Satej Patil: दूध उत्पादक हेच खरे गोकुळचे बाप, सतेज पाटलांनी ठणकावलं; शेतकऱ्यांच्या पोरांनी सोशल मीडियात हिसका दाखवताच अरुण डोंगळेंची वक्तव्यावरून पलटी

Kolhapur Crime: मुलगी झाल्यामुळे सासरच्यांनी कोल्हापूरात विवाहितेला संपवल्याचा आरोप, नवरा, सासू-सासरे अन् नणंदेविरोधात पोलिसांत गुन्हा दाखल

विजय केसरकर, एबीपी माझा — Mon, 13 Jul 2026 15:53:09 +0530

कोल्हापूर : कोल्हापुरमधील एक धक्कादायक माहिती (Kolhapur Crime News) समोर आली आहे. एक महिन्याच्या मुलीचे बारसे होण्यापूर्वीच आईने टोकाचे पाऊल उचलल्याने संपूर्ण परिसर हादरून गेला आहे. कोल्हापूरच्या राजारामपुरीतील महिलेने काल दुपारी गळफास घेऊन आत्महत्या केली. अस्मिता प्रतीकसिंह काटकर (Asmita Katkar Death Case) असं आत्महत्या केलेल्या महिलेचे नाव आहे. घरात मुलीच्या बारशासाठी लगबग सुरू असताना अस्मिताने गळफास घेतल्याचा धक्कादायक प्रकार समोर आला. अस्मिताच्या मृत्यूनंतर तिच्या आई-वडिलांनी सासरकडील लोकांवर गंभीर आरोप केले आहेत.

Kolhapur Crime News: मुलीच्या बारशासाठी 52,000 हजार रुपयांचा पाळणा

आमच्या मुलीने आत्महत्या केली नसून तिची हत्या केली आहे. लग्न झाल्यापासून पैशासाठी अस्मिता हिचा छळ केला. रोख रक्कम आणि ऑनलाईन पद्धतीने देखील पैसे पाठवले आहेत. आता देखील मुलीच्या बारशासाठी 52,000 हजार रुपयांचा पाळणा ऑनलाईन ऑर्डर केला होता आणि सर्व कार्यक्रम करण्यासाठी तगादा लावला होता. त्यामुळे काटकर कुटुंबीयांनी माझ्या मुलीची हत्या केली आहे, असा आरोप देखील अस्मिता यांच्या आई वडिलांनी केला आहे. तसेच अस्मिताच्या सासरकडील लोकांनी मुलांचे कपडे घेऊन ठेवले होते. परंतु मुलगी झाल्याने त्यांनी सतत अस्मिताचा छळ केला, असा आरोपही अस्मिताच्या आई-वडिलांनी केला. (Kolhapur News) तर विवाहिता अस्मिता काटकर आत्महत्या प्रकरणी पतीसह चौघांवर हुंडाबळी कायद्याअंतर्गत गुन्हा दाखल करण्यात आला आहे. विवाहितेचा पती प्रतिकसिंह काटकर, सासरे वीरेंद्र काटकर सासू मनीषा काटकर आणि नणंद ऋतुजा काटकर अशा चौघांवर हुंडाबळी कायद्याअंतर्गत गुन्हा दाखल करण्यात आला आहे. पती, सासू, सासरे या तिघांना राजारामपुरी पोलिसांनी ताब्यात घेतलं आहे.

Kolhapur Crime News: वारंवार पैसे उकळल्याची पोलिसांची माहिती

अस्मिता काटकर यांच्या आत्महत्या प्रकरणी त्यांची आई संगीता अजित सरदेसाई यांनी दिलेल्या तक्रारीवरून गुन्हा दाखल करण्यात आला आहे. अस्मिता काटकर यांच्या आई-वडिलांकडून काटकर कुटुंबीयांनी वारंवार पैसे उकळल्याची पोलिसांची माहिती आहे. आणखी पैशाच्या मागणीसह मुलगी झाल्याच्या रागातून अस्मिता काटकर यांचा शारीरिक आणि मानसिक छळ केल्याची देखील पोलिसांनी माहिती दिली आहे.

Kolhapur Crime News: नेमकं प्रकरण काय?

वर्षभरापूर्वी विवाह झालेल्या विवाहितेने मुलीचे बारसे होण्यापूर्वीच राहत्या घरी गळफास घेऊन आत्महत्या केली. अस्मिता प्रतीकसिंह काटकर (माहेरचे नाव अस्मिता अनिल सरदेसाई) (वय २३, रा. काटकर पार्क, सायबर चौक, राजारामपुरी, कोल्हापूर) असे तिचे नाव आहे. ही घटना रविवारी (दि. १२) दुपारी चारच्या सुमारास घडली. सीपीआरमधील पोलिस चौकीतून मिळालेल्या माहितीनुसार, अस्मिता हिचे माहेर लाटगाव (ता. आजरा) असून, तिचे शिक्षण गोव्यात झाले. वर्षभरापूर्वी तिचे प्रतीकसिंह काटकर यांच्याशी लग्न झाले. गेल्या महिन्यात तिची प्रसूती झाली. दोन दिवसांत मुलीला एक महिना पूर्ण होत असल्याने घरात तिच्या बारशाची लगबग सुरू होती. रविवारी दुपारी सासू, सासरे आणि पती बारशासाठी हॉल बघायला गेले होते. त्यावेळी घराचा मुख्य दरवाजा बंद करून तिने बेडरूममधील छताच्या फॅनला ओढणीने गळफास घेतला. पती आणि सासू, सासरे घरी पोहोचल्यानंतर त्यांना दरवाजा आतून बंद असल्याचे लक्षात आले. हाका मारून, मोबाइलवर कॉल करूनही पाहिला. दरवाजा उघडला जात नसल्याने अखेर त्यांनी दरवाजा तोडून आत पाहिले असता, अस्मिता यांनी गळफास घेतल्याचे दिसले

