जरांगे पाटलांनी जरा धीरानं घ्यावं, 14 मागण्या मान्य झाल्यात, OBC समाजावर अन्याय होऊ नये ही भूमिका योग्यच : रामदास कदम

Manoj Jarange Patil Wife : मनोज जरांगे शेवटच्या लढाईसाठी मुंबईला निघाले, पत्नी गळ्यात पडून रडली, मुलांनाही अश्रू अनावर, भावूक क्षणाचा व्हिडिओ समोर

जयदीप मेढे — Wed, 16 Sep 2026 09:46:43 +0530

मुंबई : मराठा आरक्षणासाठी गेल्या 19 दिवसांपासून मनोज जरांगे (Manoj Jarange) यांनी उपोषण सुरू केले आहे. सरकार आणि जरांगे यांच्या चर्चेच्या अनेक फेऱ्या झाल्या, परंतु तोडगा निघू शकला नाही. 12 सप्टेंबर रोजी झालेल्या बैठकीत मुंबईत आझाद मैदानावर आंदोलन करण्याचा निर्णय झाला. त्याप्रमाणे काल (मंगळवारी, ता 15) मनोज जरांगे यांनी सकाळी 11 वाजता आंतरवालीतून मुंबईकडे प्रस्थान केले. आंतरवालीतून निघताना मनोज जरांगे (Manoj Jarange) यांना अश्रू अनावर झाले. जरांगे यांची पत्नी, मुलगा आणि मुलीलाही यावेळी भावना अनावर झाल्या. तर अंतरवाली सराटी येथून मुंबईच्या दिशेने रवाना झाले आहेत. अंतरवालीतून निघताना त्यांचा परिवार अत्यंत भावूक झाल्याचे पाहायला मिळाले. निरोप घेताना जरांगे यांच्या पत्नीने त्यांना अश्रू अनावर होऊन मिठी मारली. या अत्यंत भावूक क्षणाचा व्हिडिओ सध्या सोशल मीडियावर तुफान व्हायरल झाला आहे.(Manoj Jarange)

आज जरांगेंच्या उपोषणाचा 19 वा दिवस आहे. दिवसांच्या उपोषणामुळे मनोज जरांगे यांची प्रकृती खालावली आहे. छत्रपती शिवाजी महाराज, ग्रामदेवतेचे दर्शन घेतल्यानंतर महिलांनी औक्षण करून मनोज जरांगे यांना निरोप दिला. सर्व मागण्या जोपर्यंत मान्य होत नाहीत, तोपर्यंत माघार नाही. मराठा समाजासाठी एकवेळ मरण पत्करेन, पण सरकारला शरण जाणार नाही, अशी स्पष्ट भूमिका यावेळी जरांगे यांनी व्यक्त केली. तर जरांगेंना निरोप देण्यासाठी मराठा समाज आणि समर्थक एकवटले होते, त्यावेळी जमलेल्या महिलांना देखील अश्रू अनावर झाले.(Manoj Jarange)

Manoj Jarange Patil : बीडमध्ये रात्री 2 वाजता मनोज जरांगेंच्या सभेसाठी जमली गर्दी

मराठा आरक्षणाच्या मागणीसाठी उपोषण करत मुंबईच्या दिशेने निघालेले मनोज जरांगे पाटील यांचा रात्रीचा मुक्काम बीड जिल्ह्यातील पाटोदा येथे झाला. नियोजित वेळेपेक्षा उशीर झाल्यानंतर ते रात्री साधारण दीड वाजण्याच्या सुमारास पाटोद्यात दाखल झाले. मात्र, उशीर होऊनही जरांगे पाटील यांना ऐकण्यासाठी पाटोदा परिसरातून हजारो मराठा बांधव आणि महिला मोठ्या संख्येने उपस्थित होत्या.

Manoj Jarange Patil : माझा समाज कोणतेही सरकार पाडू शकतो. दुसरे सरकार आणू शकतो.

ऐरवी तुमच्या समोर खाण खाण बोलत असतो पण आता बोलता येत नाहीये. आपल्यासाठी समाज फार महत्वाचा आहे. आपल्यासाठी कोणी नाही हे लक्षात ठेवा. आपला समाज आपल्याला मोठा करायचा आहे. माझी सगळ्यांना विनंती आहे. लढायचे शिका. बाकी सगळ्याचे लेकरं AC मध्ये बसले आहेत. मी चांगल्या चांगल्याला जेरीस आणतो. मी घाबरला नाही आणि खचलोही नाही. माझ्या समाजाच्या लेकरा बाळासाठी लढताना शरीर थकले असेल, पण तुमच्यासाठी मी सरकारला अंगावर घेतले आहे. आपण कधीच कोणापुढे हतबल होऊ शकत नाही. सरकारला वाटते, मी त्यांना शरण यावे. पण मागणी सोडून देऊ? सरकार पेक्षा माझा समाज बाप मोठा आहे. माझा समाज कोणतेही सरकार पाडू शकतो. दुसरे सरकार आणू शकतो. मी मरेल पण तुम्हाला मान खाली घालू देणार नाही. असा एल्गार देखील मनोज जरांगे यांनी यावेळी बोलताना व्यक्त केला.

मनोज जरांगे पाटील उपोषण नेमकं कोणासाठी करतायेत? अजय बारस्करांचा सवाल, आरक्षणाच्या नावावर जरांगेंच्या टोळीनं मोठा पैसा कमावल्याचा आरोप

सुरज सावंत — Tue, 15 Sep 2026 17:10:48 +0530

Ajay Baraskar on Manoj Jarange Patil : मराठा आरक्षणाच्या मुद्द्यावरुन राजकीय वातावरण चांगलच तापलं आहे. मराठा आंदोलक मनोज जरांगे पाटील (Manoj Jarange Patil) हे गेल्या 18 दिवसापासून उपोषण करत आहेत. आज ते मुंबईच्या दिशेनं रवाना झाले आहेत. 19 सप्टेंबरपासून ते मुंबईच्या आझाद मैदानावर उपोषण करणार आहे. त्यांना मुंबई पोलिसांनी आझाद मैदानावर आंदोलन करण्याची परवानगी नाकारली आहे, तरी देखील ते मुंबईसाठी रवाना झाले आहेत. दरम्यान, या सर्व घटनांवर अजय महाराज बारस्कर (Ajay Baraskar) यांनी प्रतिक्रिया दिली आहे. मनोज जरांगेचे उपोषण मराठा आरक्षणासाठी की केवळ चौघांचे दाखले मिळवून देण्यासाठी आणि चौकशा थांबवण्यासाठी? असा सवाल बारस्करांनी केलाय. मनोज जरांगे पाटील नेमकं उपोषण कोणासाठी करतायेत? असा सवालही त्यांनी उपस्थित केला.

