना मोठा प्रसंग ओढवला. धबधब्यावरून परतत असताना मुसळधार पावसामुळे नदीच्या पाण्याची पातळी अचानक वाढल्याने हे सर्व युवक जंगलात अडकून पडले. घटनेची माहिती मिळताच वन विभाग आणि अग्निशमन दलाने तातडीने बचाव मोहीम राबवली. अनेक तासांच्या प्रयत्नांनंतर सर्व सहा युवकांची सुखरूप सुटका करण्यात आली.
उद्रेक होता ह्या प्रकरणात
वयस्कर आहे म्हणून सूट मिळावी असं कोणालाही वाटत नव्हतं
मला आशा आहे उच्च न्यायालयात जाऊ नये
त्या नराधमाचे २-४ गुन्हे आहेत
राष्ट्रपतींकडे निवेदन होईल तेव्हा शासन म्हणून मुख्यमंत्री यासंदर्भात भूमिका घेतीलच
१०० फास्ट ट्रक कोर्ट मंजूर महायुतीच्या काळात झाले आहेत
शक्ती कायद्यासंदर्भात केंद्राच्या कायद्यासंदर्भात रिपिटेशन होत्या - अदिती तटकरे, महिला व बाल विकास
मी सर्वात आधी न्यायालयाचे आणि न्यायाधीशांचे अभिनंदन करतो आणि त्यांना धन्यवाद देतो. एक अतिशय अमानवीय निर्घृण अशा प्रकारच्या हत्या आणि अत्याचार या लहान बच्चू बरोबर केला. नसरापूरच्या आरोपीला आज फाशीची शिक्षा सुनावली आहे. त्याबद्दल मी मनापासून पोलिसांचे अभिनंदन करतो, पोलिसांनी देखील दोन आठवड्यांच्या आतमध्ये चार्जशीट दाखल केली आणि यातील कोणताही पुरावा सोडला नाही, त्यांनी सर्व पुरावे न्यायालय समोर मांडले. त्यानंतर न्यायालयाने देखील त्याच्यावर रिअरेस्ट ऑफ रिअरेस्ट केस अशा प्रकारची ही केस असल्याचं संबोधलं आहे, त्याचबरोबर या नसरापूरच्या आरोपी भीमराव कांबळे नावाच्या नराधमाला फाशीची शिक्षा झालेली आहे, आता तात्काळ त्याला फाशी दिली जाईल. त्यामुळे समाजामध्ये गुन्हेगारांवर वचक बसेल, पुन्हा अशा प्रकारचे कृत्य करण्याचं धाडस कोणी करणार नाही, अशा वृत्तीला ठेचून काढून टाकलं पाहिजे. ही भूमिका समाजाची होती आणि न्यायालयाने दिलेल्या निर्णय हा पुढच्या होणाऱ्या गुन्हेगारीला आळा घालणारा ठरेल. मी राज्याचे गृहमंत्री आणि मुख्यमंत्री देवेंद्र फडणवीस यांचंही अभिनंदन करतो, तेही सातत्याने ही केस मॉनिटर करत होते, माझी देखील पोलिसांशी, एसपींशी आणि तपास अधिकाऱ्यांशी सातत्याने चर्चा होत होती, एसपी, आदी पोलीस अधिकारी आणि संपूर्ण तपास कामे करणारी यंत्रणा यांचं हे सगळं कौतुकास्पद काम आहे, त्या सगळ्याचं मी अभिनंदन करतो, सरकारी वकिलांचं देखील मी अभिनंदन करतो, अतिशय योग्य पद्धतीने केस मांडली आणि अखेर आरोपीला मृत्युदंडाची फाशीची शिक्षा अखेर झाली आहे. - उपमुख्यमंत्री एकनाथ शिंदे,
उपमुख्यमंत्री
आजच्या न्यायव्यवस्थेच्या निर्णयाने महिला वर्गात समाधान आहे
मुख्यमंत्री देवेंद्र फडणवीस यांनी ह्या प्रकरणात जातीने लक्ष घातलं होतं
न्यायव्यवस्थेनं देखील जलदगतीनं काम केले - माधवी नाईक
आत्ता फासावर चढा न्यायाधीशांनी भीमराव कांबळेला ठणकावलं
