Kolhapur ZP Election Result: ऐनवेळच्या पक्षांतराने 'विश्वास' गमावला? गोकुळचे माजी अध्यक्ष आबाजी पाटलांच्या मुलाचा दारुण पराभव; तिकडं अरुण डोंगळेंच्या मुलीनं विजय खेचून आणला
Kolhapur ZP election result 2026: गोकुळचे माजी अध्यक्ष अरुण डोंगळे यांच्या मुलीनं विजय मिळवला. अमृता डोंगळे यांनी कसबा तारळे मतदारसंघातून विजय मिळवला आहे
Kolhapur ZP election result 2026: कोल्हापूर जिल्हा परिषद निवडणुकीमध्ये गोकुळचे माजी अध्यक्ष विश्वास आबाजी पाटील यांना मोठा झटका बसला आहे. त्यांचे चिरंजीव सचिन पाटील यांना पाडळी खुर्द जिल्हा परिषद मतदारसंघातून दारूण पराभवाला सामोरे जावं लागलं आहे. विशेष म्हणजे विश्वास आबाजी पाटील यांनी काही दिवसांपूर्वीच काँग्रेसला रामराम ऐन निवडणुकीमध्ये शिवसेना शिंदे गटांमध्ये प्रवेश केला होता. त्यामुळे आमदार सतेज पाटील यांना सुद्धा झटका बसला होता. मात्र, आता त्यांच्या पक्षांतरानंतर जिल्हा परिषद निवडणुकीमध्ये त्यांना यश मिळवता आलेलं नाही. त्यामुळे त्यांनी केलेलं पक्षांतर हे रुचलेलं नाही का? असा सुद्धा प्रश्न उपस्थित झाला आहे. या मतदारसंघातून राष्ट्रवादी काँग्रेसच्या राजू सूर्यवंशी यांनी सचिन पाटील यांचा पराभव केला.
जिल्हा परिषद निवडणुकीमध्ये धक्कादायक निकालांची सुद्धा नोंद
दुसरीकडे गोकुळचे माजी अध्यक्ष अरुण डोंगळे यांच्या मुलीनं विजय मिळवला. अमृता डोंगळे यांनी कसबा तारळे मतदारसंघातून विजय मिळवला आहे. त्यामुळे गोकुळचे माजी अध्यक्ष असलेल्या विश्वास पाटील यांना मुलाचापराभव पहावा लागला आहे. त्यामुळे एकाच्या मुलाचा पराभव आणि एकाच्या मुलीच्या विजयाचा आनंद अशी स्थिती निर्माण झाली आहे. कोल्हापूर जिल्हा परिषद निवडणुकीमध्ये अनेक धक्कादायक निकालांची सुद्धा नोंद झाली आहे. कागल तालुक्यामध्ये संजय मंडलिक गटाचे पानिपत झालं आहे. वैद्यकीय शिक्षण मंत्री हसन मुश्रीफ आणि शाहू ग्रुपचे समरजितसिंह घाटगे यांच्या आघाडीने सर्वच्या सर्व जागा पटकावल्या आहेत. करवीर तालुक्यात लक्षवेधी असलेल्या पाचगाव जिल्हा परिषद मतदार संघामध्ये काँग्रेसच्या संग्राम पाटील यांनी विजय मिळवला.उचगाव मतदारसंघांमध्ये भाजपच्या नामदेव वाईंगडे यांनी विजय मिळवला. गोकुळ शिरगावमधून काँग्रेसच्या सूदर्शन खोत यांनी विजय मिळवला. दुसरीकडे भर निवडणुकीत हसन मुश्रीफ यांना झटका देत राष्ट्रवादीच्या जिल्हाध्यक्षा शीतल फराकटे यांनी शिंदे गटामध्ये प्रवेश केला होता. मात्र, शीतल फराकटे यांना सुद्धा पराभवाचा धक्का बसला आहे. त्यांचा राष्ट्रवादीच्या शोभाताई फराकटे यांनी पराभव केला.
इतर महत्वाच्या बातम्या
महत्त्वाच्या बातम्या