महाराष्ट्रातील मराठा समाजाने उपोषण करायला लावले नाही. त्यांच्या जीवाला काही धोका झाला तर कोण जबाबदार आहे. दहीहंडे, पारवे, पांडुरंग तारक, गंगाधर काळकुटे हे लोक जबाबदार असल्याचे बारस्कर म्हणाले. त्यांच्यावर गुन्हा दाखल झाला पाहिजे असे बारस्कर म्हणाले.

स्वतःच्या सहीचे मागण्यांचे सविस्तर निवेदन कुठे आहे?

मनोज जरांगे यांचे उपोषण खरोखरच मराठा समाजाला आरक्षण मिळवून देण्यासाठी असेल, तर त्यांच्या स्वतःच्या सहीचे मागण्यांचे सविस्तर निवेदन कुठे आहे? त्या निवेदनात नेमक्या कोणत्या मागण्या आहेत आणि त्या सरकारकडे अधिकृतपणे कधी सादर करण्यात आल्या, हे समाजासमोर जाहीर करावे, अशी मागणी मराठा आरक्षणाचे अभ्यासक अजय महाराज बारस्कर यांनी केली आहे. सरकारने आतापर्यंत कोणत्या मागण्या मान्य केल्या, कोणते निर्णय घेतले आणि कोणती कार्यवाही प्रलंबित आहे, याची कागदोपत्री माहिती जरांगे समाजासमोर का मांडत नाहीत? आंदोलन केवळ चार व्यक्तींना प्रमाणपत्रे मिळवून देण्यासाठी तसेच ईडी व इतर यंत्रणांकडून सुरू असलेल्या कथित चौकशा थांबवण्यासाठी दबावतंत्र म्हणून केले जात आहे का? याचे स्पष्ट उत्तर त्यांनी द्यावे, असेही बारस्कर यांनी म्हटले आहे. मनोज जरांगे पाटील चौघांसाठी जीव धोक्यात घालत आहेत.

मनोज जरांगे यांच्याजवळ असणारी टोळीला विविध नोटीसा आल्या आहेत. मराठा आरक्षणाच्या नावावर त्यांनी मोठा पैसा कमावला आहे. या लोकांच्या गळावर फास लागले आहेत. त्यांनी अवैध पैसा कमावला आहे. त्यांची ई़डी चौकशी लागली आहे. ती चौकशी थांबवावी असा दबाव जरांगे पाटलांवर टाकत असल्याचे बारस्कार म्हणाले. जरांगेंच्या जीवाला धोका झाला तर कोण जबाबदार असे बारस्कर म्हणाले.

केवळ चार प्रमाणपत्रांसाठी अथवा कोणत्याही चौकशा थांबवण्यासाठी मनोज जरांगे यांच्यावर उपोषणाचा दबाव टाकून त्यांचा जीव धोक्यात घालणाऱ्या संबंधित व्यक्तींची निष्पक्ष चौकशी करण्यात यावी. पुरावे आढळल्यास त्यांच्याविरुद्ध मनोज जरांगे यांचा जीव धोक्यात घालणे, उपोषणासाठी प्रवृत्त करणे आणि दबाव निर्माण करणे या आरोपांखाली कायद्यानुसार गुन्हा दाखल करावा, अशी मागणी अजय महाराज बारस्कर यांनी केली आहे.

Manoj Jarange Maratha Reservation : मनोज जरांगे मुंबईकडे रवाना; कुटुंबाकडून औक्षण, पत्नी अन् मुलांच्या अश्रूंचा बांध फुटला, पाटलांच्याही डोळ्यात पाणी

रवी मुंडे, एबीपी माझा — Tue, 15 Sep 2026 16:08:52 +0530

Manoj Jarange Maratha Reservation : मनोज जरांगे मुंबईकडे रवाना; कुटुंबाकडून औक्षण, पत्नी अन् मुलांच्या अश्रूंचा बांध फुटला, पाटलांच्याही डोळ्यात पाणी

Manoj Jarange Protest: मनोज जरांगे मुंबईकडे रवाना होताच पत्नीसह मुली संतापल्या; म्हणाल्या, 'वडिलांना काही झाल्यास डोळे पुसायला रुमाल...'

रवी मुंडे, एबीपी माझा — Tue, 15 Sep 2026 13:57:31 +0530

जालना : मराठा आंदोलक मनोज जरांगे (Manoj Jarange) मुंबईच्या दिशेने रवाना होत आहेत. गेल्या अठरा दिवसांपासून मनोज जरांगे यांचं उपोषण सुरू आहे, आज ते मुंबईला निघाले आहेत त्यामुळे यांच्या कुटुंबाची घालमेल वाढली आहे. दोन्ही वेळेस सरकारने ऐकले नाही यावेळी तरी सरकारने मागण्या पूर्ण कराव्यात अशी मागणी मनोज जरांगे (Manoj Jarange) यांच्या पत्नी सौमित्रा जरांगे यांनी केली आहे. यावेळी आम्ही सरकारची चूक पदरात घेणार नसल्याचा इशारा देखील त्यांनी दिला आहे. दरम्यान आपल्या वडिलांना काही झाल्यास सरकार जबाबदार राहील असा इशारा देखील मनोज जरांगे यांच्या कन्या पल्लवी जरांगे यांनी दिला आहे.(Manoj Jarange)

सरकारकडून असलेल्या अपेक्षांबद्दल मनोज जरांगे (Manoj Jarange) यांच्या पत्नी सौमित्रा जरांगे म्हणाल्या की, यावेळेस तर सरकारने निर्णय घेतलाच पाहिजे, कारण दोन वेळेस आले दोन्ही वेळेस परत त्यांना पाठवलंय, पण यावेळेस तरी त्यांनी कमीत कमी परत नाही पाठवायला पाहिजे. सरकारने काय दिलेलं आहे, मग त्यांनी ते स्पष्ट सांगायला पाहिजे ना. ते सांगत नाहीत, काय दिलंय म्हणून. फक्त दिलं, दिलं हे तर आम्ही रोजच ऐकतो टीव्हीवर, पण ते सांगत नाहीत काय दिलंय म्हणून. त्यांनी ते सांगायला पाहिजे, असंही त्यांनी पुढे म्हटलं आहे.(Manoj Jarange)

Manoj Jarange Protest: मुंबईत गेल्यावर सरकार जबाबदार.....

