Maharashtra Live Blog Updates: कृत्रिम बुद्धिमत्ता क्षेत्रात महाराष्ट्र आघाडीवर; मुंबई टेक वीक

22/05/2026 16:12:59

महाराष्ट्रातील पोलिसांची सर्वात मोठी कारवाई, ३४ कोटींचे ड्रग्ज जप्त

कल्याण पोलिसांनी महाराष्ट्र राज्यातील सर्वात मोठी कारवाई केली आहे कल्याण अमली पदार्थ विरोधी पथकाने मोठी कारवाई करत कुख्यात ‘पठाण गॅंग’चा पर्दाफाश केला आहे. या कारवाईत तब्बल ३४ कोटी रुपये किमतीचे ९ किलो ड्रग्ज जप्त( हेरॉईन) जप्त करण्यात आले असून, कुख्यात ड्रग्स तस्कर अमजद पठाण याच्यासह पाच जणांना अटक करण्यात आली आहे. नाशिक हुन कल्याण मार्गे मुंबईत मोठ्या प्रमाणावर अमली पदार्थांची तस्करी करून ते कल्याण आणि मुंबई परिसरात पुरवले जात होते. पठाण गँगचा मोरक्या अमजद पठाण यांच्या विरोधात याआधी देखील आंतरराज्यीय ड्रग्स तस्करी प्रकरणी तसेच हत्या सारखे गंभीर स्वरूपाचे 20 गुन्हे दाखल आहेत. अमजद पठाण सह त्याचे साथीदार कासिफ वसईकर ,सद्दाम शेख ,कृष्णा हळेमणी, गणेश अन जंगमार उर्फ अण्णा या ड्रग्स तस्करांना देखील पोलिसानी बेड्या ठोकल्या आहेत . हे रॅकेट आणखी मोठे असल्याची शक्यता पोलिसांकडून वर्तवली जात असून पोलीस त्या दिशेने तपास करत आहेत .आज पर्यंतच्या इतिहासातील ठाणे जिल्ह्यातील ही मोठी कारवाई आहे .

22/05/2026 15:42:25

कृत्रिम बुद्धिमत्ता क्षेत्रात महाराष्ट्र आघाडीवर; मुंबई टेक वीक अधिक भव्य असेल: मुख्यमंत्री देवेंद्र फडणवीस

मुंबई : कृत्रिम बुद्धिमत्ता (AI) हे भविष्यातील परिवर्तनाचे सर्वात प्रभावी माध्यम आहे. जीवनाच्या प्रत्येक क्षेत्रात AI स्वीकारण्याची आवश्यकता आहे. मुंबई टेक वीकसारख्या उपक्रमांमुळे AI मधील संधी युवकांपर्यंत पोहोचतील आणि महाराष्ट्र देशातील AI नवोन्मेषाचे अग्रगण्य केंद्र बनेल, असे प्रतिपादन मुख्यमंत्री देवेंद्र फडणवीस यांनी केले.

मुख्यमंत्री देवेंद्र फडणवीस यांनी आज मुंबई टेक वीक (MTW) २०२६ ची घोषणा सह्याद्री अतिथिगृहात केलीत्यावेळी ते बोलत होते. टेक एंटरप्रेन्योर्स असोसिएशन ऑफ मुंबई (टीम ) तर्फे महाराष्ट्र शासनाच्या सहकार्याने, आयडीएफसी बँक आणि मेटा यांच्या संयुक्त सहकार्याने आयोजित हा कार्यक्रम दि २९ आणि ३० मे रोजी जिओ वर्ल्ड कन्व्हेन्शन सेंटर येथे होणार आहे. “इंडिया : आय इन एक्शन ” या थीमअंतर्गत आयोजित मुंबई टेक वीक २०२६ मध्ये विविध क्षेत्रांतील एआयच्या प्रत्यक्ष वापराचे सादरीकरण होणार असून मेटा , एंथ्रॉपिक , ओपेनाई , गूगल क्लाउड आणि नेसा यांसारख्या कंपन्यांचा सहभाग असेल.यावेळी मुंबई टेक वीक लोगोचे अनावरण करण्यात आले.

