Maharashtra Live Blog Updates: विदर्भात उष्णतेची लाट, वर्धा, अकोला आणि अमरावतीला उष्णतेचा रेड अलर्ट,

Maharashtra Live Blog Updates: विदर्भात सध्या उष्णतेची भीषण लाट पाहायला मिळतेय.. वर्धा जिल्ह्यात तापमानाने उच्चांक गाठला.

मुकेश चव्हाणLast Updated: 21 May 2026 07:40 AM

पार्श्वभूमी

Maharashtra Live Blog Updates: विदर्भात सध्या उष्णतेची भीषण लाट पाहायला मिळतेय.. वर्धा जिल्ह्यात तापमानाने उच्चांक गाठला. काल वर्ध्यात तब्बल ४७ पूर्णांक १ अंश सेल्सिअस एवढ्य तापमानाची नोंद करण्यात आली. मागील दोन...More

21/05/2026 07:40:37

काँग्रेसच्या कोल्हापूर जिल्हाध्यक्षपदी पुन्हा सतेज पाटील यांची निवड

काँग्रेसच्या कोल्हापूर जिल्हाध्यक्षपदी पुन्हा सतेज पाटील यांची निवड

तर कोल्हापूर शहराध्यक्ष म्हणून प्रवीण केसरकर यांना संधी

माजी शहराध्यक्ष सचिन चव्हाण यांना डच्चू, नव्या चेहऱ्यांवर जबाबदारी

अखिल भारतीय काँग्रेस निवड समितीकडून जाहीर

21/05/2026 07:24:01

परभणीत सलग ५ व्या दिवशी डिझेल टंचाई , बंद असलेल्या पंपांवर डिझेल टँकर ची वाट पाहत लागल्या कॅन आणि वाहांनाच्या रांगा

परभणी : जिल्ह्यात डिझेल टंचाईचे संकट अधिकच गडद होत असून सलग पाचव्या दिवशीही अनेक पेट्रोल पंपांवर डिझेल उपलब्ध नसल्याचे चित्र पाहायला मिळत आहे. परभणी शहरासह ग्रामीण भागातील बहुतांश पंपांवर ‘नो स्टॉक’चे फलक झळकत असून वाहनधारकांना मोठ्या अडचणींचा सामना करावा लागत आहे.

ज्या मोजक्या पेट्रोल पंपांवर डिझेल उपलब्ध आहे, त्या ठिकाणी पहाटेपासूनच वाहनांच्या लांबच लांब रांगा लागलेल्या दिसत आहेत.अनेक नागरिक कॅन घेऊन डिझेल भरण्यासाठी गर्दी करत असल्याने काही ठिकाणी गोंधळाची परिस्थिती निर्माण झाली.ट्रॅक्टर,मालवाहू वाहने, खासगी बस तसेच शेतकरी वर्गाला याचा मोठा फटका बसत आहे.परभणी पंपावर डिझेल येईल या आशेने सकाळपासूनच नागरिक एकीकडे कैन घेवून तर दुसरीकडे वाहने घेवून रांगेत उभे आहेत.

21/05/2026 07:20:56

नसरापूर अत्याचार प्रकरणी आजपासूनसुनावणीला होणार सुरुवात

नसरापूर अत्याचार प्रकरणी आजपासून सुनावणीला होणार सुरुवात

सुरक्षेच्या कारणास्तव या प्रकरणाची इन कॅमेरा होणार सुनावणी

पोलिसांनी चार्जशीट दाखल केल्यानंतर आजपासून पासून होणार प्रकरणाची सुनावणी

पुण्यातील विशेष न्यायालयात फास्टट्रॅक कोर्टात चालणार पूर्ण खटला

नसरापूर, ता. भोर येथील तीन वर्षांच्या बालिकेवर अत्याचार करून तिची हत्या करण्यात आल्याच्या प्रकरणाची सुनावणी आता पुण्यातील विशेष न्यायालयात होणार आहे. उच्च न्यायालयाच्या निर्देशानुसार या खटल्यासाठी विशेष न्यायालय स्थापन करण्यात आले असून, आजपासून नियमित आणि जलदगतीने सुनावणी सुरू होणार आहे.

प्रकरणाचे गांभीर्य आणि पीडित बालिकेचे वय लक्षात घेता, ही सुनावणी इन-कॅमेरा पद्धतीने घेतली जाणार आहे. जिल्हा न्यायाधीश व विशेष सत्र न्यायाधीश एस. आर. साळुंखे यांच्या न्यायालयात कडेकोट पोलीस बंदोबस्तात खटल्याची सुनावणी होणार आहे.

21/05/2026 07:13:27

विजेचा धक्का लागून महानगरपालिकेच्या कंत्राटी कर्मचाऱ्याचा मृत्यू

जुळे सोलापुरातील ए.जी. पाटील नगर येथे विजेचा धक्का लागून महानगरपालिकेतील कंत्राटी कर्मचाऱ्याचा दुर्दैवी मृत्यू झाला. काल २० मे २०२६ रोजी संध्याकाळच्या सुमारास ही घटना घडली.
यामध्ये इस्माईल सलीम पटेल या 32 वर्षीय तरुण कर्मचाऱ्याचा मृत्यू झाला. ए.जी. पाटील नगर परिसरात विजेच्या खांबावर चडून काम करत असताना इस्माईल याला अचानक विजेचा जोरदार धक्का लागल्याने तो जागीच बेशुद्ध पडला. बेशुद्धावस्थेतच त्याला तात्काळ सोलापूरच्या शासकीय रुग्णालयात उपचारासाठी दाखल करण्यात आलं. मात्र उपचारापूर्वीच त्याचा मृत्यू झाल्याचे डॉक्टरांनी सांगितले.
या घटनेनंतर मृताच्या नातेवाईकांनी मोठा आक्रोश केला. अचानक घडलेल्या या दुर्घटनेने संपूर्ण कुटुंबावर दुःखाचा डोंगर कोसळला आहे. या घटनेचा अधिक तपास पोलीस करत आहेत.