तर मनोज जरांगे पाटील मुंबईत गेल्यावर काही अघटित घडल्यास काय? यावरती सौमित्रा जरांगे म्हणाल्या, मुंबईत गेल्यावर सरकार जबाबदार. त्यांच्या जीवाला जर काही झालं ना, माझ्या लेकरांसहित आमच्या अख्ख्या मराठा कुटुंबाचा त्यांना तळतळाट लागणार. उपोषणादरम्यान त्यांच्या तब्येतीची चिंता वाटते, कारण १८-१८ दिवस ते १८ तास सुद्धा बिना अन्न-पाण्याचं राहू शकत नाहीत. पण आज १८ दिवस झाले की बिना अन्न-पाण्याची, मग हे सरकारला दिसत नाही का? एकदा दोनदा माणूस चूक थोडीशी समजून घेतात, चूक पदरात घेतं, पण यावेळेस सरकारची चूक आम्ही पदरात घेणार नाही, असंही पुढे सौमित्रा जरांगे म्हणाल्या आहेत.

Manoj Jarange Protest: त्यांच्या जीवाला जर काही झालं ना, तर....

तर मनोज जरांगे पाटील यांच्या मुलींनी माध्यमांशी बोलताना म्हटलं की, सरकारने काळजी घ्यावी त्यांची, अन्यथा परिणाम भोगायला तयार रहा. त्यांनी तीन वर्षात काय केलंय म्हणते, सरकार काय करतंय? आज १८ दिवस झाले उपाशी आहेत ते. तर त्यांना काही झालं ना, तर एक आव्हान वगैरे मी काय करणार नाही, पण एक सांगते, त्यांच्या जीवाला जर काही झालं ना, तर बस लपवायला जागा आणि डोळे पुसायला रुमाल सुद्धा तुम्हाला भेटणार नाही, इतके मराठी तापणार आहेत. त्यामुळे काळजी घ्या त्यांची. बस, असंही जरांगेंच्या मुलीने म्हटलंय.

Manoj Jarange Protest: मराठ्यांना एकदा सांगून टाका की आम्ही देणार नाही.....

त्याचबरोबर उपमुख्यमंत्री देवेंद्र फडणवीस आणि सरकारला तुमचे काय आवाहन आहे? यावरती बोलताना जरांगेंची मुलगी म्हणाली, ह्यावेळेस मराठी तापलेले आहेत आणि पप्पा सुद्धा तापलेले आहेत. त्यामुळे फडणवीस साहेबांनी जरा विचार करून निर्णय घ्यावा. जसं तुम्ही तिकीट देताना एखाद्याला सांगता तुला देणार नाही, तसं मराठ्यांना एकदा सांगून टाका की आम्ही देणार नाही. मग आम्ही आमच्या पद्धतीने तसं पाहिजे तसं घेऊ. तुमचे पप्पांशी (मनोज जरांगे पाटील) शेवटचे बोलणे कधी झाले होते? यावरती ती म्हणाली, एक महिना झाला बोललोच नाही कसंलंच, असंही तिने म्हटलं आहे.

Manoj Jarange Patil Mumbai Morcha: मनोज जरांगेंची मुंबईकडे कूच; अंतरवाली सराटीमधील उपोषणाची जागा सोडली, गाडीत बसताच रडले आणि म्हणाले...

डॉ. कृष्णा केंडे — Tue, 15 Sep 2026 13:11:58 +0530

Manoj Jarange Patil Mumbai Morcha: मराठा आंदोलक मनोज जरांगे पाटील (Manoj Jarange Patil) यांनी मुंबईच्या दिशेने कूच केली आहे. अंतरवाली सराटी (Antarwali Sarati) येथील उपोषणाची जागा सोडून मनोज जरांगे पाटील मुंबईकडे रवाना झाले आहेत. मुंबईतील आझाद मैदानावर (Azad Maidan) आंदोलन करण्याचा निर्धार त्यांनी व्यक्त केला आहे. दरम्यान, अंतरवाली सराटी येथून निघताना मनोज जरांगे पाटील भावूक झाले. गाडीत बसताच त्यांना अश्रू अनावर झाले. यावेळी एबीपी माझाशी बोलताना त्यांनी समाजाच्या लेकरांसाठी लढत राहण्याचा निर्धार व्यक्त केला. सरकारला शरण जाणार नसून, मराठा आरक्षणाच्या मागणीची अंमलबजावणी झाल्याशिवाय थांबणार नाही, अशी भूमिका त्यांनी मांडली.

मनोज जरांगे पाटील एबीपी माझाशी बोलताना म्हणाले की, "समाजाच्या लेकरांपेक्षा मला मोठे काय आहे. माझ्या समाजाचे लेकरं संकटात आहेत त्यांच्या कल्याणासाठी मी जातोय. सरकारला वाटतंय मी त्यांना शरण यावे पण समाजाच्या लेकराला अर्धवट सोडून मी समाजाला धोका देऊ शकत नाही. मला ते मारून टाकणार आहेत म्हणून मी आझाद मैदानावर जात आहे. मी माझ्या समाजाला त्रास होऊ देणार नाही मी लढून मरेल," असे त्यांनी म्हटले.

