Gokul Election: 'गोकुळ अध्यक्ष निवडीसाठी सभेला यावं यासाठी काही संचालकांचे मत, पण...' साडेपाच लाख शेतकऱ्यांचा रोष हे 12 संचालक घेणार नाहीत; सतेज पाटलांचं सूचक वक्तव्य

Raju Shetti: ऊस दरावर दुसऱ्या बैठकीत सुद्धा तोडगा नाहीच; ऊसाचं कांड सुद्धा कारखान्याला देणार नाही, राजू शेट्टींचा इशारा

विजय केसरकर, एबीपी माझा — Fri, 30 Oct 2026 18:59:29 +0530

Kolhapur News: ऊस दरासाठी बोलावण्यात आलेली आजची (30 ऑक्टोबर) बैठक निष्फळ ठरली. त्यामुळे दुसऱ्या बैठकीत सुद्धा ऊस दरावर तोडगा निघाला नाही. ऊस दरासाठी शेतकऱ्यांसह स्वाभिमानी शेतकरी संघटना ठाम आहे. यावेळी बैठकीत कारखानदार अभ्यास करून न आल्याचा राजू शेट्टी यांनी आरोप केला. जोपर्यंत निर्णय होत नाही तोपर्यंत ऊसाचे कांडे सुद्धा कारखान्याला देणार नाही, असा इशारा राजू शेट्टी यांनी दिला आहे. शेतकरी कारखानदारांना सोयीचे होईल, अशीच यावेळी भूमिका घेत आहेत, त्यामुळे कारखानदारांनी सुद्धा योग्य दर देण्याची भूमिका घ्यावी, अशी मागणी शेट्टी यांनी केली.

लवकरच तोडगा काढण्यात येईल

दरम्यान, ऊस दरासाठी योग्य तो समन्वय साधण्यासाठी शेतकरी संघटनांचे पदाधिकारी आणि साखर कारखानदार यांच्यासोबत संयुक्त बैठक घेऊन प्रती टन ऊसाला योग्य दर देण्याबाबत लवकरच तोडगा काढण्यात येईल, असे आश्वासन कोल्हापूर जिल्ह्याचे पालकमंत्री प्रकाश आबिटकर यांनी दिले. बिटकर म्हणाले, ऊस उत्पादकांना गळीत हंगामात येणाऱ्या अडचणी सोडवण्यासाठी प्रयत्न केले जातील. उसाच्या दराबाबत प्रत्यक्ष निर्णय घेण्यासाठी साखर कारखानदार आणि शेतकरी संघटनांच्या प्रतिनिधींसोबत चर्चा केली जाईल यानंतर लवकरच ऊस दराबाबत सकारात्मक मार्ग काढला जाईल.

साखर कारखानदारांकडून देण्यात येणाऱ्या दरामध्ये तफावत

राजू शेट्टी म्हणाले की ऊस उत्पादक शेतकऱ्यांना अपेक्षित असणारा दर आणि साखर कारखानदारांकडून देण्यात येणाऱ्या दरामध्ये तफावत आहे. या दोहोंमध्ये समन्वय साधण्यासाठी पालकमंत्री प्रकाश आबिटकर यांनी कारखानदार, शेतकरी संघटनांचे पदाधिकारी व प्रतिनिधींसोबत चर्चा करुन योग्य तो तोडगा काढावा, असे आवाहन त्यांनी केले. आमदार चंद्रदीप नरके यांनीही साखर कारखानदार व ऊस उत्पादक शेतकऱ्यांच्या अडचणी लक्षात घेऊन ऊस दराबाबत सकारात्मक मार्ग काढण्याचे आवाहन केले. बैठकीच्या सुरुवातीला विविध शेतकरी संघटनांच्या पदाधिकाऱ्यांनी गळीत हंगामात येणाऱ्या अडचणी मांडल्या. तसेच ऊसाला योग्य दर मिळण्याचे आवाहन केले. साखर कारखानदारांना सहकार्य केले जाईल, तथापि साखरेच्या दराचा विचार करुन त्यानुसार ऊसाला योग्य दर द्यावा, असे आवाहनही त्यांनी केले.

इतर महत्वाच्या बातम्या

Gokul Election: महायुतीच्या 12 संचालकांची गोकुळच्या बैठकीला दांडी, समविचारी आघाडी थेट हायकोर्टात; आता पुढच्या बैठकीसाठी काय ठरलं? प्रकाश आबिटकरांनी सांगितलं!

Gokul Election: गोकुळ दूध संघाच्या अध्यक्षपदाचं प्रकरण पोहोचलं हायकोर्टात; समविचारी आघाडीतील संचालकांच्या याचिकेवर कोणता निर्णय झाला?

विजय केसरकर, एबीपी माझा — Fri, 30 Oct 2026 17:23:46 +0530

Gokul Election: कोल्हापूर जिल्हा सहकारी दूध उत्पादक संघ अर्थात गोकुळच्या अध्यक्षपदाच्या निवडीवरून घमासान रंगलं आहे. नुकत्याच पार पडलेल्या निवडणुकीमध्ये राजर्षी शाहू शेतकरी समविचारी आघाडीला 13 जागा मिळाल्या आहेत, तर महायुतीला 12 जागा मिळाल्या आहेत. मात्र, अध्यक्ष निवडीच्या सभेसाठी 14 जणांच्या उपस्थितीचा कोरम महत्वपूर्ण असल्याने काल गोकुळच्या अध्यक्षपदाची निवडणूक होऊ शकली नाही. त्यानंतर समविचारी आघाडीने हायकोर्टामध्ये धाव घेत यासंदर्भात दाद मागितली. आज हायकोर्टामध्ये सुनावणी झाल्यानंतर काल पहिल्या सभेला अनुपस्थित राहिलेल्या गोकुळच्या 12 संचालकांना नोटीस काढण्यात आली आहे. हायकोर्टाने सरकारसह महायुतीच्या बाराही संचालकांना प्रतिवादी केलं आहे. हायकोर्टाने महायुतीच्या 12 संचालकांना उपस्थित राहण्याबाबत काढली नोटीस काढली आहे. गोकुळ अध्यक्ष निवडीसाठी 14 संचालकांचा कोरम पूर्ण असण्याची गरज नाही, असे म्हणत समविचारी आघाडीच्या 13 संचालकांनी हायकोर्टात याचिका दाखल केली आहे. आज समविचारी आघाडीच्या संचालकांनी दाखल केलेल्या याचिकेवर मुंबई उच्च न्यायालयाच्या कोल्हापूर सर्किट बेंचमध्ये झाली.