गळफास सोडवून तातडीने त्यांना सीपीआरमध्ये दाखल केले. मात्र, उपचारापूर्वीच त्यांचा मृत्यू झाल्याचे डॉक्टरांनी स्पष्ट केले. उत्तरीय तपासणीसाठी मृतदेह शेंडा पार्क येथे पाठवण्यात आला. आत्महत्येची माहिती मिळताच राजारामपुरी पोलिस ठाण्याचे निरीक्षक विकास जाधव यांनी काटकर यांच्या घरी जाऊन पाहणी केली. घटनेची नोंद घेण्याचे काम राजारामपुरी पोलिस ठाण्यात सुरू होते.

Kolhapur Crime : घरात मुलीच्या बारशासाठी लगबग सुरू असताना कोल्हापूर हादरलं

abp majha web team — Mon, 13 Jul 2026 14:05:10 +0530

Kolhapur Crime : घरात मुलीच्या बारशासाठी लगबग सुरू असताना कोल्हापूर हादरलं

Kolhapur Asmita Katkar Death Case: कोल्हापुरमधील एक धक्कादायक माहिती (Kolhapur Crime News) समोर आली आहे. एक महिन्याच्या मुलीचे बारसे होण्यापूर्वीच आईने मृत्यूला कवटाळल्याने संपूर्ण परिसर हादरवून गेला आहे. कोल्हापूरच्या राजारामपुरीतील महिलेने काल दुपारी गळफास घेऊन आत्महत्या केली. अस्मिता प्रतीकसिंह काटकर (Asmita Katkar Death Case) असं आत्महत्या केलेल्या महिलेचे नाव आहे. घरात मुलीच्या बारशासाठी लगबग सुरू असताना अस्मिताने गळफास घेतल्याचा धक्कादायक प्रकार समोर आला. अस्मिताच्या मृत्यूनंतर तिच्या आई-वडिलांनी सासरकडील लोकांवर गंभीर आरोप केले आहेत.

Kolhapur Asmita Katkar Death Case: मुलाचे कपडे घेतलेले, पण मुलगी झाली; 52 हजारांचा पाळणा, 4 जणांनी माझ्या मुलीचा जीव घेतला, अस्मिताच्या आई-वडिलांचे हादरवणारे आरोप

विजय केसरकर, एबीपी माझा — Mon, 13 Jul 2026 10:47:11 +0530

सासू, सासरा, नवरा आणि नणंदने अस्मिताचा जीव घेतला- (Kolhapur Asmita Katkar Death)

माझ्या मुलीचं शुक्रवारी शेवटचं बोलणं झालं होतं. त्यावेळी बारशा मोठ्याने करा, असं बोलत होती. परंतु मी म्हटलं आताच जास्त पैसे खर्च झाले. रुग्णालयात खर्च झाला, अधिक मासात पैसे खर्च झाले, असा आरोप अस्मिताच्या वडिलांनी केला. सासू, सासरा, नवरा आणि नणंदने अस्मिताचा जीव घेतला, असा आरोप अस्मिताच्या आईने केला.

नेमकं काय घडलं? (Kolhapur Crime News)

अस्मिताचे वर्षभरापूर्वी लग्न झाले. सासरची आर्थिक स्थिती सधन आहे. अवधी एक महिन्याची मुलगी असताना अस्मिता यांनी आत्महत्येचा निर्णय का घेतला? याचा उलगडा करण्याचे काम पोलिसांकडून सुरू आहे. अस्मिताच्या गळ्यावर जखमा आढळल्या असून, व्हिसेरा राखीव ठेवल्याचे पोलिसांनी सांगितले. एक वर्षापूर्वी लग्न झालेल्या विवाहितेने एक महिन्याच्या मुलीचे बारसे होण्यापूर्वीच राहत्या घरी छताच्या फॅनला ओढणीने गळफास घेऊन आत्महत्या केली. ही घटना राववारी (12 जुलै) दुपारी चारच्या सुमारास घडली. लग्नानंतर सात वर्षापर्यंत विवाहितेने आत्महत्या केल्यास मृतदेहाचे शवविच्छेदन, पंचनामा न्यायाधीश आणि इतर पंचांच्या उपस्थितीत केला जातो. सोमवारी सकाळी न्यायाधीशांच्या उपस्थितीत पंचनामा होईल, अशी माहिती पोलिसांनी दिली.

कोल्हापुरात राजारामपुरीत महिलेनं स्वतःला संपवलं, आई-वडिलांचा गंभीर आरोप, VIDEO:

Kolhapur Crime News: 1 महिन्याच्या मुलीचे बारसे होण्यापूर्वीच आईने मृत्यूला कवटाळले; घरात मुलीच्या बारशासाठी लगबग सुरू असताना कोल्हापुरात हादरवणारं घडलं

विजय केसरकर, एबीपी माझा — Mon, 13 Jul 2026 09:12:26 +0530

Kolhapur Crime News: कोल्हापुरमधील एक धक्कादायक माहिती (Kolhapur Crime News) समोर आली आहे. एक महिन्याच्या मुलीचे बारसे होण्यापूर्वीच आईने मृत्यूला कवटाळल्याने संपूर्ण परिसर हादरवून गेला आहे. कोल्हापूरच्या राजारामपुरीतील महिलेने काल दुपारी गळफास घेऊन आत्महत्या केली. अस्मिता प्रतीकसिंह काटकर असं आत्महत्या केलेल्या महिलेचे नाव आहे.