मुख्यमंत्री फडणवीस म्हणाले की, शासन ए आय चा विविध विभागांमध्ये वापर करत आहे,AI च्या माध्यमातून प्रशासन अधिक सक्षम आणि परिणामकारक होत आहे. शासन या परिवर्तनात सर्वात मोठा भागधारक म्हणून सक्रिय भूमिका बजावत आहे.”मुंबई टेक वीकसारख्या व्यासपीठांमुळे AI संदर्भातील अनुभव लोकांपर्यंत अधिक व्यापक पातळीवर पोहोचतील, असा विश्वास व्यक्त करत त्यांनी या कार्यक्रमात शासनाच्या AI उपक्रमांचे अनुभवात्मक सादरीकरण करण्याची सूचनाही केली.टीम च्या वाढत्या विस्ताराचे कौतुक करत मुख्यमंत्री फडणवीस म्हणाले की, अधिकाधिक तरुण आणि तंत्रज्ञान क्षेत्रातील व्यावसायिक या उपक्रमाशी जोडले जात आहेत, ही सकारात्मक बाब आहे. महाराष्ट्र शासन AI क्षेत्रातील नवोन्मेष आणि उद्योगवृद्धीसाठी सदैव तुमच्या पाठीशी उभे आहे. गेल्या वर्षापेक्षा अधिक भव्य आणि प्रभावी मुंबई टेक वीक आयोजित करूया आणि महाराष्ट्रातील युवकांना AI क्षेत्रातील नव्या संधींशी जोडून त्यांना जागतिक पातळीवरील संधी उपलब्ध असेल.

22/05/2026 15:15:32

पुणे जिल्ह्याच्या भोर तालुक्यात मुसळधार पाऊस; अवघ्या काही वेळासाठी झालेल्या पावसामुळे रस्ते जलमय

पुणे जिल्ह्याच्या भोर तालुक्यात मुसळधार पाऊस

अवघ्या काही वेळासाठी झालेल्या पावसामुळे रस्ते जलमय

आज सकाळपासून भोर मध्ये ढगाळ वातावरण

पुढील २ दिवस पुणे जिल्ह्यात पावसाचे, हवामान विभागाचा इशारा

22/05/2026 13:33:12

- हिंगोली जिल्ह्यात सलग 7व्या दिवशीही डिझेल टंचाई; पेट्रोल पंप वर 'नो स्टॉक'चे बॅनर

डिझेल टंचाईची समस्या निर्माण होऊन आज एक आठवडा पूर्ण झालेला आहे आजही डिझेल टंचाईची समस्या कायम असल्याचा पाहायला मिळते हिंगोली जिल्ह्यातील बहुतांश पेट्रोल पंप वरील डिझेल संपले असून पेट्रोल पंप वर नो स्टॉकचे बॅनर लावण्यात आले आहे तर ज्या ठिकाणी डिझेल उपलब्ध आहे त्या ठिकाणी लांबच लांब रांगा आहेत शेतीच्या मशागतीची काम सुरू असून ट्रॅक्टर साठी लागणारे डिझेल खरेदी करण्यासाठी शेतकरी पेट्रोल पंप वरच रात्र जागून काढत आहेत तर अनेक ठिकाणी अद्यापही वाहनांच्या लांबच लांब रांगा लागल्या आहेत हिंगोली शहरातील अनेक पेट्रोल पंप वरील डिझेल संपल्याने शुकशुकाट पाहायला मिळतोय

22/05/2026 13:28:39

विधानपरिषद निवडणूक महायुती म्हणूनच लढवली जाणार; भाजप, शिवसेना आणि राष्ट्रवादी काँग्रेसच्या वरिष्ठांचे एकमत

विधानपरिषद निवडणूक महायुती म्हणूनच लढवली जाणार

भाजप, शिवसेना आणि राष्ट्रवादी काँग्रेसच्या वरिष्ठांचे एकमत

काही ठिकाणी पारंपरिक जागांची अदलाबदल केली जाणार

भाजप १२, शिवसेना ३ आणि राष्ट्रवादी काँग्रेस २ या फॉर्म्युल्यावरच प्राथमिक चर्चा

याच आठवड्यात जागा वाटप पूर्ण केले जाणार

विश्वसनीय सूत्रांची माहिती

22/05/2026 12:34:57

सीजेपी एक्शन मोडमध्ये, शिक्षणमंत्र्यांच्या राजीनाम्य़ासाठी सह्यांची मोहीम

सीजेपी एक्शन मोडमध्ये,शिक्षणमंत्र्यांच्या राजीनाम्य़ासाठी सह्यांची मोहीम

सध्या चर्चेत असलेल्या कोकरोच जनता पार्टीकडून केंद्रीय शिक्षणमंत्री धर्मेंद्र प्रधानाच्या राजीनाम्याची मागणी

कोकरोच जनता पार्टीचे संस्थापक अभिजित दिपके यांनी व्हिडीओ करत राजीनाम्यासाठी सह्यांची मोहिम राबवणार असल्याचं म्हटंल

जास्तीत जास्त लोकांनी सही करावी आणि सपोर्ट करावा असं आवाहन त्यांनी केलयं

22/05/2026 11:38:58

गडचिरोलीत अतिउष्णतेची लाट जाहीर, प्रशासन अलर्ट मोडवर; गडचिरोलीच्या इतिहासात काल उच्चांची तापमानाची नोंद

गडचिरोलीच्या इतिहासात काल उच्चांची 46.4 अंश सेल्सिअस तापमानाची नोंद झाली. वाढत्या तापमानामुळे प्रशासन अलर्ट मोडवर असून जिल्ह्यात अतिउष्णतेची लाट घोषित करण्यात आली आहे. त्यामुळे आरोग्य विभागाने संपूर्ण यंत्रणा सज्ज ठेवली आहे. उष्माघाताच्या वाढत्या धोक्याच्या पार्श्वभूमीवर जिल्ह्यातील सर्व सामान्य रुग्णालयं, ग्रामीण रुग्णालयं आणि प्राथमिक आरोग्य केंद्रांमध्ये स्वतंत्र उष्माघात कक्ष २४ तास सुरू करण्यात आले आहेत. या विशेष कक्षांमध्ये कूलर, वातानुकूलित सुविधा, विशेष बेड आणि आवश्यक औषधसाठा उपलब्ध ठेवण्यात आलाय. ओआरएस, आयव्ही फ्लूइड्ससह आपत्कालीन उपचारासाठी आवश्यक सुविधा तयार ठेवण्याच्या सूचना वैद्यकीय अधिकाऱ्यांना देण्यात आल्या आहेत. तर दुर्गम भागात आशा स्वयंसेविकांमार्फत जनजागृती मोहीमही राबवली जात आहे. नागरिकांनी घराबाहेर पडू नये, खबरदारी बाळगावी, आपत्कालीन मदतीसाठी १०८ आणि १०२ या क्रमांकांवर संपर्क साधण्याचे आवाहन प्रशासनाकडून करण्यात आले आहे.

22/05/2026 10:18:19

नीट पेपरफुटी प्रकरण; नांदेड येथील तीन डॉक्टर सीबीआयच्या रडारवर

नांदेड येथील तीन डॉक्टर सीबीआयच्या रडारवर

नीट पेपरफुटी संदर्भात सीबीआईने आता डॉक्टरांकडे आपला मोर्चा वळवलेला आहे. सूत्रांच्या माहितीनुसार नांदेडमधील तीन डॉक्टर तर वसमत येथील एका डॉक्टरची चौकशीही सीबीआयने केलेली आहे. पुण्यात बोलावून सगळ्यांची चौकशी करण्यात आली.

नांदेडमधून कदम कुटुंबियांची चौकशी सुरू केली होती. त्यानंतर पुणे येथे त्यांना बोलवण्यात आले होते. त्यांनी पाच लाख रुपयात पेपर विकत घेतला होता त्यांनी हा पेपर नागपूर मधून विकत घेतल्याची माहिती ही समोर आलेली आहे हे सर्वजण पुणे येथे असल्याची माहिती सूत्रांनी दिलेली आहे या प्रकरणांमध्ये नांदेड येथे सीबीआयचे पथक तळ ठोकून आहे.