आरोपीला मरेपर्यंत फाशी देण्याची शिक्षा
हत्या, बलात्कर तसेच पॉक्सो कायद्यांतर्गत फाशीची शिक्षा
कोर्टाच मोठ वक्तव्य
आरोपीला आजन्म कारावासाची शिक्षा अपुरी आहेच पण फाशीची शिक्षा देखील पुरेशी ठरणार नाही
कट रचून हत्या करण्यात आली असेल आणि त्यात क्रूरता असेल तर त्यात फाशीच्या शिक्षेची तरतुद असल्याच न्यायालयाकडून स्पष्ट
विशेष सरकारी वकिल यांनी फाशीच्या शिक्षेची मागणी करताना विशेष सरकारी वकील अजय मिसर यांनी त्यांच्या युक्तिवादाच्या समर्थनातील सर्वोच्च न्यायालयाचे १२ निकाल सादर/ जोडले आहेत केलेले आहेत
हे सगळे निकाल नसरापूरच्या घटनेशी साधर्म्य असलेल आहेत
आणि बऱ्याचश्या केसेस मध्ये दोषींना फाशीची शिक्षा झाली आहे
विशेष फास्ट ट्रॅक कोर्टाच्या कामकाजाला सुरवात
भीमराव कांबळेला कोर्ट रुममध्ये आणण्यात आलं
काही वेळातच कोर्ट सुनावणार आपला फैसला
विशेष सरकारी वकील अजय मिसर कोर्टात दाखल
नसरापूर प्रकरणातील आरोपी भीमराव कांबळे मला कोर्टात आणण्यात आलं आहे..
शिवाजीनगर कोर्टाच्या बाहेर पोलिसांच्या कडे कोट बंदोबस्त करण्यात आला आहे..
विशेष फास्ट ट्रॅक कोर्टाचे न्यायाधीश एस आर साळुंके न्यायालयात दाखल
नसरापूर प्रकरणी पीडितेचे कुटुंबीय कोर्टात दाखल
चिमुकलीचे वडील तिची आई तसेच आजी आणि इतर नातेवाईक कोर्ट रूममध्ये दाखल
काही वेळातच होणार सुनावणी सुरू
बुलढाणा जिल्ह्यातील जानेफळ येथील मुख्य मार्गावरील दोन सराफा दुकानांमध्ये अज्ञात चोरट्यांनी मध्यरात्री दुकानफोडी करत सुमारे १ लाख ४३ हजार रुपये किमतीचे चांदीचे दागिने लंपास केले. देऊळगाव साकर्शा मार्गावरील साईराम ज्वेलर्स आणि माऊली ज्वेलर्स या दुकानांचे शटर तोडून चोरट्यांनी दुकानात प्रवेश केला. यामध्ये सुमारे ६८१ ग्रॅम वजनाचे चांदीचे दागिने चोरीला गेल्याची माहिती आहे. घटनेची माहिती मिळताच पोलिस, फॉरेन्सिक पथक आणि श्वानपथक घटनास्थळी दाखल झाले. उपविभागीय पोलिस अधिकारी संतोष खाडे यांनीही भेट देत पाहणी केली. या घटनेमुळे परिसरातील व्यापाऱ्यांमध्ये भीतीचे वातावरण निर्माण झाले असून रात्रीच्या गस्तीमध्ये वाढ करण्याची मागणी करण्यात आली आहे.
नागपूर विधानपरिषद निवडणुकीत ज्या नरसेवकांनी पक्षाच्या विरोधात मतदान केले यांना पक्षातून निलंबित करा, त्यांचे नगरसेवक पद रद्द करा अशी मागणी काँग्रेस आमदार विजास ठाकरे यांनी केली
नागपूरच्या विधान परिषद निवडणुकीत काँग्रेस कडे 169 मते असतांना काँग्रेसला 130 मते पडली त्यामुळे काँग्रेसची 39 उघडपणे फुटली होती
काँग्रेस शहर अध्यक्ष प्रफुल गुडधे हे सुसंकृत व्यक्तिमत्व आहे त्यांचा कोण इनकॉउंटर करणार नाही. ते प्रफुल गडधे यांचे वैयक्तिक मत आहे. हि काँग्रेस पक्षाची भूमिका नाहीं.