घरात मुलीच्या बारशासाठी लगबग सुरू असताना अस्मिताने गळफास घेतल्याचा धक्कादायक प्रकार समोर आला. अस्मिताच्या आत्महत्येचं कारण अद्याप अस्पष्ट आहे. अस्मिताचे वर्षभरापूर्वी लग्न झाले. सासरची आर्थिक स्थिती सधन आहे. अवधी एक महिन्याची मुलगी असताना अस्मिता यांनी आत्महत्येचा निर्णय का घेतला? याचा उलगडा करण्याचे काम पोलिसांकडून सुरू आहे. अस्मिताच्या गळ्यावर जखमा आढळल्या असून, व्हिसेरा राखीव ठेवल्याचे पोलिसांनी सांगितले. (Kolhapur News)

नेमकं काय घडलं? (Kolhapur Crime News)

एक वर्षापूर्वी लग्न झालेल्या विवाहितेने एक महिन्याच्या मुलीचे बारसे होण्यापूर्वीच राहत्या घरी छताच्या फॅनला ओढणीने गळफास घेऊन आत्महत्या केली. ही घटना राववारी (12 जुलै) दुपारी चारच्या सुमारास घडली. लग्नानंतर सात वर्षापर्यंत विवाहितेने आत्महत्या केल्यास मृतदेहाचे शवविच्छेदन, पंचनामा न्यायाधीश आणि इतर पंचांच्या उपस्थितीत केला जातो. सोमवारी सकाळी न्यायाधीशांच्या उपस्थितीत पंचनामा होईल, अशी माहिती पोलिसांनी दिली.

राज्यासह देश-विदेशातील महत्वाच्या घडामोडी, VIDEO:

Kolhapur Crime: कोल्हापुरात खड्डा चुकवण्याच्या प्रयत्नात दुचाकीने धडक दिल्याने हकनाक जीव गेला; मृतदेह खड्ड्यांमध्ये ठेवत नातेवाईक अन् नागरिकांचा आक्रोश

विजय केसरकर, एबीपी माझा — Sun, 12 Jul 2026 13:29:26 +0530

Kolhapur Crime: कोल्हापूर-गारगोटी राज्य मार्गावर कळंबा साई मंदिर नजीक खड्ड्यांमुळे दुचाकीच्या धडकेत झालेल्या अपघातात एक व्यक्ती गंभीर जखमी झाला होता. उपचारादरम्यान या व्यक्तीचा काल मृत्यू झाला. संतप्त झालेल्या नातेवाईक आणि नागरिकांनी काल (11 जुलै) सायंकाळी मृत राजेंद्र गायकवाड यांचा मृतदेह खड्ड्यांमध्ये ठेवून जोरदार निदर्शने केल्याचा व्हिडिओ सध्या सोशल मीडियावर व्हायरल झाला.

खड्डा चुकवण्याच्या प्रयत्नात जोरदार धडक

कळंब्यात राहणाऱ्या राजेंद्र गायकवाड दोन दिवसांपूर्वी रस्त्यावरून जात असताना भरधाव येणाऱ्या दुचाकीस्वाराने खड्डा चुकवण्याच्या प्रयत्नात जोरदार धडक दिली होती. त्यात ते गंभीर जखमी झाले होते. जखमी अवस्थेत त्यांना तत्काळ उपचारासाठी खासगी रुग्णालयात दाखल केले. परंतु उपचाराला राजेंद्र यांनी प्रतिसाद दिला नाही. काल शनिवारी त्यांचा मृत्यू झाला. यावेळी स्थानिक नागरिकांनी नातेवाईकांनी राजेंद्र गायकवाड यांची काल अंत्ययात्रा काढली. यावेळी संतप्त नातेवाईक आणि ग्रामस्थांनी अपघात झालेल्या राज्य मार्गावरील खड्ड्यात राजेंद्र यांचा मृतदेह ठेवून महापालिका प्रशासनाचा निषेध नोंदवला. दरम्यान, या अंत्ययात्रेचा व्हिडिओ सोशल माध्यमांवर व्हायरल झाल्यानंतर महानगरपालिकेने खुलासा केला आहे. राजेंद्र गायकवाड यांचा अपघात होण्यास कारणीभूत असणाऱ्या तरुणांकडे स्पोर्ट्स बाईक होती. भरधाव वेगाने येणाऱ्या या स्पोर्ट्स बाईकचा ताबा सुटून हा अपघात झाल्याचे स्पष्टीकरण महापालिकेनं दिलं आहे.

कोल्हापूर जिल्ह्यातील अनेक रस्त्यांवर खड्डे

दुसरीकडे, गेले आठ दिवसांपासून कोल्हापूर शहरासह जिल्ह्यात मुसळधार पाऊस पडल्याने कोल्हापूर जिल्ह्यातील अनेक रस्त्यांवर खड्डे पडले आहेत. एका बाजूला राजेंद्र गायकवाड यांच्या नातेवाईकांच्या म्हणण्यानुसार खड्डे चुकवताना दुचाकी स्वाराने राजेंद्र गायकवाड यांना धडक दिल्याचे म्हणणं आहे. तर दुसऱ्या बाजूला महापालिकेने हा अपघात मद्यधुंद अवस्थेत असणाऱ्या वाहन चालकांनी केल्याचं म्हणणं आहे. या संदर्भात अधिक तपास करवीर पोलीस करत आहेत.