Manoj Jarange Patil Mumbai Morcha: ‘न्यायदेवतेवर विश्वास ठेवायचा आणि तीच परवानगी समजायची’

मनोज जरांगे पाटील पुढे म्हणाले की, "न्यायदेवतेवर आपण विश्वास ठेवायचा आणि तीच परवानगी समजायची. माझं सगळ्यांना आवाहन आहे की, शांत राहा. तुमच्या लेकरांसाठी मी लढेन. सरकारने मला चौकोनी घेरलं आहे. तुम्ही माझ्यासोबत राहा. मी जिवंत असो की नसो तुम्ही समाज मोठा करा. पक्षाला जीव लावू नका, समाजाला जीव लावा. मी मुंबईला जातोय. तुम्ही आशीर्वाद द्यायला या. मला मारायचं तर मारू द्या. मी आरक्षण घेतल्याशिवाय राहणार नाही. पायात आणि पोटात आग होते," असे त्यांनी म्हटले.

Manoj Jarange Patil Mumbai Morcha: मनोज जरांगेंना अश्रू अनावर

दरम्यान, मनोज जरांगे पाटील यांना एबीपी माझाशी बोलताना अश्रू अनावर झाल्याचे दिसून आले. "मी सगळी अंमलबजावणी घेतल्याशिवाय आता थांबणार नाही. मारू द्या मारलं तर मी आझाद मैदान लाच बसणार आहे," असे देखील मनोज जरांगे यांनी यावेळी सांगितले.

Manoj Jarange Patil Mumbai Morcha: जरांगे पाटलांकडून मुंबई पोलिसांना तिसऱ्यांदा अर्ज

मुंबईतील आंदोलनासाठी मनोज जरांगे पाटील यांच्या वतीने मुंबई पोलिसांकडे पुन्हा अर्ज दाखल करण्यात आला आहे. यापूर्वी दोन वेळा परवानगी नाकारण्यात आल्यानंतर आता तिसऱ्यांदा अर्ज करण्यात आला आहे. या अर्जामध्ये 50 जणांना आंदोलन करण्याची परवानगी देण्यात यावी, अशी मागणी करण्यात आली आहे. नव्या अर्जात आंदोलनासाठी घालण्यात येणाऱ्या सर्व नियम आणि अटींचे पालन केले जाईल, असे नमूद करण्यात आले आहे. तसेच, 18 सप्टेंबर रोजी ठरवून दिलेल्या वेळेतच आंदोलन करण्यात येईल, असेही पत्रात स्पष्ट करण्यात आल्याची माहिती आहे. मात्र, जरांगे पाटील यांना आंदोलनासाठी परवानगी मिळण्याची शक्यता कमी असल्याची माहिती सूत्रांकडून मिळत आहे. गणेशोत्सवास परवानगी दिल्यास कायदा व सुव्यवस्थेचा प्रश्न उद्भवू शकतो. पोलिसांवरती याचा ताण पडण्याची शक्यता असल्याने जरांगे पाटील यांच्या आंदोलनाला पोलिसांकडून परवानगी मिळण्याची शक्यता कमी आहे. गणेशोत्सवानंतर सर्व आंदोलनाला परवानगी दिली जाणार असल्याची सूत्रांची माहिती आहे.

आणखी वाचा

Manoj Jarange Patil Mumbai : मनोज जरांगे मुंबईला निघताच समर्थक अन् नागरिकांची गर्दी; चोरट्याने मोबाईल, पैशांवर मारला डल्ला; आंदोलकांनी रंगेहाथ पकडून चोपलं

Manoj Jarange Patil: मनोज जरांगे पाटील मुंबईकडे रवाना, पण पोलिसांकडून आंदोलनाला परवानगी मिळण्याची शक्यता कमीच, नेमकं कारण काय?

सुरज सावंत — Tue, 15 Sep 2026 11:57:40 +0530

Manoj Jarange Patil: मराठा आरक्षणाच्या (Maratha Reservation) मागणीसाठी आंदोलन करणारे मनोज जरांगे पाटील (Manoj Jarange Patil) आज, 15 सप्टेंबर रोजी मुंबईच्या दिशेने रवाना झाले आहेत. त्यांच्या उपोषणाचा आज 18 वा दिवस असून, मोजक्या समर्थकांसह अंतरवाली सराटी (Antarwali Sarati) येथून मुंबईकडे त्यांनी कूच केले आहे. मात्र, मुंबईत आंदोलन करण्यासाठी पोलिसांची परवानगी मिळण्याचा मार्ग अद्याप मोकळा झालेला नाही. मुंबई पोलिसांनी यापूर्वी आंदोलनाची परवानगी नाकारली असून, रविवारी परवानगी नाकारल्यानंतर जरांगे पाटील यांच्या वतीने तिसऱ्यांदा अर्ज दाखल करण्यात आला आहे. दरम्यान, गणेशोत्सवाच्या पार्श्वभूमीवर आंदोलनाला परवानगी मिळण्याची शक्यता कमी असल्याची माहिती सूत्रांकडून मिळत आहे.

मनोज जरांगे पाटील यांच्या मुंबई आंदोलनाच्या पार्श्वभूमीवर सध्या परवानगीचा मुद्दा महत्त्वाचा ठरला आहे. गणेशोत्सवाच्या काळात मुंबईत मोठ्या प्रमाणावर सार्वजनिक उत्सव, गणेशमूर्तींच्या मिरवणुका आणि विविध धार्मिक कार्यक्रमांचे आयोजन केले जाते. या काळात शहरातील रस्त्यांवर मोठी गर्दी होत असल्याने वाहतूक व्यवस्था आणि कायदा व सुव्यवस्था राखण्याचे आव्हान पोलिसांसमोर असते.