22/05/2026 09:54:45

उपमुख्यमंत्री एकनाथ शिंदे हे आज मान्सून पूर्व आढावा बैठकित सहभागी होणार

उपमुख्यमंत्री एकनाथ शिंदे हे आज मान्सून पूर्व आढावा बैठकित सहभागी होणार

मुख्यमंत्री देवेंद्र फडणवीस यांच्या अध्यक्षतेखाली ही बैठक आयोजित करण्यात आली आहे

या बैठकीनंतर उपमुख्यमंत्री एकनाथ शिंदे दावोस येथे झालेल्या सामंजस्य करारा संदर्भात आढावा बैठकितही सहभागी होतील

परदेशात झालेल्या गुंतवणूक कराराबाबत सध्याची स्थिती आणि अंमलबजावणी याचा आढावा या बैठकित घेतला जाणार आहे

22/05/2026 09:40:36

बुलढाणा जिल्ह्यात नवव्या दिवशीही भीषण इंधन टंचाई; कॅनमध्ये डिझेल मिळत नसल्याने शेतकरी ट्रॅक्टर घेऊन पेट्रोल पंपावर

बुलढाणा जिल्ह्यात सलग नवव्या दिवशीही भीषण अशी इंधन टंचाई निर्माण झालेली आहे आणि दिवसेंदिवस अधिकच इंधन टंचाईचा संकट बिकट होत जात आहे. जिल्ह्यातील बहुतांश पेट्रोल पंपावर डिझेल मिळत नसल्याने शेतकऱ्यांना ट्रॅक्टर घेऊन दूरवरच्या पेट्रोल पंपावर जावं लागत आहे व त्या ठिकाणीही दोन ते तीन किलोमीटर पर्यंत ट्रॅक्टरची रांग बघायला मिळत आहे. त्यामुळे शेतकऱ्यांची मशागतीची कामे खोळंबली आहेत. जिल्हा प्रशासन मात्र जिल्ह्यात पेट्रोल व डिझेलचा मुबलक साठा असल्याचा दावा करत आहे.

22/05/2026 09:17:37

प्रसाद लाड यांना धमकीचा फोन; लाड थांबलेल्या हॉटेलमध्ये दोघांचा शिरण्याच्या प्रयत्न

प्रसाद लाड धमकीचा फोन

पीएला केला होता धमकीचा फोन

लाड थांबलेल्या हॉटेलमध्ये दोघांचा शिरण्याच्या प्रयत्न

योगेश शितोळे पाटील, गणेश उगले लाडला धमकी देणारे पोलिसांच्या ताब्यात.

22/05/2026 09:02:24

Beed Crime : आर्थिक व्यवहारातून तरुणाची धारदार शस्त्राने हत्या, परळीतील धक्कादायक घटना

बीडच्या परळी मध्ये मध्यरात्री एका तरुणाची धारदार शस्त्राने हत्या केल्याची धक्कादायक घटना घडली आहे. बस स्टँड ते घरणीकर रोडवर असलेल्या वाहन तळाच्या परिसरात रात्री उशिरा कारभारी नारायण आंधळे यांच्यावर दोघांकडून धारदार शस्त्राने वार करण्यात आले.यानंतर जखमी अवस्थेत त्यांना अंबाजोगाई येथील स्वामी रामानंद तीर्थ रुग्णालयात उपचारासाठी नेण्यात आले.मात्र डॉक्टरांनी त्यांना तिथेच मृत घोषित केले.आर्थिक व्यवहारातून ही हत्या झाल्याची माहिती असून दोन आरोपी पैकी एका आरोपीला पोलिसांनी ताब्यात घेतले असून एक आरोपी फरार आहे.याप्रकरणी शहर पोलीस ठाण्यात गुन्हा दाखल करण्याची प्रक्रिया सुरू असून या प्रकरणाचा अधिकचा तपास परळी शहर पोलीस करत आहेत.

22/05/2026 08:20:45

पंढरपुरात अवैध वाळू उपशावर पोलिसांची धडक कारवाई; जेसीबी ट्रॅक्टर टीपर्ससह 25 ब्रास वाळू जप्त

पंढरपूरच्या भीमा नदीच्या काठावर होत असणाऱ्या अवैध वाळू उपसावर पोलिसांनी महसूल पथकाच्या साहाय्याने धडक कारवाई सुरू केली आहे. यामध्येच पंढरपूर तालुक्यातील गुरसाळे जवळ एक जेसीबी ट्रॅक्टर, टिपरच्या माध्यमातून 25 ब्रास वाळूचा अवैधरित्या उपसा होत असताना. पोलिसांकडून धडक कारवाई करण्यात आले आहे. याबाबत पंचनामा करून पोलिसांनी गुन्हे देखील दाखल केले आहे. तसेच या कारवाई मधील व अन्य जप्त केलेले वाळू नष्ट करण्याचे काम देखील पोलिसांकडून होताना दिसत आहे. पोलिसांच्या वाळूवरील कारवाईमुळे वाळू तस्करांचे चांगलेच धाबे दणाणले आहे.

22/05/2026 08:03:07

मुख्यमंत्री देवेंद्र फडणवीस यांनी बोलावली आज महत्वपूर्ण बैठक; मान्सूनपूर्व तयारीचा घेणार आढावा

मुख्यमंत्री देवेंद्र फडणवीस यांनी बोलावली आज महत्वपूर्ण बैठक

मुख्यमंत्री बैठकीत घेणार मान्सूनपूर्व तयारीचा आढावा

काल खरीप हंगामाचा मुख्यमंत्र्यांनी घेतला होता आढावा

आज दुपारी सह्याद्री अतिथीगृह येथे होणार बैठक

उपमुख्यमंत्री एकनाथ शिंदे देखील बैठकीत उपस्थित राहणार

काही जिल्ह्यात अवकाळी पावसामुळे मोठ्या प्रमाणात नुकसान

या नुकसानीचा मुख्यमंत्री आढावा घेणार

22/05/2026 08:02:07

मुख्यमंत्री देवेंद्र फडणवीस यांनी बोलावली आज महत्वपूर्ण बैठक

मुख्यमंत्री देवेंद्र फडणवीस यांनी बोलावली आज महत्वपूर्ण बैठक

मुख्यमंत्री बैठकीत घेणार मान्सूनपूर्व तयारीचा आढावा

काल खरीप हंगामाचा मुख्यमंत्र्यांनी घेतला होता आढावा

आज दुपारी सह्याद्री अतिथीगृह येथे होणार बैठक

उपमुख्यमंत्री एकनाथ शिंदे देखील बैठकीत उपस्थित राहणार

काही जिल्ह्यात अवकाळी पावसामुळे मोठ्या प्रमाणात नुकसान

या नुकसानीचा मुख्यमंत्री आढावा घेणार

22/05/2026 07:47:32

गॅस टंचाई , डिझेल टंचाई पाठोपाठ धाराशिवमध्ये वीज टंचाई

गॅस टंचाई , डिझेल टंचाई पाठोपाठ धाराशिव मध्ये वीज टंचाई

धाराशिवच्या कळंब तालुक्यातील मोहा परिसरात शेतकऱ्यांना वीज मिळेना

विजेच्या अभावी शेतातली उभी पिक करपण्याची वेळ

विहिरीत थोडं असलेलं पाणी पिकांना द्यावं कसं शेतकऱ्याला प्रश्न

राजकीय पुढाऱ्यांचं वीज प्रश्नाकडे लक्ष नाही, प्रशासनाचा मनमानी कारभार

त्यामुळे वाढत्या उन्हात विज टंचाईमुळे शेती पिकांना फटका

22/05/2026 07:33:26

Pune : पुणे विधानपरिषदेसाठी महायुतीत रस्सीखेच, राष्ट्रवादीनंतर भाजपचा ही दावा

पुणे विधानपरिषदेची जागा ही अजित पवार राष्ट्रवादीच्या हक्काची आहे. मात्र त्या जागेवर आता भाजपने ही दावा ठोकलाय. त्यामुळं पुण्याच्या जागेवरून महायुतीत रस्सीखेच पहायला मिळणार, हे आता उघड आहे. ही जागा मिळवण्यासाठी भाजपने काही मुद्दे ही मांडलेत. गेल्या काही वर्षात पुणे जिल्ह्यात भाजपची ताकद वाढलीये. आज मितीला राष्ट्रवादीकडे 348 मतं असली तरी भाजपकडे ही 319 मतं आहेत. म्हणजे 30 मतांचा ही फरक नाही. हे पाहता राष्ट्रवादी आणि भाजपची ताकद तुलनेने समान आहे, असं म्हणावं लागेल. कारण विजयासाठी लागणाऱ्या मतांची जुळवाजुळव भाजप करु शकतं. त्यामुळं अनिल भोसले राष्ट्रवादीच्या तिकिटावर आमदार झाले असले तरी भाजपच्या उमेदवाराला निवडून येण्याची समान संधी आहे. म्हणून भाजप सुद्धा या जागेवर दावा सांगतोय. मात्र पक्षश्रेष्टी जो निर्णय घेतील तो भाजपला मान्य असेल. असं भाजपचे पुणे जिल्ह्यातील प्रभारी, पिंपरी चिंचवड पदाधिकारी आणि विधानपरिषदेला मतदान करणाऱ्या नगरसेवकांनी म्हटलंय.