पुढील बैठकीमध्ये उपस्थित राहणार

आता गोकुळच्या अध्यक्षपदाचा तिढा न्यायालयीन प्रक्रियेमध्ये अडकतो की दुसऱ्या बैठकीत महायुतीचे संचालक उपस्थित राहून अध्यक्ष निवडीचे सोपस्कार पार करतात, याकडे लक्ष असेल. दरम्यान अध्यक्ष निवडीवरून आमदार सतेज पाटील आणि मंत्री हसन मुश्रीफ यांच्यामध्ये चांगलाच वाद पेटला आहे. काल हसन मुश्रीफ यांनी पाटील यांच्यावर जातीवादी प्रचार केल्याचा आरोप केला होता. यानंतर पाटील यांनी सुद्धा जोरदार पलटवार करताना तुमच्या मुलाचं नाव अध्यक्षपदाला पाकिटातून देत असताना मी जातीवाद दिसलो नव्हता का, असा प्रश्न विचारला होता. यानंतर आता आज महायुतीकडून आरोग्यमंत्री प्रकाश आबिटकर आणि वैद्यकीय शिक्षणमंत्री हसन मुश्रीफ यांनी भूमिका स्पष्ट करत गोकुळच्या अध्यक्ष पदाच्या निवडीच्या पुढील बैठकीमध्ये उपस्थित राहणार असल्याचं म्हटलं आहे.

समविचारी आघाडीकडून समांतर सभा घेण्यात आली

आता एका बाजूला हायकोर्टाकडून 12 संचालकांना काढण्यात आलेली नोटीस आणि पुढील सुनावणी या पार्श्वभूमीवर आता महायुतीच्या संचालकांकडून अध्यक्ष निवडीच्या बैठकीमध्ये उपस्थिती लावली जाणार का? याकडे सुद्धा लक्ष असेल. दुसरीकडे, काल कोरम अभावी सभा तहकूब करण्यात आल्यानंतर समविचारी आघाडीकडून समांतर सभा घेण्यात आली होती आणि या समांतर सभेमध्ये गोकुळचे चेअरमन म्हणून शशिकांत पाटील चुयेकर यांच्या नावावर शिक्कामोर्तब करण्यात आलं होतं. या सर्व पार्श्वभूमीवरती सोमवारी जेव्हा या प्रकरणाची सुनावणी होईल, त्यामध्ये काय होईल याकडे राजकीय वर्तुळाचं लक्ष असेल. समविचारी आघाडीने निवड कायदेशीर असल्याचे म्हटलं आहे, तथापि, कोरमअभावी निवडणूक निर्णय अधिकारी मोसमी चौगले यांनी मान्यता दिलेली नाही.

इतर महत्वाच्या बातम्या

मग माझ्या मुलाच्या नावाचं पाकीट देण्याचा प्रश्न आलाच कुठं? सतेज पाटील अन् हसन मुश्रीफांमध्ये वाद रंगला! आता मुश्रीफांनी डोंगळेंनी राजीनाम्याला टाळाटाळ करतातच काय घडलं ते सांगितलं, तिघांची नावं घेतली

Gokul Election: महायुतीच्या 12 संचालकांची गोकुळच्या बैठकीला दांडी, समविचारी आघाडी थेट हायकोर्टात; आता पुढच्या बैठकीसाठी काय ठरलं? प्रकाश आबिटकरांनी सांगितलं!

विजय केसरकर, एबीपी माझा — Fri, 30 Oct 2026 15:18:56 +0530

Gokul Election: कोल्हापूर जिल्हा दूध उत्पादक संघ अर्थात गोकुळच्या यांच्या बायलॉजप्रमाणे अध्यक्ष पद निवडणूक होण्यासाठी किमान 14 संचालक उपस्थित रहाणे गरजेचं आहे. ते जर उपस्थित राहू शकले नाहीत, तर कोणत्या पद्धतीची मीटिंग होऊ शकत नाही. त्यामुळे अध्यक्षपदाची निवड होताना दोन्ही बाजूची भूमिका महत्त्वाची आहे. असं असताना सत्ता पलीकडची आली, पण आम्ही त्यांना रोखतोय, असं चित्र निर्माण करण्याचा प्रयत्न करण्यात आला, पण प्रत्यक्षात असं नाही, सभा होण्यासाठी जे आकडे पाहिजे ते त्यांच्याकडे देखील नाहीत. आमचे संचालक आता उपस्थित राहिले नाहीत, पण पुढच्या बैठकीला ते उपस्थित राहतील, असे आरोग्यमंत्री प्रकाश आबिटकर यांनी म्हटलं आहे.

प्रकाश आबिटकर यांनी सांगितलं की, कोणतीही गोष्ट कायदेशीर प्रक्रियेशिवाय होत नाही. कायदेशीर प्रक्रिया राबवण्यासाठी मीटिंगला किमान 14 संख्या उपस्थित आवश्यक आहेत. ज्यावेळी 14 चा आकडा होईल त्यावेळी पुढे येईल. कोणतीही गोष्ट कायदेशीर प्रक्रिया करूनच पूर्ण करावी लागते, जो अध्यक्ष होईल तो कायदेशीर प्रक्रिया राबवूनच होईल. यानंतरच्या बैठकीत या संदर्भातला निर्णय होईल.

माझ्या मुलाच्या नावाचं पाकीट देण्याचा प्रश्न आलाच कुठं?

दरम्यान, सतेज पाटील यांच्यावर जातीयवादाचा आरोप मुश्रीफ यांनी केला होता. यानंतर तुमच्या मुलाच्या नावाचे पाकिट देताना मी जातीयवादी नव्हतो का? अशी विचारणा केली होती. यानंतर पुन्हा मुश्रीफ यांनी डोंगळे यांनी राजीनामा देण्यावरून कलटी मारल्यानंतर काय घडलं हे सांगितलं आहे. मुश्रीफ म्हणाले की, यावर तोडगा म्हणून माझ्या मुलाचं नाव मुंबईत ठरलं. त्यामुळे सतेज पाटील यांनी माझ्या मुलाच्या नावाचं पाकीट देण्याचा प्रश्न आलाच कुठे? आमच्याकडे बहुमत आहे असं सतेज पाटील म्हणत आहेत, मग आमची गरज तुम्हाला का वाटते, आम्ही कुठे आडवं आलोय? अशी विचारणा केली. मुश्रीफ यांनी सांगितले की, सभेला उपस्थित न राहण्याचं स्वातंत्र्य आम्हाला आहे की नाही? माझं बोट धरून त्यांनी मला गोकुळला नेलं आहे. तीन मंत्री, दोन खासदार, दहा आमदार यांना त्यांनी बांधलं आहे, इतक्या मोठ्या माणसावर मी काय बोलणार? निवडणूक निर्णय अधिकाऱ्यांनी सभा तहकूब केल्यानंतर अध्यक्ष निवड कशी होऊ शकते? ते लोक अशा गोष्टी करत आहेत हे दुर्दैवी आहे, त्यांनी कायदेशीर मार्गानेच पुढे गेलं पाहिजे, अशी खोचक टिप्पणी मुश्रीफ यांनी केली.