वाशिमच्या नेतंसा परिसरातून वाहणाऱ्या कांचन नदीवर असलेल्या कोल्हापुरी बंधाऱ्यात कचऱ्याचा अडथळा ...शेतात पाणीच पाणी
बुलढाणा जिल्ह्यात बरसलेल्या जोरदार पावसामुळे वाशिमच्या कांचं नदीला पूर आल्याने पुराच्या पाण्यात वाहून आलेला झाडांचा आणि कचरा या बंधाऱ्यासमोर अडथळा बनून उभा राहिल्याने पाण्याच्या नैसर्गिक प्रवाहात अडथळा निर्माण होऊन, नदीचे पाणी थेट परिसरातील शेतशिवारात घुसून शेतकऱ्यांच शेती सुपीक गाळ माती आणि पेरणी केलेलं बियाणे वाहून जाण्याचा धोका निर्माण झालाय . प्रशासनाने परिस्थितीचे गांभीर्य ओळखून तात्काळ कचरा हटवावा आणि नदीचा प्रवाह मोकळा करावा, अशी मागणी आता स्थानिक शेतकऱ्यांकडून केली जातय.
नसरापूरत साडे तीन वर्षांच्या चिमुकलीवर अत्याचार करून तिची हत्या करणाऱ्या भीमराव कांबळेच्या किस्मतीचा आज फैसला
फाशी की जन्मठेप विशेष फास्ट ट्रॅक कोर्ट देणार आपला फैसला
चिमुकलीच अपहरण करून तिच्यावर लैंगिक अत्याचार आणि हत्या केल्याप्रकरणी भीमराव कांबळेला आधीच न्यायालयाने दोषी ठरवलं आहे
न्यायाधीश एस आर साळुंखे देणार फैसला
सरकारी पक्षाकडून फाशीची करण्यात आली आहे मागणी
हे प्रकरण सर्वोच्च न्यायालयाने निश्चित केलेल्या ‘अत्यंत दुर्मिळातील दुर्मिळ’ (Rarest of Rare) प्रकरणांच्या कक्षेत येत असून तश्या आशयाचे सर्वोच्च न्यायालयाचे १२ महत्त्वपूर्ण निर्णय सरकारी पक्षाकडून आपल्या युक्तवादात जोडण्यात आले आहेत
गुन्ह्याचे स्वरूप आणि त्यामध्ये दिसून आलेली अमानुष क्रूरता लक्षात घेता आरोपी कोणत्याही प्रकारच्या दयेचा किंवा सौम्य शिक्षेचा पात्र नसल्याच महत्वाच निरीक्षण कांबळेला दोषी ठरवताना न्यायाधीशांनी नोंदवलं होत
पीडितेच्या शरीरावरील जखमा ही क्रूरता सिद्ध करण्यासाठी पुरेशा असल्याचेही निरीक्षण न्यायाधीशांनी नोंदवले होते
कांबळे विरोधातील पूर्वीच्या लैंगिक अत्याचाराच्या प्रकरणाची दखल घेत कांबळेला कायद्याची माहिती आहे तसेच संपूर्ण खटल्या दरम्यान त्याच्या चेहऱ्यावर त्याने केल्या कृत्याबद्दल कोणताही पश्चात्ताप न दिल्याचीही न्यायालयाने नोंद घेतली आहे
तर नराधमाला अशी शिक्षा द्या की पुन्हा कोणी असे प्रकार करण्याची हिम्मत करणार नाही अशी पीडितेच्या कुटुंबीयांची मागणी आहे
घटनेच्या दोन महिन्यांत निकाल लागणार
घटना समोर येताच अवघ्या १५ दिवसात पोलिसांनी दोषारोपपत्र दाखल केलं होत
२८ मे ला आरोप निश्चिती करण्यात आली तर २१ जूनला अंतिम युक्तिवाद पूर्ण
उन्हाळ्याच्या सुट्टीत आजीकडे आलेली चिमुरडी घरासमोर खेळत असताना वासरू दाखवण्याचा बहाण्याने कांबळे तिला गोठ्यात घेऊन गेला होता तिच्यावर अत्याचार करून त्याने तिची हत्या केली होती आणि तीचा मृतदेह गोठ्यातच लपवून ठेवला होता