Manoj Jarange Patil: आंदोलनाला परवानगी मिळण्याची शक्यता कमीच

गणेशोत्सवाच्या निमित्ताने कोणत्याही आंदोलनाला परवानगी न देण्याची भूमिका पोलिसांकडून घेतली जात असल्याचे सांगण्यात येत आहे. या काळात आंदोलनाला परवानगी दिल्यास अतिरिक्त गर्दी निर्माण होऊन कायदा व सुव्यवस्थेचा प्रश्न उद्भवू शकतो, अशी शक्यता व्यक्त केली जात आहे. त्यातच गणेशोत्सवाच्या बंदोबस्तासाठी मोठ्या प्रमाणावर पोलीस मनुष्यबळ तैनात करावे लागते. त्यामुळे आंदोलनासाठी स्वतंत्र बंदोबस्त देताना पोलिसांवर अतिरिक्त ताण पडण्याची शक्यता आहे. याच कारणामुळे मनोज जरांगे पाटील यांच्या मुंबई आंदोलनाला परवानगी मिळण्याची शक्यता कमी असल्याची माहिती सूत्रांकडून मिळत आहे. मात्र, पोलिसांकडून अंतिम निर्णय काय घेतला जाणार, हे अद्याप स्पष्ट झालेले नाही. गणेशोत्सव संपल्यानंतर आंदोलनांना परवानगी देण्याबाबत विचार केला जाऊ शकतो, अशी माहितीही सूत्रांकडून देण्यात आली आहे.

Manoj Jarange Patil: जरांगे पाटलांकडून मुंबई पोलिसांना तिसऱ्यांदा अर्ज

दरम्यान, मुंबईतील आंदोलनासाठी मनोज जरांगे पाटील यांच्या वतीने मुंबई पोलिसांकडे पुन्हा अर्ज दाखल करण्यात आला आहे. यापूर्वी दोन वेळा परवानगी नाकारण्यात आल्यानंतर आता तिसऱ्यांदा अर्ज करण्यात आला आहे. या अर्जामध्ये 50 जणांना आंदोलन करण्याची परवानगी देण्यात यावी, अशी मागणी करण्यात आली आहे. नव्या अर्जात आंदोलनासाठी घालण्यात येणाऱ्या सर्व नियम आणि अटींचे पालन केले जाईल, असे नमूद करण्यात आले आहे. तसेच, 18 सप्टेंबर रोजी ठरवून दिलेल्या वेळेतच आंदोलन करण्यात येईल, असेही पत्रात स्पष्ट करण्यात आल्याची माहिती आहे. त्यामुळे मराठा आरक्षणाच्या मागणीसाठी मुंबईत आंदोलन करण्यावर जरांगे पाटील ठाम असल्याचे दिसून येत आहे.

Manoj Jarange Patil: परवानगी न मिळाल्यास न्यायालयाचा दरवाजा ठोठावणार?

मुंबई पोलिसांकडून आज दुपारपर्यंत आंदोलनाला परवानगी मिळाली नाही, तर मनोज जरांगे पाटील यांच्या वतीने न्यायालयात अर्ज दाखल केला जाण्याची शक्यता असल्याची माहिती समोर आली आहे. त्यामुळे आंदोलनाची परवानगी मिळवण्यासाठी आता कायदेशीर मार्गाचा अवलंब केला जाणार का, याकडे सर्वांचे लक्ष लागले आहे.

आणखी वाचा

Manoj Jarange Patil Mumbai Morcha: मनोज जरांगेंच्या सुरक्षेत वाढ; अंतरवाली सराटी ते मुंबईपर्यंत विशेष सुरक्षा , एक अधिकारी अन् कर्मचारी आजपासून असणार सोबत

Manoj Jarange Patil Mumbai Morcha: मनोज जरांगेंच्या सुरक्षेत वाढ; अंतरवाली सराटी ते मुंबईपर्यंत विशेष सुरक्षा , एक अधिकारी अन् कर्मचारी आजपासून असणार सोबत

रवी मुंडे, एबीपी माझा — Tue, 15 Sep 2026 10:23:25 +0530

जालना: मराठा आंदोलक मनोज जरांगे यांच्या सुरक्षेत वाढ करण्यात आली आहे, मनोज जरांगे यांना विशेष सुरक्षा देण्यात आली आहे.
मनोज जरांगे यांना मुंबई दौऱ्यासाठी SPU सुरक्षा देण्यात आली आहे. SPU अर्थात (Special Protection Unit) ज्यात एक पोलिस अधिकारी आणि एक पोलीस कॉन्स्टेबल सतत मनोज जरांगे पाटील यांच्यासोबत असणार आहे. अंतरवाली सराटी ते मुंबईपर्यंत मनोज जरांगे यांना ही विशेष सुरक्षा असणार आहे. सुरक्षेसाठी विशेष सुरक्षा विभागाचे एक अधिकारी आजपासून आणि एक कर्मचारी तैनात करण्यात आले आहेत. मराठा आंदोलक मनोज जरांगे 11 वाजता अंतरवाली सराटीतून मुंबईच्या दिशेने रवाना होणार आहेत.

Manoj Jarange Patil Mumbai Morcha: जरांगे आज मुंबईसाठी होणार रवाना

मनोज जरांगे पाटील (Manoj Jarange Patil) उपोषणाचा आजचा 18 वा दिवस आहे. मनोज जरांगे आज (15 सप्टेंबर) सकाळी 11 वाजता मोजक्या समर्थकांसह अंतरवाली सराटीतून मुंबईच्या दिशेने रवाना (Manoj Jarange Patil Mumbai Morcha) होणार आहेत. मनोज जरांगेंच्या मुंबईतील आंदोलनाला मुंबई पोलिसांनी पुन्हा परवानगी नाकारली असून रविवारी परवानगी नाकारण्यात आल्यानंतर मनोज जरांगेंच्यावतीनं तिसऱ्यांदा अर्ज दाखल करण्यात आला आहे.

Manoj Jarange Patil Mumbai Morcha: मनोज जरांगे यांचा मुंबई पोलिसांना पुन्हा अर्ज

मनोज जरांगे यांचा मुंबई पोलिसांना पुन्हा अर्ज केला आहे. 50 लोकांना आंदोलन करण्याची परवानगी द्यावी अशी मागणी या तिसऱ्या अर्जातून जरांगेंनी केली आहे. आम्ही सगळ्या नियम आणि अटी पाळू, १८ तारखेला दिलेल्या वेळेत आम्ही आंदोलन करू असंही नव्या पत्रात नमूद करण्यात आलं आहे. जर आज दुपार पर्यंत परवानगी दिली नाही तर मनोज जरांगे दुपारी कोर्टात अर्ज दाखल करणार असल्याची माहिती देखील समोर आली आहे.