ते म्हणाले, लोकांमध्ये संभ्रम निर्माण करू नये. शशिकांत पाटील यांना भविष्यात म्हणजे या पाच वर्षात किंवा पुढील पाच वर्षात अध्यक्ष आम्हीच करू असं मी म्हणालो आहे. आता संचालक फोडाफोडीचा विषय नाही, आता कायद्याचा विषय आहे 14 लोक त्यांना कोरम पूर्ण करण्यासाठी लागतील आणि कोरम पूर्ण झाल्याशिवाय अध्यक्ष होणार नाही सतेज पाटील आणि माझ्या मैत्रीची जी अग्निपरीक्षा द्यावी लागणार होती ती आम्ही दिली असल्याचे ते म्हणाले.

इतर महत्वाच्या बातम्या

मग माझ्या मुलाच्या नावाचं पाकीट देण्याचा प्रश्न आलाच कुठं? सतेज पाटील अन् हसन मुश्रीफांमध्ये वाद रंगला! आता मुश्रीफांनी डोंगळेंनी राजीनाम्याला टाळाटाळ करतातच काय घडलं ते सांगितलं, तिघांची नावं घेतली

मग माझ्या मुलाच्या नावाचं पाकीट देण्याचा प्रश्न आलाच कुठं? सतेज पाटील अन् हसन मुश्रीफांमध्ये वाद रंगला! आता मुश्रीफांनी डोंगळेंनी राजीनाम्याला टाळाटाळ करताच काय घडलं ते सांगितलं, तिघांची नावं घेतली

विजय केसरकर, एबीपी माझा — Fri, 30 Oct 2026 14:20:13 +0530

Hasan Mushrif on Satej Patil: अरुण डोंगळे राजीनामा देण्यासाठी टाळाटाळ करत होते तेव्हा कोणाला अध्यक्ष करावे याबाबत माजी आणि सतेज पाटलांची चर्चा झाली होती, त्यावेळी सतेज पाटील यांनी बाबासाहेब चौगुले यांचं नाव सांगितलं होतं. त्यावेळी त्यांनी शशिकांत पाटील चूयेकर यांचं नाव सांगितलं नव्हतं, मला बाबासाहेब चौगुले यांना अध्यक्ष करायचं आहे असं ते म्हणाले होते, पण शशिकांत पाटील यांना अध्यक्षपद दिलं तरच अरुण डोंगळे राजीनामा देतील असं मी सांगितल्यानंतर चुवेकर यांचं नाव पुढे आलं होतं, मात्र एकनाथ शिंदे यांनी सांगितलं तरच मी राजीनामा देईन अशी भूमिका अरुण डोंगळे यांनी घेतली, असा दावा वैद्यकीय शिक्षण मंत्री हसन मुश्रीफ यांनी केला आहे.

माझ्या मुलाच्या नावाचं पाकीट देण्याचा प्रश्न आलाच कुठं?

सतेज पाटील यांच्यावर जातीयवादाचा आरोप मुश्रीफ यांनी केला होता. यानंतर तुमच्या मुलाच्या नावाचे पाकिट देताना मी जातीयवादी नव्हतो का? अशी विचारणा केली होती. यानंतर पुन्हा मुश्रीफ यांनी डोंगळे यांनी राजीनामा देण्यावरून कलटी मारल्यानंतर काय घडलं हे सांगितलं. मुश्रीफ म्हणाले की, यावर तोडगा म्हणून माझ्या मुलाचं नाव मुंबईत ठरलं. त्यामुळे सतेज पाटील यांनी माझ्या मुलाच्या नावाचं पाकीट देण्याचा प्रश्न आलाच कुठे? आमच्याकडे बहुमत आहे असं सतेज पाटील म्हणत आहेत, मग आमची गरज तुम्हाला का वाटते, आम्ही कुठे आडवं आलोय? अशी विचारणा केली.

उपस्थित न राहण्याचं स्वातंत्र्य आम्हाला आहे की नाही?

मुश्रीफ यांनी सांगितले की, सभेला उपस्थित न राहण्याचं स्वातंत्र्य आम्हाला आहे की नाही? माझं बोट धरून त्यांनी मला गोकुळला नेलं. तीन मंत्री, दोन खासदार, दहा आमदार यांना त्यांनी बांधलं आहे, इतक्या मोठ्या माणसावर मी काय बोलणार? निवडणूक निर्णय अधिकाऱ्यांनी सभा तहकूब केल्यानंतर अध्यक्ष निवड कशी होऊ शकते? ते लोक अशा गोष्टी करत आहेत हे दुर्दैवी आहे, त्यांनी कायदेशीर मार्गानेच पुढे गेलं पाहिजे, अशी खोचक टिप्पणी मुश्रीफ यांनी केली. ते म्हणाले, लोकांमध्ये संभ्रम निर्माण करू नये. शशिकांत पाटील यांना भविष्यात म्हणजे या पाच वर्षात किंवा पुढील पाच वर्षात अध्यक्ष आम्हीच करू असं मी म्हणालो आहे. आता संचालक फोडाफोडीचा विषय नाही, आता कायद्याचा विषय आहे 14 लोक त्यांना कोरम पूर्ण करण्यासाठी लागतील आणि कोरम पूर्ण झाल्याशिवाय अध्यक्ष होणार नाही सतेज पाटील आणि माझ्या मैत्रीची जी अग्निपरीक्षा द्यावी लागणार होती ती आम्ही दिली असल्याचे ते म्हणाले.

