Turkey India Relations : ज्या देशाने पाकिस्तानला साथ दिली, 'ऑपरेशन सिंदूर'वेळी भारताविरोधात ड्रोन पुरवले, त्या देशाचा भारतासाठी नवा प्लॅन तयार

Turkey India Diplomatic Relations: काश्मीर मुद्द्यावरून पाकिस्तानला सातत्याने साथ देणाऱ्या तुर्कीचे परराष्ट्र मंत्री हाकन फिदान यांनी भारताबाबत मोठं वक्तव्य केलं आहे.

Turkey India Diplomatic Relations

Source : abp majha

Turkey India SCO News : भारताशी नेहमीच पंगा घेणारा आणि काश्मीर मुद्द्यावरून पाकिस्तानची उघड साथ देणारा तुर्की आता अचानक भारताशी संबंध सुधारण्यासाठी उत्सुक दिसत आहे. तुर्की आता 'शांघाय सहकार्य संघटनेचे' (SCO) पूर्णवेळ सदस्य बनण्याच्या तयारीत असून, तसे झाल्यास या गटात समाविष्ट होणारा तो पहिला नाटो (NATO) देश ठरेल.

या पार्श्वभूमीवर तुर्कीचे परराष्ट्र मंत्री हाकन फिदान यांनी भारताशी संबंध मजबूत करण्यावर भर दिला आहे. "भारतासोबत आमची कोणतीही सीमा किंवा थेट द्विपक्षीय वाद नाहीत, त्यामुळे दोन्ही देशांनी सकारात्मक अजेंड्यासह पुढे जायला हवे," असे वक्तव्य फिदान यांनी केले आहे.

Turkey Hakan Fidan On India : पाकिस्तानसोबत मैत्री असली तरी भारताशी वैर नाही

तुर्कीच्या परराष्ट्र मंत्र्यांनी आपल्या निवेदनात म्हटले आहे की, "रशिया, अमेरिका किंवा युरोपीय देशांशी आमचे काही मुद्द्यांवर मतभेद आहेत, पण आम्ही नकारात्मक बाबी बाजूला ठेवून काम करतो. भारत आणि तुर्कीनेही हेच करायला हवे, कारण आपल्यात सहकार्यासाठी खूप मोठी संधी आहे."

पाकिस्तानशी असलेल्या संबंधांवर बोलताना फिदान म्हणाले, "तुर्कीचे केवळ पाकिस्तानशी चांगले संबंध आहेत असे नाही, तर त्यामध्ये इतरही अनेक देश आहेत. द्विपक्षीय पातळीवर भारताशी आमची कोणतीही समस्या नाही आणि भारताने याकडे वेगळ्या दृष्टिकोनातून पाहू नये."

Turkey India Trade : आर्थिक टंचाई आणि भारतीय पर्यटकांचा आधार

तुर्कीला सध्या भारतातील व्यापार आणि गुंतवणुकीत मोठा रस आहे. तुर्कीच्या अर्थव्यवस्थेत भारतीय पर्यटकांचे योगदान खूप मोठे आहे. तुर्की भारताला मार्बल, मशिनरी आणि कृषी उत्पादने निर्यात करतो, तर भारत तुर्कीला केमिकल्स, ऑटोमोबाईल्स आणि यंत्रसामग्री पाठवतो. आर्थिक संकटातून बाहेर पडण्यासाठी आणि व्यापाराला गती देण्यासाठी तुर्कीला भारताची मोठी साथ हवी आहे.

Turkey Pakistan Kashmir Policy : काश्मीर मुद्दा अन् पाकिस्तानला दिलेली साथ

पहलगाम दहशतवादी हल्ल्यानंतर भारताने केलेल्या लष्करी कारवाईला तुर्कीने विरोध केला होता. इतकेच नाही तर तुर्कीत तयार झालेले ड्रोन पाकिस्तानने भारताच्या विरोधात वापरले होते. तुर्कीचे अध्यक्ष रेसेप तय्यिप एर्दोगन यांनी सातत्याने संयुक्त राष्ट्रात (UN) काश्मीर मुद्द्यावर पाकिस्तानची तळी उचलून धरली होती. या कारणांमुळे दोन्ही देशांमधील राजनैतिक संबंध कमालीचे ताणले गेले होते.

India Turkey Extradition Talk : चार वर्षांनंतर परराष्ट्र स्तरावर संवाद सुरू

दीर्घकाळ राहिलेल्या तणावानंतर एप्रिल 2026 मध्ये भारत आणि तुर्की दरम्यान चार वर्षांच्या प्रदीर्घ विश्रांतीनंतर पुन्हा एकदा परराष्ट्र कार्यालय स्तरावर (Foreign Office Consultation) चर्चा सुरू झाली आहे. अलीकडेच कुख्यात ड्रग्ज तस्कर सलीम डोला याच्या प्रत्यर्पणात तुर्कीने भारताला मोठी मदत केली होती. सध्या दोन्ही देशांमध्ये इतरही गुन्हेगारांच्या प्रत्यर्पणाबाबत सकारात्मक चर्चा सुरू आहे.

ही बातमी वाचा: