Jalna Dog Attack: आईसोबत गावी न जाता बाबासोबत घरी राहिली; मध्यरात्री आईच्या आठवणीत घराबाहेर आली अन् मोकाट कुत्र्यांनी चिमुकल्या परीच्या अंगाचे लचके तोडले
Jalna dog attack: मध्यरात्रीच्या सुमारास ही चिमुकली घराबाहेर पडली तेव्हा भटक्या कुत्र्यांनी या चिमुकलीवर भटक्या कुत्र्यांनी हल्ला केल्याची प्राथमिक माहिती समोर येत आहे.
जालना: जालन्यात भटक्या कुत्र्यांनी एका एका तीन वर्षीय चिमुकलीचा (Jalna dog attack) जीव घेतला आहे. परी दीपक गोस्वामी अस मृत चिमुकलीच नाव आहे. जालना शहरातील अंबड चौफुली परिसरातील यशवंत परिसरातील ही धक्कादायक घटना घडली आहे. मध्यरात्रीच्या सुमारास ही चिमुकली घराबाहेर पडली तेव्हा भटक्या कुत्र्यांनी (Jalna dog attack) या चिमुकलीवर भटक्या कुत्र्यांनी हल्ला केल्याची प्राथमिक माहिती समोर येत आहे. तालुका पोलिसांनी घटनास्थळी जाऊन पंचनामा केला आहे. दरम्यान चिमुकलीच्या अंगावरती भटक्या कुत्र्यांनी (Jalna dog attack) चावा घेतल्याच प्रथमदर्शनी दिसून येत असल्याचं पोलिसांनी म्हटलंय. (Jalna dog attack)
दरम्यान मिळालेल्या माहितीनुसार, ती चिमुकली परी तिच्या आईच्या शोधात घराबाहेर पडली होती. तीन वर्षीय परीवर त्यावेळी मोकाट कुत्र्यांनी हल्ला करीत तिचे लचके तोडल्याने तिचा मृत्यू झाला. ही खळबळजनक घटना सोमवारी मध्यरात्री ३:३० वाजण्याच्या सुमारास जालना शहरातील अंबड चौफुली परिसरात घडली आहे. पोलिसांत अकस्मात मृत्यूची नोंद करण्यात आली आहे. सोलार अभियंता असलेले दीपक गोस्वामी (बिहार) हे आपली पत्नी आणि दोन मुलींसह शहरातील यशवंत नगरात भाड्याने राहतात. रविवारी रात्री पत्नी आणि त्यांच्यात दिवाळीनिमित्त गावी बिहारला जाण्यावरून वाद झाला.
Jalna dog attack: आईसोबत न जाता वडिलांसोबत घरी आली...
पत्नीचा घरी दिवाळीनिमित्त गावी बिहारला जाण्याचा आग्रह होता. गोस्वामी यांनी पत्नीला रात्रीच्या सुमारास रेल्वेस्थानकात सोडले चिमुकली परी आईसोबत न जाता वडिलांसोबत घरी परत आली. वडिलांसोबत झोपलेल्या परीला रात्रीच्या सुमारास आईची आठवण आली आणि मध्यरात्री ३:३० वाजण्याच्या सुमारास ती घराचं दार उघडून आईला शोधत घराच्या बाहेर पडली. मोकाट कुत्र्यांनी एकट्या परीला पाहून तिचे लचके तोडले. घरी परतणारे पोलिस कर्मचारी मदन बहुरे यांच्या लक्षात ही घटना येताच त्यांनी खबर दिली.
Jalna dog attack: घटना सीसीटीव्हीत कैद
ही घटना सीसीटीव्ही कॅमेऱ्यात कैद झाली असून कुत्रे परीचे लचके तोडताना कॅमेऱ्यात दिसत आहेत. शवविच्छेदन अहवालानंतरच मृत्यूचे नेमके कारण स्पष्ट होईल, असे पोलिसांनी सांगितले.
Jalna dog attack: आईने सोडल्या दोन रेल्वे
दीपक गोस्वामी पत्नीला मोठ्या मुलीसह रेल्वे स्टेशनला सोडून घरी आले, चिमुकली परी सोबत नसल्याने आईनेही दोन रेल्वे सोडून दिल्या. शेवटी पहाटे ४ वाजण्याच्या सुमारास परिची आई घराकडे परतली; परंतु घरात परी दिसली नाही. त्यांनी पतीला झोपेतून उठवल्यानंतर परीचा शोध सुरू झाला; परंतु सकाळी तिचा मृतदेहच समोर आला. परीचा मृतदेह पाहून पालकांनी आक्रोश केला. या घटनेनं हळहळ व्यक्त होत आहे.
महत्त्वाच्या बातम्या