इतर महत्वाच्या बातम्या

Satej Patil: तेव्हा मी जातीवादी नव्हतो का? देशाला नव्हे जगाला माहितीय, आमच्याकडे बहुमत, जनक्षोभ निर्माण होईल; सतेज पाटलांचे हसन मुश्रीफांना प्रत्युत्तर, म्हणाले, यांना गोकुळ बंद पाडायचाय

सात दिवसात पाऊस, साखर मिरची महाग ते राजकीय उलथापालथ, पट्टणकोडोलीच्या यात्रेत फरांडे बाबांची भाकणूक, हजारो भाविकांनी घेतलं दर्शन

विजय केसरकर, एबीपी माझा — Thu, 29 Oct 2026 20:38:24 +0530

Kolhapur Pattankodoli Yatra : महाराष्ट्रासह कर्नाटक, आंध्र प्रदेश आणि तेलंगणा राज्यामध्ये प्रसिद्ध असणाऱ्या कोल्हापूर जिल्ह्यातील पट्टणकोडोलीच्या (Pattankodoli Yatra) श्री विठ्ठल बिरदेव यात्रेला आजपासून सुरुवात झाली आहे. यात्रेच्या पहिल्याच दिवशी हजारो भाविकांनी विठ्ठल बिरुदेवाचे दर्शन घेऊन भंडाऱ्याची उधळण केली. या यात्रेचा अनुभव घेण्यासाठी देश विदेशातील नागरिक पट्टणकोडोली या ठिकाणी येत असतात. यात्रेचे आणखी एक वैशिष्ट्य म्हणजे फरांडे बाबा (Farande Baba) यांनी केलेली भाकणूक होय. फरांडे बाबांची भाकणूक ऐकण्यासाठी भक्तांचे कान आसुसलेले असतात. यावर्षी त्यांनी नेमकी काय भाकनूक केली याबाबतची माहिती पाहुयात.

Farande Baba Bhakanuk : फरांडे बाबांनी काय केली भाकणूक?

कोल्हापूर जिल्ह्यातील पट्टणकोडोलीच्या (Pattankodoli Yatra) श्री विठ्ठल बिरदेव यात्रेला आजपासून सुरुवात झाली आहे. या यात्रेसाठी मोठ्या प्रमाणात भाविक दरवर्षी येतात. यावर्षी देखील मोठ्या प्रमामात भाविक पट्टणकोडोलीत दाखल झाले आहेत. दरम्यान, या यात्रेत फरांडे बाबा भाकणूक करतात. ही भाकणूक एकण्यासाठी भाविकांची मोठी गर्दी या यात्रेत होत असते. फरांडे बाबांनी केलेल्या भाकनुकीनुसार, पुढच्या सात दिवसात पाऊस पडेल, राजकीय उलथापालथ होऊन देशावर महिला राज येईल. मिरची आणि साखरेचे दर वाढतील, इतकंच नाही तर मोठी आंदोलनं होऊन लढाया होतील अशी भाकणुक फरांडे बाबा यांनी केली आहे.

29 ऑक्टोबर ते 31 ऑक्टोबर 2026 या कालावधीत येथील यात्रा उत्साहात पार पडणार

पट्टणकोडोली येथील प्रसिद्ध श्री विठ्ठल-बिरदेव यात्रा 2026 ही तीन दिवस चालणार आहे. 29 ऑक्टोबर ते 31 ऑक्टोबर 2026 या कालावधीत येथील यात्रा उत्साहात पार पडणार आहे. या यात्रेसाठी मोठ्या संख्येनं भाविक पट्टणकोडोलीत दाखल झाले आहेत. आजच्या पहिल्याच दिवशी हजारो भाविकांनी विठ्ठल बिरुदेवाचे दर्शन घेऊन भंडाऱ्याची उधळण केल्याचं पाहायला मिळाल. विशेष म्हणजे दरवर्षी या यात्रेत फरांडे बाबा भाकणूक करत असतात. त्यांच्या भाकणूकीकडे सर्वाचं लक्ष लागलेलं असतं. यावर्षी देखील त्यांनी भाकणूक केली आहे. यामध्ये पुढच्या सात दिवसात पाऊस पडेल असे सांगण्यात आले आहे. त्याचबरोबर राजकीय उलथापालथ होऊन देशावर महिला राज येईल अशी भावकूम देखील फरांडे बाबांनी केली आहे. तसेच मिरची आणि साखरेचे दरात मोठ्या प्रमाणात वाढ होईल अशी भाकणूक फरांडे बाबांनी पट्टणकोडोलीत यात्रेत केली आहे. त्याचबरोबर मोठी आंदोलनं होऊन लढाया होतील असं ही त्यांनी सांगितलं आहे.

Satej Patil: तेव्हा मी जातीवादी नव्हतो का? देशाला नव्हे जगाला माहितीय, आमच्याकडे बहुमत, जनक्षोभ निर्माण होईल; सतेज पाटलांचे हसन मुश्रीफांना प्रत्युत्तर, म्हणाले, यांना गोकुळ बंद पाडायचाय

विजय केसरकर, एबीपी माझा — Thu, 29 Oct 2026 17:47:34 +0530

Gokul Election: जेव्हा गोकुळ चेअरमनपदासाठी नविद मुश्रीफ यांच्या नावाचं पाकीट दिलं होतं त्यावेळी मी जातीवादी नव्हतो का? तुमच्या मुलाला चेअरमन करताना मी नावाचं पाकीट दिलं आणि मुश्रीफ साहेबांना सांगितलं होतं, अशा शब्दात आमदार सतेज पाटील यांनी हसन मुश्रीफ यांच्यावर हल्लाबोल केला. मुश्रीफ यांनी सतेज पाटील यांच्यावर गंभीर आरोप केले आहेत. त्यांनी जातीयवादी प्रचार केल्याचा आरोप केला आहे. या पार्श्वभूमीवर पाटील यांनी मुश्रीफ यांच्या आरोपांना प्रत्युत्तर दिलं आहे. मुश्रीफ साहेब यांनी ज्यांच्यावर बोलायला पाहिजे, त्यांच्यावर बोलत नसल्याचं ते म्हणाले. ज्यांना त्रास दिला त्यांच्यावर ते बोलत नाहीत. त्यांच्या मुलाला कुणी कुणी पाडलं हे सुद्धा त्यांना माहिती असल्याचा टोला पाटील यांनी लगावला.

