उधमसिंह नगर जिल्ह्यात हल्दीरोड रेल्वे स्टेशनजवळ, काठगोदामच्या दिशेने जाणाऱ्या रानीखेत एक्स्प्रेसने रेल्वे रुळावर असलेल्या हत्तीच्या पिल्लांना धडक दिली.
हत्तीची पिल्लं त्यांच्या कळपातून भरकटली होती आणि रेल्वे रुळ ओलांडताना ती ट्रेन खाली आली. दोन्ही पिल्लं मादी आहेत.
दरम्यान, हत्तींसाठी संरक्षित वनक्षेत्रात ही घटना घडल्याने वनविभागमध्ये एकच हलकल्लोळ निर्माण झाला आहे.
उन्हाळ्यात अन्न आणि पाण्याच्या शोधात हत्ती जंगल सोडून मानवी वस्तीत येतात. अशाचप्रकारे हत्तीची पिल्लंही अन्न-पाण्याच्या शोधात इथे आली असावीत. त्याचवेळी ती ट्रेनखाली आली, असा अंदाज वनविभागाच्या अधिकाऱ्यांनी वर्तवला आहे.