Crime News: कोल्हापुरातील गडहिंग्लजमध्ये ओढ्यात आढळला शिर नसलेला महिलेचा मृतदेह; घातपाताचा संशय, मृत महिला 24 दिवसांपूर्वी झालेली बेपत्ता
Crime News: सध्या या प्रकरणी आकस्मित मृत्यूची नोंद करण्यात आली असली तरी हा खून असल्याच्या संशयातून पोलीस देखील तपास करत असल्याची माहिती समोर येत आहे.
कोल्हापूर: कोल्हापूर जिल्ह्यातील गडहिंग्लज तालुक्यातल्या नेसरी महागाव रोडवरील ओढ्यालगत एका महिलेचा शीर नसलेला मृतदेह आढळून आला. या घटनेने गडहिंग्लज (Kolhapur Crime News) महागाव परिसरात खळबळ उडाली आहे. हा मृतदेह भडगावमधील एका महिलेचा असल्याची प्राथमिक माहिती समोर येत असली तरी पोलिसांनी मात्र याला अधिकृत दुजोरा दिलेला नाही. या महिलेचा अपघाती मृत्यू झाला की तिचा खून करण्यात आला आहे, हे देखील अद्याप गुलदस्त्यात (Kolhapur Crime News) असून गडहिंग्लज पोलिसांकडून याचा तपास सुरू करण्यात आला आहे. सध्या या प्रकरणी आकस्मित मृत्यूची नोंद करण्यात आली असली तरी हा खून असल्याच्या संशयातून पोलीस देखील तपास करत असल्याची माहिती समोर येत आहे.(Kolhapur Crime News)
बाजाराला जाते सांगून घराबाहेर पडल्या अन्...
तीन आठवड्यांपूर्वी गडहिंग्लजला बाजाराला जाते, असे सांगून त्या घरातून बाहेर पडल्या. याच महिलेचा शिर नसलेला मृतदेह महागाव येथील ओढ्याच्या पात्रात सापडला. त्यामुळे या महिलेसोबत घातपात झाला असावा, असा संशय व्यक्त होत आहे. सुनीता संजय केसरकर (वय ४०, रा. भडगाव, ता. गडहिंग्लज) असे त्यांचे नाव आहे. या घटनेमुळे तालुक्यात खळबळ उडाली आहे.(Kolhapur Crime News)
तर एका वृत्तपत्राने दिलेल्या वृत्तानुसार, पोलिस आणि ग्रामस्थांकडून मिळालेल्या माहितीनुसार, भडगाव येथील संजय केसरकर हे ऊसतोडणीच्या मजुरीचे काम करतात. त्यांच्या पत्नी सुनीता याही बांधकामाच्या कामावर मजुरीला जात होत्या. १८ जानेवारीला सायंकाळी साडेपाचच्या सुमारास त्या घरातून निघून गेल्या होत्या. रात्री उशिरापर्यंत त्या घरी न परतल्याने त्या बेपत्ता झाल्याची माहिती त्याने पोलिस ठाण्यात दिली होती.
बुधवारी (११ फेब्रुवारी) महागाव-मासेवाडीच्या दरम्यान घंटीचा झरा नावच्या ओढ्याच्या पात्रात शिर नसलेला आणि उजव्या पायाची हाडे दिसत असलेला अज्ञात महिलेचा मृतदेह आढळून आला.
चप्पल, साडी अन् बांगड्यांवरून पटली ओळख
मृतदेहाच्या जवळच सापडलेली चप्पल, अंगावर असलेली साडी, बांगड्या व हातातील काळा दोरा यावरून तो मृतदेह सुनीता सुनाता यांचाच असल्याची माहिती त्यांच्या नातेवाइकांनी दिली. त्यामुळे पोलिसांनी मृतदेह नातेवाइकांकडे सुपूर्द केला. सुनीता यांच्याकडे मोबाइल होता. त्यामुळे त्यांचा शोध घेण्यासाठी नातेवाइकांनी मोबाइलवर वारंवार संपर्क साधण्याचा प्रयत्न केला. मात्र, त्यांच्याकडून कोणताही प्रतिसाद मिळाला नव्हता, अशी माहिती देखील नातेवाइकांनी दिली.
पोलिसांसमोर मोठे आव्हान
मृतदेहावर शिर नव्हते, उजव्या पायाची हाडे दिसत होती. शरीरापासून शिर कसे वेगळे झाले? याची चर्चा घटनास्थळी होती. या प्रकरणाचा छडा लावण्याचे आव्हान पोलिसांसमोर आहे.
महत्त्वाच्या बातम्या