जगाला माहिती आहे आमच्याकडे बहुमत

सतेज पाटील म्हणाले, शेतकऱ्यांसाठी लढतोय असं म्हणत असतील तर आज मीटिंगला यायला पाहिजे होते, 12 संचालकांपैकी काही संचालक मीटिंगला यायला तयार होते, माझा मुलगा चेअरमन होणार नव्हता, मी शेतकऱ्यांसाठी म्हणत होतो गोकुळ वाचला पाहिजे. देशाला नव्हे तर आता जगाला माहिती आहे आमच्याकडे बहुमत आहे, असा टोला त्यांनी लगावला, जनक्षोभ निर्माण होईल, असा इशाराही पाटील यांनी दिला.

यांना गोकुळ दूध संघ बंद पाडायचाय

त्यांनी सांगितले की, विरोधक असला तरी निवडून आला आहात ना? त्यामुळे मीटिंगला यावं असं आमचं म्हणणं आहे. तीन मीटिंगला आले नाही तर संचालक पद आपोआप रद्द होईल, तुम्हाला लोकांनी निवडून दिलं आहे म्हणून त्यांनी बोर्डात यावं असं आमचं म्हणणं आहे. कोरमचा मुद्दा मीटिंगला लागतो, निवड प्रक्रियेला लागत नाही, पण आज सहकारातील काळा दिवस म्हणावा लागेल. निवडणूक अधिकाऱ्यांना विनंती केली, पण निवड केली नाही. त्यामुळे बहुमत आम्हाला असल्याने आम्ही चेअरमन निवडला. प्रशासक असताना दूध संकलन कमी झालं असून यांना गोकुळ दूध संघ बंद पाडायचा असल्याचा आरोप त्यांनी केला.

मुश्रीफ सत्तेतील नेते असल्याने आव्हान देऊ शकतात

ते म्हणाले की, कागल, चंदगड, भुदरगड हातकणंगले हे तालुके सोडून सर्व तालुक्यांमध्ये नविद मुश्रीफ यांना कमी मते पडली. ते म्हणाले की, मुश्रीफ सत्तेतील नेते असल्याने मला आव्हान देऊ शकतात. मात्र त्यांनी पुढील बैठकीला उपस्थित राहिलं पाहिजे. प्रशासकांना आम्ही पत्र पाठवून कारभार देण्यासाठी विनंती करणार असल्याचही पाटील यांनी नमूद केलं. प्रशासक काळामध्ये 24 कोटींचा तोटा झाला असल्याचही पाटील यांनी नमूद केलं. ते म्हणाले की, दुष्काळ असल्याने दुधाची कमतरता भासणार आहे. त्यामुळे दूध संकलन करणं असेल किंवा पावडर तयार करणं असेल याबाबतीत आम्हाला निर्णय घ्यावा लागणार असल्याचे पाटील यांनी सांगितलं.

शशिकांत पाटील चुयेकर यांची अध्यक्षपदी निवड

कोल्हापूर जिल्हा सहकारी दूध उत्पादक संघ अर्थात गोकुळच्या अध्यक्षपदाच्या निवडणुकीसाठी आजचा (29 ऑक्टोबर) दिवस अतिशय नाट्यपूर्ण घडामोडींनी भरलेला ठरला. या सभेकडे अवघ्या जिल्ह्याचं नव्हे तर राज्याचं लक्ष लागून राहिलं होतं. मात्र आज अध्यक्षपदाच्या निवडणुकीसाठी महायुतीचे संचालक बैठकीला उपस्थित लावणार की नाही याची चर्चा होती. मात्र 12 संचालकांनी दांडी मारल्याने कोरम अभावी समविचारी आघाडीकडून बोलावण्यात आलेली बैठक तहकूब करण्यात आली. मात्र या तहकूब झालेल्या सभेनंतर समविचारी आघाडीकडून समांतर सभा घेत शशिकांत पाटील चुयेकर यांची अध्यक्षपदी निवड करण्यात आली. त्यामुळे चेअरमनपदावर विराजमान झाले आहेत. मात्र सभेचा कोरम पूर्ण होत नसल्याने निवडणूक निर्णय अधिकारी मोसमी चौगले यांनी अध्यक्ष निवड नाकारली आहे.

दुसरीकडे, शशिकांत चुयेकर पाटील यांनी ही अध्यक्ष निवड ही कायदेशीर असल्याचं म्हटलं आहे. दरम्यान, ही प्रक्रिया राबवताना काय घडलं याची माहिती संचालक अभिजीत तायशेटे यांनी देताना सांगितलं की, समांतर सभा घेऊन शशिकांत पाटील चुयेकर यांची बहुमताने निवड करण्यात आली. त्या संदर्भात आम्ही निवडणूक अधिकाऱ्यांकडे मागणी केली होती, असेही तायशेटे यांनी सांगितलं.

इतर महत्वाच्या बातम्या

अमूलच्या दावणीला गोकुळ बांधण्यासाठी तुम्ही सगळं कारस्थान करताय, हे आम्हाला कळत नाही का? राजू शेट्टींचा सीएम फडणवीसांवर हल्लाबोल, विश्वजित कदम अन् सुप्रिया सुळेंचाही सडकून प्रहार

अमूलच्या दावणीला गोकुळ बांधण्यासाठी तुम्ही सगळं कारस्थान करताय, हे आम्हाला कळत नाही का? राजू शेट्टींचा सीएम फडणवीसांवर हल्लाबोल, विश्वजित कदम अन् सुप्रिया सुळेंचाही सडकून प्रहार

परशराम पाटील, एबीपी माझा, कोल्हापूर — Thu, 29 Oct 2026 16:17:49 +0530

गोकुळच्या अध्यक्षपदासाठी कोरमअभावी सभा तहकुब झाल्याने अध्यक्ष निवड होऊ शकली नाही. बहुमत मिळालेल्या आमदार सतेज पाटील यांच्या राजर्षी शाहू शेतकरी समविचारी आघाडीचे 13 संचालक उपस्थित होते. यानंतर स्वाभिमानी शेतकरी संघटनेचे अध्यक्ष राजू शेट्टी यांच्यासह राज्यातील महाविकास आघाडीने जोरदार हल्लाबोल केला आहे.

देवेंद्रजी, तुम्ही लोकशाही मानताय का नाही?

