Crime News: बेडरूममध्ये पती लटकलेल्या अवस्थेत, पत्नी अन् 3 मुलांचे मृतदेह बेडवर पडलेले, एकाच घरातील 5 मृत्यू मागील गूढ काय?
Crime News: उत्तर प्रदेशातील श्रावस्ती जिल्ह्यात एकाच कुटुंबातील पाच जणांच्या मृत्यूमुळे खळबळ उडाली आहे. पती बेडरूममध्ये लटकलेल्या अवस्थेत आढळला, तर पत्नी आणि तीन मुलांचे मृतदेह बेडवरती आढळले. पोलीस घटनास्थळी पोहोचले असून तपास करत आहेत. या घटनेमुळे परिसरात खळबळ उडाली आहे.
Crime News: उत्तर प्रदेशातील श्रावस्ती जिल्ह्यातून एक खळबळजनक घटना समोर आली आहे, एकाच कुटुंबातील सहा जणांचा संशयास्पद परिस्थितीत मृत्यू (five family members Dead) झाला आहे. पतीचा मृतदेह बेडरूममध्ये फासावर लटकलेल्या अवस्थेत आढळला, तर पत्नी आणि तीन मुलांचे मृतदेह खाटेवर (five family members Dead) पडलेले आढळले. माहिती मिळताच, पोलिस अधीक्षक, फॉरेन्सिक टीम आणि प्रशासकीय अधिकाऱ्यांसह मोठा पोलिस दल घटनास्थळी दाखल झाले. पोलिसांनी खोलीची कसून तपासणी केली आणि पुरावे गोळा करण्यास सुरुवात केली. अधिकाऱ्यांचे म्हणणे आहे की मृत्यूचे कारण अद्याप स्पष्ट झालेले नाही आणि शवविच्छेदन अहवाल आल्यानंतरच परिस्थिती स्पष्ट होईल.(five family members Dead)
कैलाशपूर बनकट ग्रामपंचायतीचा भाग असलेल्या लियाकत पूर्वा गावात आज शुक्रवारी सकाळी पती, पत्नी आणि तीन मुलांचा संशयास्पद परिस्थितीत मृत्यू झाला. लियाकत पूर्वा येथील रहिवासी शमसुल हक यांचा मुलगा रोज अली (३२) याचा मृतदेह बंद खोलीत फासावर लटकलेल्या अवस्थेत आढळला. त्यांची पत्नी शहनाज (३०), मुली तबस्सुम (६), गुलनाज (४) आणि मुलगा मुईन अली (१.५ वर्ष) यांचे मृतदेह घरात एका बेडवरती पडलेले आढळले. पोलिस या प्रकरणाचा तपास करत आहेत.(five family members Dead)
Crime News: तो दीड वर्षानंतर कुटुंबासह मुंबईहून घरी परतलेला
श्रावस्ती लियाकत पूर्वा येथील रहिवासी रोज अली गेल्या दीड वर्षांपासून मुंबईत मजूर म्हणून काम करत होता. कार्तिक पौर्णिमेच्या मेळ्यासाठी तो घरी परतला. त्याला आणखी सहा भाऊ आहेत, त्यापैकी एक भाऊ त्याच्या कुटुंबासह मुंबईत मजूर म्हणून काम करतो. उर्वरित पाच भाऊ अजूनही लहान आहेत आणि त्यांच्या आईसोबत घरी राहतात. कुटुंबातील सदस्यांनी सांगितले की, गुरुवारी संध्याकाळी पती-पत्नीत वाद झाला. पण वाद इतकही मोठा झालेला न्हवता. शुक्रवारी सकाळी बराच वेळ दार उघडले नाही तेव्हा आई जैतुना यांनी दार ठोठावले. तरीही कोणतीही हालचाल झाली नाही. तिने गावकऱ्यांना बोलावले. गावकऱ्यांनी दरवाजा तोडला तेव्हा रोज अली छताच्या पंख्याला लटकलेल्या अवस्थेत आढळला, तर त्याची पत्नी आणि मुलांचे मृतदेह बेडवर पडलेले आढळले. असा अंदाज लावला जात आहे की, रोझ अली याने काही कारणास्तव त्याच्या पत्नी आणि मुलांना विष देऊन नंतर स्वतःला गळफास लावला. एकाच कुटुंबातील पाच जणांच्या मृत्यूनंतर संपूर्ण परिसरात खळबळ उडाली.
मृत व्यक्तीची खोली आतून बंद होती, त्यामुळे घटनेची परिस्थिती अधिकच संशयास्पद बनली आहे. कुटुंबातील सदस्य आणि ग्रामस्थांनी दरवाजा तोडून आत प्रवेश केला, तेव्हा त्यांना कुटुंबातील सर्व सदस्यांचे मृतदेह बेडवर पडलेले आढळले.
Crime News: फॉरेन्सिक टीमने घटनास्थळावरून पुरावे गोळा केले
घटनेची माहिती मिळताच पोलिस अधीक्षक राहुल भाटी आणि एएसपी मुकेश चंद्र उत्तम यांनीही घटनास्थळी पोहोचून घटनास्थळाची पाहणी केली. पोलिस या प्रकरणाची सखोल चौकशी करत आहेत. अधिकाऱ्यांचे म्हणणे आहे की मृत्यूचे कारण अद्याप स्पष्ट झालेले नाही आणि शवविच्छेदन अहवाल आल्यानंतरच परिस्थिती स्पष्ट होईल.
महत्त्वाच्या बातम्या