इतर महत्वाच्या बातम्या

सातबारा कोरा करणार असं सांगून मुख्यमंत्री शेतकऱ्यांना अजून किती दिवस गंडवणार, कर्जमाफीच्या मुद्यावरुन राजू शेट्टींचा हल्लाबोल

सातबारा कोरा करणार असं सांगून मुख्यमंत्री शेतकऱ्यांना अजून किती दिवस गंडवणार, कर्जमाफीच्या मुद्यावरुन राजू शेट्टींचा हल्लाबोल

विजय केसरकर, एबीपी माझा — Fri, 10 Jul 2026 20:37:17 +0530

Raju Shetti on Devendra Fadnavis : महात्मा फुले कर्जमाफी योजनेचा लाभ मिळालेल्या शेतकऱ्यांना 50 हजार रुपयांपर्यंतचा लाभ मिळणार होता तो आता 2 लाख रुपयांपर्यंत मिळणार आहे. तर प्रोत्साहनपर अनुदानासाठीची 2026-27 चं पीक कर्ज भरण्याची अट रद्द करणार असल्याची घोषणा देवेंद्र फडणवीस यांनी केली आहे. यावर स्वाभिमानी शेतकरी संघटनेचे प्रमुख राजू शेट्टी यांनी प्रतिक्रिया दिली आहे. सातबारा कोरा करणार असं सांगून मुख्यमंत्री अजून किती दिवस शेतकऱ्यांना गंडवणार आहेत अशी टीका राजू शेट्टींनी केली आहे.

मुख्यमंत्री देवेंद्र फडणवीस यांनी शेतकऱ्यांचा सातबारा कोरा करणार असं सांगितलं होतं असे राजू शेट्टी म्हणाले. मात्र, सातबारा कोरा करणार असं सांगून मुख्यमंत्री शेतकऱ्यांना अजून किती दिवस गंडवणार असा सवाल शेट्टींना केला. नवीन लाभधारकांच्या यादीमुळं अतिशय नगन्य शेतकऱ्यांची भर पडणार आहे. द्राक्ष, डाळिंब आणि संत्रा शेतकऱ्यांबाबत निर्णय घेण्याची गरज होती. प्रवीण परदेशी नावाचा विद्वान व्यक्ती माहिती तयार करण्याचं काम करणार आहे. या सगळ्यांमध्ये केवळ वेळ काढूपणा करण्यासाठीच मुख्यमंत्र्यांनी ही घोषणा केल्याची माहिती राजू शेट्टी यांनी दिली.

कर्जमाफी संदर्भात मुख्यमंत्र्यांचा दोन घोषणा

2008 मध्ये देशात कर्जमाफी झाली, त्यानंतर 2009 मध्ये कर्जमाफी करण्यात आली. त्यावेळी 2008 मध्ये ज्यांना कर्जमाफीचा लाभ मिळाला त्यांना 2009 मध्ये वगळलं होतं. 2026-27 च्या कर्जाची परतफेड केली पाहिजे, अशी अट टाकली होती, ज्यांना प्रोत्साहनपर लाभ देतोय, त्यांनी कर्ज वेळेत भरलं पाहिजे अशी भूमिका त्यामागील होती, असं देवेंद्र फडणीस म्हणाले. सातत्यानं या संदर्भात अटी शर्थी आहेत, अशी मागणी होत होती. रणधीर सावरकरांच्या नेतृत्त्वात महायुतीचे आमदार भेटले आणि 50 हजारांची अट काढून टाका, अशी मागणी केली. मी त्यांना अट काडून टाकल्यानं 4-5 हजार कोटींचा बोजा येईल. पण शिस्तीचा भाग म्हणून ही अट आणली आहे, समजा एक लाखांपर्यंत नेली तर 2 लाख शेतकरी फायदा न मिळणारे राहतात. सगळ्याचं मत होतं, 2 लाख शेतकरी का सोडता. मी आर्थिक शिस्त सांगत होते, ते लोक मला व्यापक विचार केला पाहिजे होते, असं सांगत होते.

महात्मा फुले कर्जमाफीमधील योजनेतील जे लोक होते ज्यांना 50 हजारांपर्यंत कर्जमाफी म्हटलं होतं. त्यांना देखील 2 लाखांपर्यंत कर्जमाफी देण्यात येईल. 2026-27 चा कर्ज भरण्यासंदर्भातील नियम वगळण्यात येईल. 2026 ला किती लोकांनी भरले याची माहिती आहे. 95 टक्के लोकांनी पैसे भरले. त्या अगोदरच्या तीन पैकी दोन वर्षात ज्यांनी पैसे भरले ते आता पात्र होतील, पहिल्यांदा असा निर्णय झाला आहे, यापूर्वी असा निर्णय झालेला नाही, असं देवेंद्र फडणवीस यांनी म्हटलं.

शक्तीपीठ महामार्गाविरोधात राजू शेट्टींचा एल्गार, 13 जिल्ह्यातील शेतकरी पंढरपुरात एकत्र येणार, आषाढीपूर्वी भव्य पायी सदबुध्दी यात्रा

गणेश लटके — Thu, 9 Jul 2026 23:56:13 +0530

Raju Shetti on Samruddhi Mahamarg : महाराष्ट्र शासनाने प्रस्तावित केलेल्या नागपूर-गोवा शक्तीपीठ महामार्गामुळे राज्यातील सुपीक शेतजमीन, बागायती क्षेत्र आणि शेतकऱ्यांची घरे उद्ध्वस्त होणार आहेत. या विनाशकारी महामार्गाला राज्यातील शेतकऱ्यांचा तीव्र विरोध असून, हा प्रकल्प पूर्णपणे रद्द करावा या मागणीसाठी आता आंदोलनाचा पुढील टप्पा जाहीर करण्यात आला आहे. आगामी आषाढी एकादशीच्या पार्श्वभूमीवर, राज्यातील 13 जिल्ह्यांतील बाधित शेतकरी एकत्र आले असून, 18 जुलै 2026 रोजी पंढरपूर येथील ऐतिहासिक वाखरी मैदान येथे सकाळी 11 वाजता शेतकऱ्यांची भव्य जाहीर सभा संपन्न होणार आहे. या सभेनंतर वाखरी ते विठ्ठल मंदिर, पंढरपूर अशी हजारो शेतकऱ्यांची भव्य पायी सदबुध्दी यात्रा काढण्यात येणार असल्याची माहिती शक्तीपीठ विरोधी कृती समितीच्यावतीने माजी खासदार राजू शेट्टी यांनी दिली.