राजू शेट्टी म्हणाले की, गोकुळला दूध पुरवठा करणाऱ्या 5 लाख दूध उत्पादकांचा अपमान करून, मतदान करणाऱ्या 5,400 ठरावधारकांचा अपमान करून, आज होणारी जी काही पहिली चेअरमनपदाची निवडणूक होती, त्या निवडणुकीचा कोरम पूर्ण होणे यासाठी देवेंद्र फडणवीस यांच्या आशीर्वादाने आज विरोधी संचालकांनी सभा तहकूब केली. त्यांनी म्हटलं आहे की, देवेंद्रजी, तुम्ही लोकशाही मानता का नाही? तुम्ही महाराष्ट्रातील पक्ष फोडले, संघटना फोडल्या. एक नामवंत दूध संघ केवळ आपल्या पसंतीचा अध्यक्ष होत नाही, म्हणून त्याच्या पाठीमागे अशा प्रकारची शुक्लकाष्ट लावताय? जरा तर काही तुम्हाला वाटत नाही?

हे आम्हाला कळत नाही का?

त्यांनी पुढे म्हटलं आहे की, एका बाजूला गुजराती कंपनीला खुश करण्यासाठी, दिल्लीकरांना खुश करण्यासाठी तुम्ही जंगल तोडत निघालेला आहात, दुसऱ्या बाजूला त्याच गुजरातच्या अमुलच्या दावणीला गोकुळ बांधण्यासाठी तुम्ही हे सगळं कारस्थान करताय, हे काय आम्हाला कळत नाही का? गुजरात म्हणजे ईस्ट इंडिया कंपनी झालेली आहे आणि महाराष्ट्र म्हणजे त्याची वसाहत झालेली आहे आणि तुम्ही त्याचे व्हाईसरॉय झालेला आहात. कुठे घेऊन चाललात आमचा महाराष्ट्र? देवेंद्रजी, 5 लाख दूध उत्पादक शेतकरी तुम्हाला कधीही माफ करणार नाहीत. दूध उत्पादकांना माझी विनंती आहे, ज्या विरोधी बारा संचालकांना तुम्ही निवडून दिलेला आहे, त्यांना जाऊन जाब विचारलं, तुम्हाला गैरहजर राहण्यासाठी संचालक केलं नव्हतं. तुम्हाला जमत नसेल तर राजीनामे द्या, घरात बसा, पोटनिवडणूक घेऊ आणि दुसरे उमेदवार निवडून आणू. परंतु ही असली थेरं आम्ही खपवून घेणार नाही.

सुप्रिय सुळेंचा हल्लाबोल

सुप्रिया सुळे यांनी म्हटलं आहे की, सतेज पाटील यांच्या नेतृत्वाखालील 'राजर्षी शाहू शेतकरी समविचारी आघाडी' पॅनेलने विजय मिळवला. हा पराभव सत्ताधाऱ्यांच्या इतका जिव्हारी लागला आहे की, तांत्रिक बाबींचा आधार घेऊन अध्यक्ष निवडीची बैठकच होऊ न दिल्याचा प्रकार समोर आला आहे. हे अतिशय संतापजनक आणि लोकशाही मूल्यांची पायमल्ली करणारे वर्तन असून, आम्ही याचा तीव्र शब्दांत निषेध करतो.

जनादेशाचा आदर राखणे अपेक्षित

गोकुळच्या सभासदांनी आपला कौल स्पष्टपणे दिला आहे. त्यांनी निवडून दिलेल्या प्रतिनिधींना संस्थेचा कारभार करू देणे आणि या जनादेशाचा आदर राखणे अपेक्षित आहे. त्याऐवजी संस्थेच्या कारभारात वारंवार हस्तक्षेप करण्याचे प्रयत्न करणे हा सभासदांच्या विश्वासाचा आणि त्यांनी दिलेल्या कौलाचा अपमान आहे. या संपूर्ण प्रक्रियेत आम्ही सतेज पाटील आणि गोकुळच्या सभासदांसोबत खंबीरपणे उभे आहोत. सत्ताधाऱ्यांनी हस्तक्षेपाचे हे प्रयत्न थांबवून अध्यक्ष निवडीची प्रक्रिया सुरळीत पार पडू द्यावी. गोकुळच्या सभासदांचा आणि सहकारी चळवळीच्या तत्वांचा अवमान कोणत्याही परिस्थितीत खपवून घेतला जाणार नाही.

ही लोकशाहीची कोणती पद्धत?

आमदार विश्वजित कदम म्हणाले की, गोकुळ दूध संघाच्या निवडणुकीत माझे बंधू आमदार सतेज पाटील यांच्या नेतृत्वाखालील आघाडीने 25 पैकी 13 जागा जिंकून बहुमत मिळवले. कोल्हापूरच्या दूध उत्पादकांनी आणि मतदारांनी दिलेला हा कौल त्यांच्या विश्वासाचे प्रतीक आहे. या विश्वासाचा सन्मान करणे ही लोकशाहीची प्राथमिक जबाबदारी आहे. मात्र, निवडणुकीत जनतेने दिलेला कौल स्वीकारण्याऐवजी अध्यक्षपदाच्या निवडीत कोरम पूर्ण होऊ न देणे, तांत्रिक अडचणी निर्माण करणे आणि सत्ता स्थापनेच्या प्रक्रियेत अडथळे आणण्याचे प्रयत्न होत असतील, तर ही बाब अत्यंत गंभीर आहे. बहुमत जनतेने द्यायचे आणि सत्ता स्थापनेचा मार्ग अडवायचा, ही लोकशाहीची कोणती पद्धत? राजकीय मतभेद असू शकतात; परंतु त्यासाठी सहकार संस्थांच्या कामकाजाचा आणि दूध उत्पादकांच्या विश्वासाचा बळी देता कामा नये. माझे राज्य सरकारला स्पष्ट आवाहन आहे की, राजकीय मतभेद बाजूला ठेवून मोठेपणा दाखवावा. कोल्हापूरच्या जनतेने दिलेला कौल मान्य करावा आणि गोकुळच्या अध्यक्षपदाची निवड प्रक्रिया नियमानुसार, पारदर्शकपणे व कोणत्याही अनावश्यक अडथळ्यांशिवाय पार पडू द्यावी.