Manoj Jarange Patil Mumbai Morcha: मुंबई पोलिसांनी जरांगेंच्या आंदोलनाला परवानगी का नाकारली?

गेल्या वर्षीचा अनुभव : गेल्या वर्षी आंदोलनादरम्यान दक्षिण मुंबईत सुमारे 5,000 वाहने अनधिकृतपणे उभी राहिल्याने संपूर्ण वाहतूक विस्कळीत झाली होती आणि कायदा-सुव्यवस्थेचे प्रश्न निर्माण झाले होते.

गणेशोत्सवाचा काळ : 14 सप्टेंबरपासून मुंबईत मोठ्या उत्साहात गणेशोत्सव सुरू आहे. या काळात मुंबईत भाविकांची प्रचंड गर्दी असते, त्यामुळे सुरक्षेच्या दृष्टीने मुंबई अतिशय संवेदनशील मानली जाते.

आझाद मैदानावरील जागेची मर्यादा : आझाद मैदानातील 7,000 चौरस मीटर जागेत नियम 2025 नुसार कमाल 5,000 आंदोलकच समावू शकतात. मात्र जरांगेंनी लाखोंच्या संख्येने येण्याचे आवाहन केले आहे.

वाहतूक आणि रुग्ण सेवा : लाखो आंदोलक मुंबईत आल्यास दक्षिण मुंबईतील महत्त्वाची रुग्णालये (जी.टी., कामा, सेंट जॉर्ज, बॉम्बे हॉस्पिटल), न्यायालये आणि आर्थिक केंद्रांच्या कामकाजावर गंभीर परिणाम होण्याची शक्यता आहे.

Manoj Jarange Patil Mumbai Morcha: मनोज जरांगेंचा मुंबई पोलिसांना पुन्हा अर्ज; आता 50 लोकांना आंदोलन करण्याची मागितली परवानगी, आज दुपारपर्यंत परवानगी दिली नाही तर....

डॉ. कृष्णा केंडे — Tue, 15 Sep 2026 09:05:46 +0530

मुंबई : मराठा आंदोलनकर्ते मनोज जरांगे पाटील (Manoj Jarange Patil) उपोषणाचा आजचा 18 वा दिवस आहे. मनोज जरांगे आज (15 सप्टेंबर) सकाळी 11 वाजण्याच्या सुमारास आपल्या काही मोजक्या समर्थकांसह अंतरवाली सराटीतून मुंबईच्या दिशेने रवाना (Manoj Jarange Patil Mumbai Morcha) होणार आहेत. मनोज जरांगेंच्या मुंबईतील आंदोलनाला मुंबई पोलिसांनी पुन्हा परवानगी नाकारली असून रविवारी परवानागी नाकारण्यात आल्यानंतर मनोज जरांगेंच्यावतीनं तिसऱ्यांदा अर्ज दाखल करण्यात आला आहे. मनोज जरांगे यांनी मुंबई पोलिसांकडे पुन्हा अर्ज केला आहे. 50 लोकांना आंदोलन करण्याची परवानगी द्यावी अशी मागणी मनोज जरांगेंच्या अर्जात केली आहे. आम्ही सगळ्या नियम आणि अटी पाळू, 18 तारखेला दिलेल्या वेळेत आम्ही आंदोलन करू, असंही नव्या पत्रात नमूद करण्यात आलं आहे. जर आज दुपार पर्यंत परवानगी दिली नाही तर मनोज जरांगे दुपारी कोर्टात अर्ज दाखल करणार असल्याची माहिती समोर आली आहे. तर आज केलेल्या या अर्जावरती पोलिस जरांगेंना आंदोलनाला परवानगी देणार की नाही याकडे सर्वांचं लक्ष लागलं आहे.(Manoj Jarange Patil Mumbai Morcha)

Manoj Jarange Patil Mumbai Morcha: आझाद मैदानावर परवानगी मिळाली नाही तर ते उच्च न्यायालयात दाद मागणार

दरम्यान, मुंबई पोलिसांनी दुसऱ्यांदा परवानगी नाकारल्यानंतर मनोज जरांगे नेमके काय करणार याकडे सर्वाचं लक्ष लागलं आहे. मुंबई पोलिसांनी आझाद मैदानावर उपोषणाला परवानगी नाकारली असली तरी आपण एकट्याने उपोषणाला जाणार असल्याचं मनोज जरांगे यांनी जाहीर केलं होतं. आपल्यासोबत इतर कुणीही मुंबईला जाणार नसून एकट्याने उपोषण करणार असल्याचं त्यांनी म्हटलंय. मुंबई पोलिसांनी दुसऱ्यांदाही कायदेशीर आणि सुरक्षेची कारणे देत उपोषण नाकारल्यामुळे जरांगे पाटील आपल्या भूमिकेवर ठाम राहून आझाद मैदानावर परवानगी मिळाली नाही तर ते उच्च न्यायालयात (High Court) दाद मागणार आहेत. तर आज केलेल्या नव्या अर्जामध्ये त्यांनी 50 जणांना आंदोलन करण्याची परवानगी द्यावी अशी

Manoj Jarange Patil Mumbai Morcha: मुंबई पोलिसांनी आंदोलनाला परवानगी का नाकारली?

Manoj Jarange Patil Mumbai Morcha: मनोज जरांगे आज मुंबईच्या दिशेने रवाना होणार; आता देवेंद्र फडणवीसांचं मोठं विधान, नेमकं काय म्हणाले?

मुकेश चव्हाण — Tue, 15 Sep 2026 06:41:06 +0530

Manoj Jarange Patil Mumbai Morcha: मराठा आंदोलनकर्ते मनोज जरांगे पाटील (Manoj Jarange Patil) उपोषणाचा आजचा 18 वा दिवस आहे. मनोज जरांगे आज (15 सप्टेंबर) सकाळी 11 वाजता मोजक्या समर्थकांसह अंतरवाली सराटीतून मुंबईच्या दिशेने रवाना (Manoj Jarange Patil Mumbai Morcha) होणार आहेत. मनोज जरांगेंच्या मुंबईतील आंदोलनाला मुंबई पोलिसांनी पुन्हा परवानगी नाकारली असून रविवारी परवानागी नाकारण्यात आल्यानंतर मनोज जरांगेंच्यावतीनं तिसऱ्यांदा अर्ज दाखल करण्यात आला आहे.