सीसीटीव्ही फूटेजमध्ये कांबळे चिमुकलीला गोठ्यात घेऊन जात असताना पकडला गेला होता
ठाण्यात रात्रभर पावसाची जोरदार बॅटिंग
रात्री ९.३० पासून सकाळी ४.३० पर्यंत केवळ ७ तासात ९८.५४ मिमी पावसाची नोंद
तर काल सकाळी ८.३० पासून आज सकाळी ८.३० पर्यंत २४ तासात ११६.८३ मिमी पावसाची नोंद
सुदैवाने पहाटे लवकर पावसाने विश्रांती घेतल्याने पाण्याचा निचरा लवकर झाला आणि जनजीवन सध्या सुरळीत
भिवंडी : भिवंडी शहरातील प्रभू आळी परिसरात मध्यरात्री झालेल्या मुसळधार पावसादरम्यान एका इमारतीची सुरक्षा भिंत अचानक कोसळल्याची घटना घडली. सुदैवाने या दुर्घटनेत कोणतीही जीवितहानी किंवा जखमी झाल्याची नोंद नाही. ही संपूर्ण घटना इमारतीमध्ये बसविण्यात आलेल्या सीसीटीव्ही कॅमेऱ्यात कैद झाली आहे.
मिळालेल्या माहितीनुसार, सुरक्षा भिंतीलगत बांधकामाचे काम सुरू असून त्यासाठी मोठ्या प्रमाणात मातीचे उत्खनन करण्यात आले होते. मुसळधार पावसामुळे माती सरकल्याने सुरक्षा भिंतीचा पाया कमकुवत झाला आणि भिंत कोसळली. या भिंतीलगत दुसरी इमारत असून तेथून नागरिकांची ये-जा सुरू असते. मात्र घटना मध्यरात्री घडल्याने त्या वेळी मार्गावर कोणीही नसल्यामुळे मोठा अनर्थ टळला.
दरम्यान, सुरक्षा भिंतीच्या शेजारी असलेल्या कौलारू घरातील रहिवाशांनी मोठा आवाज ऐकताच भीतीपोटी घराबाहेर धाव घेतली. घटनेमुळे परिसरात काही काळ घबराटीचे वातावरण निर्माण झाले होते. पावसामुळे शहरातील विविध भागांमध्ये निर्माण झालेल्या परिस्थितीमुळे महापालिकेच्या पावसाळी पूर्वतयारीवरही प्रश्नचिन्ह उपस्थित होत आहे.
पर्यटन नगरी लोणावळ्याला पावसाने चांगलंच झोडपून काढलंय. गेल्या 24 तासांत तब्बल 131 मिलीमीटर पाऊस बरसलाय. यंदाच्या मोसमातील सर्वाधिक पावसाची नोंद झालीये. मात्र यंदा आत्तापर्यंत अवघे 393 मिलीमीटर इतकाच पाऊस झालाय. गेल्या वर्षी आजच्या दिवसापर्यंत तब्बल 1885 मिलीमीटर इतका पावसाची नोंद झाली होती. त्यामुळं लोणावळाकरांना आणि पर्यटकांना अपेक्षित पाऊस अद्याप बरसला नाहीये. ज्याची प्रतीक्षा अजून ही सर्वांना लागून आहे.
राज्यात पुढील सहा दिवस पावसाचा यलो अलर्ट...मान्सून पुन्हा सक्रिय झाल्यानं २४ जिल्ह्यांमध्ये पावसाची शक्यता...मुंबई, ठाणे, पुणे, नाशिकसह विदर्भ, मराठवाड्यातील काही जिल्ह्यांना सतर्कतेचा इशारा
- मुख्यपृष्ठ
- बातम्या
- Maharashtra Live Breaking News Updates: मोठी बातमी : एकनाथ शिंदेंचा सर्वात मोठा धक्का, सचिन अहिर यांचा शिंदेंच्या शिवसेनेकडून उपसभापती पदासाठी अर्ज!