इतर महत्वाच्या बातम्या

Hasan Mushrif on Satej Patil: सतेज पाटलांनी जातीयवादी प्रचार केला, आता गोकुळचा अध्यक्ष निवडून दाखवावाच; हसन मुश्रीफांचं ओपन चॅलेंज

Hasan Mushrif on Satej Patil: सतेज पाटलांनी जातीयवादी प्रचार केला, आता गोकुळचा अध्यक्ष निवडून दाखवावाच; हसन मुश्रीफांचं ओपन चॅलेंज

भिकेश पाटील — Thu, 29 Oct 2026 14:14:53 +0530

HasanMushrif: माझ्या मुलाला या निवडणुकीत टार्गेट करण्यात आले, सतेज पाटील यांनी जातीयवादी प्रचार केला होता, हा माझा आरोप असल्याचा हल्लाबोल वैद्यकीय शिक्षण मंत्री हसन मुश्रीफ यांनी केला आहे. माझी चूक झाली जनरल प्रवर्गातून निवडणूक लढवायला हवी होती; मात्र आरक्षित जागेवरून निवडणूक लढवली, असेही मुश्रीफ यांनी म्हटलं आहे. मतांची सरासरी पाहिली, तर सतेज पाटील यांच्या पॅनलपेक्षा आम्हाला अधिक मते मिळाली आहेत. मग विजय कोणाचा? अशी विचारणा मुश्रीफ यांनी केली. विजय आमच्या बाजूने होता; मात्र 13 उमेदवार तांत्रिकदृष्ट्या निवडून आले आहेत. त्यांनी सांगितले की, अध्यक्षपदाचे उमेदवार शशिकांत पाटील आहेत, सतेज पाटील त्यांना अध्यक्ष करणार होते, शशिकांत पाटील यांना भविष्यात अध्यक्ष बनवण्याची जबाबदारी आम्हालाच पार पाडावी लागणार असल्याचे विधान मुश्रीफ यांनी केले.

तर त्यांनी अध्यक्ष निवडून दाखवावा

सतेज पाटील यांना एवढे मोठं बहुमत मिळाले असेल, तर त्यांनी अध्यक्ष निवडून दाखवावा, आम्ही सहकार्य करणार नाही, त्यामुळे आज ही निवडणूक होणार नाही. या निवडणुकीत दुःख एवढेच आहे की, माझ्या मुलाचा पराभव झाला, असा थेट हल्लाबोल वैद्यकीय शिक्षण मंत्री हसन मुश्रीफ यांनी केला. गोकुळ दूध संघाच्या निवडणुकीत भाजपसोबत वाद असल्यामुळे पराभव झाला, असे सांगत मंत्री मुश्रीफ यांनी पराभवाचे खापर भाजपवर फोडलं आहे.

त्यामुळे 13 आणि 12 असा निकाल लागला

हसन मुश्रीफ म्हणाले, भाजपसोबतचा वाद मिटला नाही, त्यामुळे 13 आणि 12 असा निकाल लागला. त्यामुळे गोकुळ दूध संघाच्या अध्यक्षपदाची निवड होणार नाही. सतेज पाटील यांच्याकडे 13 हा आकडा असला, तरी 14 हा आकडा होणार नाही, असे त्यांनी सांगितले.

गोकुळची सभा तहकूब

दरम्यान, गोकुळच्या अध्यक्षपदाचा पेच निर्माण झाला आहे. गेल्या काही दिवसांपासून कोरम अभावी गोकुळच्या अध्यक्षपदाची निवडणूक अडचणीत सापडणार का, अशी चर्चा रंगली असतानाच आज (29 ऑक्टोबर) कोरम अभावी सभा तहकूब झाली. राजर्षी शाहू शेतकरी समविचारी आघाडीकडून अध्यक्षपदासाठी निवडणुकीपूर्वीच गोकुळचे संस्थापक स्वर्गीय आनंदराव पाटील चुयेकर यांचे चिरंजीव संचालक शशिकांत पाटील चुयेकर यांच्या नावाची घोषणा करण्यात आली होती. त्यानुसार अध्यक्ष निवडीसाठी बैठक बोलावण्यात आली होती. मात्र, या बैठकीकडे महायुतीच्या संचालकांनी दांडी मारल्यामुळे अर्ज भरण्याची मुदत संपल्याने आज अध्यक्षपदाची निवडणूक होऊ शकली नाही. दुसरीकडे जर सलग तीन बैठकांमध्ये जर संचालक अनुपस्थित राहिले, तर त्यांचे संचालक पद रद्द होऊ शकतं. त्यामुळे आता पुढील दोन बैठकांमध्ये तरी अध्यक्ष निवडले जातात का, याकडे लक्ष असेल. बहुमत असूनही अध्यक्ष निवड होत नसल्याने राजर्षी शाहू आघाडीकडून न्यायालयीन मार्ग स्वीकारला जाणार का, याकडे सुद्धा लक्ष असेल.

इतर महत्वाच्या बातम्या

Gokul Election: गोकुळ दूध संघाच्या अध्यक्षची आज निवड नाहीच, महायुतीचे सर्व संचालक सभेसाठी अखेर गैरहजर, सभा तहकूब

Gokul Election: गोकुळ दूध संघाच्या अध्यक्षची आज निवड नाहीच, महायुतीचे सर्व संचालक सभेसाठी अखेर गैरहजर, सभा तहकूब

विजय केसरकर, एबीपी माझा — Thu, 29 Oct 2026 12:38:12 +0530

Gokul Election: कोल्हापूर जिल्हा सहकारी दूध उत्पादक संघ अर्थात गोकुळच्या अध्यक्षपदाचा पेच निर्माण झाला आहे. गेल्या काही दिवसांपासून कोरम अभावी गोकुळच्या अध्यक्षपदाची निवडणूक अडचणीत सापडणार का, अशी चर्चा रंगली होती. आज (29 ऑक्टोबर) कोरम अभावी सभा तहकूब होणार असल्याने गोकुळच्या दूध संघाच्या अध्यक्षांची निवडणूक होऊ शकली नाही. राजर्षी शाहू शेतकरी समविचारी आघाडीकडून अध्यक्षपदासाठी निवडणुकीपूर्वीच गोकुळचे संस्थापक स्वर्गीय आनंदराव पाटील चुयेकर यांचे चिरंजीव संचालक शशिकांत पाटील चुयेकर यांच्या नावाची घोषणा करण्यात आली होती. त्यानुसार अध्यक्ष निवडीसाठी बैठक बोलावण्यात आली होती. मात्र, या बैठकीकडे महायुतीच्या संचालकांनी दांडी मारल्यामुळे अर्ज भरण्याची मुदत संपल्याने आज अध्यक्षपदाची निवडणूक होऊ शकली नाही.

तर संचालक पद रद्द होऊ शकतं.

