Latur ZP Election Results 2026 : लातुरात अमित देशमुख एकाकी लढले, काँग्रेस सर्वात मोठा पक्ष, तरीही भाजप-राष्ट्रवादीची जिल्हा परिषदेवर सत्ता
Latur Zilla Parishad Election 2026 : लातूर जिल्हा परिषद आणि पंचायत समिती निवडणुकीच्या निकालाचे चित्र सोमवारी स्पष्ट झाले असून, या निकालांकडे संपूर्ण राज्याचे लक्ष लागले होते.
Latur Zilla Parishad Election 2026 Results Marathi : लातूर जिल्हा परिषद आणि पंचायत समिती निवडणुकीच्या निकालाचे चित्र सोमवारी स्पष्ट झाले असून, या निकालांकडे संपूर्ण राज्याचे लक्ष लागले होते. जिल्ह्यातील 59 जिल्हा परिषद गट आणि 118 पंचायत समिती गणांसाठी झालेल्या मतदानाची मतमोजणी आज पार पडली. आमदार अमित देशमुख यांच्या नेतृत्वाखाली काँग्रेसने 23 जागा जिंकत जिल्ह्यात सर्वात मोठा पक्ष म्हणून बाजी मारली आहे. दुसरीकडे, मागील निवडणुकीत एकहाती सत्ता मिळवणाऱ्या भाजपला मात्र मोठा धक्का बसला असून त्यांच्या जागा निम्म्यावर आल्या आहेत.
लातुरात अमित देशमुख एकाकी लढले
मागील निवडणुकीत केवळ 15 जागांवर असणाऱ्या काँग्रेसने यंदा मुसंडी मारत 23 जागांवर विजय मिळवला आहे. अमित देशमुख यांनी जिल्ह्यातील राजकीय समीकरणे जुळवत काँग्रेसचे अस्तित्व केवळ टिकवले नाही, तर पक्षाला आठ जागांचा फायदा करून दिला. विशेष म्हणजे, लातूर पंचायत समितीवर काँग्रेसने एकहाती सत्ता स्थापन करण्यात यश मिळवले आहे.
भाजपला मोठा फटका, तरीही जिल्हा परिषदेवर सत्ता
गेल्या वेळी 36 जागांसह सत्ता काबीज करणाऱ्या भारतीय जनता पक्षाला यंदा मोठा फटका बसला आहे. भाजपच्या जागा थेट 18 वर आल्या आहेत. आमदार संभाजी पाटील निलंगेकर, आमदार अभिमन्यू पवार आणि आमदार रमेश कराड यांसारख्या दिग्गजांनी प्रतिष्ठा पणाला लावली होती, मात्र मतदारांनी काँग्रेसला पसंती दिल्याचे चित्र आहे.
राष्ट्रवादी (अजित पवार गट) यांची दमदार कामगिरी
राष्ट्रवादी काँग्रेस (अजित पवार गट) यांनीही या निवडणुकीत आपली ताकद दाखवत 12 जागांवर विजय मिळवला आहे. भाजप आणि राष्ट्रवादी (अजित पवार गट) यांची उदगीर, जळकोट आणि अहमदपूर या तीन तालुक्यांमध्ये युती होती. उर्वरित भागात मैत्रीपूर्ण लढती पाहायला मिळाल्या.
मनसेचे खाते उघडले
कधी नव्हे ते मनसेने जिल्हा परिषदेत एक आणि पंचायत समितीत दोन जागांवर विजय मिळवत लक्ष वेधले आहे. काँग्रेस आणि भाजपाच्या बालेकिल्ल्यात मनसेने मिळवलेला हा विजय राजकीयदृष्ट्या महत्त्वाचा मानला जात आहे. जिल्हा परिषदेत 1 आणि पंचायत समितीत 2 जागा जिंकल्या. शेतकरी सेनेचे प्रदेशाध्यक्ष संतोष नागरगोजे यांच्या दीर्घकालीन कार्याला मतदारांनी दिलेली पसंती या निकालातून स्पष्ट झाली आहे.
भाजप-राष्ट्रवादीची जिल्हा परिषदेवर सत्ता
लातूरमध्ये काँग्रेसने जास्त जागा जिंकल्या असले, तरीही भाजप-राष्ट्रवादीची जिल्हा परिषदेवर सत्ता असणार आहे. राष्ट्रवादी काँग्रेस (अजित पवार गट) यांनीही या निवडणुकीत आपली ताकद दाखवत 12 जागांवर विजय मिळवला आहे. तर भाजपच्या जागा थेट 18 वर आल्या आहेत. दोन्ही मिळून 30 जागा जिंकल्या आहेत.
लातूर जिल्हा परिषद विजयी
भाजप : 18
काँग्रेस : 23
शिवसेना : 01
शिवसेना UBT : 01
एनसीपी अजित पवार : 12
एनसीपी शरद पवार : 01
वंचित : 00
मनसे : 01
अपक्ष : 02
हे ही वाचा -
महत्त्वाच्या बातम्या