आता 19 सप्टेंबरऐवजी 18 तारखेलाच परवानगी देण्याची मागणी अर्जात करण्यात आली आहे. तर मुंबईत एकटा येतो परवानगी देणार का? असा सवाल मनोज जरांगेंनी मुख्यमंत्री देवेंद्र फडणवीस (Manoj Jarange On Devendra Fadnavis) यांना विचारला. दरम्यान, प्रस्तावित आंदोलनाला परवानगी नाकारल्याने मनोज जरांगेंनी मोजक्या समर्थकांसह मुंबईला जाण्याचा निर्णय घेतला आहे. तर मनोज जरांगे मुंबईला रवाना होण्याआधी देवेंद्र फडणवीसांनी महत्वाचं विधान केलं आहे. जवळपास सर्वच मागण्या पूर्ण झाल्यात. संवैधानिक सर्व मागण्या मान्य होतील. कोर्टासंदर्भातल्या काही मागण्या आहेत. त्याचा अवलंबित्व झाल्याशिवाय मागण्या मान्य होऊ शकत नाही. राज्यघटनेत असलेले निर्णय मान्य होतील असं सांगितलं होतं आणि खुल्या मनाने आम्ही मान्य केल्या आहेत, असं देवेंद्र फडणवीस म्हणाले. तसेच गणेशभक्तांना असुविधा होणं योग्य नाही, नक्कीच या गोष्टींचा विचार व्हायला पाहिजे, असं देवेंद्र फडणवीसांनी सांगितले.

मनोज जरांगे एकटे उपोषणाला बसणार? (Manoj Jarange Patil Mumbai Protest)

दरम्यान, मुंबई पोलिसांनी दुसऱ्यांदा परवानगी नाकारल्यानंतर मनोज जरांगे नेमके काय करणार याकडे सर्वाचं लक्ष लागलं आहे. मुंबई पोलिसांनी आझाद मैदानावर उपोषणाला परवानगी नाकारली असली तरी आपण एकट्याने उपोषणाला जाणार असल्याचं मनोज जरांगे यांनी जाहीर केलं आहे. आपल्यासोबत इतर कुणीही मुंबईला जाणार नसून एकट्याने उपोषण करणार असल्याचं त्यांनी म्हटलंय. मुंबई पोलिसांनी दुसऱ्यांदाही कायदेशीर आणि सुरक्षेची कारणे देत उपोषण नाकारल्यामुळे जरांगे पाटील आपल्या भूमिकेवर ठाम राहून मुंबई गाठणार की उच्च न्यायालयात (High Court) दाद मागणार, हे पाहणे महत्त्वाचे ठरेल.

मुंबई पोलिसांनी जरांगेंच्या आंदोलनाला परवानगी का नाकारली?

गेल्या वर्षीचा अनुभव : गेल्या वर्षी आंदोलनादरम्यान दक्षिण मुंबईत सुमारे 5,000 वाहने अनधिकृतपणे उभी राहिल्याने संपूर्ण वाहतूक विस्कळीत झाली होती आणि कायदा-सुव्यवस्थेचे प्रश्न निर्माण झाले होते.

गणेशोत्सवाचा काळ : 14 सप्टेंबरपासून मुंबईत मोठ्या उत्साहात गणेशोत्सव सुरू आहे. या काळात मुंबईत भाविकांची प्रचंड गर्दी असते, त्यामुळे सुरक्षेच्या दृष्टीने मुंबई अतिशय संवेदनशील मानली जाते.

आझाद मैदानावरील जागेची मर्यादा : आझाद मैदानातील 7,000 चौरस मीटर जागेत नियम 2025 नुसार कमाल 5,000 आंदोलकच समावू शकतात. मात्र जरांगेंनी लाखोंच्या संख्येने येण्याचे आवाहन केले आहे.

वाहतूक आणि रुग्ण सेवा : लाखो आंदोलक मुंबईत आल्यास दक्षिण मुंबईतील महत्त्वाची रुग्णालये (जी.टी., कामा, सेंट जॉर्ज, बॉम्बे हॉस्पिटल), न्यायालये आणि आर्थिक केंद्रांच्या कामकाजावर गंभीर परिणाम होण्याची शक्यता आहे.

राज्यासह देश-विदेशातील महत्वाच्या घडामोडी, VIDEO:

जरांगे पाटलांनी जरा धीरानं घ्यावं, 14 मागण्या मान्य झाल्यात, OBC समाजावर अन्याय होऊ नये ही भूमिका योग्यच : रामदास कदम

स्वप्नील घाग — Mon, 14 Sep 2026 16:57:52 +0530

Ramdas Kadam on Manoj Jarange Patil : मराठा आरक्षणाच्या मुद्यावरुन राज्यातील वातावरण चांगलच तापल्याचं चित्र पाहायला मिळत आहे. मराठा आंदोलक मनोज जरांगे पाटील (Manoj Jarange Patil) यांनी 29 ऑगस्टपासून अंतरवाली सराटीत उपोषण सुरु केले आहे. आज त्यांच्या उपोषणाचा 17 वा दिवस आहे. अशातच येत्या 19 सप्टेंबरपासून मुंबईतील आझाद मैदानावर उपोषण सुरु करणार असल्याची घोषणा जरांगे पाटील यांनी केली. दरम्यान, याच मुद्यावर शिवसेना शिंदे गटाचे ज्येष्ठ नेते आणि माजी मंत्री रामदास कदम (Ramdas Kadam) यांनी प्रतिक्रिया दिली आहे.

नेमकं काय म्हणाले रामदास कदम?