आषाढी एकादशीच्या शासकीय महापूजेसाठी राज्याचे मुख्यमंत्री देवेंद्र फडणवीस हे पंढरपुरात येणार आहेत. या दौऱ्याच्या पार्श्वभूमीवर, राज्यातील १३ जिल्ह्यांतील शेतकरी पंढरपुरात विठ्ठल चरणी एकत्र येत आहेत. "शेतकऱ्यांची सोन्यासारखी सुपीक जमीन हिरावून घेणारा हा शक्तीपीठ महामार्ग राज्य सरकारने त्वरित रद्द करावा आणि मुख्यमंत्री महोदयांना हा विनाशकारी प्रकल्प रद्द करण्याची सुबुद्धी पांडुरंगाने द्यावी," अशी सामूहिक मागणी आणि प्रार्थना या सदबुध्दी यात्रेच्या माध्यमातून शेतकरी विठूरायाकडे करणार आहेत.

13 जिल्ह्यांतील शेतकऱ्यांचा तीव्र विरोध

शक्तीपीठ महामार्गामुळे नागपूर, वर्धा, यवतमाळ, हिंगोली, नांदेड, परभणी, बीड, लातूर, धाराशिव, सोलापूर, सांगली, सातारा ,कोल्हापूर आणि सिंधुदुर्ग या 13 जिल्ह्यांतील हजारो हेक्टर शेतजमीन संपादित केली जाणार आहे. यामुळे पिढ्यानपिढ्या शेती करणाऱ्या लाखो शेतकऱ्यांवर भूमिहीन होण्याची वेळ आली आहे. या महामार्गाची कोणतीही आवश्यकता नसताना देवेंद्र फडणवीस यांना 50 हजार कोटींचा ढपला पाडण्यासाठी व केवळ कंत्राटदार आणि भांडवलदारांच्या फायद्यासाठी हा प्रकल्प शेतकऱ्यांवर लादला जात असल्याचा आरोप राजू शेट्टी यांनी केला आहे.

वाखरी येथील सभेत आंदोलनाची पुढील दिशा ठरणार

यापूर्वीही या 13 जिल्ह्यांत विविध पातळ्यांवर मोर्चे, धरणे आंदोलने आणि ग्रामसभांमध्ये तसेच जिल्हा परिषद, नगरपालिका मध्ये महामार्गाविरोधात ठराव मंजूर करण्यात आले आहेत. मात्र, सरकारने अद्याप हा प्रकल्प अधिकृतपणे आणि पूर्णपणे रद्द करण्याची घोषणा केलेली नाही. त्यामुळे आता आंदोलनाची धार अधिक तीव्र करण्यासाठी आषाढी वारीच्या पवित्र वातावरणात शेतकऱ्यांनी 'पांडुरंग' चरणी न्याय मागण्याचे ठरवले आहे. 18 जुलै रोजी वाखरी येथील सभेत आंदोलनाची पुढील दिशा आणि तीव्र आंदोलनाचा इशारा दिला जाणार आहे.

या सदबुध्दी यात्रेस राष्ट्रवादीचे नेते आमदार जयंत पाटील , विधान परिषदेचे गटनेते सतेज उर्फ बंटी पाटील , खासदार धैर्यशील मोहिते पाटील, खासदार प्रणितीताई शिंदे , मा. मंत्री महादेव जानकर , आमदार कैलास पाटील , कॅाम्रेड गिरीश फोंडे , यांच्यासह वरील सर्व जिल्ह्यातील शक्तीपीठ विरोधी विविध पक्षांचे आमदार खासदार या यात्रेस उपस्थित राहणार आहेत. हा लढा केवळ जमीन वाचवण्याचा नसून शेतकऱ्यांचे अस्तित्व, संस्कृती आणि रोजगार वाचवण्याचा आहे. त्यामुळे शक्तीपीठ महामार्ग बाधित 13 जिल्ह्यांतील सर्व शेतकरी बांधव, कष्टकरी, महिला आणि तरुण शेतकऱ्यांनी 18 जुलै रोजी सकाळी 11 वाजता वाखरी (पंढरपूर) येथे मोठ्या संख्येने उपस्थित राहावे, असे आवाहन शेतकरी समन्वय समिती आणि शक्तीपीठ महामार्ग विरोधी कृती समितीच्या वतीने मा. खासदार राजू शेट्टी यांनी केले आहे.