22/05/2026 07:29:37

बीडचे दिवंगत तहसीलदार राकेश गिड्डे यांच्या पत्नीला अनुकंपा तत्वावर नोकरी

बीडचे दिवंगत तहसीलदार राकेश गिड्डे यांच्या पत्नीला अनुकंपा तत्वावर नोकरी

अवघ्या दीड महिन्यात फडणवीस सरकारचा अनुकंपा तत्वावर नोकरीचा निर्णय

महसूल मंत्री चंद्रशेखर बावनकुळे यांचा सहानुभूती पूर्वक निर्णय

लातूर-अंबाजोगाई मार्गावर भीषण अपघातात गिड्डेंचे झाले होते निधन

गिड्डेंच्या पत्नी नेहा यांनी बीडऐवजी सांगली येथे नोकरीसाठी केली होती विनंती

विशेष बाब म्हणून नेहा गिड्डेंना सांगली येथे नोकरी देण्याचा मंत्री बावनकुळेंचा निर्णय

22/05/2026 07:29:04

सिद्धीविनायक भक्तांसाठी BESTची नवी सुविधा; 23 मेपासून ‘श्री सिद्धीविनायक फेरी’ एसी बस सेवा सुरू

प्रभादेवी येथील प्रसिद्ध श्री सिद्धीविनायक मंदिर येथे दर्शनासाठी येणाऱ्या हजारो भक्तांसाठी BEST प्रशासनाने मोठी सुविधा उपलब्ध करून दिली आहे. मंदिर परिसरातील वाढती वाहतूक कोंडी कमी करण्यासाठी आणि प्रवाशांना अधिक सुलभ प्रवास सुविधा देण्यासाठी BESTकडून “श्री सिद्धीविनायक फेरी” या नावाने नवीन वातानुकूलित (AC) गोलाकार बससेवा सुरू करण्यात येत आहे. ‘A-45’ क्रमांकाची ही सेवा 23 मे 2026 पासून सुरू होणार आहे.

22/05/2026 07:28:44

नक्षलविरोधी अभियानाचे प्रमुख संदीप पाटील यांची नागपूर परीक्षेत्राच्या महानिरीक्षकपदी नियुक्ती

नागपूर -

- नक्षलविरोधी अभियानाचे प्रमुख संदीप पाटील यांची नागपूर परीक्षेत्राच्या महानिरीक्षक पदी नियुक्ती..

- नक्षलवादी अभियानाचे प्रमुख म्हणून संदीप पाटील आतापर्यंत नागपूर रेंजचा अतिरिक्त कार्यभार पाहत होते..

- स्वच्छ प्रतिमेचे अधिकारी म्हणून संदीप पाटील यांचे गडचिरोली नक्षलविरोधी अभियानात महत्त्वाचे योगदान..

22/05/2026 07:27:19

विदर्भात उष्णतेची तीव्र लाट आजही कायम

विदर्भात उष्णतेची तीव्र लाट आजही कायम आहे. काल विदर्भात सर्वाधिक तापमान चंद्रपूर जिल्ह्यातील ब्रह्मपुरी येथे 47.1 अंश सेल्सिअस नोंदवण्यात आलं.. रात्रीचं तापमान देखील सरासरीपेक्षा 5 ते 6 अंश सेल्सिअसने अधिक असल्याचे पाहायला मिळतंय.. चंद्रपूर 46.8, गडचिरोली 46.4, नागपूर 46, वर्धा 46.4. अमरावती 45.8, अकोला 44.9 अंश सेल्सिअस होतं. महत्वाचे म्हणजे उष्णतेचा रेड अलर्ट हा दुसऱ्या दिवशी देखील अमरावती, अकोला आणि वर्धा जिल्ह्यासाठी कायम आहे.
तर नागपूर, चंद्रपूर आणि यवतमाळ जिल्ह्याला उष्णतेचा ऑरेंज अलर्ट आहे.. त्यामुळे कामाशिवाय दुपारच्या वेळेला नागरिकांनी घराबाहेर पडू नये असं आवाहन प्रशासनाकडून करण्यात आलंय..