दुसरीकडे जर सलग तीन बैठकांमध्ये जर संचालक अनुपस्थित राहिले, तर त्यांचे संचालक पद रद्द होऊ शकतं. त्यामुळे आता पुढील दोन बैठकांमध्ये तरी अध्यक्ष निवडले जातात का, याकडे लक्ष असेल. बहुमत असूनही अध्यक्ष निवड होत नसल्याने राजर्षी शाहू आघाडीकडून न्यायालयीन मार्ग स्वीकारला जाणार का, याकडे सुद्धा लक्ष असेल. न्यायालयीन मार्गांची चाचपणी करण्यासाठी अजिंक्यतारावर वकील सुद्धा पोहचले होते. त्यामुळे पुढील काही दिवसात सतेज पाटील यांच्याकडून यासंदर्भात भूमिका स्पष्ट केली जाण्याची शक्यता आहे. दुसरीकडे महायुतीकडून सुद्धा सत्ता मिळवण्यासाठी मागील दाराने प्रयत्न सुरू झाले आहेत. मात्र ते न्यायालयीन पातळीवरती टिकणार का, हा सुद्धा सर्वात मोठा प्रश्न असेल. स्वीकृत संचालक वाढवून त्यांना मतदानाचा अधिकार देऊन सत्ता काबीज करता येते का, यासाठी महायुतीने प्रयत्न सुरू केले आहेत. मात्र हा निर्णय न्यायालयीन पातळीवर टिकणारा नसल्याने ही सुद्धा हालचाल थांबल्याची चर्चा आहे.

इतर महत्वाच्या बातम्या

Gokul Election: 'गोकुळ अध्यक्ष निवडीसाठी सभेला यावं यासाठी काही संचालकांचे मत, पण...' साडेपाच लाख शेतकऱ्यांचा रोष हे 12 संचालक घेणार नाहीत; सतेज पाटलांचं सूचक वक्तव्य

Gokul Election: 'गोकुळ अध्यक्ष निवडीसाठी सभेला यावं यासाठी काही संचालकांचे मत, पण...' साडेपाच लाख शेतकऱ्यांचा रोष हे 12 संचालक घेणार नाहीत; सतेज पाटलांचं सूचक वक्तव्य

विजय केसरकर, एबीपी माझा — Thu, 29 Oct 2026 10:55:45 +0530

कोल्हापूर जिल्हा सहकारी दूध उत्पादक संघ अर्थात गोकुळच्या अध्यक्षपदाच्या निवडीवरून पुन्हा एकदा घमासान रंगण्याची चिन्हे आहेत. गोकुळच्या अध्यक्षपदाच्या निवडीसाठी संचालकांच्या उपस्थितीचा कोरम मुद्दा हा महत्त्वपूर्ण ठरला असून यासाठी आता कायदेशीर काथ्याकूट होण्याची चिन्ह आहेत. दरम्यान सत्तांतर घडवून आणलेल्या राजर्षी शाहू समविचारी शेतकरी आघाडीचे नेते आमदार सतेज पाटील यांनी या संदर्भामध्ये थेट भाष्य केलं आहे. पाटील यांनी आज (29 ऑक्टोबर) गोकुळच्या अध्यक्षपदाच्या बैठकीपूर्वी बोलताना सांगितलं की, जिल्ह्यातील 5.5 लाख शेतकऱ्यांनी आम्हाला बहुमत दिलं आहे. त्यामुळे कोरमचा मुद्दा उपस्थित न करता महायुतीच्या संचालकांनी सभेसाठी उपस्थित राहावं, असं आवाहन त्यांनी यावेळी केलं.

हे 12 संचालक 5.5 लाख शेतकऱ्यांचा रोष घेणार नाहीत

दरम्यान महायुतीच्या घडामोडींवर बोलताना त्यांनी सांगितलं की, महायुतीच्या सर्व नेत्यांशी चर्चा झाली आहे, मात्र शेवटी निर्णय त्यांचा असल्याचं नमूद केलं. ते म्हणाले की, महायुतीचा एकही संचालक आमच्यात येणार नाही, किंवा आमचा एकही संचालक त्यांच्याकडे जाणार नाही. मात्र आजच्या अध्यक्ष पदाच्या बैठकीसाठी 12 संचालकांची वाट आम्ही 11 वाजेपर्यंत पाहणार आहोत. हे 12 संचालक 5.5 लाख शेतकऱ्यांचा रोष घेणार नाहीत. असा विश्वास त्यांनी यावेळी व्यक्त केला. त्यांनी सांगितलं की, जर चुयेकरांचा मुलगा अध्यक्ष होत असेल आणि त्याला अडवण्याचा प्रयत्न होत असेल, तर हे कोल्हापूरची जनता सहन करणार नाही. असा सूचक इशारा सुद्धा पाटील यांनी दिला आहे.

असं असेल तर निवडणुकाच घेऊ नका

सतेज पाटील म्हणाले की, काही संचालकांसोबत माझं बोलणं झालं आहे. हे कुठेतरी थांबलं पाहिजे, अशी त्यांची सुद्धा भूमिका आहे. त्यामुळे आपण या सभेला आलं पाहिजे, त्यांचं मत आहे, मात्र त्यांचा निर्णय त्यांच्या नेत्यांवर अवलंबून असल्याचं पाटील यांनी नमूद केलं. दरम्यान गोकुळच्या स्वीकृत संचालकांना मतदानाचा अधिकार देण्यासाठी कायदा बदलण्याचा घाट महायुतीकडून घातल्याची चर्चा सुरू झाली आहे. या पार्श्वभूमीवर बोलताना पाटील यांनी सांगितलं की, शासन जर अशा पद्धतीने निर्णय घेणार असेल, तर दुर्दैवी असल्याचं ते म्हणाले. मतांसाठी जर अशा पद्धतीने बदल करत राहिले तर लोकशाहीला अर्थ राहणार नाही. असं असेल तर निवडणुकाच घेऊ नका. असंही त्यांनी सांगितलं. ते म्हणाले की, सहकारी संस्थांमध्ये जर तज्ज्ञ संचालकांना मतांचा अधिकार दिला, तर सर्व संस्था महापालिकांमध्ये अधिकार द्यावे लागतील. एकट्या गोकुळसाठी हा कायदा करणे महाराष्ट्राच्या हिताचं नाही, आणि जरी तो केला, तरी तो टिकणार नाही, असंही त्यांनी यावेळी सांगितलं.

इतर महत्वाच्या बातम्या

Gokul Election: गोकुळ चेअरमन निवडीची उत्सुकता शिगेला, महायुतीचे संचालक उपस्थित राहणार की नाहीत? नेमकं काय ठरलं?