Kolhapur Crime: 'आज माझा तरी शेवट नाहीतर...पुढच्याचा'; कोल्हापूरमध्ये नवऱ्याने मोबाईलवर स्टेटस ठेवून बायकोला संपवलं

विजय केसरकर, एबीपी माझा — Thu, 9 Jul 2026 09:04:44 +0530

Kolhapur Crime: 'आज माझा तरी शेवट नाहीतर...पुढच्याचा' असा मोबाईलवर स्टेट्स ठेवून पतीने पत्नीची निर्घृण हत्या केल्याची घटना कोल्हापूरमध्ये घडली आहे. कोल्हापूरच्या (Kolhapur news) पेठवडगाव येथे भररस्त्यात ही धक्कादायक घटना घडली. अमृता कांबळे (वय 30) असे हत्या झालेल्या महिलेचे नाव आहे. तिचा पती दीपक कांबळे (वय 35) याने कोयत्याने सपासप वार करुन तिची हत्या (Murder news) केली. दीपक हा अमृताच्या चारित्र्यावर वारंवार शंका घ्यायचा. याच कारणावरुन दीपक कांबळे पत्नीची हत्या करून 'विषय संपवला' म्हणत पतीने मिशीवर ताव मारत पळ काढला होता. कोल्हापूरच्या पेठवडगाव येथील एसटी स्टँडच्या पाठीमागील परिसरात बुधवारी संध्याकाळी पाचच्या सुमारास ही घटना घडली. या घटनेमुळे वडगाव शहर एकच खळबळ उडाली आहे. (Kolhapur Crime news)

प्राथमिक माहितीनुसार, दीपक कांबळे आणि अमृता कांबळे यांचा आठ वर्षांपूर्वी प्रेमविवाह (Love Marriage) झाला होता. त्यांना दोन मुली आहेत. गेल्या काही दिवसांपासून या दोघांमध्ये वारंवार खटके उडत होते. बुधवारी अमृता कांबळे या एसटी स्टँडच्या पाठीमागील एका कॉम्प्लेक्समध्ये एका वकिलाला भेटण्यासाठी गेल्या होत्या. यावेळी दीपक कांबळे तिकडे आला. त्याठिकाणी दीपक आणि अमृता यांचे कडाक्याचे भांडण झाले. त्यावेळी दीपकने त्याच्याजवळील कोयत्याने अमृता यांच्यावर एकापाठोपाठ एक वार केले. यामध्ये अमृता कांबळे गंभीर जखमी झाल्या. त्या रक्ताच्या थारोळ्यात खाली पडल्या होत्या.यानंतर अमृता कांबळे यांचा मृत्यू झाला. ही घटना घडली तेव्हा जोरदार पाऊस सुरु होता. हा सगळा प्रकार पाहायला बघ्यांची मोठी गर्दीही जमली होती.

ही घटना घडली तेव्हा पेठवडगावच्या एसटी स्टँडच्या परिसरात अनेकजण उपस्थित होते. त्यांच्यासमोरच ही घटना घडली. दीपक अमृता यांच्यावर कोयत्याने वार करत असताना काही तरुण त्याला रोखण्यासाठी पुढे सरसावले. मात्र, दीपकने त्यांना म्हटले की, 'ती माझी पत्नी आहे, तुम्ही यात पडू नका.' यानंतर दीपकने अमृता कांबळे यांच्यावर कोयत्याने आणखी वार केले. यानंतर तो घटनास्थळावरुन पळून गेला. या घटनेची माहिती मिळाल्यानंतर वडगाव पोलीस ठाण्याचे पोलीस निरीक्षक गोरख चौधरी, पोलीस उपनिरीक्षक प्रियांका खाडे, हवालदार आबासाहेब पाटील, श्रीकांत दाभोळकर, भूषण शेटे , काकासाहेब स्वामी, अंमलदार महेश गायकवाड, अनिल आष्टेकरल, लखन सावंत, कुलदीप मोहिते यांनी घटनास्थळी येऊन पंचनामा करुन तपासाला सुरुवात केली. घटनास्थळावरुन फॉरेन्सिक पथकानेही नमुने गोळा केले आहेत. सध्या पोलीस दीपक कांबळे याचा शोध घेत आहेत. तर अमृता कांबळे यांचा मृतदेह शवविच्छेदनासाठी शासकीय रुग्णालयात पाठवण्यात आला होता.

आणखी वाचा

केतनला मारण्यापूर्वी सिया गोयलने गुगलवर 'या' चार प्रश्नांची उत्तरं सर्च केली, पोलीस काय-काय करणार त्याची तयारी आधीच केली

Gokul : गोकुळच्या राजकारणात उलथापालथी, निवडणुकीआधीच प्रशासकीय मंडळाच्या अध्यक्षांचा राजीनामा, राजकीय दबावाची चर्चा

विजय केसरकर, एबीपी माझा — Wed, 8 Jul 2026 20:16:02 +0530

कोल्हापूर : निवडणुकीमुळे राज्यभर चर्चेत आलेल्या गोकुळ दूध संघामध्ये मोठी घडामोड घडली आहे. गोकुळ दूध संघाचे प्रशासक मंडळाचे अध्यक्ष संजय सुद्रिक यांनी राजीनामा दिला आहे. वाढत्या राजकीय दबावामुळे संजय सुद्रिक यांनी राजीनामा दिल्याची चर्चा आहे. संजय सुद्रिक यांच्या जागी प्रदीप मालगावे हे प्रशासक मंडळाचे नवे अध्यक्ष असतील.

गोकुळमध्ये लवकरच निवडणूक पार पडणार असून त्याआधी प्रशासक नेमण्यात आला आहे. गोकुळ दूध संघावर पाच सदस्यांचे प्रशासक मंडळ हे काम पाहत होतं. मात्र त्यापैकी या प्रशासकीय मंडळाचे अध्यक्ष संजय सुद्रिक यांनी राजीनामा दिला आहे. त्यामुळे आता चार जणांचे प्रशासक मंडळ हा कारभार पाहणार असून प्रदीप मालगावे हे नवे अध्यक्ष असतील.

