Mahadev Munde Case: महादेव मुंडे खून प्रकरणात मोठी अपडेट, एसआयटी प्रमुख पंकज कुमावतांचे थेट नागरिकांना आवाहन; व्हाट्सअप नंबरसह बक्षीसाची घोषणा
Mahadev Munde Case: महादेव मुंडे यांच्या खून प्रकरणाची कुठलीही माहिती असल्यास त्यांनी ती पोलिसांनी द्यावी, असे आवाहन पंकज कुमावत यांनी केलं आहे. त्यासाठी कुमावत यांनी त्यांचा व्हाट्सअप नंबर दिला आहे.
Mahadev Munde Murder Case बीड : महादेव मुंडे खून प्रकरणाचा (Mahadev Munde Murder Case) तपास करण्यासाठी राज्य सरकारकडून नियुक्त करण्यात आलेल्या एस.आय.टी.चे (SIT) प्रमुख पंकज कुमावत यांनी आता नागरिकांना थेट आवाहन केलंय. महादेव मुंडे यांच्या खून प्रकरणाची कुठलीही माहिती असल्यास त्यांनी ती पोलिसांनी द्यावी, असे आवाहन पंकज कुमावत यांनी केलं आहे. त्यासाठी कुमावत यांनी त्यांचा व्हाट्सअप नंबर दिला असून ज्याला कुणाला या प्रकरणाची माहिती असेल ती त्यावर द्यावी असेही सांगण्यात आले आहे. सोबतच माहिती देणाऱ्याचे नाव कुठल्याही परिस्थितीत उघड केले जाणार नसल्याचेही ग्वाहीही देण्यात आली आहे. तसेच माहिती देणाऱ्याला बक्षीस देखील देण्यात येणार असल्याचे एका प्रसिद्धी पत्रात म्हटले आहे.
पंकज कुमावत यांनी केली घटनास्थळाची पाहणी
एसआयटीचे (SIT) प्रमुख पंकज कुमावत यांनी सोमवारी परळी येथे भेट देऊन तहसील समोरील मैदानात असलेल्या घटनास्थळाची पाहणी केली. यावेळी त्यांच्यासोबत एस.आय.टी. मधील सदस्य आणि परळी शहर पोलीस ठाण्याचे कर्मचारी देखील होते. दुपारी साडेचारच्या दरम्यान घटनास्थळी पोहचलेले पथक रात्री आठ वाजेपर्यंत घटनास्थळीच होते. यावेळी कुमावत यांनी संपूर्ण घटनाक्रम समजून घेतला, आता यानंतर तपासाला सुरुवात होणार आहे. महादेव मुंडे यांचे मारेकरी 21 महिन्यापासून मोकाटच आहेत. या अनुषंगाने या प्रकरणाच्या तपासाला वेग आले आहे. त्यातच आता या खून प्रकरणाची कुठलीही माहिती असल्यास त्यांनी ती पोलिसांनी द्यावी, असे आवाहन पंकज कुमावत यांनी केलं आहे.
बारा गुंठ्याच्या व्यवहारातूनच खून झाला, महादेव मुंडे यांच्या वडिलांची माहिती
राज्यात सध्या गाजत असलेल्या महादेव मुंडे खून प्रकरणाची चौकशीसाठी नियुक्त करण्यात आलेल्या एसआयटीने आता या प्रकरणाची माहिती महादेव मुंडे यांचे भाऊ तथा या प्रकरणाचे फिर्यादी अशोक मुंडे आणि वडील दत्तात्रय मुंडे यांच्याकडून जाणून घेतली. यानंतर अशोक मुंडे यांनी त्यांच्याकडे असलेली संपूर्ण माहिती आम्ही पुढील तपासासाठी दिले असल्याचे सांगितले. तसेच एसआयटीचे प्रमुख कुमावत यांनी आरोपींना गजाआड करणार असल्याचे आश्वासनहि यावेळी दिले. यावेळी महादेव मुंडे यांचे वडील दत्तात्रय मुंडे यांच्याकडून देखील एसआयटीने या प्रकरणाची माहिती जाणून घेतली आणि महादेव मुंडे यांचा खून 12 गुंठे प्लॉटच्या व्यवहारातून झाला असून याच दिशेने या प्रकरणाची चौकशी करण्याची मागणी ही केलीये.
ही बातमी वाचा:
महत्त्वाच्या बातम्या