सध्या उत्सव सुरु आहेत. जरांगे पाटील यांनी जरा धीराने घ्यावं असे मत रामदास कदम यांनी व्यक्त केले. तुमच्या 14 मागण्या मान्य झाल्या आहेत. इतर दोन मागण्यांच्या बाबतीत सरकार प्रयत्नशील आहे, त्यामुळे जरांगे पाटील यांनी जरा दमानं घ्यावं असे कदम म्हणाले. सणासुदीच्या दिवसात जरांगे पाटील यांनी जरा सबुरीने घ्यावं. मराठा समाजाला न्याय देत असताना ओबीसी समाजावर अन्याय होऊ नये ही शासनाची भूमिका देखील योग्य असल्याचे रामदास कदम म्हणाले. दरम्यान, मनोज जरांगे पाटील यांनी मुंबईकडे कूच करण्याचा निर्णय घेतलाय. मात्र, मुंबई पोलिसांनी त्यांच्या आंदोलनाला परवानगी नाकारल्याने जरांगे पाटील मुंबईत जातात की नाही याचीच उत्सुकता सर्वांना आहे. त्याच पार्श्वभूमीवर सरकारनेही त्यांना उपोषण मागे घेण्याची विनंती केलीय. मात्र, जरांगे पाटील आपल्या उपोषणावर ठाम आहेत.

मुंबई गोवा महामार्गाच्या कामासाठी मी तत्कालीन बांधकाम मंत्री रवींद्र चव्हाणांशी वाईटपणा घेतला

मुंबई गोवा महामार्गाच्या कामाबाबत मला अतिशय वेदना आणि दुःख होत आहे असे म्हणत मुंबई गोवा महामार्गाच्या रखडलेल्या कामाबद्दल रामदास कदम यांनी नाराजी व्यक्त केली. मुंबई गोवा महामार्गाच्या कामासाठी मी तत्कालीन बांधकाम मंत्री रवींद्र चव्हाण यांच्याशी वाईटपणा घेतल्याचे कदम म्हणाले. मुंबई गोवा महामार्गाचे काम पूर्ण होण्यासाठी रामदास कादम यांनी गणपती बाप्पाकडे साकडे घातले. बाप्पा पुढच्या वर्षी येशील तेव्हा हा महामार्ग पूर्ण होऊद्या असे रामदास कदम म्हणाले. रखडलेला महामार्ग हा कोणालाही शोभा देणारा नाही. नितीन गडकरी यांनी याबाबत लक्ष देऊन काम पूर्ण करून घ्यावे असे मत रामदास कदम यांनी व्यक्त केले. दरम्यान, अमित शाह यांच्या हिंदी भाषेच्या मुद्द्यावरुन रामदास कदम यांनी प्रतिक्रिया टाळली. त्यांचा उद्देश काय होता ते पाहून नंतर मी बोलेन असे कदम म्हणाले.

जरांगे पाटलांनी जरा धीरानं घ्यावं, 14 मागण्या मान्य झाल्यात, OBC समाजावर अन्याय होऊ नये ही भूमिका योग्यच : रामदास कदम

Manoj Jarange Patil : बीडमध्ये रात्री 2 वाजता मनोज जरांगेंच्या सभेसाठी जमली गर्दी

Manoj Jarange Patil : माझा समाज कोणतेही सरकार पाडू शकतो. दुसरे सरकार आणू शकतो.

स्वतःच्या सहीचे मागण्यांचे सविस्तर निवेदन कुठे आहे?

Manoj Jarange Protest: मुंबईत गेल्यावर सरकार जबाबदार.....

Manoj Jarange Protest: त्यांच्या जीवाला जर काही झालं ना, तर....

Manoj Jarange Protest: मराठ्यांना एकदा सांगून टाका की आम्ही देणार नाही.....

Manoj Jarange Patil Mumbai Morcha: मनोज जरांगेंची मुंबईकडे कूच; अंतरवाली सराटीमधील उपोषणाची जागा सोडली, गाडीत बसताच रडले आणि म्हणाले...

Manoj Jarange Patil Mumbai Morcha: ‘न्यायदेवतेवर विश्वास ठेवायचा आणि तीच परवानगी समजायची’

Manoj Jarange Patil Mumbai Morcha: मनोज जरांगेंना अश्रू अनावर

Manoj Jarange Patil Mumbai Morcha: जरांगे पाटलांकडून मुंबई पोलिसांना तिसऱ्यांदा अर्ज

Manoj Jarange Patil: आंदोलनाला परवानगी मिळण्याची शक्यता कमीच

Manoj Jarange Patil: जरांगे पाटलांकडून मुंबई पोलिसांना तिसऱ्यांदा अर्ज

Manoj Jarange Patil: परवानगी न मिळाल्यास न्यायालयाचा दरवाजा ठोठावणार?

Manoj Jarange Patil Mumbai Morcha: जरांगे आज मुंबईसाठी होणार रवाना

Manoj Jarange Patil Mumbai Morcha: मनोज जरांगे यांचा मुंबई पोलिसांना पुन्हा अर्ज

Manoj Jarange Patil Mumbai Morcha: मुंबई पोलिसांनी जरांगेंच्या आंदोलनाला परवानगी का नाकारली?

Manoj Jarange Patil Mumbai Morcha: आझाद मैदानावर परवानगी मिळाली नाही तर ते उच्च न्यायालयात दाद मागणार

Manoj Jarange Patil Mumbai Morcha: मुंबई पोलिसांनी आंदोलनाला परवानगी का नाकारली?

Manoj Jarange Patil Mumbai Morcha: मनोज जरांगे आज मुंबईच्या दिशेने रवाना होणार; आता देवेंद्र फडणवीसांचं मोठं विधान, नेमकं काय म्हणाले?

मनोज जरांगे एकटे उपोषणाला बसणार? (Manoj Jarange Patil Mumbai Protest)

मुंबई पोलिसांनी जरांगेंच्या आंदोलनाला परवानगी का नाकारली?

राज्यासह देश-विदेशातील महत्वाच्या घडामोडी, VIDEO:

संबंधित बातमी:

जरांगे पाटलांनी जरा धीरानं घ्यावं, 14 मागण्या मान्य झाल्यात, OBC समाजावर अन्याय होऊ नये ही भूमिका योग्यच : रामदास कदम

नेमकं काय म्हणाले रामदास कदम?

मुंबई गोवा महामार्गाच्या कामासाठी मी तत्कालीन बांधकाम मंत्री रवींद्र चव्हाणांशी वाईटपणा घेतला