गोकुळवर नेमण्यात आलेल्या प्रशासकावरूनही मोठं राजकारण झाल्याचं पाहायला मिळालं. त्यावरुन सत्ताधारी आणि विरोधक, अशा दोन्ही गटांच्या नेत्यांकडून सातत्याने आरोप-प्रत्यारोपांच्या फैरी झडत आहेत. त्यामुळे प्रशासकीय कामकाजात राजकीय हस्तक्षेप वाढल्याचं चित्र आहे. यातूनच आता प्रशासकीय मंडळाचे अध्यक्ष संजय सुद्रिक यांनी राजीनामा दिल्याची चर्चा आहे.

सतेज पाटील वि. महायुती अशी लढत

गोकुळमध्ये सध्या सतेज पाटील गटाची सत्ता आहे. मात्र गेल्यावेळी सतेज पाटलांसोबत निवडणूक लढवलेले हसन मुश्रीफ, प्रकाश आबिटकर, विनय कोरे यांच्यासह अनेकजण सध्या महायुतीच्या गोटात आहेत. त्यामुळे भाजपच्या नेतृत्वाखालील महायुती विरुद्ध सतेज पाटील गट अशी निवडणूक रंगणार आहे.

गेल्या वेळच्या निवडणुकीत सतेज पाटलांनी सगळ्या विरोधकांची मोट बांधून महादेवराव महाडिक यांची अनेक वर्षांची सत्ता उलथवली होती. परंतु गेल्या पाच वर्षांमध्ये मोठ्या राजकीय घडामोडी घडल्याचं दिसून आलं. त्यामुळेच गेल्या निवडणुकीवेळी सतेज पाटलांसोबत असलेले जिल्ह्यातील राष्ट्रवादी आणि शिवसेनेचे नेते आता महायुतीसोबत आहेत.

कोणत्याही परिस्थितीमध्ये गोकुळमध्ये महायुतीची सत्ता आणण्यासाठी वरिष्ठ नेत्यांनी चंग बांधल्याचं दिसून येतंय. त्यामुळेच साम, दाम, दंड, भेद सर्व वापरलं जात असल्याचं चित्र आहे.

दोन्ही गटांचे हजारो ठराव दाखल

दरम्यान, हसन मुश्रीफ गटाने 2 हजार 65, शिंदे गटाने 1 हजार 512, भाजप आणि महाडिक गटाने 1,431, कोरे गटाने 545 ठराव दाखल केले आहेत. सत्ताधारी सतेज पाटलांच्या समविचारी आघाडीने 1,851 ठराव दाखल केले आहेत. त्यामुळे आता हे ठराव एकत्रित केले तर 7,404 होत आहेत. मात्र गोकुळ दूध संघाचे पात्र ठरावांची संख्या फक्त 4,448 आहे. त्यामुळे आता हे वाढलेले ठरावधारक नेमके आहेत तरी कोण, असा प्रश्न उपस्थित केला जात आहे.

दुसरीकडे, गोकुळ निवडणुकीवर परिणाम करणारा आणखी एक महत्त्वाचा मुद्दा न्यायालयात प्रलंबित आहे. गोकुळशी संबंधित 427 दूध संस्थांचे सभासदत्व रद्द करण्याचा निर्णय विभागीय दुग्ध निबंधकांनी घेतला होता. या निर्णयामुळे संबंधित संस्थांना मतदानापासून वंचित राहावे लागणार असल्याने सतेज पाटील गटाशी संबंधित संस्थांनी सर्किट बेंचमध्ये याचिका दाखल केल्या आहेत.

ही बातमी वाचा:

Satej Patil: दूध उत्पादक हेच खरे गोकुळचे बाप, सतेज पाटलांनी ठणकावलं; शेतकऱ्यांच्या पोरांनी सोशल मीडियात हिसका दाखवताच अरुण डोंगळेंची वक्तव्यावरून पलटी

Satej Patil: दूध उत्पादक हेच खरे गोकुळचे बाप, सतेज पाटलांनी ठणकावलं; शेतकऱ्यांच्या पोरांनी सोशल मीडियात हिसका दाखवताच अरुण डोंगळेंची वक्तव्यावरून पलटी

विजय केसरकर, एबीपी माझा — Wed, 8 Jul 2026 12:07:12 +0530

Satej Patil on Gokul: गोकुळच्या प्रगतीमध्ये दूध उत्पादक शेतकरी आणि माता-भगिनींचा मोठा वाटा आहे. शेतकरी आणि माता-भगिनी पहाटेपासून घाम गाळून, शेणा-मुतात हात घालून केलेल्या कष्टामुळेच गोकुळ नावारुपाला आला आहे. त्यामुळे दूध उत्पादक शेतकरी हेच गोकुळचे खरे बाप असल्याचे गोकुळ सत्ताधारी आघाडीचे नेते सतेज पाटील यांनी ठणकावलं आहे. गोकुळचे शिल्पकार कै. आनंदराव पाटील-चुयेकर यांनी गोकुळ दूध संघाला प्रगतीपथावर नेले. गोकुळने जिल्ह्यातील साडेपाच लाख दूध उत्पादक शेतकऱ्यांना दर 10 दिवसाला 80 कोटी रुपयाचे दुधाचे बिल देवून खऱ्या अर्थाने अर्थक्रांती घडवून आणली असल्याचे त्यांनी सांगितले.

वक्तव्य केल्यानंतर संतापाचा उद्रेक

माजी अध्यक्ष अरुण डोंगळे यांनी विश्वास पाटील गोकुळचे बाप असल्याचे वक्तव्य केल्यानंतर संतापाचा उद्रेक झाला आहे. दुसरीकडे, सोशल मीडियात शेतकऱ्यांच्या पोरांनी हिसका दाखवल्यानंतर अरुण डोंगळे यांनी आपल्या वक्तव्याचा विपर्यास केल्याचे म्हटलं आहे. सतेज पाटील म्हणाले की, दूध उत्पादकांचा सन्मान, दुधाला जास्तीत-जास्त दर मिळवून देणे, गोकुळ दूध संघ टिकविणे हाच माझा प्रयत्न आहे. त्यामुळे या निवडणुकीमध्ये गट-तट तसेच पक्ष बाजूला ठेवून आपण राजर्षि शाहू शेतकरी समविचारी आघाडीला सहकार्य आणि आशीर्वाद द्यावेत, अशी विनंती मी आपणांस करत आहे. गोकुळच्या विकासाची जबाबदारी मी तसेच आमच्या समविचारी आघाडीचे उमेदवार निश्चितपणे पार पाडू, अशी ग्वाही या निमित्ताने देतो. तुम्ही आणि आम्ही सर्वजण मिळून गोकुळ टिकविण्यासाठी आणि वाढविण्यासाठी कटिबध्द राहूया, असे आवाहन त्यांनी केलं आहे.

दरवाढ देवून शब्द पाळला

सतेज पाटील म्हणाले की, गोकुळच्या गेल्या निवडणुकीमध्ये दुधाला 2 रुपये जादा दर देण्याचा शब्द मी दिला होता. या पार्श्वभूमीवर गेल्या पाच वर्षात म्हैशीच्या दुधाला 14 रुपये आणि गायीच्या दुधाला 10 रुपये प्रति लिटर दरवाढ देवून हा शब्द पाळला आहे. त्याबरोबरच गोकुळ दूध संघ, संघाशी संलग्न दूध संस्था, दूध उत्पादक शेतकरी यांच्या हिताचा कारभार माझ्या नेतृत्वाखाली झाल्याचे समाधान असल्याचे त्यांनी म्हटलं आहे.

'विश्वास आबा हेच गोकुळचे बाप'

दरम्यान, अरुण डोंगळे यांनी 'विश्वास आबा हेच गोकुळचे बाप' असं म्हणून शेतकऱ्यांचा राग ओढवून घेतला होता. सोशल मीडियावर शेतकऱ्यांच्या पोरांनी या दोन्ही नेत्यांची धुलाई केली होती. अखेर विश्वास पाटील आणि अरुण डोंगळे यांनी 'यू-टर्न' घेत आपल्याच वक्तव्याचा विपर्यास झाल्याचा कांगावा केला. दूध उत्पादक शेतकरीच गोकुळचा खरा मालक आहे, हे मान्य करावं लागलं. गोकुळ दूध संघाचे माजी अध्यक्ष अरुण डोंगळे यांनी विश्वास पाटील यांना गोकुळचे बाप घोषित केलं होतं. सोशल मीडियावर तर तरुणांनी अशी काय राळ उडवून दिली की नेत्यांना अडचण झाली होती. सोशल राडा बघून विश्वास पाटील यांनी लगेच डॅमेज कंट्रोल करायला सुरुवात केली. डोंगळे यांनी फक्त ज्येष्ठत्वाच्या नात्याने ते बोलले, असं सांगत त्यांनी शेतकऱ्यांच्या चरणावर लोटांगण घातलं आणि शेतकरीच मालक असल्याचं कबूल केलं. इकडे अरुण डोंगळे यांनी सुद्धा 'माझ्या बोलण्याचा चुकीचा अर्थ काढला हो' असं म्हणत सुटका करून घेतली.

इतर महत्वाच्या बातम्या

Kolhapur Crime: अश्लील व्हिडीओ असल्याचा धाक दाखवत अल्पवयीन शाळकरी मुलीवर सामूहिक अत्याचार; इचलकरंजीमधील घटनेनं खळबळ

Kolhapur Crime News: मुलीच्या बारशासाठी 52,000 हजार रुपयांचा पाळणा

Kolhapur Crime News: वारंवार पैसे उकळल्याची पोलिसांची माहिती

Kolhapur Crime News: नेमकं प्रकरण काय?

Kolhapur Crime : घरात मुलीच्या बारशासाठी लगबग सुरू असताना कोल्हापूर हादरलं

सासू, सासरा, नवरा आणि नणंदने अस्मिताचा जीव घेतला- (Kolhapur Asmita Katkar Death)

नेमकं काय घडलं? (Kolhapur Crime News)

कोल्हापुरात राजारामपुरीत महिलेनं स्वतःला संपवलं, आई-वडिलांचा गंभीर आरोप, VIDEO:

संबंधित बातमी:

नेमकं काय घडलं? (Kolhapur Crime News)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

खड्डा चुकवण्याच्या प्रयत्नात जोरदार धडक

कोल्हापूर जिल्ह्यातील अनेक रस्त्यांवर खड्डे

कर्जमाफी संदर्भात मुख्यमंत्र्यांचा दोन घोषणा

13 जिल्ह्यांतील शेतकऱ्यांचा तीव्र विरोध

वाखरी येथील सभेत आंदोलनाची पुढील दिशा ठरणार

Kolhapur Crime: 'आज माझा तरी शेवट नाहीतर...पुढच्याचा'; कोल्हापूरमध्ये नवऱ्याने मोबाईलवर स्टेटस ठेवून बायकोला संपवलं

सतेज पाटील वि. महायुती अशी लढत

दोन्ही गटांचे हजारो ठराव दाखल

वक्तव्य केल्यानंतर संतापाचा उद्रेक

दरवाढ देवून शब्द पाळला

'विश्वास आबा हेच गोकुळचे बाप'